Luk 13
13
Usuñ Obio Ubọñ Abasi Afafaha
1Ke ini oro mme owo ema edu emi eketiñde enọ Jisọs ebaña mbon Kalili emi Pailet akabuakde iyip mmọ ye uwa mmọ.
2Jisọs ama ọbọrọ mmọ ete, “Nte mbufo ekere ete ke mbon Kalili emi ema enam idiọkñkpọ ekan mme mbon Kalili eken, koro mmọ ekebọde ufen ke usuñ emi?
3Ami ndọhọ mbufo nte ke idighe ntre! Ibọhọke mbufo etua ñkpọfiọk ke mme idiọkñkpọ mbufo, mbufo ñko eyetak.
4Mme mme owo efuteta oro Tọwa Silọm ọkọduọde ọtọ mmọ owot; nte mbufo ekere ete ke oro ekedi idiọñọ ndiwut ete ke mmọ ekediọk ekan kpukpru mme mmọ eken ekeduñọde ke Jerusalem? 5Ami ndọhọ mbufo nte, ke idighe ntre! Edi edieke mbufo mituaha ñkpọfiọk kabaña mme idiọkñkpọ mbufo, mbufo ñko eyenyuñ ekpaña nte mmọ ekekpañade.”
6Do ke Enye ọkọnọ mmọ mbuk emi: “Owo kiet ama enyene eto Fik emi enye ọkọtọde ke iñwañ esie, ndien enye ama aka nditet mfri esie, edi enye ikekwe mfri ndomokiet. 7Do enye ama ọdọhọ ekpeme iñwañ esie ete, ‘Sese, ke ñkpọ nte isua ita edi emi ami ñketọñọ ndisaña nse mfri ke eto Fik emi, edi akananam ami ñkwe mfri ntet. Sibe enye duọk ke isọñ. Ntaha emi enye akpadade mi abiat isọñ-e?’ ”
8“Ndien ekpeme iñwañ ama ọbọrọ enye ete, ‘sana eto emi yak kaña, ete ke ñkpasip isua kiet emi, ndien ñyetiñ nse enyin ñnyuñ nduọk mbio ye ifuọ ebot ediwak ñkanade enye ñkuk. 9Edieke enye ediñwumde mfri isua efen, ọfọn ekem, edi edieke enye miñwumke mfri afo emekeme ndidọhọ ekek enye eduọk ke isọñ.’ ”
10Usen ikọ Abasi mme Ju kiet, nte Jisọs ekekpepde ñkpọ ke ekpri ufọk akam kiet; 11enye ama okut eyen añwan kiet, emi ọkọnuhọde nuhọ asaña isua efuteta oto ke odudu ndiọi spirit emi ekenukde enye.
12Ke ini Jisọs okokutde enye, Enye ama okot enye onyuñ ọdọhọ enye ete, “Eyenañwan, ekpọk fi eyak ke udọñọ fo.” 13Ndien Enye odori enye ubọk, ndien ndo ndo oro eyenañwan oro eneñede ada onyuñ otoro Abasi.
14Edi mme etubom ufọk akam mme Ju ema ekop ọkpọsọñ idiọk esit koro Jisọs ọkọkọkde udọñọ ke usen ibet, ntre ke Enye eketiñ ikọ, onyuñ ọdọhọ mme mmọ eken ete, “Usen itiokiet edu enọ ñnyin ndinam utom, akpana mbufo edi ke mme usen oro man ekọk udọñọ mbufo, idighe ke usen ibet.”
15Ọbọñ ama ọbọrọ enye ete, “Mbufo mbon mbubik! Nte mbufo kiet kiet itatke mme enañ, ye mme enañ mbiomo mbufo ke ọkọ ke usen Sabat inyuñ ida mmọ iwọrọ añwa ikọnọ mmọ mmọñ? 16Edi sese eyenañwan emi, edi eyen Ebraham kiet emi Setan ọtuhọrede onyuñ esin ke ufin ke isua efuteta; nte ikpanaha nte ekpọk enye eyak ke usen ibet?”
17Ibọrọ Esie ama anam kpukpru mme asua Esie ekop but ebaña idem mmọ, ke adaña emi kpukpru mme owo eken ekedarade ebaña kpukpru mme utibe ñkpọ emi Enye akanamde.
