Aki 18
18
He Ukọrint
1Upọl a ha gbe le he Atens gye he Ukọrint. 2A le nde undi Ijuus ha angwu be ko le Akwila. Be ma hwan he he Upontus a. Befe le ungye-ma, Uprisila, be ma ha be le he kubọng Itali ibe, likọye Usu ukandi Urom angwu be ko le Uklaudius a ma ke uten le Ijuus puu i gbe le he Urom. Upọl a te le u la kọng le be. 3Le gbe a ma yi undi angwu u maa kaa bebuu nya ana befe ọ be maa shi a, a ma ngyọ kwu shi aki utung abe. 4A maa gya he ushọm Unim angwu Ijuus i kwu liwu he liti-uwel Ijuus liyang-yang la fa ifung he Ijuus ọ, Igrik ọ, he be bọng ashi u kọng.
5Nyọng Usailas befe le Utimoti be be le he Umasedonia, Upọl a kung kunyọng kuma puu bun kisọm Unim, u de Ijuus le Ujeso u yi Ukristi, Undi-likpan angwu Unim a sọm be he igye anyin a. 6Bendi Ijuus be tel he, be kọng ban he. A waa bigbọ bima kem zege-zege wu he itang, u de be le, “Anung amen a ngyọ men he lishi, uben u kwa umen ugyang a. Abwo agi a yi ataa-ataa. Mi ndu gya ha bendi abe be yi Ijuus a ye a.”
7A gbe le ha le ngwee he ushọm Utitus Justus. A ma yi ugaa-ndi angwu u fe Unim a. Ushọm uma a ma yi gwaa ha ushọm Unim angwu Ijuus i kwu liwu. 8Ukrispus angwu a ma yi ukandi ushọm Unim angwu Ijuus i kwu liwu befe le kikwu-lihwan kima be bọng ha Ada Ujeso. Bendi Ukọrint gbam be gyo kisọm kinunung, be bọng ha Ujeso, be wu abe umbwo.
9He liti ken le kusu itam i shi Upọl le Ada a de-e le, “Shi shel ye. Gye kushu bun igie igi. Shi tyang ye. 10Mi yi utung ha awo. Undi u ha ndu do a ye, likọye bendi gbam he kubọng kumen i be yi begi a.” 11Upọl a ngyọ kwu ha lize ken le afel adyọng-ken hwọ bendi Unim.
12He kunyọng ahwu Ugalio a ma yi usu Akaya, bendi Ijuus abe he Ukọrint be ma gbọng bende le kwu Upọl gye le he he ukoto. 13Be de usu le, “Ungikye angwun a kaa he u shi bendi be fel fe Unim he kukwo ahwu Iten ityan i bọng ye a.”
14Nya ana Upọl a ma keb u kọng likọng, Ugalio a de Ijuus le, “Men Ijuus, ki kwu le u shi kibibi, ọ u bia Iten ityan a, tyang mi dang kutyung gyo amen kinunung. 15Ukpọ gbe ki yi ifung gbe le igie, le azen le Iten imen agyang a, men-agyang ma kọng ashi. Mi kwa utang-ushe biwọm abi kitaa ana ye.” 16A ndo abe le ha ukoto. 17Puu ubel be kwu Usostenis angwu a ma yi ukandi ha he ushọm Unim angwu Ijuus i kwu liwu kpam ha he ukoto. Ugalio a gwa ashi wu ashi be shi.
Uprisila, Aquila le Apolọs
18Upọl a ngyọ kwu ha bendi abọng-ale he Ukọrint gbe kigbe. A ha gbe tyang abe le ha gye he lishi Usenkrea utung ha Uprisila befe le Akwila. Be le wu ha, Upọl a hwaa lishi lima, likọye a ma ke Unim ukyeb. Saa be ha ngwee kinọng lishọ gye he kubọng Usiria. 19Be le wu he Efesọs. Upọl a gbe tyang Uprisila befe le Akwila. A gye he ushọm Unim angwu Ijuus i kwu liwu le fung fe be. 20Be tim he anung le u mbe kwu utung he abe. A swan. 21He kunyọng ahwu a maa ndu gbe ligye, a de be le, “Gbe ki yi ugim Unim a, mi ba tem ba.” A le ngwee kinọng lishọ le he Efesọs gye. 22A le wu he Usesaria, a gbe gye he Ujeruselem le kọng le liwu bendi abọng-ale. A ha gbe gye he Antiyọk.
