Luka 5
5
Yesu alanga avalondi vamberi
(Mat. 4.18-22; Mrk. 1.16-20)
1Nga avanju vali nivaminikana okhuwulira ekhuwa lia Nyasaye, ne kali kemire ewuleka wenyanja ya Genesareti. 2Kawona amacho kaviri ewuleka wenyanja, navalovi vali vachuliremo ne vali voka ekhanda chiawe. 3Yesu kengira muliacho elala, eliali lia Simoni, kamuwolera asutekho atiti okhuchula khulukuku lwamachi, kekhala kanja okhwekesa avanju nali muliacho. 4Nolu kali nikakhalekha okhwekesa, kawolera Simoni, “Yira eliacho lilio mulusiva lwamachi newinikhe olukhanda lulwo otire eng'eni.” 5Simoni kamuchipa, “Omukhongo, khulovire eng'eni esiro siosi ne sikhutiyekho tawe! Nausa khwikhuwa lilio endikhukoosa olukhanda mumachi.” 6Nivakhamala okhukhola vachio, vatira eng'eni enyingi, ata olukhanda lwawe lwanja okhukitukha. 7Valanga avasiawe vali muliacho lindi vache vavayete. Vacha vechusa amacho kombiri eng'eni, ne kanja okhweyinikha. 8Nausa olu Simoni Petero kawona achio, kasikamira Yesu, kawola, “Chula emberi wange, ewe Omwami, ese ndimwononi.” 9Simoni nende vosi ava kali navo vawuka khung'eni echi vatira. 10Ne Yakopo ni Yohana, avana va Sebedayo, vali avalovi vasie nende Simoni. Ne Yesu kawolera Simoni, “Ocharia tawe; okhuchulira akhanu ano ochia khulova avanju.” 11Nolu vali nivakhalecha amacho kawe khulukuku, valekha wulisinju vamulondakho.
Yesu Awonia owamakere
(Mat. 8.1-4; Mrk. 1.40-45)
12Olu Yesu kali mwitookho lindi, omunju kachao owali namakere omuviri kwosi. Nolu owamakere kawona Yesu, kamukwa mumakulu kamwesaya, “Omwami, nusima, onyala okhundavia.” 13Kanyira omukhono kukwe ne kamutirakho, kamuwolera, “Esimire! Lava.” Awene nawene amakere kamuchulakho. 14Kamukania okhuwolera omunju yesiyesi, nausa “Chia weyekese khumukuhani , nochuse esianwa khulwokhusosa, nga Musa kalaka, sive esimanyiro khuvanju.” 15Nausa amakhuwa ka Yesu, kawulirikhana wuli awunju. Navanju avangi vachanga alala okhumuwulira nende okhuwonisiwa amalwaye kawe. 16Nausa kachulanga achia musichimi, asala.
Yesu awonia omunju wafwokoya
(Mat. 9.1-8; Mrk. 2.1-12)
17Enyinga ndala, nga kali nikekesa, valio avafarisayo nende avekesi vamalako nivekhayeo, ne vali vachulire muwuli sikwenyi sia Galilaya nende Yudea nende okhuchula Yerusalemu. Nowunyali wa Omwami okhuwonia wali ninaye. 18Avanju vali valecha omunju wafwokoya khusitanda, ne vatakha okhumulecha mukachi, mana vamwalisie emberi wa Yesu. 19Nausa vakhaywa engira yokhumwingisa, okhuvera esituma siavanju, vachia amukulu khusisuli vamuvisiriamo ne vesa esitanda emberi wa Yesu. 20Nolu kawona esuvira liawe kawola, “Musacha ewe owoni wuwo olekheywe.”
21Navo avekesi vamalako nende avafarisayo vanja okhuchevana, nivawola, “Njanu ono ocharia? Njanu onyala okhulekhera owoni nachasi Nyasaye yeng'ene?”
22Olu Yesu kamanyirisa amacheva kawe, kavachipa, “Sikira sina nimwecheva mumioyo kienywe? 23Eliangu njeliri, okhuwola embi chichio olekheywe namwe okhuwola, ‘Yinyokha okende?’ 24Nausa muve nimumanya mbo Omwana womunju ali nende owunyali khusialo okhulekhera embi.” Kawolera owafwokoya, “Yinyokha wukula esitanda sisio ochie engo.”
25Kenyokha lwangu emberi wawe, ne kawukula owuliri owukakonangakho kachia engo nafumia Nyasaye 26Vosi vawuka ne vava nowuchi, vafumia Nyasaye, nivawola, “Khuwene amangayimwa lero.”
