Esaburi 30
30
Esala Liokhukhupa Ochio
Esaburi ya Daudi. Olwembo lwokhwingisa Etemperi.
1Njia okhukhufumia, Ewe OMWAMI, sikira wananula,
ne siwalekha avasiku vange vanjekhoyerakho ta.
2Ewe OMWAMI, Nyasaye wange, nakhulirira ewe khulwowuyeti,
mana wambonia.
3Ewe OMWAMI, wachusise omwoyo kwange emakombe,
wangoosera owulamu okhuchula muvafu.
4Yembe efuma khu OMWAMI, enywe avasuvirwa vave,
mana mukhupire ochio elicha lilie echwenufu.
5Esikira echima lilie liwukulanga evise evititi,
nembavasi chichie chiowulamu wosi.
Okhulira khunyala okhuvao esiro siosi,
nausa owusangafu wichanga mumaweriweri.
6Ese khulwange, nawola mukhuyindiyala khwange,
“sinjia okhukhirwa ta.”
7Musisa sisio, Ewe OMWAMI,
wasiomisa ngesikulu sikali,
nausa olu wanjekisakho, nachenga.
8Khwiwe Ewe OMWAMI, nalira,
nundi khwiwe, Ewe OMWAMI, nasava:
9“Khuli nende nganga sina mwifwa liange,
ninjia musirindwa?
Elova linyala liakhufumia?
Linyala liawola owusuvirwa wuwo?
10Wulira, Ewe OMWAMI, mana wumbonere esisa!
Ewe OMWAMI, va omuyeti wange!”
11Wakalusanisie okhulira khwange khwava okhwekhoya;
wafwaluye esiveera siange,
wafwala owusangafu,
12mbo omwoyo kwange kuve ni kukhufumia ne kuchawulera ta.
Ewe OMWAMI Nyasaye wange, njia okhukhupira ochio enyinga chiosi.
നിലവിൽ തിരഞ്ഞെടുത്തിരിക്കുന്നു:
Esaburi 30: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
Esaburi 30
30
Esala Liokhukhupa Ochio
Esaburi ya Daudi. Olwembo lwokhwingisa Etemperi.
1Njia okhukhufumia, Ewe OMWAMI, sikira wananula,
ne siwalekha avasiku vange vanjekhoyerakho ta.
2Ewe OMWAMI, Nyasaye wange, nakhulirira ewe khulwowuyeti,
mana wambonia.
3Ewe OMWAMI, wachusise omwoyo kwange emakombe,
wangoosera owulamu okhuchula muvafu.
4Yembe efuma khu OMWAMI, enywe avasuvirwa vave,
mana mukhupire ochio elicha lilie echwenufu.
5Esikira echima lilie liwukulanga evise evititi,
nembavasi chichie chiowulamu wosi.
Okhulira khunyala okhuvao esiro siosi,
nausa owusangafu wichanga mumaweriweri.
6Ese khulwange, nawola mukhuyindiyala khwange,
“sinjia okhukhirwa ta.”
7Musisa sisio, Ewe OMWAMI,
wasiomisa ngesikulu sikali,
nausa olu wanjekisakho, nachenga.
8Khwiwe Ewe OMWAMI, nalira,
nundi khwiwe, Ewe OMWAMI, nasava:
9“Khuli nende nganga sina mwifwa liange,
ninjia musirindwa?
Elova linyala liakhufumia?
Linyala liawola owusuvirwa wuwo?
10Wulira, Ewe OMWAMI, mana wumbonere esisa!
Ewe OMWAMI, va omuyeti wange!”
11Wakalusanisie okhulira khwange khwava okhwekhoya;
wafwaluye esiveera siange,
wafwala owusangafu,
12mbo omwoyo kwange kuve ni kukhufumia ne kuchawulera ta.
Ewe OMWAMI Nyasaye wange, njia okhukhupira ochio enyinga chiosi.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024