23A kwu ha kanwaa kunyọng zang a, u gbe le ha. A le gbe he kigie Ugalesha le Ufrigia fe bendi abọng-ale ingie.
24Undi Ijuus angwu be maa ko le Apolọs a ma be he Efesọs. A maa ba le he Alezandria a. A ngye na u kọng likọng kindee-kindee, u ngye gbe le igie Unim angi be ma fee le-iti kaang. 25Be ma hwọ he kukwo Ada Ujeso. A maa hwọ bendi kigyang gba le Ujeso le lityam ken, ma na a ngye gbe le uhwọ-ale Ujọn le umbwo awole uma ufe-ufe a ọ 26A keb kiwọm akọng-ale he ushọm Unim angwu Ijuus i kwu liwu pọ. Uprisila befe le Akwila be gyo he, be kpe-e gye le he he ushu mbee le bun de-e kinunung gbe le kukwo Unim.
27Apolọs a shi ugim le hang a gye he Akaya. Bendi abọng-ale be kpel he gbe he afee-ale kushia hwaa le bebel abe ha he Akaya de be le gbe a be, be kpe-e. A le wu ha, a kpel bendi abe be bọng ha Ujeso gbe he inung Unim. 28A fe ifung hwo Ijuus he udyeshi gbe he atyung-ale ubel le he ashia Unim angi be fee le-iti le Ujeso u yi Ukristi, Undi-likpan angwu Unim a waa sọm a.
നിലവിൽ തിരഞ്ഞെടുത്തിരിക്കുന്നു:
Aki 18: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Aki 18
18
He Ukọrint
1Upọl a ha gbe le he Atens gye he Ukọrint. 2A le nde undi Ijuus ha angwu be ko le Akwila. Be ma hwan he he Upontus a. Befe le ungye-ma, Uprisila, be ma ha be le he kubọng Itali ibe, likọye Usu ukandi Urom angwu be ko le Uklaudius a ma ke uten le Ijuus puu i gbe le he Urom. Upọl a te le u la kọng le be. 3Le gbe a ma yi undi angwu u maa kaa bebuu nya ana befe ọ be maa shi a, a ma ngyọ kwu shi aki utung abe. 4A maa gya he ushọm Unim angwu Ijuus i kwu liwu he liti-uwel Ijuus liyang-yang la fa ifung he Ijuus ọ, Igrik ọ, he be bọng ashi u kọng.
5Nyọng Usailas befe le Utimoti be be le he Umasedonia, Upọl a kung kunyọng kuma puu bun kisọm Unim, u de Ijuus le Ujeso u yi Ukristi, Undi-likpan angwu Unim a sọm be he igye anyin a. 6Bendi Ijuus be tel he, be kọng ban he. A waa bigbọ bima kem zege-zege wu he itang, u de be le, “Anung amen a ngyọ men he lishi, uben u kwa umen ugyang a. Abwo agi a yi ataa-ataa. Mi ndu gya ha bendi abe be yi Ijuus a ye a.”
7A gbe le ha le ngwee he ushọm Utitus Justus. A ma yi ugaa-ndi angwu u fe Unim a. Ushọm uma a ma yi gwaa ha ushọm Unim angwu Ijuus i kwu liwu. 8Ukrispus angwu a ma yi ukandi ushọm Unim angwu Ijuus i kwu liwu befe le kikwu-lihwan kima be bọng ha Ada Ujeso. Bendi Ukọrint gbam be gyo kisọm kinunung, be bọng ha Ujeso, be wu abe umbwo.