18Do ke Jisọs okobup ete, “Obio Ubọñ Abasi etie didie? Ñkeme ndida enye ndomo ye nso?” 19Enye etie nte ekpri ñkpasip ofriyo emi etọde ke iñwañ, ibighike enye ọkọri okpon akabade edi akwa eto, ndien mme inuen enyọñ ebọp efọk mmọ ke mme ñkọk esie. 20Jisọs ama ọtọñọ ntak obup ete, “Ami ñkpada Obio Ubọñ Abasi ndomo ye nso? 21Enye ebiet ibọk umenede uyo emi ñwan kiet emende ndien abuak ke ata ediwak ndom unam uyo tutu enye ebe oduk ofri ebok ndom uyo.”
22Do ke Jisọs akasaña oduk ke mme ikpọ obio ye mme obio iñwañ, ke ekpep ñkpọ. Kadaña emi Enye okosuk akada iso ndika Jerusalem,
23owo kiet ama obup Enye ete, “Ọbọñ, nte edinyaña ibat ibat owo ikpọñ?” Ndien Enye ama ọbọrọ mmọ ete, 24“Edomo ofuri ukeme mbufo ndisaña mbe ke mfafaha usuñ; koro Ami ndọhọ mbufo nte, ediwak owo eyeñwana ndiduk, edi idikemeke ndiduk. 25Ke ini emi enyene ufọk adahade ada onyuñ eberi usuñ mbufo eyeda ke añwa ekọñ enyuñ ekpe ete, ‘Ete, berede usuñ nọ ñnyin.’ Edi enye eyebọrọ ete, ‘Ami ndiọñoke mbufo, mme ebiet emi mbufo etode edi.’ ”
26“Ndien mbufo eyedọhọ ete, ‘ñnyin ima idia inyuñ iñwọñ ye afo, afo ñko ama ekpep ñkpọ ke mme efak ñnyin.’ ”
27“Edi Enye eyebọrọ ete, ‘Ami ndiọñọke mbufo, mme ebiet emi mbufo etode edi. Ediañade Mi ke idem kpukpru mbufo mme anam idiọkñkpọ.’ ”
28“Ntuaña ye ntaedet eyedu ke ini emi edikutde Ebraham, Aisik ye Jekọb, ye kpukpru mme Asiak Uduak Abasi ke Obio Ubọñ Abasi, ndien esioño mbufo etomo eduọñọ. 29Mme owo eyeto ke usiahautin, ye usoputin, ke edere, ye ke usuk, ndien eyeda mme itie mmọ ke itie usọrọ ke Obio Ubọñ Abasi. 30Ke akpanikọ odu mme mmọ oro edide mme ekperedem emi edidide akpa, ndien mme ebem iso edidide mme ekperedem.”
31Kpa ke ini oro ubak mme Farisi ema edi ebine Jisọs enyuñ edọhọ Enye ete, “Kpọñ ebiet emi ka ebiet efen koro Erọd ke oyom ndiwot Fi.”
32Jisọs ama ọbọrọ mmọ ete, “Eka ekedọhọ ebua ikọt oro ete, Ami ñyeka iso ndibin mme ndedehe spirit ke idem mme owo nsioño ñnyuñ ñkọk mme owo udọñọ mfin ye ñkpọñ ndien ke ọyọhọ usen ita Ami ñyekure utom Mi. 33Ke usuñ kiet ekededi, ana ñka iso ndu ke usuñ isañ mfin ye ñkpọñ ye udiana usen, koro inaha ewot Asiak Uduak Abasi ndomokiet ke midighe ke Jerusalem!”
34“O Jerusalem, Jerusalem! Afo emi owotde mme Asiak Uduak Abasi onyuñ ọtọñọde mmọ emi ekedọñde utom enọ fi ke itiat, ikafañ ke Ami ñkop udọñ nditañ nditọ fo mbok ọtọ kiet; kpa nte eka unen obokde nditọ esie ke idak mba esie, edi afo ukunyimeke! 35Idahaemi, enam ufọk mbufo akabade edi ndon. Ami ndọhọ mbufo nte, mbufo idikwe Mi aba, tutu mbufo edọhọ ete, ‘Ọfọfọn ọnọ Enye emi edide ke Enyiñ ọbọñ.’ ”
നിലവിൽ തിരഞ്ഞെടുത്തിരിക്കുന്നു:
Luk 13: OOÑE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Luk 13
13
Usuñ Obio Ubọñ Abasi Afafaha
1Ke ini oro mme owo ema edu emi eketiñde enọ Jisọs ebaña mbon Kalili emi Pailet akabuakde iyip mmọ ye uwa mmọ.
