Mak 12
12
1Enye ama ọtọñọ nditiñ ikọ nnọ mme owo ke ñke; “Owo kiet ama ọtọ iñwañ mmin onyuñ ọbọp ọkọ akanade enye okuk ndien otibi obube unyimi mmin onyuñ ọbọp enyọñ ukpeme ọnọ mme ekpeme iñwañ. Ntem ke enye akayak iñwañ oro ọnọ mme ekpeme iñwañ onyuñ adaha aka anyan isañ. 2Edi ke ini idọk ama ekekem enye ama ọdọñ eyen ufọk esie kiet ete ọkọbọ udeme mfri esie edi. 3Edi mme ekpeme iñwañ oro ema emia enye enyuñ enọ enye ọnyọñ ubọk ubọk
4Enyene iñwañ ama afiak osio owo efen ke otu mbon utom esie ọdọñ emi okonyuñ osuk ọbọde kpasuk ukem ukem ufen emi akpa owo ọkọbọde, ọdọdiọk akan eke akpa, koro mmọ ema emia enye ibuot, etuhọde enye enyuñ esuene enye. 5Mmọ ema ewot ọyọhọ owo ita emi enye okosiode ọdọñ, emia ndusuk, ekenyuñ ewewot ndusuk eken.” 6Owo kiet kpọt ọkọsuhọ ndien ekedi eyen ima esie. Kakpatre enye ama osio enye ọdọñ onyuñ ọdọhọ ete ke akpanikọ mmọ eyenọ enye ọyọhọ ukpono.
7“Edi ke ini mme oto iñwañ oro ekekutde nte enye edide, mmọ ema edọhọ ete, ‘Enye emi edida iñwañ emi inyene ke ini ete esie ama akpa. Edi, eyak ñnyin iwot enye ndien iñwañ emi eyenyene ñnyin.’ 8Ntre ke mmọ ekemum enye enyuñ ewot enye ndien emen okpo esie esio ke iñwañ mmin etop eduọk.”
9“Nso ndien ke mbufo ekere ete ke enyene iñwañ edinam ke ini enye edikopde se iketibede ye isuñutom esie? Enye eyedi ediwot mmọ kpukpru ndien ayak iñwañ oro ọnọ mbon eñwen.” 10Nte mbufo itighi nte ekesikotde itie ñwed Abasi emi ọdọhọde ete:
Itiat emi mme andibọp ufọk ekesinde
akabade edi itiat inuk, ata itiat ukpono ke ufọk.
11“Emi edi se Ọbọñ akanamde
ndien enye edi ata utibe ñkpọ ndikut.”
12Do ndien, ikpọ owo mme Ju ema eyom ndimum Enye ke ntak edida mbuk ọtọ iñwañ nnam uwutñkpọ, koro mmọ ema ediọñọ ete ke Enye eketiñ ikọ oro ye mmimọ, mmọ ekedi ata mme ndiọi ekpeme iñwañ ke mbuk oro. Edi mmọ ema efehe ndik ndituk Enye koro mmọ ekebakde otu owo edisin ntime. Ntre ke mmọ ekekpọñ Enye enyuñ enyọñọ. 13Ke amanade esit, mmọ ema esioño mme ada ibuot ukpono Abasi ye mme mbon ñka ukara Erọd edọñ ke ọtọ Esie ete ekenyene nneme ye Enye, man mmọ enam Enye etiñ se edikemede ndida mmum Enye.
14Mmọ ema edibup Enye ete, “Andikpep, ñnyin imọfiọk ite ke Afo uteñeke owo enyin ke editiñ akpanikọ. Afo uyakke ikọ inua mme se owo ekerede onuk Fi ọkpọñ usuñ, edi ke ofuri akpanikọ Afo ekpep owo usuñ Abasi. Idahaemi, tiñ nọ ñnyin, mme enen ñnyin ndikpe taksi nnọ Sisa mme inenke?”
15Edi Jisọs ama okut ñkari mmọ, ndien obup ete, “Ntaha eñwanade ndidomo mi-e? Eda okuk esọk mi nse ise.”
16Ke ini mmọ ema ekeyak okuk enọ Enye, Enye ama obup mmọ ete, “Ndise ye enyiñ anie owo ke emiñ ke okuk emi?” Mmọ ema ebọrọ Enye ete, “Eke Sisa.”
