Yokaana 5
5
OYesu akutamba omulwaire oku kidiba
1Niwaayakairewo ekiseera, oYesu nʼayaba e Yerusaalemu oku bugenyi bwʼaBayudaaya. 2Omu Yerusaalemu ampi nʼomulyango ogwetebwa Ogwa Ntaama waaliwo e kidiba omu Lwebbulaniya ekyetebwa Bbesisaida ekyali kyeruguliirwe obusiika butaanu. 3Ani waakumbaanirangawo abantu abaaliku obulemu nkʼabaigali bʼamaiso, abalema nʼabasaraire nibakulindiirya amaizi okucambaituka. 4Waaliwo omalaika wa Mukama niyasirimukanga omu kidiba ekyo, nʼacambaitula amaizi. Omulwaire yeena yeena eyeekeeranga okugwamu amaizi nigacambaitukire niye yatambwanga obulwaire obweyakabbanga nabwo.#5:4 Ebitabo ebimwei tibirina lunyiriri luni.
5Awo waaliwo omusaiza ondema eyaali namaarewo emyaka asatu na munaanai. 6OYesu niyamuboine nagalamiriire era niyeetejerye nti yaali omu mbeera gini okumala emyaka gingi, nʼamubuulya ati, “Okwendya okutambwa?”
7Omusaiza ondema nʼamwiramu ati, “Mukama wange, ndoowo muntu wa kunnaga omu kidiba amaizi nigacambaitukire. Nimba nkugezaku okugwamu, omuntu owondi nanyekeerayo.”
8OYesu nʼamukoba ati, “Imuka, kwata ekisambaganyi kyamu otambule oyabe.” 9Amangu ago omusaiza nʼatambwa; nʼakwata ekisambaganyi kyamwe nʼatambula nʼayaba.
Ekiro ekyo webyabbeereirewo kyali kya Sabbiiti. 10Abeebemberi bʼaBayudaaya ni bakoba omusaiza eyaali atambirwe bati, “Ekiro kyaleero kya Sabbiiti; amateeka gʼaBayudaaya tigakwikiriza kwetiika kisambaganyi kyamu.”
11Baitu ye nʼabairamu ati, “Omusaiza eyantambire niye yankobere ati, ‘Kwata ekisambaganyi kyamu otambule oyabe.’”
12Bote nikwo okumubuulya bati, “Naanimbe oyo eyakukobere nti, kwata ekisambaganyi kyamu otambule oyabe?” 13Omusaiza eyatambirwe ndoowo kyeyaali amaite okwoyo eyamutambire, kubba oYesu niyakamaare okumutamba nʼayaba.
14Oluzwanyuma oYesu nʼamwaja omwiramyo nʼamukoba ati, “Oboine, ati oli mwomi. Toirangayo ku kola kibbi, ekintu ekikusinga obubbi kireke okukubbaaku.”
15Omusaiza nʼayaba nʼakobera abeebemberi bʼaBayudaaya nti oYesu niye yamutambire.
Obwomi obuli omu Yesu
16Olwʼekyo, abeebemberi bʼaBayudaaya ni batandika okwasayasania oYesu olwa kutambira oku kiro kya Sabbiiti. 17OYesu nʼabakoba ati, “OIte wange okwikya ati akukola, njeena nteekwa okukola.”
18Olwʼekyo abeebemberi bʼaBayudaaya ni beeyongera okusala amagezi okumwita; ti lwakubba nti yaali takwenda mateeka ga Sabbiiti kyonkai, baitu yaali akweta oKanca oIte waamwe, ni yeefoola akwenkanankana nʼoKanca.
Endigiro ya buyinza bwa Mwana
19Awo oYesu nʼabairamu ati, “Kambakobere amananu, oMwana ndoowo kintu kyasobola kukola oku bwamwe yenkai, akola ebyo byonkai byabona oIte waamwe nakukola, kubba oIte wa Mwana buli byakola nʼoMwana nibyo akola. 20Kubba oIte wa mwana ayendya oMwana era amulanga buli kyakola. Era alimulanga nʼebikukira okwebyo byemuboine, leke mwewuunye. 21NkʼoIte wa mwana nayimboola abafu nʼabaweerya obwomi, nʼoMwana yeena nimwo aweerya atyo buli gwabba ayenderye okubuweerya. 22Ekindi, oIte wa mwana ndoowo muntu gwasaara musango, obulamuli yabuwaire Mwana, 23abantu boona boona leke baweeryenge oMwana ekitiinisya nka ni bakiweerya oIte waamwe. Omuntu ataweerya Mwana kitiinisya abba takiweerya Ite wa mwana eyatumire omwana.”
