Ujọn 9
9
Ujeso a mbee ungikye angwu a hwọ ashi le he lifung anam
1He liti ken, Ujeso a maa tan gba he kukwo, a nde ungikye ususo angwu a hwọ ashi kung le he lifung anam. 2Bendi-utung bema be bii he le, “Itisha ukandi, kiban ayang ki shi be hwan ungikye angwun ashi kpi-kpi? Kiban kima kigyang a, ha a shi atyam le anam a?”
3Ujeso a fan abe le, “A hwọ ashi he kiban ashi kima kigyang ọ, nyọng ashi atyam le anam a ọ ye. A hwọ ashi le he bendi be nde ikeb Unim he ahe a. 4Ki yi kpe-kpe le li shi aki Atyagi angwu a sọm mi na kusu ku wa gye ye i. Baale kusu ku gye. Nyọng ku gye, undi u tem sha aki mbee ye. 5Nya ana mi so he igye i, mi yi kikung-gboo a ke igye anyin.”
6A kọng igie angina i mbee, a sho akung wu he itang, kung udyọng-bwo naa angi. A ha shi angi gbaa uhwọ-ashi ana he itọng-shi. 7A kung de-e le, “Ndu gye le to ashi he umbwo angwu be ko le Usilọm.” (Lizen angi le Usilọm li ze le asọm-ale.) Uhwọ-ashi ana a bo gbe gye ha, a le to ashi puu. Nyọng a tem be, u fel nda.
8Bendi bema le bendi puu abe be be nde-e nyọng u kwu he kukwo nyọng kinyọng, be de le, “Aye, uhwọ-ashi angwu u shaa kwu he kukwo nyọng kinyọng i ye a?” 9Bendi besuso be de le ufe a.
Besuso be de le ufe a ye. A bi-e i bi.
Ufe-gyang a ha kung kọng le, “Mi a.”
10Be kung bii he le, “Na wo shi nyọng ashi agang a buu?”
11A fan abe le, “Undi angwu be ko le Ujeso, a naa itang shi gbaa mi he ashi, u de-m le mi gye le to angi he umbwo Usilọm. Mi le to angi toto, a ma buu, mi fel nda.”
12Be kung bii he le, “Ungikye umen ana u yi kung a?”
A fan abe le, “Mi ngye ye.”
Bendi Iferesis be kee kikwu likọng limbee ana
13Bendi abe be ma yi ha be kpe kung ungikye umen angwu le-iti a ma hwọ ashi ana gbe le he le hwaa le bendi Iferesis. 14He liti-uwel Ijuus na Ujeso a ma naa itang shi atọng-shi ungikye angwuna a ma buu. 15Bendi Iferesis ọ titi be bii he na a shi atọng-shi ama a buu. A de be le, “A shi itang gbaa mi he ashi, mi le to angi, mi fel nda.”
16Bendi Iferesis besuso be de le, “Ungikye angwun a be le ha Unim a ye. U be le ha Unim a, hang u ndọ uten liti-uwel.” Besuso be bii le, “Undi-kiban u sha bitaa abin na a?” He ashin be tang he abwo fel akwu-akwu.
17Be mbee kung bii he le, “Wo de le ungikye angwuna na a sha-a wo fel nde, wogyang ufe, wo nya gim le u yi kibang kitaa undi a?”
A fan abe le u yi utye-ugie kisọm Unim a.
18Bekandi Ijuus be bọng le ungikye angwun a be hwọ ashi saa u ha fel nde ana ye. Be sọm ko atyam le anam, 19be bii abe le, “Unwaa-men i a? Kigyang a le a ma hwọ ashi kung le ha liti angi ma hwan he a? Ki shi na a u fel nde?”
20Atyam le anam be fan le, “Li ngye le u yi unwaa-tyan a. Ki shi kigyang a le nyọng li ma hwan he, a ma hwọ ashi. 21Ukpọ li ngye na ashinyọng u fel nde ye. Li ngye undi angwu a buu he ashi ye. Ma bii he ufe-gyang. U tem yi unwa-ani a ye. Ufe-gyang u da amen.” 22Atyam le anam be ma kọng igie angina, likọye be maa shel bekandi Ijuus. Be shel abe likọye be ma kọng ndọ le undi angwu a kọng gboo le Ujeso u yi Ukristi, Undi-likpan angwu Unim a sọm a, be ndo abe le he ushọm ubel angwu be kwu liwu. 23Ashina na ki tan le shi be de le, “A kpe, bii he ufe-gyang.”
24Be ha ko he ufe-gyang kugbe ahwu lifee, be de-e le, “Ke Unim ifem gbe he akọng-ale kigyang. Nde le undi angwu wo de le a sha-a wo fel nde i u yi undi-kiban a?”
25A fan abe le, “Ha u yi undi-kiban a ọ, ha u yi undi-kiban a ye ọ, mi ngye kife ye. Kiwọm ken ashi mi ngye ki yi le, le-iti mi ma hwọ ashi, ukpọ kanaa-anaa i mi fel nda.”