17Ndien Jisọs ọdọhọ mmọ ete, “Enọ Sisa se inyenede Sisa, enyuñ enọ Abasi se inyenede Abasi.” Idem ama akpa mmọ eti eti ke ibọrọ Esie.
18Ekem mme Sadusi edi ebine Enye, mbon emi edọhọde ete ke ediset ke ñkpa idughe. Mmọ ema edọhọ Enye ete,
19“Andikpep, Moses ama ọnọ ñnyin ibet ete ke adaña ini owo akpade ndien inyeneke nditọ, eyen ete esie enyene ndida ebekpa oro ndọ ñnyuñ mbon nditọ ke enyiñ esie. 20Ini kiet, nditọ ete itiaba ema edu, akpa ke otu mmọ ama ọdọ ñwan, ndien enye ama akpa ibonke nditọ. 21Ntre ke udiana akada ebekpa oro ọdọ, edi enye ñko ama akpa ibonke nditọ. Kpa ntre ñko ke ekedi ye ọyọhọ eyen ete ita. 22Ke otu mmọ mbitiaba, ndomokiet emi okobonde nditọ ikọduhọ; ke ata akpatre, ñwan oro ñko ama akpa.
23Se ñnyin iyomde ndifiọk edi emi! Ke usen ediset ke ñkpa enye edidi ñwan anie? Kemi enye ama ọkọdọ kpukpru mmọ kiet kiet?”
24Jisọs ama ọbọrọ mmọ ete, “Mfina mbufo edi koro mbufo mifiọkke ñwed Abasi mme ndifiọk odudu Abasi. 25Koro ke ini nditọ ete itiaba ye ñwan edisetde ke ñkpa mmọ ididọhọ aba ndọ. Mmọ editie nte mme isuñutom Abasi (enjel).
26Ndien ka baña ediset ke ñkpa akananam mbufo ikotke ke ñwed Moses nte ikañ akasakde ke ikọt? Nte Abasi ọkọdọhọde Moses ete, ‘Ami ndi Abasi Ebraham ye Abasi Aisik, ye Abasi Jekọb.’ 27Enye edi Abasi mme odu uwem, idighe eke mme akpaña ñkpa. Mbufo emenam akamba ndudue.”
28Kiet ke otu mme ekpep ibet emi akadade do ekpere akpañ utọñ ke nneme mmọ, ama ọfiọk ete ke Jisọs ọbọrọ ọfọñ. Ntem ke enye okobup ete, “Ke otu kpukpru ibet ewe okpon akan?”
29Jisọs ama ọbọrọ ete, “Enye emi ọdọhọde ete, ‘Ekop O Isrel, Ọbọñ Abasi ñnyin, edi Abasi kiet kpọt. 30Ndien mbufo enyene ndima Enye ke ofuri esit mbufo ye ofuri ukpọñ mbufo ye ke ofuri ekikere ye odudu mbufo.’
31Ọyọhọ iba edi, enyene ndima mbon efen nte emade idem mbufo, baba ibet efen eke okponde akan iba emi iduhọ.”
32Ekpep ibet oro ama ọbọrọ Enye ete, Ete, Afo emetiñ ata akpanikọ ke emi ọdọhọde ete ke Abasi kiet odu ndien efen iduhọ. 33Ndien mmọfiọk nte ke otim ọfọn ndima Abasi ke ofuri esit, ñnyuñ ndiọñọ Enye ye ofuri odudu, ndinyuñ mma mbon efen nte amade idem fo, ñkan ediwak ediwak mme nsio nsio uwa ke itie uwa ke ufọk Abasi.
34Kini Jisọs okokutde ifiọk owo emi, Enye ama ọdọhọ enye ete, Afo uyomke usuñ ukpọñ Obio Ubọñ Abasi. Ndien ke oro ama ekebe, baba owo ndomokiet ikedehedei ibup Enye aba mbume efen.
