Aki 23
23
1Upọl a tim Isanhendrin ashi he kushu ngwang, de be le, “Bebuye, mi shi likpe linunung he ashi Unim kpam be wu kunyin i nyin, ugim ugi u yi-m utaa-utaa.” 2Ananayas angwu u yi Usu bekandi bishang Unim a de bendi abe be yi naa gwaa ha Upọl le be gbel he kubwo he ungwu. 3Upọl a kung de-e le, “Wo angwu wo ngbeb item, ban afee, Unim u ba kpam ma awo ọ titi. Wo yi kwu ha ana i le wo maa mi ushe na Iten i kọng, ukpọ wo ban Iten a nyọng wo de le be kpam mi ana.”
4Bendi abe be ma yi naa gwaa ha Upọl be de-e le, “Taa, wo mba lityam kọng ban Usu bekandi bishang Unim a!”
5Upọl a kung de be le, “Bebuye, mi ngye le u yi Usu bekandi bishang Unim a ye. Be ma fee ndọ he kushia Unim le-iti le, ‘Undi u kọng ban ukandi angwu u nde gbe le bendi ye.’ #23:5 Ligye 22:28”
6Upọl a nde le bendi besuso ha he liwu be ma yi Isadusis, besuso be shi Iferesis. He atan-lengi angwun a kung gaa ha he liwu libel le, “Bebuye, mi yi Iferesis a, mi shi unwaa Iferesis a. Mi yi he ukoto nyin, le gbe mi ndọ lishi le bendi abe be hwo be ba wum a.” 7A kọng ashin kọng-kọng, Iferesis befe le Isadusis be fel shwan le bende. Liwu angina li ma tang he abwo. 8(Bendi Isadusis be de le bendi be ba wum le he lihwu ye. Be mbee de le idengel Unim ọ i yi, nyọng ikeb ibibi ọ i yi ye. Iferesis ife i bọng le bimen bikie nyin bi yi.)
9Be fel gaa kaang. Bitisha Iten besuso abe be yi he likwu Iferesis be bo kinaa, be fel gaa fa be le, “Li nde kibibi ashi ungikye angwun a shi ye. Pisoye udengel Unim a kọng he ahe kigyang a, pisoye ikeb ibibi a.” 10Be fel shwan kaang. Ukandi ishogya a fel he kushel le ha nyin be shwa wal Upọl abwo ọ. A sọm ishogya ima gye ha he liwu bendi le be le kpe Upọl le ikeb gbe le he le ha gye he usha-ale ishogya.
11Kusu ku gye, Ada Ujeso a be naa gwaa ha Upọl de-e le, “Shi shel ye. Nya ana wo bun de bendi gbe le mi he Ujeruselem. Wo ba bun da bendi abe he Urom ọ titi.”
Be tim le be gwu Upọl
12Ashi a taa le-iti, bendi Ijuus be le kpee ukem shi ugim na be be shi. Be tam le ki yi le kiwọm ashi ki ha ndo shi abe be zi lizi ọ, ngwu be ngwo umbwo ọ ye kpam be gwu Upọl. 13Bendi abe be ma tam ashin be maa gba gyọng asi afee. 14Be le hwaa le bekandi bishang Unim le bekandi kubọng, de be le, “Bel puu li kwu he kiteng ken tam le li za lizi ye kpam li gbe gwu Upọl. 15Kanaa-anaa i men le Isanhendrin puu ma sọm kisọm hwaa le ukandi ishogya angwu u be le he Urom le u be le Upọl hwaa le men. Ma lam he le ma kee le ma mbee gyo he kinunung. Li ba la gwa he ha he kukwo ma ukpọng u ha wu hen.”
16Unwaa unwaa-nam Upọl a gyo le be tim le be gie he kukwo nyọng he. A gye ha he usha-ale ishogya le de Upọl gbe le shi.
17Upọl a kung ukandi ishogya ken ko. A de-e le, “Te le ushọmate angwun le hwaa le ukandi ugang. U yi le kiwọm ashi a kee le u da he.” 18Angwu ishogya ana a kpe-e gye le he he kipi ukandi.
A de ukandi le, “Undi igaadye angwu be ko le Upọl ana a sọm ko mi, de-m le mi be le ushọmate angwun be hwaa le wo likọye u yi le ashi u la da-a.”
19Ukandi ana a kwu-e abwo he kubwo, gbe le he gye he ufaa le bii he le, “Kibang wo la de-m?”
20A fan he le, “Ijuus i tim le, kuhwo be be lam a le wo te le Upọl he Isanhendrin be mbee gyo he kinunung. 21Shi dang kutyung gyo abe ye, likọye bendi be yi ha, be gba gyọng asi afee abe nyin be ndyel he kukwo nyọng Upọl. Puu ubel be tam le be za lizi ọ, ngwu be ngwo umbwo ọ ye kpam be gbe gwu-e. Be fel yi kwu be nyọng awo a le wo bọng ashi be kọng.”
