Yohana 2
2
Esiserero Kana
1Olutalo lwa khatachu khwali nende esiserero mu Kana ya Galilaya, ne ng'ina wa Yesu kaliwo; 2Yesu yesi vali vamulangiremo nende avalondi vave. 3Olu edivai yawa, ng'ina wa Yesu kamuwolera, “Vawuma edivai.” 4Naye Yesu Kamuwolera, “Ewe mayi, wenya sina ninange? Evise viange visiri okhwola.” 5Ng'ina kawolera avakhalavani, “Khole siosisiosi siavawolera.” 6Esongo chialio sita echiekina chiali chiemire, okhutumikha khukhusava khwa Avayahudi, wuli esongo yinyala okhuva nende elita amakhumi saba nachichanu. 7Yesu kavawolera, “Yichusa esongo echio namachi.” Ne vachichusa okhwola khumunwa. 8Kavawolera, “Khanu tae muchusemo, ne muyirire omwemeresi wesiserero.” Mana vamuyirira. 9Olu mwemeresi kanywakho amachi, khanu akekholire edivai, sikamanya eyi yali niyichulire ts (nausa avakhalavani vali nivatayire vamanya), omwemeresi kalanga omusoliri wesiserero 10kamuwolera, “Wulimunju alechanga edivai endayi emberi; ne vanju nivakhanywa kho valecha enjalafu; ewe nawe ovikhire endayi okhwola evise vino.” 11Sino, njesiali esimanyiro siamberi, esi Yesu kakhola Kana ya Galilaya, mana siekesa oluyali lulwe, navalondi vave vamusuvira. 12Ako nikakhawa Yesu kakholomokha alala nende mayi wuwe, avawandaye nende avalondi vave, vachia Kafernaumu; ne vekhalayo khulwendalo enditi.
Yesu Achia mu Etemperi
(Mat. 21.12,13; Mrk. 11.15-17; Lk. 19.45,46)
13Epasaka ya Avayahudi yali yolire, ne Yesu kachia Yerusalemu. 14Mu Etemperi kanyola avo avali nivakusia eng'ombe, amakondi, amawusi, nende avokhukalusania esende nivali khuwukhala wawe. 15Kalomba esiwoko okhuchula khuvikoye, kavatimania vosi, nende amakondi nende eng'ombe, kavachusa mu Etemperi. Kachukha esende chiavokhukalusania esende natimbula emesa chiawe. 16Kawolera avo avokhukusia amawusi, “Chuse evinju vino muno; muchalomba enju ya Papa wange eyowukhala ta.” 17Avalondi vave vechulira mbo liali liaandikwa, “Owusimi wa enju yiyo wunjina.” 18Avayahudi navo vamuwolera, “Esimanyiro sina esi olikhuchwekesa okhukhola kano?” 19Yesu Kavachipa, “Sakule Etemperi lino, ne munyinga chitachu ndikhuyombakha.” 20Avayahudi vawola, “Yakhawukula emiaka amakhumi kane nende sita okhwombakha Etemperi yino, ne ewe olikhuyombakha munyinga chitachu?” 21Nausa niye kalomalomanga Etemperi, omuviri kukwe. 22Olu khanu enyuma kasisimukha muvafu, avalondi vave vechulira mbo kali kawola ako, nevasuvira endakaano nende ekhuwa eli Yesu kali nawoye.
Emanya lia Yesu khwiva Liavanju
23Mana olu kali Yerusalemu mu Pasaka, avanju avangi vasuvira mulicha lilie oluvawona evimanyiro evikakhola. 24Nausa Yesu sikeana khunivo tawe, 25sikira kali kavamanya vosi, ne sikenya owuloli tawe, sikira niye omwene kali amanyire esiri mumwoyo kwomunju.
നിലവിൽ തിരഞ്ഞെടുത്തിരിക്കുന്നു:
Yohana 2: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
