Yohana 8
8
Omukhasi Watirwa Muwuheyi
1Yesu kachia khusikulu sia Miseituni. 2Mumaweriweri kakoola nundi mu Etemperi; avanju vosi vamwichakho, ne vekhala aasi kavekesa. 3Avekesi vamalako nende Avafarisayo valecha omukhasi owali nanyolekhanire muwuheyi, vamucha akachi wawe 4vacheva Yesu, “Omwekesi, omukhasi ono anyolekhanire muwuheyi. 5Khanu mumalako, Musa kakhalaka mbo khumukhupe amakina. Owola ochie khuniye?” 6Kano vawola okhumutema, kho vanyole ekoso liokhumuchakho. Yesu kenama aasi ne kaandika nolwala lulwe khwilova. 7Olu vachiririra okhumucheva, kenyokha kavawolera, “Lekha oyo owuma owoni mwinywe ave owamberi okhumulasa ekina.” 8Ne nundi kenama aasi kaandika nolwala lulwe khwilova. 9Olu vawulira, vachekukha mulala siamulala, okhwanjira khu mukhulunju, Yesu katong'a yeng'ene omukhasi oyo nikemire emberi wuwe. 10Yesu kakingula emoni kamuwolera, “Mukhasi ewe, vali ena? Sialikhoo okhukhalakiye ta?” 11Naye kawola “Awumao, Omwami.” Ne Yesu kawola, “Sesi sikhukhalakira tawe. Chia, ne ochakhola owoni nundi tawe.”]
Yesu Owulafu wesialo
12Nundi Yesu kalomaloma navo nawola, “Nise owulafu wesialo; oyo owunonda ese sialikenda musirima, nausa alikhunyola owulafu wowulamu.” 13Avafarisayo vamuwolera, “Wechusira owuloli wamwene; owuloli wuwo siwang'ali ta.” 14Yesu kachipa, “Ata niva nechusira owuloli samwene, owuloli wange wang'ali, sikira emanyire eyinjula nende eyinjia, ne enywe simumanyire eyinjula namwe eyinjia tawe. 15Mukhalaka okhulondana nomuviri, ese sikhalakira omunju tawe. 16Ata niva ekhalaka, okhukhalaka khwange khwang'ali, sikira sindi seng'ene okhalaka ta, nausa ese nende oyo owanjuma. 17Mumalako kenywe liaandikwa mbo owuloli wavanju vaviri wang'ali. 18Nekholera owuveri, ne Papa owanjuma kanjusira owuloli.” 19Mana vamucheva, “Papa wuwo alina?” Yesu kachipa, “Simumanyire ese namwe Papa ta, muva nimumanyire, mwakhamanyire Papa yesi.” 20Amakhuwa kano kawolera muvikhiro, olu kali nikekesa mu Etemperi; ne sikaliwo owamutira tawe, sikira evise vivie viali visiri okhwola.
Simunyala Okhuchia Eyinjia
21Nundi kavawolera, “Ndachianga mana munandakhe okhwola mufwire muwoni wenywe, eyinjia simunyala mwachayo tawe.” 22Mana Avayahudi vawola, “Ali khweyicha, sikira awola, ‘eyinjia simunyala mwacha tawe’?” 23Yesu kavawolera, “Enywe muchula aasi, ese enjula amukulu, muli vesialo, ese sindi wokhusialo sino ta. 24Navawoleye mbo mulikhufwa muwoni wenywe, sikira mulikhufwa muwoni wenywe nimuchasuvira mbo nise niye ta.” 25Vamucheva, “Ewe niwe anu?” Yesu kavawolera, “Ata sinavawolera okhuchula elianja. 26Ndi nende amangi akokhuwola khwinywe namangi akokhukhalaka, nausa oyo owanjuma wang'ali, ne endangasira esialo akanakhawulira okhuchula khuniye.” 27Simanyirisa mbo kavawolera aka Papa ta. 28Kho Yesu kawola, “Olu munakhakingule Omwana womunju, ndwolu munakhamanye mbo nise niye, ne nundi mbo sikhola siosisiosi khumaani kange nausa nomaloma nga Papa kanjekesa. 29Noyo owanjuma ali ninange; sikandekhire seng'ene tawe, sikira lwosi ekholanga akamusimisa.” 30Nga kawola ako, avangi vamusuvira.