26Be kung bii he le, “Na wo shi nyọng ashi agang a buu?”
27A fan abe le, “Mi be de men ma, ukpọ ma kee le ma kpa ye. Kibang a, ma mbee bii mi? Men ọ ma kee le ma la fel bendi-utung bema a?”
28Be buu he atye de-e le, “Wo na wo yi undi-utung uma, bel ufe, li yi bendi-utung Umosis a. 29Li ngye le le-iti Unim a ma kọng ha Umosis. Ungikye angwun ufe, li ngye he kipi u be ye.”
30Ungikye angwuna a fan le, “Ma kọng ki ngbeb! Ukpọ ma na ma ngye he kipi u be ye ọ, a shi-m mi fel nda. 31Li ngye le Unim u gyo bendi-biban ye. Bendi abe be fe-e, be mbee shi ashi a kee na u gyo abe. 32Gbe ukọng-ukọng li wa gyo he kipi undi a shi undi angwu a hwọ ashi u fel nde ngye ye. Undi a wa gyo ashina ngye ye. 33Kigyang-kigyang, ungikye angwun u ba le ha Unim a. Ki kwu na a ye, hang u sha biwọm abin mbee ye.”
34Be de le, “Wo angwu be ma hwan tyung he kiban, wo kaa le he wo hwọ li bel i hwọ a?” Be ndo he le ha ushọm ubel angwu be kwu liwu tyang he igye.
Ashi ahwọ-ale he Ukatia Kunyọng
35Ujeso a gyo le be ndo ungikye angwuna. A kee he kpam le nde-e, u bii he le, “Wo bọng ha Unwaa undi-gye a?”
36A fan Ujeso le, “Ukandi, de-m undi angwu a, mi bọng he ahe.”
37Ujeso a de-e le, “Wo nde undi umen ana ọ ma. Ufe na u kọng ha awo i.”
38A kung de le, “Ada, mi bọng ha awo.” A bel tim anung he itang ha he kushu Ujeso.
39Ujeso a de le, “Mi be ushe atang-ale a he igye anyin, le bihwọ-ashi bi fel nde, abe be nde be bel bihwọ-ashi.”
40Bendi Iferesis besuso abe be yi ha be gyo igie anyin, be kung bii he le, “Wo kọng i le bel ọ li hwọ ashi a?”
41Ujeso a fan le, “Ki kwu le ma hwọ ashi, ma ngye ashi ma shi ye, hang ma za libi kiban ye. Ukpọ gbe ma de le ma nda, ma zi libi.”
നിലവിൽ തിരഞ്ഞെടുത്തിരിക്കുന്നു:
Ujọn 9: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 9
9
Ujeso a mbee ungikye angwu a hwọ ashi le he lifung anam
1He liti ken, Ujeso a maa tan gba he kukwo, a nde ungikye ususo angwu a hwọ ashi kung le he lifung anam. 2Bendi-utung bema be bii he le, “Itisha ukandi, kiban ayang ki shi be hwan ungikye angwun ashi kpi-kpi? Kiban kima kigyang a, ha a shi atyam le anam a?”
3Ujeso a fan abe le, “A hwọ ashi he kiban ashi kima kigyang ọ, nyọng ashi atyam le anam a ọ ye. A hwọ ashi le he bendi be nde ikeb Unim he ahe a. 4Ki yi kpe-kpe le li shi aki Atyagi angwu a sọm mi na kusu ku wa gye ye i. Baale kusu ku gye. Nyọng ku gye, undi u tem sha aki mbee ye. 5Nya ana mi so he igye i, mi yi kikung-gboo a ke igye anyin.”
6A kọng igie angina i mbee, a sho akung wu he itang, kung udyọng-bwo naa angi. A ha shi angi gbaa uhwọ-ashi ana he itọng-shi. 7A kung de-e le, “Ndu gye le to ashi he umbwo angwu be ko le Usilọm.” (Lizen angi le Usilọm li ze le asọm-ale.) Uhwọ-ashi ana a bo gbe gye ha, a le to ashi puu. Nyọng a tem be, u fel nda.
8Bendi bema le bendi puu abe be be nde-e nyọng u kwu he kukwo nyọng kinyọng, be de le, “Aye, uhwọ-ashi angwu u shaa kwu he kukwo nyọng kinyọng i ye a?” 9Bendi besuso be de le ufe a.
Besuso be de le ufe a ye. A bi-e i bi.
Ufe-gyang a ha kung kọng le, “Mi a.”
10Be kung bii he le, “Na wo shi nyọng ashi agang a buu?”
11A fan abe le, “Undi angwu be ko le Ujeso, a naa itang shi gbaa mi he ashi, u de-m le mi gye le to angi he umbwo Usilọm. Mi le to angi toto, a ma buu, mi fel nda.”
12Be kung bii he le, “Ungikye umen ana u yi kung a?”
A fan abe le, “Mi ngye ye.”