22Ukandi ishogya angwuna a de-e le ndu gye, “de undi ashi wo de-m i ye.”
Be kung Upọl gye he Usesaria
23Ukandi ishogya ana a ha ko ishogya ima, bendi befee, de be le, “Ma le be le ishogya asi lihwo, le abe be pwọm kukaa-inyia asi akie le be lihwo, le abe be kwu akung asi lihwo. Ma de be le be kam be, he nyin be bo he inde idyọng-inde le kusu gye he Usesaria. 24Ma shun bekaa-inyia ke Upọl he u pwọm, ma te le he le ke Ufaa-ukwob Ufelis faale kidoale.”
25Ukandi umen ana a kung kushia fee hwaa le Ufelis le,
26Mi Uklaudius Ulysias,
Ufelis ufaa-ukwob utyan,
mi kọng le wo.
27Bendi Ijuus be ma kwu ungikye angwun, be kaa he agwu-ale. Mi ma gyo le u yi undi Urom a. Bel ha ishogya igi li le kpe-e tyang. 28Mi gye le he hwaa le Isanhendrin, likọye mi kee le mi ngya kiwọm kibibi ashi be de le a shi. 29Mi nde le a shi kiwọm ashi ki kpe le be gwu-e ọ, nyọng be fee he igaadye ọ ye. Kiwọm ashi be kee-kee kọng fe-e ki yi gbe le Iten ibel ife-ife a. 30Undi a be de-m le Ijuus i kam le i gwa he. Mi ha shi ugim le mi sọm he hwaa le wo. Mi de bendi-linaa bema le be te le ushe uma le hwaa le wo.
31Ishogya i le shi ashi a de be. Be te le Upọl nya le kusu le wu he Antipatris. 32Ashi a taa, ishogya angi he abee i tem gye he ushu le angi he bekaa-inyia be ndu te le Upọl. 33Be te le he le wu he Usesaria. Be kung kushia ọ, Upọl ọ, ke ukandi. 34Ufaa-ukwob ana a bo kushia, u bii Upọl kubọng ahwu u be. Upọl a de-e le u ba le he Usilisia a. 35Ufaa-ukwob a de-e le, “Bendi-linaa begang be ba, ma mi gyo-a.” A ha de le be gye le Upọl he ukoto Uherọd, be kang he ha.
നിലവിൽ തിരഞ്ഞെടുത്തിരിക്കുന്നു:
Aki 23: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Aki 23
23
1Upọl a tim Isanhendrin ashi he kushu ngwang, de be le, “Bebuye, mi shi likpe linunung he ashi Unim kpam be wu kunyin i nyin, ugim ugi u yi-m utaa-utaa.” 2Ananayas angwu u yi Usu bekandi bishang Unim a de bendi abe be yi naa gwaa ha Upọl le be gbel he kubwo he ungwu. 3Upọl a kung de-e le, “Wo angwu wo ngbeb item, ban afee, Unim u ba kpam ma awo ọ titi. Wo yi kwu ha ana i le wo maa mi ushe na Iten i kọng, ukpọ wo ban Iten a nyọng wo de le be kpam mi ana.”
4Bendi abe be ma yi naa gwaa ha Upọl be de-e le, “Taa, wo mba lityam kọng ban Usu bekandi bishang Unim a!”
5Upọl a kung de be le, “Bebuye, mi ngye le u yi Usu bekandi bishang Unim a ye. Be ma fee ndọ he kushia Unim le-iti le, ‘Undi u kọng ban ukandi angwu u nde gbe le bendi ye.’ #23:5 Ligye 22:28”
6Upọl a nde le bendi besuso ha he liwu be ma yi Isadusis, besuso be shi Iferesis. He atan-lengi angwun a kung gaa ha he liwu libel le, “Bebuye, mi yi Iferesis a, mi shi unwaa Iferesis a. Mi yi he ukoto nyin, le gbe mi ndọ lishi le bendi abe be hwo be ba wum a.” 7A kọng ashin kọng-kọng, Iferesis befe le Isadusis be fel shwan le bende. Liwu angina li ma tang he abwo. 8(Bendi Isadusis be de le bendi be ba wum le he lihwu ye. Be mbee de le idengel Unim ọ i yi, nyọng ikeb ibibi ọ i yi ye. Iferesis ife i bọng le bimen bikie nyin bi yi.)
9Be fel gaa kaang. Bitisha Iten besuso abe be yi he likwu Iferesis be bo kinaa, be fel gaa fa be le, “Li nde kibibi ashi ungikye angwun a shi ye. Pisoye udengel Unim a kọng he ahe kigyang a, pisoye ikeb ibibi a.” 10Be fel shwan kaang. Ukandi ishogya a fel he kushel le ha nyin be shwa wal Upọl abwo ọ. A sọm ishogya ima gye ha he liwu bendi le be le kpe Upọl le ikeb gbe le he le ha gye he usha-ale ishogya.
