Yohana 20
20
Esirindwa Sierere
(Mat. 28.1-8; Mrk. 16.1-8; Lk. 24.1-12)
1Maweriweri, olutalo lwamberi lwewiki, Maria Magdalena kacha aasirindwa ne kanyola ekina nilichusiswe khumuliango. 2Kho katima kachia khu Simoni Petero nomulondi wundi oyo oyu Yesu kali kasima ne kavawolera, “Vawukuye Omwami okhuchula musirindwa, ne sikhumanyire eyi vamuchaye tawe.” 3Petero kachula nomulondi oyo, vachia enasirindwa. 4Vombi vatima nausa omulondi oyo kavicha Petero kola aasirindwa emberi, 5olukenama kalengeramo, kawona esanda niyirimo nausa sikengiramo ta. 6Simoni Petero kacha namulonda, kengira musirindwa, kawona esanda nichirimo, 7nesitambaya siali khumuchwe kukwe, sisiali alala nesanda ta nausa sikanyirwe awunju siong'ene. 8Khomulondi oyo owola emberi, yesi kengira, kawona ne kasuvira. 9Esikira okhwola evise evio, vali vasiri okhumanya oluvaso mbo okhwola kenyokhe okhuchula muvafu ta. 10Kho avalondi vakoola mumako kawe.
Yesu Awonekhanira Maria Magdalena
(Mat. 28.9-10; Mrk. 16.9-11)
11Maria kali kemire aasirindwa nalira mana kenama okhulengera musirindwa. 12Kawona engelosi chiviri munguwo endafu nichikhaye aamuviri kwa Yesu kwali, ndala emuchwe eyindi enamakulu. 13Vamuwolera, “Mukhasi ewe, olira sina?” Naye kachiwolera, “Sikira vawukuye Omwami wange, ne simanyire yivamuvikhire tawe.” 14Nasiwola achio, kakalukhana ne kawona Yesu nikemire, nesikamanyirisa mbo nje niye tawe. 15Yesu kamucheva, “Mukhasi ewe, olira sina? Njanu yunatakhanga?” Naparanga mbo njomulimi womukunda kwenokwo kamuwolera, “Omukali, niva omuchusisemo, mbolere eyumuvikhire, ne ndi khumuwukula.” 16Yesu kamuwolera, “Maria.” Kakalukhana ne kamuwolera mu Oluebrania, “Raboni!” (Nje okhuwola mbo, Omwekesi). 17Yesu kamuwolera, “Ochandirakho ta, sikira siri okhunina ewa Papa. Khanu chia khuvasiange novawolere, ndaninanga ewa Papa wange nende Papa wenywe, ewa Nyasaye wange ni Nyasaye wenywe.” 18Maria Magdalena kachia kawolera avalondi vave, “Embwene Omwami”; ne kavawolera mbo kali awoye evinju evio.
Yesu Awonekhera Avalondi Vave
(Mat. 28.16-20; Mrk. 16.14-18; Lk. 24.36-49)
19Angolove wolutalo olwo, olutalo lwamberi olwejuma, emiliango nikikaye aavalondi vali, esikira vali variye Avayahudi, Yesu kacha kema akachi wawe mana kavawolera, “Omulembe kuve khwinywe.” 20Olu kawola kano, kavekesa amakhono nomuluvafu mumwe. Kho avalondi vasangala olu vawona Omwami. 21Yesu kavawolera, “Omulembe kuve ninanywe. Nga Papa kanjuma, ata enjio evachuma.” 22Nolu kali nikakhawola kano, kavaerera omuya, “Nyole Roho Muchwenufu. 23Nimuvera eviononi via yesiyesi, virekherwa, nimutira embi chia yesi, chitong'a.”
Yesu ni Tomasi
24Khanu Tomasi, mulala khu ekhumi navaviri, olangwa Evasa, sikali ninavo olu Yesu kacha ta. 25Kho avalondi vandi vamuwolera, “Khuwene Omwami.” Nausa kavawolera, “Ninjawona embala chiemisumari nenje olwala mumbala nenje omukhono kwange muluvafu, sisuvira ta.”
26Endalo munane nichiakhavicha, avalondi vave vali nundi munju omwo, ne Tomasi nali ninavo. Emiliango kiali kikaye, nausa Yesu kacha kema akachi wawe mana kawola, “Omulembe kuve nanywe.” 27Mana kawolera Tomasi, “Cholwala lulwo ano, wona amakhono kange, ne chomukhono muluvafu, ochava owuma esuvira ta, nausa suvira.” 28Tomasi kamuchipa, “Omwami wange nundi Nyasaye wange!” 29Yesu kamuwolera, “Osuviye esikira wumbwene? Valinekhavi avo avachambona ne mana vasuvira.”
Esifune Sia Esitau Sino
30Yesu kakhola evimanyiro evingi emberi wavalondi vave nivawona evichaandikwa musitau muno ta, 31nausa vino viaandikwa kho musuvire mbo Yesu nje Kristo, Omwana wa Nyasaye, ne mbo mukhusuvira mwole okhunyola owulamu mulicha lilie.