Bendi Iferesis be kee kikwu likọng limbee ana
13Bendi abe be ma yi ha be kpe kung ungikye umen angwu le-iti a ma hwọ ashi ana gbe le he le hwaa le bendi Iferesis. 14He liti-uwel Ijuus na Ujeso a ma naa itang shi atọng-shi ungikye angwuna a ma buu. 15Bendi Iferesis ọ titi be bii he na a shi atọng-shi ama a buu. A de be le, “A shi itang gbaa mi he ashi, mi le to angi, mi fel nda.”
16Bendi Iferesis besuso be de le, “Ungikye angwun a be le ha Unim a ye. U be le ha Unim a, hang u ndọ uten liti-uwel.” Besuso be bii le, “Undi-kiban u sha bitaa abin na a?” He ashin be tang he abwo fel akwu-akwu.
17Be mbee kung bii he le, “Wo de le ungikye angwuna na a sha-a wo fel nde, wogyang ufe, wo nya gim le u yi kibang kitaa undi a?”
A fan abe le u yi utye-ugie kisọm Unim a.
18Bekandi Ijuus be bọng le ungikye angwun a be hwọ ashi saa u ha fel nde ana ye. Be sọm ko atyam le anam, 19be bii abe le, “Unwaa-men i a? Kigyang a le a ma hwọ ashi kung le ha liti angi ma hwan he a? Ki shi na a u fel nde?”
20Atyam le anam be fan le, “Li ngye le u yi unwaa-tyan a. Ki shi kigyang a le nyọng li ma hwan he, a ma hwọ ashi. 21Ukpọ li ngye na ashinyọng u fel nde ye. Li ngye undi angwu a buu he ashi ye. Ma bii he ufe-gyang. U tem yi unwa-ani a ye. Ufe-gyang u da amen.” 22Atyam le anam be ma kọng igie angina, likọye be maa shel bekandi Ijuus. Be shel abe likọye be ma kọng ndọ le undi angwu a kọng gboo le Ujeso u yi Ukristi, Undi-likpan angwu Unim a sọm a, be ndo abe le he ushọm ubel angwu be kwu liwu. 23Ashina na ki tan le shi be de le, “A kpe, bii he ufe-gyang.”
24Be ha ko he ufe-gyang kugbe ahwu lifee, be de-e le, “Ke Unim ifem gbe he akọng-ale kigyang. Nde le undi angwu wo de le a sha-a wo fel nde i u yi undi-kiban a?”
25A fan abe le, “Ha u yi undi-kiban a ọ, ha u yi undi-kiban a ye ọ, mi ngye kife ye. Kiwọm ken ashi mi ngye ki yi le, le-iti mi ma hwọ ashi, ukpọ kanaa-anaa i mi fel nda.”
26Be kung bii he le, “Na wo shi nyọng ashi agang a buu?”
27A fan abe le, “Mi be de men ma, ukpọ ma kee le ma kpa ye. Kibang a, ma mbee bii mi? Men ọ ma kee le ma la fel bendi-utung bema a?”
28Be buu he atye de-e le, “Wo na wo yi undi-utung uma, bel ufe, li yi bendi-utung Umosis a. 29Li ngye le le-iti Unim a ma kọng ha Umosis. Ungikye angwun ufe, li ngye he kipi u be ye.”
30Ungikye angwuna a fan le, “Ma kọng ki ngbeb! Ukpọ ma na ma ngye he kipi u be ye ọ, a shi-m mi fel nda. 31Li ngye le Unim u gyo bendi-biban ye. Bendi abe be fe-e, be mbee shi ashi a kee na u gyo abe. 32Gbe ukọng-ukọng li wa gyo he kipi undi a shi undi angwu a hwọ ashi u fel nde ngye ye. Undi a wa gyo ashina ngye ye. 33Kigyang-kigyang, ungikye angwun u ba le ha Unim a. Ki kwu na a ye, hang u sha biwọm abin mbee ye.”
34Be de le, “Wo angwu be ma hwan tyung he kiban, wo kaa le he wo hwọ li bel i hwọ a?” Be ndo he le ha ushọm ubel angwu be kwu liwu tyang he igye.
Ashi ahwọ-ale he Ukatia Kunyọng
35Ujeso a gyo le be ndo ungikye angwuna. A kee he kpam le nde-e, u bii he le, “Wo bọng ha Unwaa undi-gye a?”
36A fan Ujeso le, “Ukandi, de-m undi angwu a, mi bọng he ahe.”
37Ujeso a de-e le, “Wo nde undi umen ana ọ ma. Ufe na u kọng ha awo i.”
38A kung de le, “Ada, mi bọng ha awo.” A bel tim anung he itang ha he kushu Ujeso.
39Ujeso a de le, “Mi be ushe atang-ale a he igye anyin, le bihwọ-ashi bi fel nde, abe be nde be bel bihwọ-ashi.”
40Bendi Iferesis besuso abe be yi ha be gyo igie anyin, be kung bii he le, “Wo kọng i le bel ọ li hwọ ashi a?”
41Ujeso a fan le, “Ki kwu le ma hwọ ashi, ma ngye ashi ma shi ye, hang ma za libi kiban ye. Ukpọ gbe ma de le ma nda, ma zi libi.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.