Evikholwa 4
4
Petero nende Yohana Musiina
1Olu Petero nende Yohana vali nivasilomaloma khuvanju, avakuhani nende omukali wavalindi vetemberi nende Avasadukayo vola, 2vasinyikha muno esikira avachumwa vali niverwachira avanju nokhuwola awulafu mbo mu Yesu avafu vachia okhusisimukha. 3Vavatira vavacha musiwoo okhwola olutalo lwalondakho esikira mbo wali wirire khale.
4Nausa avangi avawulira ekhuwa vasuvira, avanju vametekha vola aambi eelefu chichanu.
5Olutalo lwalondakho avachuki vawe, avasakhulu nende avekesi vamalako vewusa alala mu Yerusalemu, 6alala nende Anasi omukuhani mukhongo, nende Kayafa, nende Yohana nende Aleksanda, nende vosi avali venju yowukuhani wukhongo. 7Olu vali nivakhemesa avachumwa emberi wawe vavacheva, “Mukholire kano muwunyali wanu, ne nundi mulicha lianu?” 8Petero nikechuye Roho Muchwenufu kavawolera, “Avemirisi vavanju nende avasakhulu, 9niva mbo munachuchevanga okhulondana nende esikholwa silayi esikholekhire khumuleme, mbo awonire achie, 10lekha kamanyikhe khwinywe mwesi, nende khuvanju vosi Avaisraeli, mbo mulicha lia Yesu Kristo Omunazareti, oyu mwavamba khumusalaba, oyu Nyasaye kasisimusa okhuchula muvafu, njokira omunju ono nikemire emberi wenywe, mana awonire. 11Lino njekina elinywe avombakhi mwalova, mana liakhekhola ekina ekali eliesiiro. 12Mana owuwonia siwulikho mumunju wundi yesiyesi ta, esikira elicha lindi silirikhoo aasi wekulu eliaanwa khuvanju mbo okhuvichira khunilio khunyole owuwonia tawe.”
13Kho olu vawona owunyindafu wa Petero nende Yohana, ne vamanya vachi vali wusa avanju vatiti avachasoma, vesindukha, vamanyirisa mbo vali valondi va Yesu. 14Olu vawona omunju wali nawonire nikemire alala navo, sivalikho nowuyingani wosiwosi tawe. 15Vawolera avanju vachule erwanyi wesikhaso, navo vasikala mukachi nivawolana, 16vachevana, “Khukhole khuchie avanju vano? Avanju vosi ava Yerusalemu vamanyire mbo esimanyiro sino sikholekhire okhuvichira munivo, ne sikhunyala okhwekana tawe. 17Nausa nikhuchenya kachianakane okhusalanikha muvanju, khuvakanie okhulomaloma nomunju yesiyesi mulicha lia Yesu.” 18Vavalanga nokhuvakania mbo vachalomalomakho nundi emberi wavanju, namwe okhwekesa mulicha lia Yesu ta.
19Nausa Petero nende Yohana vavachipa nivawola, “Khanu muchuwolere niva mbo wuli wulayi emberi wa Nyasaye okhuvachekeresa enywe okhuvicha Nyasaye; 20esikira sikhunyala khwalekha okhulomaloma khu aka khuwene nundi khwawulira tawe.” 21Vamala vavachikhirisiakho nundi olukali mana vavalekhula, esikira sivanyolakho esikha esiakhakirire vavakhalakire tawe. Esikira avanju vosi vali vafumia Nyasaye okhulondana nende akali nikakholekhanire. 22Omunju oyu esimanyiro siowuwonia siali nisikholekhaniye kali avichire emiaka amakhumi kane.
Avasuvirwa Vasava Owuyindafu
23Olu Petero nende Yohana valekhulwa, vakoola khu vasale vawe vavawolera aka avakuhani vakhongo nende avasakhulu vavawoleye. 24Olu vakawulira vachia emberi wa Nyasaye mumasayo nivawola, “Omwami, owalomba ekulu nelova nenyanja, nende viosi evilimo, 25owalomaloma okhuvichira khu papa wefwe Daudi, nakhonywa nende Roho Muchwenufu,
‘mbo sina Avachali Avayahudi nivasinyikha,
ne sikira sina avanju nivapara akawumao?