Yesu Alanga Lawi
(Mat. 9.9-13; Mrk. 2.13-17)
27Nikakhamala kachula erwanyi, ne kawona omuchoosi wowusuru, olangwa Lawi, nikekhaye aokhuchosera owusuru; ne kamuwolera, “Nonde ese!” 28Nekalekha wulisinju, kenyokha kamulondakho.
29Lawi kamulombera esao ekali munju wuwe, ne khwali nende avachoosi vowusuru avangi nende avanju vandi nivekhaye khumesa navo. 30Navo Avafarisayo nende avekesi vamalako veng'ulung'unya khuvalondi va Yesu, nivawola, “Sikira sina nimulia nokhunywa alala nende avachoosi vowusuru navoni?”
31Yesu kavachipa, “Avo avalamu sivali nelienya liomusirikhi tawe, nausa avo avalwala.” 32Sinacha okhulanga avalungi tawe, nausa mbo avoni vekanire.
Echeva khu Okhweyima Okhulia
(Mat. 9.14-17; Mrk. 2.18-22)
33Avanju vandi vawolera Yesu, “Avalondi va Yohana veyimanga esiokhulia khase nivasala, ata nende avalondi va Avafarisayo, nausa avavo valia nivanywa.”
34Yesu kavachipa, “Onyala wakhola avalangirwe musiserero veyima esiokhulia omusoliri wesiserero nali navo? 35Endalo chicha, olu omusoliri wesiserero achia okhuchusiwa khunivo, nevise evio ndwolu vachia okhweyima esiokhulia.”
36Kavawolera olukaato, “Awumao owosulanga esiraka okhuchula khunguo embiakha, ne atavika khukhale. Nakhola achio, ava alikhwosula enguo embiakha, nesiraka siyakha sisichiana nesikhale tawe. 37Awumao ochanga edivai embiakha musisero sikhale, nakhola achio, edivai embiakha yiri khuchundula esisero ne yitikhe, ne esisero siononokhe. 38Nausa edivai embiakha yenyekha yivikhwe musisero siyakha. 39Awumao nikakhanywa edivai ekhale owekombanga edivai embiakha sikira awola,” “Ekhale ndayi.”
നിലവിൽ തിരഞ്ഞെടുത്തിരിക്കുന്നു:
Luka 5: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
Luka 5
5
Yesu alanga avalondi vamberi
(Mat. 4.18-22; Mrk. 1.16-20)
1Nga avanju vali nivaminikana okhuwulira ekhuwa lia Nyasaye, ne kali kemire ewuleka wenyanja ya Genesareti. 2Kawona amacho kaviri ewuleka wenyanja, navalovi vali vachuliremo ne vali voka ekhanda chiawe. 3Yesu kengira muliacho elala, eliali lia Simoni, kamuwolera asutekho atiti okhuchula khulukuku lwamachi, kekhala kanja okhwekesa avanju nali muliacho. 4Nolu kali nikakhalekha okhwekesa, kawolera Simoni, “Yira eliacho lilio mulusiva lwamachi newinikhe olukhanda lulwo otire eng'eni.” 5Simoni kamuchipa, “Omukhongo, khulovire eng'eni esiro siosi ne sikhutiyekho tawe! Nausa khwikhuwa lilio endikhukoosa olukhanda mumachi.” 6Nivakhamala okhukhola vachio, vatira eng'eni enyingi, ata olukhanda lwawe lwanja okhukitukha. 7Valanga avasiawe vali muliacho lindi vache vavayete. Vacha vechusa amacho kombiri eng'eni, ne kanja okhweyinikha. 8Nausa olu Simoni Petero kawona achio, kasikamira Yesu, kawola, “Chula emberi wange, ewe Omwami, ese ndimwononi.” 9Simoni nende vosi ava kali navo vawuka khung'eni echi vatira. 10Ne Yakopo ni Yohana, avana va Sebedayo, vali avalovi vasie nende Simoni. Ne Yesu kawolera Simoni, “Ocharia tawe; okhuchulira akhanu ano ochia khulova avanju.” 11Nolu vali nivakhalecha amacho kawe khulukuku, valekha wulisinju vamulondakho.