Owung'ali Wuli Khuvakangulula
31Yesu mana kawolera Avayahudi vali nivamusuviye, “Nimuchiririra mukhuwa liange, ninywe ng'ali avalondi vange, 32ne muli okhumanya owung'ali, ne owung'ali wuli okhuvakangulula.” 33Navo vamuchipa, “Khuli volwiwulo lwa Abrahamu, ne khusiri okhuvakho mukhuminikha. Kava kachie wawola, ‘Khuli okhukangululwa?’”
34Yesu kavachipa, “Ng'aling'ali vawolera, wulimunju okhola owoni muambe wowoni. 35Omuambe siamenyanga munju wuli lwosi ta, omwana amenyangamo achiririra wuli lwosi. 36Kho niva omwana avalekhula, mulikhuva avalekhule po! 37Emanyire nji muli volwiwulo lwa Abrahamu. Atakachio, mutakha okhunjicha, sikira ekhuwa liange sirinyola oweyango mwinywe ta. 38Nomaloma khu akambwene khu Papa wange, ne nanywe mukhola aka muwuliye khu papa wenywe.” 39Navo vamuchipa, “Abrahamu nje papa wefwe.” Yesu kavawolera, “Muva avana va Abrahamu, mwakhakholire aka Abrahamu kakhola, 40nausa esa chino mutakha okhunjicha, omunju ovawoleye owung'ali owumbuliye okhuchula khu Nyasaye, ako sinje aka Abrahamu kakhola ta. 41Mukhola aka papa wenywe kakhola.” Vamuwolera, “sikhwewulwa muwuheyi tawe, khuli ni papa mulala, oli Nyasaye.” 42Yesu kavawolera, “Kava mbo Nyasaye kali Papa wenywe, mwakhasimire, sikira nachula ne nacha okhuchula khu Nyasaye. Nacha siyali mukhwenya khwange, nausa khwoyo owanjuma. 43Esikira sina ni muchamanya akambola? Yiri okhuvera simunyala okhwefwira amakhuwa kange ta. 44Muli va papa wenywe Setani, ne elienya lienywe liri okhukhola aka papa wenywe kenya. Kali mwichi okhuchula mukhwanja, ne awuma siosisiosi okhulondana nowung'ali, sikira owang'ali wuwuma muniye. Naveya, alomaloma okhulondana nende eva lilie, sikira muveyi, nenje papa wowuveyi. 45Nausa sikira vawolera owung'ali, simusuvira tawe. 46Njanu khwinywe onyala okhwekesa owoni wange? Niva embola owung'ali, esikira sina nimuchasuvira? 47Oyo owa Nyasaye, awuliranga amakhuwa ka Nyasaye, esifune sikira ni muchakawulira yiri mbo simuli va Nyasaye ta.”
Yesu Nende Abrahamu
48Avayahudi vamuchipa, “Sikhuli awene nikhuwola mbo oli Omusamaria noli nesisieno?” 49Yesu kavachipa, “Ese mbuma esisieno, nausa emberesa Papa wange oluyali, ne mufwolovia. 50Nikachali sindakha oluyali lwange ta, aliyo mulala otakha oluyali ne njoliva omukhalaki. 51Ng'aling'ali, vawolera, oyo yesiyesi otira ekhuwa liange, sialiwona efwa ta.” 52Avayahudi vamuwolera, “Khanu khumanyire mbo oli nesisieno! Abrahamu kafwa, ata avanabii vosi vafwa; ne ewe owola, ‘Oyo yesiyesi otira ekhuwa liange, sialiwona efwa.’ 53Ewe okhira papa wefwe Abrahamu, owafwa? Nende avanabii avafwa! Ewe wekhola mboniwe anu?” 54Yesu kavachipa, “Nineweresa samwene oluyali, oluyali lwange luli lwa wusa, nje Papa wange owumberesa oluyali, oyu muwola mbo nje Nyasaye wenywe. 55Nausa simumumanyire ta, ese mumanyire. Ninakhawoye mbo simumanyire, okhwola mba ndimuveyi sianywe, nausa ese mumanyire ne endira ekhuwa lilie. 56Papa wenywe Abrahamu kasangala mbo kali okhuwona olutalo lwange, kaluwona ne kasangala.” 57Avayahudi mana vamuwolera, “Osiri ata okhwosa emiaka amakhumi kachanu, ne wawona Abrahamu?” 58Yesu kavawolera, “Ng'aling'ali evawolera, Abrahamu nasiri okhuvao, Endio.” 59Kho vatola amakina vamulase; nausa Yesu kekisa, ne kachula mu Etemperi.