35Ekem nte Jisọs okosuk ekpepde mme owo ñkpọ ke ufọk ukpono Abasi, Enye ama obup mmọ mbume emi: “Nsidi ntak emi mme andikpep ibet Moses edọhọde ete ke Andinyaña enyene ndito ubon Edidem Defid? 36Koro Defid ke idem esie ama etiñ, ndien ekedi Edisana Spirit eketiñ ebe ke enye, ke ini enye ọkọdọhọde ete, ‘Ọbọñ ama ọdọhọ Ọbọñ mi ete tie ke ubọk nnasia mi tutu nnam mme asua fo edi udoriukot fo.’ 37Defid ke idem esie okokot Enye Ọbọñ, didie ndien ke Andinyaña ekpekeme ndidi eyen esie?” Ofuri otu owo emi ekedade ema ekpañ utọñ ekop ye idaraesit. 38Emi edi mme ndusuk ñkpọ emi enye ekekpepde mmọ ke ini oro: “Ekpeme idem mbufo ye mme andikpep ido ukpono mme Ju, koro mmọ emade ndisine ikpọ ewura, enyuñ eyomde kpukpru owo etuak ibuot enọ mmọ ke ini mmọ esañade ke mme efak urua. 39Mmọ ema nditie ke mme ñkoñkoñ ediye itie ke ufọk ukpono Abasi mme Ju ye ke mme itie emi enamde usọrọ. 40Edi mmọ enana iso obut, ewo mme ebekpa ke ufọk mmọ ndien efuk oruk owo emi mmọ edide, enyuñ eñwana ndidu uwem nte nti owo ke edibọñ anyan akam ke enyin otu owo ke añwa. Ke ntak emi, ufen mmọ eyekpon eti eti.”
41Ntem ke enye akadaha aka ke ebiet emi ekebe ubọ enọ akanade ke ufọk ukpono Abasi ndien ọkọsuhọde etetie onyuñ ese mme owo nte mmọ kiet kiet esinde okuk mmọ. Ndusuk mme enyene ñkpọ owo ema edọñ ediwak okuk. 42Ntem ke ubuene ebekpa kiet ekedi, onyuñ ediyak anini iba esin.
43Enye ama okot mbet Esie ete edi, onyuñ ọdọhọ mmọ ete, “Ke akpanikọ ke ndọhọ mbufo nte, ubuene ebekpa emi ọnọ akan se kpukpru mmọ eken enọde. 44Koro mmọ eken enọ eto ke otu ediwak ñyọhọ nsuhọ mmọ, edi enye, kpa ke idem unana esie, ayak kpukpru akpatre okuk emi enye ekenyenede ndida ndu uwem ọnọ.”
നിലവിൽ തിരഞ്ഞെടുത്തിരിക്കുന്നു:
Mak 12: OOÑE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Mak 12
12
1Enye ama ọtọñọ nditiñ ikọ nnọ mme owo ke ñke; “Owo kiet ama ọtọ iñwañ mmin onyuñ ọbọp ọkọ akanade enye okuk ndien otibi obube unyimi mmin onyuñ ọbọp enyọñ ukpeme ọnọ mme ekpeme iñwañ. Ntem ke enye akayak iñwañ oro ọnọ mme ekpeme iñwañ onyuñ adaha aka anyan isañ. 2Edi ke ini idọk ama ekekem enye ama ọdọñ eyen ufọk esie kiet ete ọkọbọ udeme mfri esie edi. 3Edi mme ekpeme iñwañ oro ema emia enye enyuñ enọ enye ọnyọñ ubọk ubọk
4Enyene iñwañ ama afiak osio owo efen ke otu mbon utom esie ọdọñ emi okonyuñ osuk ọbọde kpasuk ukem ukem ufen emi akpa owo ọkọbọde, ọdọdiọk akan eke akpa, koro mmọ ema emia enye ibuot, etuhọde enye enyuñ esuene enye. 5Mmọ ema ewot ọyọhọ owo ita emi enye okosiode ọdọñ, emia ndusuk, ekenyuñ ewewot ndusuk eken.” 6Owo kiet kpọt ọkọsuhọ ndien ekedi eyen ima esie. Kakpatre enye ama osio enye ọdọñ onyuñ ọdọhọ ete ke akpanikọ mmọ eyenọ enye ọyọhọ ukpono.
7“Edi ke ini mme oto iñwañ oro ekekutde nte enye edide, mmọ ema edọhọ ete, ‘Enye emi edida iñwañ emi inyene ke ini ete esie ama akpa. Edi, eyak ñnyin iwot enye ndien iñwañ emi eyenyene ñnyin.’ 8Ntre ke mmọ ekemum enye enyuñ ewot enye ndien emen okpo esie esio ke iñwañ mmin etop eduọk.”