Yesu Awonia owamakere
(Mat. 8.1-4; Mrk. 1.40-45)
12Olu Yesu kali mwitookho lindi, omunju kachao owali namakere omuviri kwosi. Nolu owamakere kawona Yesu, kamukwa mumakulu kamwesaya, “Omwami, nusima, onyala okhundavia.” 13Kanyira omukhono kukwe ne kamutirakho, kamuwolera, “Esimire! Lava.” Awene nawene amakere kamuchulakho. 14Kamukania okhuwolera omunju yesiyesi, nausa “Chia weyekese khumukuhani , nochuse esianwa khulwokhusosa, nga Musa kalaka, sive esimanyiro khuvanju.” 15Nausa amakhuwa ka Yesu, kawulirikhana wuli awunju. Navanju avangi vachanga alala okhumuwulira nende okhuwonisiwa amalwaye kawe. 16Nausa kachulanga achia musichimi, asala.
Yesu awonia omunju wafwokoya
(Mat. 9.1-8; Mrk. 2.1-12)
17Enyinga ndala, nga kali nikekesa, valio avafarisayo nende avekesi vamalako nivekhayeo, ne vali vachulire muwuli sikwenyi sia Galilaya nende Yudea nende okhuchula Yerusalemu. Nowunyali wa Omwami okhuwonia wali ninaye. 18Avanju vali valecha omunju wafwokoya khusitanda, ne vatakha okhumulecha mukachi, mana vamwalisie emberi wa Yesu. 19Nausa vakhaywa engira yokhumwingisa, okhuvera esituma siavanju, vachia amukulu khusisuli vamuvisiriamo ne vesa esitanda emberi wa Yesu. 20Nolu kawona esuvira liawe kawola, “Musacha ewe owoni wuwo olekheywe.”
21Navo avekesi vamalako nende avafarisayo vanja okhuchevana, nivawola, “Njanu ono ocharia? Njanu onyala okhulekhera owoni nachasi Nyasaye yeng'ene?”
22Olu Yesu kamanyirisa amacheva kawe, kavachipa, “Sikira sina nimwecheva mumioyo kienywe? 23Eliangu njeliri, okhuwola embi chichio olekheywe namwe okhuwola, ‘Yinyokha okende?’ 24Nausa muve nimumanya mbo Omwana womunju ali nende owunyali khusialo okhulekhera embi.” Kawolera owafwokoya, “Yinyokha wukula esitanda sisio ochie engo.”
25Kenyokha lwangu emberi wawe, ne kawukula owuliri owukakonangakho kachia engo nafumia Nyasaye 26Vosi vawuka ne vava nowuchi, vafumia Nyasaye, nivawola, “Khuwene amangayimwa lero.”
Yesu Alanga Lawi
(Mat. 9.9-13; Mrk. 2.13-17)
27Nikakhamala kachula erwanyi, ne kawona omuchoosi wowusuru, olangwa Lawi, nikekhaye aokhuchosera owusuru; ne kamuwolera, “Nonde ese!” 28Nekalekha wulisinju, kenyokha kamulondakho.
29Lawi kamulombera esao ekali munju wuwe, ne khwali nende avachoosi vowusuru avangi nende avanju vandi nivekhaye khumesa navo. 30Navo Avafarisayo nende avekesi vamalako veng'ulung'unya khuvalondi va Yesu, nivawola, “Sikira sina nimulia nokhunywa alala nende avachoosi vowusuru navoni?”
31Yesu kavachipa, “Avo avalamu sivali nelienya liomusirikhi tawe, nausa avo avalwala.” 32Sinacha okhulanga avalungi tawe, nausa mbo avoni vekanire.
Echeva khu Okhweyima Okhulia
(Mat. 9.14-17; Mrk. 2.18-22)
33Avanju vandi vawolera Yesu, “Avalondi va Yohana veyimanga esiokhulia khase nivasala, ata nende avalondi va Avafarisayo, nausa avavo valia nivanywa.”
34Yesu kavachipa, “Onyala wakhola avalangirwe musiserero veyima esiokhulia omusoliri wesiserero nali navo? 35Endalo chicha, olu omusoliri wesiserero achia okhuchusiwa khunivo, nevise evio ndwolu vachia okhweyima esiokhulia.”
36Kavawolera olukaato, “Awumao owosulanga esiraka okhuchula khunguo embiakha, ne atavika khukhale. Nakhola achio, ava alikhwosula enguo embiakha, nesiraka siyakha sisichiana nesikhale tawe. 37Awumao ochanga edivai embiakha musisero sikhale, nakhola achio, edivai embiakha yiri khuchundula esisero ne yitikhe, ne esisero siononokhe. 38Nausa edivai embiakha yenyekha yivikhwe musisero siyakha. 39Awumao nikakhanywa edivai ekhale owekombanga edivai embiakha sikira awola,” “Ekhale ndayi.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024