2Jisọs ama ọbọrọ mmọ ete, “Nte mbufo ekere ete ke mbon Kalili emi ema enam idiọkñkpọ ekan mme mbon Kalili eken, koro mmọ ekebọde ufen ke usuñ emi?
3Ami ndọhọ mbufo nte ke idighe ntre! Ibọhọke mbufo etua ñkpọfiọk ke mme idiọkñkpọ mbufo, mbufo ñko eyetak.
4Mme mme owo efuteta oro Tọwa Silọm ọkọduọde ọtọ mmọ owot; nte mbufo ekere ete ke oro ekedi idiọñọ ndiwut ete ke mmọ ekediọk ekan kpukpru mme mmọ eken ekeduñọde ke Jerusalem? 5Ami ndọhọ mbufo nte, ke idighe ntre! Edi edieke mbufo mituaha ñkpọfiọk kabaña mme idiọkñkpọ mbufo, mbufo ñko eyenyuñ ekpaña nte mmọ ekekpañade.”
6Do ke Enye ọkọnọ mmọ mbuk emi: “Owo kiet ama enyene eto Fik emi enye ọkọtọde ke iñwañ esie, ndien enye ama aka nditet mfri esie, edi enye ikekwe mfri ndomokiet. 7Do enye ama ọdọhọ ekpeme iñwañ esie ete, ‘Sese, ke ñkpọ nte isua ita edi emi ami ñketọñọ ndisaña nse mfri ke eto Fik emi, edi akananam ami ñkwe mfri ntet. Sibe enye duọk ke isọñ. Ntaha emi enye akpadade mi abiat isọñ-e?’ ”
8“Ndien ekpeme iñwañ ama ọbọrọ enye ete, ‘sana eto emi yak kaña, ete ke ñkpasip isua kiet emi, ndien ñyetiñ nse enyin ñnyuñ nduọk mbio ye ifuọ ebot ediwak ñkanade enye ñkuk. 9Edieke enye ediñwumde mfri isua efen, ọfọn ekem, edi edieke enye miñwumke mfri afo emekeme ndidọhọ ekek enye eduọk ke isọñ.’ ”
10Usen ikọ Abasi mme Ju kiet, nte Jisọs ekekpepde ñkpọ ke ekpri ufọk akam kiet; 11enye ama okut eyen añwan kiet, emi ọkọnuhọde nuhọ asaña isua efuteta oto ke odudu ndiọi spirit emi ekenukde enye.
12Ke ini Jisọs okokutde enye, Enye ama okot enye onyuñ ọdọhọ enye ete, “Eyenañwan, ekpọk fi eyak ke udọñọ fo.” 13Ndien Enye odori enye ubọk, ndien ndo ndo oro eyenañwan oro eneñede ada onyuñ otoro Abasi.
14Edi mme etubom ufọk akam mme Ju ema ekop ọkpọsọñ idiọk esit koro Jisọs ọkọkọkde udọñọ ke usen ibet, ntre ke Enye eketiñ ikọ, onyuñ ọdọhọ mme mmọ eken ete, “Usen itiokiet edu enọ ñnyin ndinam utom, akpana mbufo edi ke mme usen oro man ekọk udọñọ mbufo, idighe ke usen ibet.”
15Ọbọñ ama ọbọrọ enye ete, “Mbufo mbon mbubik! Nte mbufo kiet kiet itatke mme enañ, ye mme enañ mbiomo mbufo ke ọkọ ke usen Sabat inyuñ ida mmọ iwọrọ añwa ikọnọ mmọ mmọñ? 16Edi sese eyenañwan emi, edi eyen Ebraham kiet emi Setan ọtuhọrede onyuñ esin ke ufin ke isua efuteta; nte ikpanaha nte ekpọk enye eyak ke usen ibet?”
17Ibọrọ Esie ama anam kpukpru mme asua Esie ekop but ebaña idem mmọ, ke adaña emi kpukpru mme owo eken ekedarade ebaña kpukpru mme utibe ñkpọ emi Enye akanamde.