9“Nso ndien ke mbufo ekere ete ke enyene iñwañ edinam ke ini enye edikopde se iketibede ye isuñutom esie? Enye eyedi ediwot mmọ kpukpru ndien ayak iñwañ oro ọnọ mbon eñwen.” 10Nte mbufo itighi nte ekesikotde itie ñwed Abasi emi ọdọhọde ete:
Itiat emi mme andibọp ufọk ekesinde
akabade edi itiat inuk, ata itiat ukpono ke ufọk.
11“Emi edi se Ọbọñ akanamde
ndien enye edi ata utibe ñkpọ ndikut.”
12Do ndien, ikpọ owo mme Ju ema eyom ndimum Enye ke ntak edida mbuk ọtọ iñwañ nnam uwutñkpọ, koro mmọ ema ediọñọ ete ke Enye eketiñ ikọ oro ye mmimọ, mmọ ekedi ata mme ndiọi ekpeme iñwañ ke mbuk oro. Edi mmọ ema efehe ndik ndituk Enye koro mmọ ekebakde otu owo edisin ntime. Ntre ke mmọ ekekpọñ Enye enyuñ enyọñọ. 13Ke amanade esit, mmọ ema esioño mme ada ibuot ukpono Abasi ye mme mbon ñka ukara Erọd edọñ ke ọtọ Esie ete ekenyene nneme ye Enye, man mmọ enam Enye etiñ se edikemede ndida mmum Enye.
14Mmọ ema edibup Enye ete, “Andikpep, ñnyin imọfiọk ite ke Afo uteñeke owo enyin ke editiñ akpanikọ. Afo uyakke ikọ inua mme se owo ekerede onuk Fi ọkpọñ usuñ, edi ke ofuri akpanikọ Afo ekpep owo usuñ Abasi. Idahaemi, tiñ nọ ñnyin, mme enen ñnyin ndikpe taksi nnọ Sisa mme inenke?”
15Edi Jisọs ama okut ñkari mmọ, ndien obup ete, “Ntaha eñwanade ndidomo mi-e? Eda okuk esọk mi nse ise.”
16Ke ini mmọ ema ekeyak okuk enọ Enye, Enye ama obup mmọ ete, “Ndise ye enyiñ anie owo ke emiñ ke okuk emi?” Mmọ ema ebọrọ Enye ete, “Eke Sisa.”
17Ndien Jisọs ọdọhọ mmọ ete, “Enọ Sisa se inyenede Sisa, enyuñ enọ Abasi se inyenede Abasi.” Idem ama akpa mmọ eti eti ke ibọrọ Esie.
18Ekem mme Sadusi edi ebine Enye, mbon emi edọhọde ete ke ediset ke ñkpa idughe. Mmọ ema edọhọ Enye ete,
19“Andikpep, Moses ama ọnọ ñnyin ibet ete ke adaña ini owo akpade ndien inyeneke nditọ, eyen ete esie enyene ndida ebekpa oro ndọ ñnyuñ mbon nditọ ke enyiñ esie. 20Ini kiet, nditọ ete itiaba ema edu, akpa ke otu mmọ ama ọdọ ñwan, ndien enye ama akpa ibonke nditọ. 21Ntre ke udiana akada ebekpa oro ọdọ, edi enye ñko ama akpa ibonke nditọ. Kpa ntre ñko ke ekedi ye ọyọhọ eyen ete ita. 22Ke otu mmọ mbitiaba, ndomokiet emi okobonde nditọ ikọduhọ; ke ata akpatre, ñwan oro ñko ama akpa.
23Se ñnyin iyomde ndifiọk edi emi! Ke usen ediset ke ñkpa enye edidi ñwan anie? Kemi enye ama ọkọdọ kpukpru mmọ kiet kiet?”
24Jisọs ama ọbọrọ mmọ ete, “Mfina mbufo edi koro mbufo mifiọkke ñwed Abasi mme ndifiọk odudu Abasi. 25Koro ke ini nditọ ete itiaba ye ñwan edisetde ke ñkpa mmọ ididọhọ aba ndọ. Mmọ editie nte mme isuñutom Abasi (enjel).
26Ndien ka baña ediset ke ñkpa akananam mbufo ikotke ke ñwed Moses nte ikañ akasakde ke ikọt? Nte Abasi ọkọdọhọde Moses ete, ‘Ami ndi Abasi Ebraham ye Abasi Aisik, ye Abasi Jekọb.’ 27Enye edi Abasi mme odu uwem, idighe eke mme akpaña ñkpa. Mbufo emenam akamba ndudue.”