9He liti ken le kusu itam i shi Upọl le Ada a de-e le, “Shi shel ye. Gye kushu bun igie igi. Shi tyang ye. 10Mi yi utung ha awo. Undi u ha ndu do a ye, likọye bendi gbam he kubọng kumen i be yi begi a.” 11Upọl a ngyọ kwu ha lize ken le afel adyọng-ken hwọ bendi Unim.
12He kunyọng ahwu Ugalio a ma yi usu Akaya, bendi Ijuus abe he Ukọrint be ma gbọng bende le kwu Upọl gye le he he ukoto. 13Be de usu le, “Ungikye angwun a kaa he u shi bendi be fel fe Unim he kukwo ahwu Iten ityan i bọng ye a.”
14Nya ana Upọl a ma keb u kọng likọng, Ugalio a de Ijuus le, “Men Ijuus, ki kwu le u shi kibibi, ọ u bia Iten ityan a, tyang mi dang kutyung gyo amen kinunung. 15Ukpọ gbe ki yi ifung gbe le igie, le azen le Iten imen agyang a, men-agyang ma kọng ashi. Mi kwa utang-ushe biwọm abi kitaa ana ye.” 16A ndo abe le ha ukoto. 17Puu ubel be kwu Usostenis angwu a ma yi ukandi ha he ushọm Unim angwu Ijuus i kwu liwu kpam ha he ukoto. Ugalio a gwa ashi wu ashi be shi.
Uprisila, Aquila le Apolọs
18Upọl a ngyọ kwu ha bendi abọng-ale he Ukọrint gbe kigbe. A ha gbe tyang abe le ha gye he lishi Usenkrea utung ha Uprisila befe le Akwila. Be le wu ha, Upọl a hwaa lishi lima, likọye a ma ke Unim ukyeb. Saa be ha ngwee kinọng lishọ gye he kubọng Usiria. 19Be le wu he Efesọs. Upọl a gbe tyang Uprisila befe le Akwila. A gye he ushọm Unim angwu Ijuus i kwu liwu le fung fe be. 20Be tim he anung le u mbe kwu utung he abe. A swan. 21He kunyọng ahwu a maa ndu gbe ligye, a de be le, “Gbe ki yi ugim Unim a, mi ba tem ba.” A le ngwee kinọng lishọ le he Efesọs gye. 22A le wu he Usesaria, a gbe gye he Ujeruselem le kọng le liwu bendi abọng-ale. A ha gbe gye he Antiyọk.
23A kwu ha kanwaa kunyọng zang a, u gbe le ha. A le gbe he kigie Ugalesha le Ufrigia fe bendi abọng-ale ingie.
24Undi Ijuus angwu be maa ko le Apolọs a ma be he Efesọs. A maa ba le he Alezandria a. A ngye na u kọng likọng kindee-kindee, u ngye gbe le igie Unim angi be ma fee le-iti kaang. 25Be ma hwọ he kukwo Ada Ujeso. A maa hwọ bendi kigyang gba le Ujeso le lityam ken, ma na a ngye gbe le uhwọ-ale Ujọn le umbwo awole uma ufe-ufe a ọ 26A keb kiwọm akọng-ale he ushọm Unim angwu Ijuus i kwu liwu pọ. Uprisila befe le Akwila be gyo he, be kpe-e gye le he he ushu mbee le bun de-e kinunung gbe le kukwo Unim.
27Apolọs a shi ugim le hang a gye he Akaya. Bendi abọng-ale be kpel he gbe he afee-ale kushia hwaa le bebel abe ha he Akaya de be le gbe a be, be kpe-e. A le wu ha, a kpel bendi abe be bọng ha Ujeso gbe he inung Unim. 28A fe ifung hwo Ijuus he udyeshi gbe he atyung-ale ubel le he ashia Unim angi be fee le-iti le Ujeso u yi Ukristi, Undi-likpan angwu Unim a waa sọm a.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.