26Avami vesialo vechekekha,
avachuki navo vasanga alala,
okhwikalira Omwami nende Omuchoole wuwe.’
27Muwung'ali, mwitookho muno, Herode nende Pontio Pilato, alala nende Avachali Avayahudi nende avanju va Avaisraeli, vasanga alala nende echomo liokhwikalira omukhalavani wuwo oyu wachoola. 28Vewusa okhukhola aka wamwene wenya ochi kanakhekholekhe. 29Khulwako Omwami, lengera khu vichikhirisio viawe mana owerese avakhalavani vavo owunyindafu wokhwirwacha ekhuwa lilio, 30ngonyira omukhono kukwo oonie avalwaye, nundi evimanyiro nende amangayimwa vikholekhane mulicha lia omukhalavani wuwo, Yesu. 31Olu vali nivakhamala okhusala, awunju aa vali nivemire achenga; ne vosi vechuswa Roho Muchwenufu mana verwacha ekhuwa lia Nyasaye nende owunyindafu.”
Avasuvirwa Vakavana Emiandu Kiawe
32Avasuvirwa vosi vanja okhukholera alala mumwoyo nende mu roho. Awumao ata mulala owawola achi ali nemiandu kikie omwene, nichasi vakavananga viosi evi vali navio.
33Avachumwa vachianakana okhuchusa owuloli okhulondana nende esisimukha lia Omwami Yesu, ne Nyasaye kachianakana okhuvawa ekhavi.
34Awumamo omunju munivo owali mumanani, avovosi avali nende emikunda nenyumba vakusianga, 35valechanga evichuliremo emberi wavachumwa, vakavana okhulondana nende elienya lia wulimunju.
36Yosefu, oyu avachumwa valanganga vachi Baranaba, (eliesifune sia Omutinyirisi), Omulawi wa Kupro, 37yesi kakusia omukunda kukwe mana kalecha esende emberi wavachumwa.
നിലവിൽ തിരഞ്ഞെടുത്തിരിക്കുന്നു:
Evikholwa 4: LNTPP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024
Evikholwa 4
4
Petero nende Yohana Musiina
1Olu Petero nende Yohana vali nivasilomaloma khuvanju, avakuhani nende omukali wavalindi vetemberi nende Avasadukayo vola, 2vasinyikha muno esikira avachumwa vali niverwachira avanju nokhuwola awulafu mbo mu Yesu avafu vachia okhusisimukha. 3Vavatira vavacha musiwoo okhwola olutalo lwalondakho esikira mbo wali wirire khale.
4Nausa avangi avawulira ekhuwa vasuvira, avanju vametekha vola aambi eelefu chichanu.
5Olutalo lwalondakho avachuki vawe, avasakhulu nende avekesi vamalako vewusa alala mu Yerusalemu, 6alala nende Anasi omukuhani mukhongo, nende Kayafa, nende Yohana nende Aleksanda, nende vosi avali venju yowukuhani wukhongo. 7Olu vali nivakhemesa avachumwa emberi wawe vavacheva, “Mukholire kano muwunyali wanu, ne nundi mulicha lianu?” 8Petero nikechuye Roho Muchwenufu kavawolera, “Avemirisi vavanju nende avasakhulu, 9niva mbo munachuchevanga okhulondana nende esikholwa silayi esikholekhire khumuleme, mbo awonire achie, 10lekha kamanyikhe khwinywe mwesi, nende khuvanju vosi Avaisraeli, mbo mulicha lia Yesu Kristo Omunazareti, oyu mwavamba khumusalaba, oyu Nyasaye kasisimusa okhuchula muvafu, njokira omunju ono nikemire emberi wenywe, mana awonire. 11Lino njekina elinywe avombakhi mwalova, mana liakhekhola ekina ekali eliesiiro. 12Mana owuwonia siwulikho mumunju wundi yesiyesi ta, esikira elicha lindi silirikhoo aasi wekulu eliaanwa khuvanju mbo okhuvichira khunilio khunyole owuwonia tawe.”