28Kiet ke otu mme ekpep ibet emi akadade do ekpere akpañ utọñ ke nneme mmọ, ama ọfiọk ete ke Jisọs ọbọrọ ọfọñ. Ntem ke enye okobup ete, “Ke otu kpukpru ibet ewe okpon akan?”
29Jisọs ama ọbọrọ ete, “Enye emi ọdọhọde ete, ‘Ekop O Isrel, Ọbọñ Abasi ñnyin, edi Abasi kiet kpọt. 30Ndien mbufo enyene ndima Enye ke ofuri esit mbufo ye ofuri ukpọñ mbufo ye ke ofuri ekikere ye odudu mbufo.’
31Ọyọhọ iba edi, enyene ndima mbon efen nte emade idem mbufo, baba ibet efen eke okponde akan iba emi iduhọ.”
32Ekpep ibet oro ama ọbọrọ Enye ete, Ete, Afo emetiñ ata akpanikọ ke emi ọdọhọde ete ke Abasi kiet odu ndien efen iduhọ. 33Ndien mmọfiọk nte ke otim ọfọn ndima Abasi ke ofuri esit, ñnyuñ ndiọñọ Enye ye ofuri odudu, ndinyuñ mma mbon efen nte amade idem fo, ñkan ediwak ediwak mme nsio nsio uwa ke itie uwa ke ufọk Abasi.
34Kini Jisọs okokutde ifiọk owo emi, Enye ama ọdọhọ enye ete, Afo uyomke usuñ ukpọñ Obio Ubọñ Abasi. Ndien ke oro ama ekebe, baba owo ndomokiet ikedehedei ibup Enye aba mbume efen.
35Ekem nte Jisọs okosuk ekpepde mme owo ñkpọ ke ufọk ukpono Abasi, Enye ama obup mmọ mbume emi: “Nsidi ntak emi mme andikpep ibet Moses edọhọde ete ke Andinyaña enyene ndito ubon Edidem Defid? 36Koro Defid ke idem esie ama etiñ, ndien ekedi Edisana Spirit eketiñ ebe ke enye, ke ini enye ọkọdọhọde ete, ‘Ọbọñ ama ọdọhọ Ọbọñ mi ete tie ke ubọk nnasia mi tutu nnam mme asua fo edi udoriukot fo.’ 37Defid ke idem esie okokot Enye Ọbọñ, didie ndien ke Andinyaña ekpekeme ndidi eyen esie?” Ofuri otu owo emi ekedade ema ekpañ utọñ ekop ye idaraesit. 38Emi edi mme ndusuk ñkpọ emi enye ekekpepde mmọ ke ini oro: “Ekpeme idem mbufo ye mme andikpep ido ukpono mme Ju, koro mmọ emade ndisine ikpọ ewura, enyuñ eyomde kpukpru owo etuak ibuot enọ mmọ ke ini mmọ esañade ke mme efak urua. 39Mmọ ema nditie ke mme ñkoñkoñ ediye itie ke ufọk ukpono Abasi mme Ju ye ke mme itie emi enamde usọrọ. 40Edi mmọ enana iso obut, ewo mme ebekpa ke ufọk mmọ ndien efuk oruk owo emi mmọ edide, enyuñ eñwana ndidu uwem nte nti owo ke edibọñ anyan akam ke enyin otu owo ke añwa. Ke ntak emi, ufen mmọ eyekpon eti eti.”
41Ntem ke enye akadaha aka ke ebiet emi ekebe ubọ enọ akanade ke ufọk ukpono Abasi ndien ọkọsuhọde etetie onyuñ ese mme owo nte mmọ kiet kiet esinde okuk mmọ. Ndusuk mme enyene ñkpọ owo ema edọñ ediwak okuk. 42Ntem ke ubuene ebekpa kiet ekedi, onyuñ ediyak anini iba esin.
43Enye ama okot mbet Esie ete edi, onyuñ ọdọhọ mmọ ete, “Ke akpanikọ ke ndọhọ mbufo nte, ubuene ebekpa emi ọnọ akan se kpukpru mmọ eken enọde. 44Koro mmọ eken enọ eto ke otu ediwak ñyọhọ nsuhọ mmọ, edi enye, kpa ke idem unana esie, ayak kpukpru akpatre okuk emi enye ekenyenede ndida ndu uwem ọnọ.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.