നിലവിൽ തിരഞ്ഞെടുത്തിരിക്കുന്നു:
Yohana 8: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
Yohana 8
8
Omukhasi Watirwa Muwuheyi
1Yesu kachia khusikulu sia Miseituni. 2Mumaweriweri kakoola nundi mu Etemperi; avanju vosi vamwichakho, ne vekhala aasi kavekesa. 3Avekesi vamalako nende Avafarisayo valecha omukhasi owali nanyolekhanire muwuheyi, vamucha akachi wawe 4vacheva Yesu, “Omwekesi, omukhasi ono anyolekhanire muwuheyi. 5Khanu mumalako, Musa kakhalaka mbo khumukhupe amakina. Owola ochie khuniye?” 6Kano vawola okhumutema, kho vanyole ekoso liokhumuchakho. Yesu kenama aasi ne kaandika nolwala lulwe khwilova. 7Olu vachiririra okhumucheva, kenyokha kavawolera, “Lekha oyo owuma owoni mwinywe ave owamberi okhumulasa ekina.” 8Ne nundi kenama aasi kaandika nolwala lulwe khwilova. 9Olu vawulira, vachekukha mulala siamulala, okhwanjira khu mukhulunju, Yesu katong'a yeng'ene omukhasi oyo nikemire emberi wuwe. 10Yesu kakingula emoni kamuwolera, “Mukhasi ewe, vali ena? Sialikhoo okhukhalakiye ta?” 11Naye kawola “Awumao, Omwami.” Ne Yesu kawola, “Sesi sikhukhalakira tawe. Chia, ne ochakhola owoni nundi tawe.”]
Yesu Owulafu wesialo
12Nundi Yesu kalomaloma navo nawola, “Nise owulafu wesialo; oyo owunonda ese sialikenda musirima, nausa alikhunyola owulafu wowulamu.” 13Avafarisayo vamuwolera, “Wechusira owuloli wamwene; owuloli wuwo siwang'ali ta.” 14Yesu kachipa, “Ata niva nechusira owuloli samwene, owuloli wange wang'ali, sikira emanyire eyinjula nende eyinjia, ne enywe simumanyire eyinjula namwe eyinjia tawe. 15Mukhalaka okhulondana nomuviri, ese sikhalakira omunju tawe. 16Ata niva ekhalaka, okhukhalaka khwange khwang'ali, sikira sindi seng'ene okhalaka ta, nausa ese nende oyo owanjuma. 17Mumalako kenywe liaandikwa mbo owuloli wavanju vaviri wang'ali. 18Nekholera owuveri, ne Papa owanjuma kanjusira owuloli.” 19Mana vamucheva, “Papa wuwo alina?” Yesu kachipa, “Simumanyire ese namwe Papa ta, muva nimumanyire, mwakhamanyire Papa yesi.” 20Amakhuwa kano kawolera muvikhiro, olu kali nikekesa mu Etemperi; ne sikaliwo owamutira tawe, sikira evise vivie viali visiri okhwola.
Simunyala Okhuchia Eyinjia
21Nundi kavawolera, “Ndachianga mana munandakhe okhwola mufwire muwoni wenywe, eyinjia simunyala mwachayo tawe.” 22Mana Avayahudi vawola, “Ali khweyicha, sikira awola, ‘eyinjia simunyala mwacha tawe’?” 23Yesu kavawolera, “Enywe muchula aasi, ese enjula amukulu, muli vesialo, ese sindi wokhusialo sino ta. 24Navawoleye mbo mulikhufwa muwoni wenywe, sikira mulikhufwa muwoni wenywe nimuchasuvira mbo nise niye ta.” 25Vamucheva, “Ewe niwe anu?” Yesu kavawolera, “Ata sinavawolera okhuchula elianja. 26Ndi nende amangi akokhuwola khwinywe namangi akokhukhalaka, nausa oyo owanjuma wang'ali, ne endangasira esialo akanakhawulira okhuchula khuniye.” 27Simanyirisa mbo kavawolera aka Papa ta. 28Kho Yesu kawola, “Olu munakhakingule Omwana womunju, ndwolu munakhamanye mbo nise niye, ne nundi mbo sikhola siosisiosi khumaani kange nausa nomaloma nga Papa kanjekesa. 29Noyo owanjuma ali ninange; sikandekhire seng'ene tawe, sikira lwosi ekholanga akamusimisa.” 30Nga kawola ako, avangi vamusuvira.