18Do ke Jisọs okobup ete, “Obio Ubọñ Abasi etie didie? Ñkeme ndida enye ndomo ye nso?” 19Enye etie nte ekpri ñkpasip ofriyo emi etọde ke iñwañ, ibighike enye ọkọri okpon akabade edi akwa eto, ndien mme inuen enyọñ ebọp efọk mmọ ke mme ñkọk esie. 20Jisọs ama ọtọñọ ntak obup ete, “Ami ñkpada Obio Ubọñ Abasi ndomo ye nso? 21Enye ebiet ibọk umenede uyo emi ñwan kiet emende ndien abuak ke ata ediwak ndom unam uyo tutu enye ebe oduk ofri ebok ndom uyo.”
22Do ke Jisọs akasaña oduk ke mme ikpọ obio ye mme obio iñwañ, ke ekpep ñkpọ. Kadaña emi Enye okosuk akada iso ndika Jerusalem,
23owo kiet ama obup Enye ete, “Ọbọñ, nte edinyaña ibat ibat owo ikpọñ?” Ndien Enye ama ọbọrọ mmọ ete, 24“Edomo ofuri ukeme mbufo ndisaña mbe ke mfafaha usuñ; koro Ami ndọhọ mbufo nte, ediwak owo eyeñwana ndiduk, edi idikemeke ndiduk. 25Ke ini emi enyene ufọk adahade ada onyuñ eberi usuñ mbufo eyeda ke añwa ekọñ enyuñ ekpe ete, ‘Ete, berede usuñ nọ ñnyin.’ Edi enye eyebọrọ ete, ‘Ami ndiọñoke mbufo, mme ebiet emi mbufo etode edi.’ ”
26“Ndien mbufo eyedọhọ ete, ‘ñnyin ima idia inyuñ iñwọñ ye afo, afo ñko ama ekpep ñkpọ ke mme efak ñnyin.’ ”
27“Edi Enye eyebọrọ ete, ‘Ami ndiọñọke mbufo, mme ebiet emi mbufo etode edi. Ediañade Mi ke idem kpukpru mbufo mme anam idiọkñkpọ.’ ”
28“Ntuaña ye ntaedet eyedu ke ini emi edikutde Ebraham, Aisik ye Jekọb, ye kpukpru mme Asiak Uduak Abasi ke Obio Ubọñ Abasi, ndien esioño mbufo etomo eduọñọ. 29Mme owo eyeto ke usiahautin, ye usoputin, ke edere, ye ke usuk, ndien eyeda mme itie mmọ ke itie usọrọ ke Obio Ubọñ Abasi. 30Ke akpanikọ odu mme mmọ oro edide mme ekperedem emi edidide akpa, ndien mme ebem iso edidide mme ekperedem.”
31Kpa ke ini oro ubak mme Farisi ema edi ebine Jisọs enyuñ edọhọ Enye ete, “Kpọñ ebiet emi ka ebiet efen koro Erọd ke oyom ndiwot Fi.”
32Jisọs ama ọbọrọ mmọ ete, “Eka ekedọhọ ebua ikọt oro ete, Ami ñyeka iso ndibin mme ndedehe spirit ke idem mme owo nsioño ñnyuñ ñkọk mme owo udọñọ mfin ye ñkpọñ ndien ke ọyọhọ usen ita Ami ñyekure utom Mi. 33Ke usuñ kiet ekededi, ana ñka iso ndu ke usuñ isañ mfin ye ñkpọñ ye udiana usen, koro inaha ewot Asiak Uduak Abasi ndomokiet ke midighe ke Jerusalem!”
34“O Jerusalem, Jerusalem! Afo emi owotde mme Asiak Uduak Abasi onyuñ ọtọñọde mmọ emi ekedọñde utom enọ fi ke itiat, ikafañ ke Ami ñkop udọñ nditañ nditọ fo mbok ọtọ kiet; kpa nte eka unen obokde nditọ esie ke idak mba esie, edi afo ukunyimeke! 35Idahaemi, enam ufọk mbufo akabade edi ndon. Ami ndọhọ mbufo nte, mbufo idikwe Mi aba, tutu mbufo edọhọ ete, ‘Ọfọfọn ọnọ Enye emi edide ke Enyiñ ọbọñ.’ ”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.