24OYesu ni yeeyongera okukoba ati, “Kambakobere amananu, buli muntu awura ebigambo byange nʼaikiriza oyo eyantumire alitunga obwomi obutawaawo nʼomusango tigulimusinga era abba azwire omu kufa, naikire omu bwomi. 25Kambakobere amananu, obwire bukwiza era bwikire abafu nibaliwura eiraka rya Mwana wa Kanca, abaliriwura balibba boomi. 26NkʼoIte wa Mwana ye omwenyenere nali endigiro ya bwomi, era nimwo yawaire atyo omwana okubba endigiro ya bwomi. 27Era oKanca yamuwaire obuyinza okulamula kubba niye Mwana wa Muntu.” 28OYesu ni yeeyongera okukoba ati, “Kini mutakyewuunya, kubba ebiro bikwiza abafu boona boona abali omu mbi nibaliwura eiraka ryamwe, 29ni bazwamu, abo abaakoore ebisai baliyimbooka ni babba boomi, baitu abo abaakoore ebibbi baliyimbookera okusingwa omusango. 30Nje omweneyere ndoowo kyensobola okukola; nje ndamula nka nimpura, era nʼokulamula kwange kwa bwenganiza, kubba tinkikola kwesemeerya baitu kusemeerya oyo eyantumire.”
Obujuurwa oku Yesu
31Nineweeryaku obujuurwa, obujuurwa bwange tibukakata. 32Waliwo owondi ampeeryaku obujuurwa, era mmaite ngʼobujuurwa bwampeeryaku bukakati. 33“Mwatumire abakwenda ewa Yokaana era niye aweerya obujuurwa obwʼamananu.” 34Tilwakubba nti nsigikira ku bujuurwa bwʼabantu; kini nkibazire leke mujunwe. 35OYokaana yaali taala eyaka nʼeweerya ekyengeezi, era mwasaarewo okunyumirwa ekyengeezi ekyo okumala akaseera obuseera.
36Baitu ndina obujuurwa obukunkwataku nibukusinga okwobwo oYokaana bwampeeryaku; omulumo oIte wange gweyampaire okumaliirya era gwenkukola, nigwo gulanga nti oIte wange niye yantumire. 37OIte wange eyantumire ye omwenyenere ampeeryaku obujuurwa. Nywe timuwurangaku iraka ryamwe gonze okumubonaku, 38nʼekigambo kyamwe timuli nakyo, kubba timwikiriza oyo gweyatumire.
39Musoma muno ebyawandiikiibwe nimukulowoonza nti omu byo mulitunga obwomi obutawaawo. Ebyawandiikiibwe ebyo bibaza ku ninje, 40baitu ni mugaana okwiza egyendi.
41Okuwaisibwa abantu ti nikyo nsigikiraku, 42kubba mbamaite. Mmaite timugira kwendya kwa Kanca omu mitima gyanywe. 43Naizire omwibara rya Ite wange, ni mutanyikiriza, baitu omuntu owondi niyaizira omwibara eryamwe oku bwamwe, nywe mukwiza kumwikiriza. 44Musobola mutyai okunyikiriza nga mwewaisya nywenkai na nywenkai, ni mutataayo mwoyo okutunga okuwaisya okuzwa ewa Kanca omwei yenkai.
45OYesu ni yeeyongera okukoba ati, “Mutalowooza nti ndibalumiirya omu maiso ga Ite wange. OMusa, nywe gwemusuubiriiramu niye alibalumiirya. 46Nimubba nga mwikiriza oMusa, njeena mwakunyikiriize, kubba yampandiikireku. 47Nimubba mutaikiriza byeyampandiikireku, musobola mutyai okwikiriza byenkukoba?”