11Kusu ku gye, Ada Ujeso a be naa gwaa ha Upọl de-e le, “Shi shel ye. Nya ana wo bun de bendi gbe le mi he Ujeruselem. Wo ba bun da bendi abe he Urom ọ titi.”
Be tim le be gwu Upọl
12Ashi a taa le-iti, bendi Ijuus be le kpee ukem shi ugim na be be shi. Be tam le ki yi le kiwọm ashi ki ha ndo shi abe be zi lizi ọ, ngwu be ngwo umbwo ọ ye kpam be gwu Upọl. 13Bendi abe be ma tam ashin be maa gba gyọng asi afee. 14Be le hwaa le bekandi bishang Unim le bekandi kubọng, de be le, “Bel puu li kwu he kiteng ken tam le li za lizi ye kpam li gbe gwu Upọl. 15Kanaa-anaa i men le Isanhendrin puu ma sọm kisọm hwaa le ukandi ishogya angwu u be le he Urom le u be le Upọl hwaa le men. Ma lam he le ma kee le ma mbee gyo he kinunung. Li ba la gwa he ha he kukwo ma ukpọng u ha wu hen.”
16Unwaa unwaa-nam Upọl a gyo le be tim le be gie he kukwo nyọng he. A gye ha he usha-ale ishogya le de Upọl gbe le shi.
17Upọl a kung ukandi ishogya ken ko. A de-e le, “Te le ushọmate angwun le hwaa le ukandi ugang. U yi le kiwọm ashi a kee le u da he.” 18Angwu ishogya ana a kpe-e gye le he he kipi ukandi.
A de ukandi le, “Undi igaadye angwu be ko le Upọl ana a sọm ko mi, de-m le mi be le ushọmate angwun be hwaa le wo likọye u yi le ashi u la da-a.”
19Ukandi ana a kwu-e abwo he kubwo, gbe le he gye he ufaa le bii he le, “Kibang wo la de-m?”
20A fan he le, “Ijuus i tim le, kuhwo be be lam a le wo te le Upọl he Isanhendrin be mbee gyo he kinunung. 21Shi dang kutyung gyo abe ye, likọye bendi be yi ha, be gba gyọng asi afee abe nyin be ndyel he kukwo nyọng Upọl. Puu ubel be tam le be za lizi ọ, ngwu be ngwo umbwo ọ ye kpam be gbe gwu-e. Be fel yi kwu be nyọng awo a le wo bọng ashi be kọng.”
22Ukandi ishogya angwuna a de-e le ndu gye, “de undi ashi wo de-m i ye.”
Be kung Upọl gye he Usesaria
23Ukandi ishogya ana a ha ko ishogya ima, bendi befee, de be le, “Ma le be le ishogya asi lihwo, le abe be pwọm kukaa-inyia asi akie le be lihwo, le abe be kwu akung asi lihwo. Ma de be le be kam be, he nyin be bo he inde idyọng-inde le kusu gye he Usesaria. 24Ma shun bekaa-inyia ke Upọl he u pwọm, ma te le he le ke Ufaa-ukwob Ufelis faale kidoale.”
25Ukandi umen ana a kung kushia fee hwaa le Ufelis le,
26Mi Uklaudius Ulysias,
Ufelis ufaa-ukwob utyan,
mi kọng le wo.
27Bendi Ijuus be ma kwu ungikye angwun, be kaa he agwu-ale. Mi ma gyo le u yi undi Urom a. Bel ha ishogya igi li le kpe-e tyang. 28Mi gye le he hwaa le Isanhendrin, likọye mi kee le mi ngya kiwọm kibibi ashi be de le a shi. 29Mi nde le a shi kiwọm ashi ki kpe le be gwu-e ọ, nyọng be fee he igaadye ọ ye. Kiwọm ashi be kee-kee kọng fe-e ki yi gbe le Iten ibel ife-ife a. 30Undi a be de-m le Ijuus i kam le i gwa he. Mi ha shi ugim le mi sọm he hwaa le wo. Mi de bendi-linaa bema le be te le ushe uma le hwaa le wo.
31Ishogya i le shi ashi a de be. Be te le Upọl nya le kusu le wu he Antipatris. 32Ashi a taa, ishogya angi he abee i tem gye he ushu le angi he bekaa-inyia be ndu te le Upọl. 33Be te le he le wu he Usesaria. Be kung kushia ọ, Upọl ọ, ke ukandi. 34Ufaa-ukwob ana a bo kushia, u bii Upọl kubọng ahwu u be. Upọl a de-e le u ba le he Usilisia a. 35Ufaa-ukwob a de-e le, “Bendi-linaa begang be ba, ma mi gyo-a.” A ha de le be gye le Upọl he ukoto Uherọd, be kang he ha.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.