Owung'ali Wuli Khuvakangulula
31Yesu mana kawolera Avayahudi vali nivamusuviye, “Nimuchiririra mukhuwa liange, ninywe ng'ali avalondi vange, 32ne muli okhumanya owung'ali, ne owung'ali wuli okhuvakangulula.” 33Navo vamuchipa, “Khuli volwiwulo lwa Abrahamu, ne khusiri okhuvakho mukhuminikha. Kava kachie wawola, ‘Khuli okhukangululwa?’”
34Yesu kavachipa, “Ng'aling'ali vawolera, wulimunju okhola owoni muambe wowoni. 35Omuambe siamenyanga munju wuli lwosi ta, omwana amenyangamo achiririra wuli lwosi. 36Kho niva omwana avalekhula, mulikhuva avalekhule po! 37Emanyire nji muli volwiwulo lwa Abrahamu. Atakachio, mutakha okhunjicha, sikira ekhuwa liange sirinyola oweyango mwinywe ta. 38Nomaloma khu akambwene khu Papa wange, ne nanywe mukhola aka muwuliye khu papa wenywe.” 39Navo vamuchipa, “Abrahamu nje papa wefwe.” Yesu kavawolera, “Muva avana va Abrahamu, mwakhakholire aka Abrahamu kakhola, 40nausa esa chino mutakha okhunjicha, omunju ovawoleye owung'ali owumbuliye okhuchula khu Nyasaye, ako sinje aka Abrahamu kakhola ta. 41Mukhola aka papa wenywe kakhola.” Vamuwolera, “sikhwewulwa muwuheyi tawe, khuli ni papa mulala, oli Nyasaye.” 42Yesu kavawolera, “Kava mbo Nyasaye kali Papa wenywe, mwakhasimire, sikira nachula ne nacha okhuchula khu Nyasaye. Nacha siyali mukhwenya khwange, nausa khwoyo owanjuma. 43Esikira sina ni muchamanya akambola? Yiri okhuvera simunyala okhwefwira amakhuwa kange ta. 44Muli va papa wenywe Setani, ne elienya lienywe liri okhukhola aka papa wenywe kenya. Kali mwichi okhuchula mukhwanja, ne awuma siosisiosi okhulondana nowung'ali, sikira owang'ali wuwuma muniye. Naveya, alomaloma okhulondana nende eva lilie, sikira muveyi, nenje papa wowuveyi. 45Nausa sikira vawolera owung'ali, simusuvira tawe. 46Njanu khwinywe onyala okhwekesa owoni wange? Niva embola owung'ali, esikira sina nimuchasuvira? 47Oyo owa Nyasaye, awuliranga amakhuwa ka Nyasaye, esifune sikira ni muchakawulira yiri mbo simuli va Nyasaye ta.”
Yesu Nende Abrahamu
48Avayahudi vamuchipa, “Sikhuli awene nikhuwola mbo oli Omusamaria noli nesisieno?” 49Yesu kavachipa, “Ese mbuma esisieno, nausa emberesa Papa wange oluyali, ne mufwolovia. 50Nikachali sindakha oluyali lwange ta, aliyo mulala otakha oluyali ne njoliva omukhalaki. 51Ng'aling'ali, vawolera, oyo yesiyesi otira ekhuwa liange, sialiwona efwa ta.” 52Avayahudi vamuwolera, “Khanu khumanyire mbo oli nesisieno! Abrahamu kafwa, ata avanabii vosi vafwa; ne ewe owola, ‘Oyo yesiyesi otira ekhuwa liange, sialiwona efwa.’ 53Ewe okhira papa wefwe Abrahamu, owafwa? Nende avanabii avafwa! Ewe wekhola mboniwe anu?” 54Yesu kavachipa, “Nineweresa samwene oluyali, oluyali lwange luli lwa wusa, nje Papa wange owumberesa oluyali, oyu muwola mbo nje Nyasaye wenywe. 55Nausa simumumanyire ta, ese mumanyire. Ninakhawoye mbo simumanyire, okhwola mba ndimuveyi sianywe, nausa ese mumanyire ne endira ekhuwa lilie. 56Papa wenywe Abrahamu kasangala mbo kali okhuwona olutalo lwange, kaluwona ne kasangala.” 57Avayahudi mana vamuwolera, “Osiri ata okhwosa emiaka amakhumi kachanu, ne wawona Abrahamu?” 58Yesu kavawolera, “Ng'aling'ali evawolera, Abrahamu nasiri okhuvao, Endio.” 59Kho vatola amakina vamulase; nausa Yesu kekisa, ne kachula mu Etemperi.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024