നിലവിൽ തിരഞ്ഞെടുത്തിരിക്കുന്നു:
Yokaana 5: RUULI-NYALA
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yokaana 5
5
OYesu akutamba omulwaire oku kidiba
1Niwaayakairewo ekiseera, oYesu nʼayaba e Yerusaalemu oku bugenyi bwʼaBayudaaya. 2Omu Yerusaalemu ampi nʼomulyango ogwetebwa Ogwa Ntaama waaliwo e kidiba omu Lwebbulaniya ekyetebwa Bbesisaida ekyali kyeruguliirwe obusiika butaanu. 3Ani waakumbaanirangawo abantu abaaliku obulemu nkʼabaigali bʼamaiso, abalema nʼabasaraire nibakulindiirya amaizi okucambaituka. 4Waaliwo omalaika wa Mukama niyasirimukanga omu kidiba ekyo, nʼacambaitula amaizi. Omulwaire yeena yeena eyeekeeranga okugwamu amaizi nigacambaitukire niye yatambwanga obulwaire obweyakabbanga nabwo.#5:4 Ebitabo ebimwei tibirina lunyiriri luni.
5Awo waaliwo omusaiza ondema eyaali namaarewo emyaka asatu na munaanai. 6OYesu niyamuboine nagalamiriire era niyeetejerye nti yaali omu mbeera gini okumala emyaka gingi, nʼamubuulya ati, “Okwendya okutambwa?”
7Omusaiza ondema nʼamwiramu ati, “Mukama wange, ndoowo muntu wa kunnaga omu kidiba amaizi nigacambaitukire. Nimba nkugezaku okugwamu, omuntu owondi nanyekeerayo.”
8OYesu nʼamukoba ati, “Imuka, kwata ekisambaganyi kyamu otambule oyabe.” 9Amangu ago omusaiza nʼatambwa; nʼakwata ekisambaganyi kyamwe nʼatambula nʼayaba.
Ekiro ekyo webyabbeereirewo kyali kya Sabbiiti. 10Abeebemberi bʼaBayudaaya ni bakoba omusaiza eyaali atambirwe bati, “Ekiro kyaleero kya Sabbiiti; amateeka gʼaBayudaaya tigakwikiriza kwetiika kisambaganyi kyamu.”
11Baitu ye nʼabairamu ati, “Omusaiza eyantambire niye yankobere ati, ‘Kwata ekisambaganyi kyamu otambule oyabe.’”
12Bote nikwo okumubuulya bati, “Naanimbe oyo eyakukobere nti, kwata ekisambaganyi kyamu otambule oyabe?” 13Omusaiza eyatambirwe ndoowo kyeyaali amaite okwoyo eyamutambire, kubba oYesu niyakamaare okumutamba nʼayaba.
14Oluzwanyuma oYesu nʼamwaja omwiramyo nʼamukoba ati, “Oboine, ati oli mwomi. Toirangayo ku kola kibbi, ekintu ekikusinga obubbi kireke okukubbaaku.”
15Omusaiza nʼayaba nʼakobera abeebemberi bʼaBayudaaya nti oYesu niye yamutambire.
Obwomi obuli omu Yesu
16Olwʼekyo, abeebemberi bʼaBayudaaya ni batandika okwasayasania oYesu olwa kutambira oku kiro kya Sabbiiti. 17OYesu nʼabakoba ati, “OIte wange okwikya ati akukola, njeena nteekwa okukola.”
18Olwʼekyo abeebemberi bʼaBayudaaya ni beeyongera okusala amagezi okumwita; ti lwakubba nti yaali takwenda mateeka ga Sabbiiti kyonkai, baitu yaali akweta oKanca oIte waamwe, ni yeefoola akwenkanankana nʼoKanca.
Endigiro ya buyinza bwa Mwana
19Awo oYesu nʼabairamu ati, “Kambakobere amananu, oMwana ndoowo kintu kyasobola kukola oku bwamwe yenkai, akola ebyo byonkai byabona oIte waamwe nakukola, kubba oIte wa Mwana buli byakola nʼoMwana nibyo akola. 20Kubba oIte wa mwana ayendya oMwana era amulanga buli kyakola. Era alimulanga nʼebikukira okwebyo byemuboine, leke mwewuunye. 21NkʼoIte wa mwana nayimboola abafu nʼabaweerya obwomi, nʼoMwana yeena nimwo aweerya atyo buli gwabba ayenderye okubuweerya. 22Ekindi, oIte wa mwana ndoowo muntu gwasaara musango, obulamuli yabuwaire Mwana, 23abantu boona boona leke baweeryenge oMwana ekitiinisya nka ni bakiweerya oIte waamwe. Omuntu ataweerya Mwana kitiinisya abba takiweerya Ite wa mwana eyatumire omwana.”