13Kho olu vawona owunyindafu wa Petero nende Yohana, ne vamanya vachi vali wusa avanju vatiti avachasoma, vesindukha, vamanyirisa mbo vali valondi va Yesu. 14Olu vawona omunju wali nawonire nikemire alala navo, sivalikho nowuyingani wosiwosi tawe. 15Vawolera avanju vachule erwanyi wesikhaso, navo vasikala mukachi nivawolana, 16vachevana, “Khukhole khuchie avanju vano? Avanju vosi ava Yerusalemu vamanyire mbo esimanyiro sino sikholekhire okhuvichira munivo, ne sikhunyala okhwekana tawe. 17Nausa nikhuchenya kachianakane okhusalanikha muvanju, khuvakanie okhulomaloma nomunju yesiyesi mulicha lia Yesu.” 18Vavalanga nokhuvakania mbo vachalomalomakho nundi emberi wavanju, namwe okhwekesa mulicha lia Yesu ta.
19Nausa Petero nende Yohana vavachipa nivawola, “Khanu muchuwolere niva mbo wuli wulayi emberi wa Nyasaye okhuvachekeresa enywe okhuvicha Nyasaye; 20esikira sikhunyala khwalekha okhulomaloma khu aka khuwene nundi khwawulira tawe.” 21Vamala vavachikhirisiakho nundi olukali mana vavalekhula, esikira sivanyolakho esikha esiakhakirire vavakhalakire tawe. Esikira avanju vosi vali vafumia Nyasaye okhulondana nende akali nikakholekhanire. 22Omunju oyu esimanyiro siowuwonia siali nisikholekhaniye kali avichire emiaka amakhumi kane.
Avasuvirwa Vasava Owuyindafu
23Olu Petero nende Yohana valekhulwa, vakoola khu vasale vawe vavawolera aka avakuhani vakhongo nende avasakhulu vavawoleye. 24Olu vakawulira vachia emberi wa Nyasaye mumasayo nivawola, “Omwami, owalomba ekulu nelova nenyanja, nende viosi evilimo, 25owalomaloma okhuvichira khu papa wefwe Daudi, nakhonywa nende Roho Muchwenufu,
‘mbo sina Avachali Avayahudi nivasinyikha,
ne sikira sina avanju nivapara akawumao?
26Avami vesialo vechekekha,
avachuki navo vasanga alala,
okhwikalira Omwami nende Omuchoole wuwe.’
27Muwung'ali, mwitookho muno, Herode nende Pontio Pilato, alala nende Avachali Avayahudi nende avanju va Avaisraeli, vasanga alala nende echomo liokhwikalira omukhalavani wuwo oyu wachoola. 28Vewusa okhukhola aka wamwene wenya ochi kanakhekholekhe. 29Khulwako Omwami, lengera khu vichikhirisio viawe mana owerese avakhalavani vavo owunyindafu wokhwirwacha ekhuwa lilio, 30ngonyira omukhono kukwo oonie avalwaye, nundi evimanyiro nende amangayimwa vikholekhane mulicha lia omukhalavani wuwo, Yesu. 31Olu vali nivakhamala okhusala, awunju aa vali nivemire achenga; ne vosi vechuswa Roho Muchwenufu mana verwacha ekhuwa lia Nyasaye nende owunyindafu.”
Avasuvirwa Vakavana Emiandu Kiawe
32Avasuvirwa vosi vanja okhukholera alala mumwoyo nende mu roho. Awumao ata mulala owawola achi ali nemiandu kikie omwene, nichasi vakavananga viosi evi vali navio.
33Avachumwa vachianakana okhuchusa owuloli okhulondana nende esisimukha lia Omwami Yesu, ne Nyasaye kachianakana okhuvawa ekhavi.
34Awumamo omunju munivo owali mumanani, avovosi avali nende emikunda nenyumba vakusianga, 35valechanga evichuliremo emberi wavachumwa, vakavana okhulondana nende elienya lia wulimunju.
36Yosefu, oyu avachumwa valanganga vachi Baranaba, (eliesifune sia Omutinyirisi), Omulawi wa Kupro, 37yesi kakusia omukunda kukwe mana kalecha esende emberi wavachumwa.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©The Bible Society of Kenya, 2024