നിലവിൽ തിരഞ്ഞെടുത്തിരിക്കുന്നു:
Yohana 20: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
Yohana 20
20
Esirindwa Sierere
(Mat. 28.1-8; Mrk. 16.1-8; Lk. 24.1-12)
1Maweriweri, olutalo lwamberi lwewiki, Maria Magdalena kacha aasirindwa ne kanyola ekina nilichusiswe khumuliango. 2Kho katima kachia khu Simoni Petero nomulondi wundi oyo oyu Yesu kali kasima ne kavawolera, “Vawukuye Omwami okhuchula musirindwa, ne sikhumanyire eyi vamuchaye tawe.” 3Petero kachula nomulondi oyo, vachia enasirindwa. 4Vombi vatima nausa omulondi oyo kavicha Petero kola aasirindwa emberi, 5olukenama kalengeramo, kawona esanda niyirimo nausa sikengiramo ta. 6Simoni Petero kacha namulonda, kengira musirindwa, kawona esanda nichirimo, 7nesitambaya siali khumuchwe kukwe, sisiali alala nesanda ta nausa sikanyirwe awunju siong'ene. 8Khomulondi oyo owola emberi, yesi kengira, kawona ne kasuvira. 9Esikira okhwola evise evio, vali vasiri okhumanya oluvaso mbo okhwola kenyokhe okhuchula muvafu ta. 10Kho avalondi vakoola mumako kawe.
Yesu Awonekhanira Maria Magdalena
(Mat. 28.9-10; Mrk. 16.9-11)
11Maria kali kemire aasirindwa nalira mana kenama okhulengera musirindwa. 12Kawona engelosi chiviri munguwo endafu nichikhaye aamuviri kwa Yesu kwali, ndala emuchwe eyindi enamakulu. 13Vamuwolera, “Mukhasi ewe, olira sina?” Naye kachiwolera, “Sikira vawukuye Omwami wange, ne simanyire yivamuvikhire tawe.” 14Nasiwola achio, kakalukhana ne kawona Yesu nikemire, nesikamanyirisa mbo nje niye tawe. 15Yesu kamucheva, “Mukhasi ewe, olira sina? Njanu yunatakhanga?” Naparanga mbo njomulimi womukunda kwenokwo kamuwolera, “Omukali, niva omuchusisemo, mbolere eyumuvikhire, ne ndi khumuwukula.” 16Yesu kamuwolera, “Maria.” Kakalukhana ne kamuwolera mu Oluebrania, “Raboni!” (Nje okhuwola mbo, Omwekesi). 17Yesu kamuwolera, “Ochandirakho ta, sikira siri okhunina ewa Papa. Khanu chia khuvasiange novawolere, ndaninanga ewa Papa wange nende Papa wenywe, ewa Nyasaye wange ni Nyasaye wenywe.” 18Maria Magdalena kachia kawolera avalondi vave, “Embwene Omwami”; ne kavawolera mbo kali awoye evinju evio.
Yesu Awonekhera Avalondi Vave
(Mat. 28.16-20; Mrk. 16.14-18; Lk. 24.36-49)
19Angolove wolutalo olwo, olutalo lwamberi olwejuma, emiliango nikikaye aavalondi vali, esikira vali variye Avayahudi, Yesu kacha kema akachi wawe mana kavawolera, “Omulembe kuve khwinywe.” 20Olu kawola kano, kavekesa amakhono nomuluvafu mumwe. Kho avalondi vasangala olu vawona Omwami. 21Yesu kavawolera, “Omulembe kuve ninanywe. Nga Papa kanjuma, ata enjio evachuma.” 22Nolu kali nikakhawola kano, kavaerera omuya, “Nyole Roho Muchwenufu. 23Nimuvera eviononi via yesiyesi, virekherwa, nimutira embi chia yesi, chitong'a.”
Yesu ni Tomasi
24Khanu Tomasi, mulala khu ekhumi navaviri, olangwa Evasa, sikali ninavo olu Yesu kacha ta. 25Kho avalondi vandi vamuwolera, “Khuwene Omwami.” Nausa kavawolera, “Ninjawona embala chiemisumari nenje olwala mumbala nenje omukhono kwange muluvafu, sisuvira ta.”
26Endalo munane nichiakhavicha, avalondi vave vali nundi munju omwo, ne Tomasi nali ninavo. Emiliango kiali kikaye, nausa Yesu kacha kema akachi wawe mana kawola, “Omulembe kuve nanywe.” 27Mana kawolera Tomasi, “Cholwala lulwo ano, wona amakhono kange, ne chomukhono muluvafu, ochava owuma esuvira ta, nausa suvira.” 28Tomasi kamuchipa, “Omwami wange nundi Nyasaye wange!” 29Yesu kamuwolera, “Osuviye esikira wumbwene? Valinekhavi avo avachambona ne mana vasuvira.”
Esifune Sia Esitau Sino
30Yesu kakhola evimanyiro evingi emberi wavalondi vave nivawona evichaandikwa musitau muno ta, 31nausa vino viaandikwa kho musuvire mbo Yesu nje Kristo, Omwana wa Nyasaye, ne mbo mukhusuvira mwole okhunyola owulamu mulicha lilie.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024