24OYesu ni yeeyongera okukoba ati, “Kambakobere amananu, buli muntu awura ebigambo byange nʼaikiriza oyo eyantumire alitunga obwomi obutawaawo nʼomusango tigulimusinga era abba azwire omu kufa, naikire omu bwomi. 25Kambakobere amananu, obwire bukwiza era bwikire abafu nibaliwura eiraka rya Mwana wa Kanca, abaliriwura balibba boomi. 26NkʼoIte wa Mwana ye omwenyenere nali endigiro ya bwomi, era nimwo yawaire atyo omwana okubba endigiro ya bwomi. 27Era oKanca yamuwaire obuyinza okulamula kubba niye Mwana wa Muntu.” 28OYesu ni yeeyongera okukoba ati, “Kini mutakyewuunya, kubba ebiro bikwiza abafu boona boona abali omu mbi nibaliwura eiraka ryamwe, 29ni bazwamu, abo abaakoore ebisai baliyimbooka ni babba boomi, baitu abo abaakoore ebibbi baliyimbookera okusingwa omusango. 30Nje omweneyere ndoowo kyensobola okukola; nje ndamula nka nimpura, era nʼokulamula kwange kwa bwenganiza, kubba tinkikola kwesemeerya baitu kusemeerya oyo eyantumire.”
Obujuurwa oku Yesu
31Nineweeryaku obujuurwa, obujuurwa bwange tibukakata. 32Waliwo owondi ampeeryaku obujuurwa, era mmaite ngʼobujuurwa bwampeeryaku bukakati. 33“Mwatumire abakwenda ewa Yokaana era niye aweerya obujuurwa obwʼamananu.” 34Tilwakubba nti nsigikira ku bujuurwa bwʼabantu; kini nkibazire leke mujunwe. 35OYokaana yaali taala eyaka nʼeweerya ekyengeezi, era mwasaarewo okunyumirwa ekyengeezi ekyo okumala akaseera obuseera.
36Baitu ndina obujuurwa obukunkwataku nibukusinga okwobwo oYokaana bwampeeryaku; omulumo oIte wange gweyampaire okumaliirya era gwenkukola, nigwo gulanga nti oIte wange niye yantumire. 37OIte wange eyantumire ye omwenyenere ampeeryaku obujuurwa. Nywe timuwurangaku iraka ryamwe gonze okumubonaku, 38nʼekigambo kyamwe timuli nakyo, kubba timwikiriza oyo gweyatumire.
39Musoma muno ebyawandiikiibwe nimukulowoonza nti omu byo mulitunga obwomi obutawaawo. Ebyawandiikiibwe ebyo bibaza ku ninje, 40baitu ni mugaana okwiza egyendi.
41Okuwaisibwa abantu ti nikyo nsigikiraku, 42kubba mbamaite. Mmaite timugira kwendya kwa Kanca omu mitima gyanywe. 43Naizire omwibara rya Ite wange, ni mutanyikiriza, baitu omuntu owondi niyaizira omwibara eryamwe oku bwamwe, nywe mukwiza kumwikiriza. 44Musobola mutyai okunyikiriza nga mwewaisya nywenkai na nywenkai, ni mutataayo mwoyo okutunga okuwaisya okuzwa ewa Kanca omwei yenkai.
45OYesu ni yeeyongera okukoba ati, “Mutalowooza nti ndibalumiirya omu maiso ga Ite wange. OMusa, nywe gwemusuubiriiramu niye alibalumiirya. 46Nimubba nga mwikiriza oMusa, njeena mwakunyikiriize, kubba yampandiikireku. 47Nimubba mutaikiriza byeyampandiikireku, musobola mutyai okwikiriza byenkukoba?”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക