Jọn 7
7
Eneni Emi Otukde Jisọs Ọsọñ Ubọk
1Ke ñkpọ emi ama ekebe, Jisọs ama asaña akanade Kalili, Enye ikoyomke ndisim Judia koro ukara mme Ju ekeyomde Enye ndiwot. 2Ke ini usọrọ editi isua aba ke isọñ utatan ama ekekpere, 3nditọ eka Jisọs ema edọhọ Enye, ete, “Kpọñ ebiet emi, di ka Judia, man otodo mme mbet Fo ekpekeme ndikut mme utom emi Afo akade iso ndinam. 4Owo emi oyomde ndidi ọwọrọ etop owo, ikemeke ndidip utom emi Enye akade iso ndinam. Sia Afo akade iso ndinam mme ñkpọ emi yak ofuri ererimbot ediọñọ Fi.” 5Koro idem nditọ eka Esie ikenimke Enye ke akpanikọ.
6Jisọs ama ọdọhọ mmọ ete, “Ñkemñkem ini Mi isimke kaña; ini kiet ekededi enenen ọnọ mbufo. 7Ererimbot ikemeke ndisua mbufo, edi enye asua Mi, koro Ami ñkade iso nditiñ ye enye nte ke edinam esie ifọnke. 8Mbufo eka usọrọ. Ami ndikaha usọrọ emi kaña, koro nnen nnen ini Mi ikemke kaña.” 9Ke Enye ama eketiñ ntem, Enye ama aka iso nditie ke Kalili.
10Nte ededi, ke ini nditọ eka Esie ema ekedaha eka usọrọ, Enye ñko ama aka, edi ikedighe añwa añwa, ekedi ke ndibe ndibe usuñ. 11Mme ikpọ mbon ukara mme Ju ema eka iso ndiyom Enye ke itie usọrọ. Mmọ ema ebup ete, “Enye Enye?” 12Mme owo ema esuk Enye uyo. Ubak owo ema edọhọ ete, “Enye edi eti owo.” Ubak ete, baba, O! “Enye edi Enyemi adade mme owo otun usuñ.” 13Edi ikenyeneke baba owo kiet emi ekenyenede isọñesit ndida ntiñ ikọ añwa añwa mbaña Enye ke ntak ndik emi mmọ ekenyenede ebaña mme Ju.
14Ekem, ke ini esimde ufọt usọrọ, Jisọs ama oduk esit Edisana ebiet onyuñ aka iso ndikpep ñkpọ. 15Idem ama akpa ikpọ owo mme Ju eti eti, ndien mmọ ema ebup ete, “Owo emi asaña didie ọfiọk mme ñkpọ ntem ke ini Enye akananam ikaha ufọk ñwed?”
16Jisọs ama ọbọrọ mmọ ete, “Se Ami ñkpepde idighe ukpepñkpọ Mi, edi oto Abasi emi ọkọdọñde Mi. 17Edieke owo emekde ndinam uduak Abasi, enye eyeyarade ọdiọñọ mme ukpepñkpọ Mi oto Abasi, mme Ami ntiñ ikọ Idem Mi. 18Owo ekededi emi etiñde ikọ idem esie anam ntre oyom ndida ukpono nnọ idem esie. Edi enyemi anamde utom oyom ubọñ ye ukpono ọnọ enyemi ọkọdọñde enye, edi owo akpanikọ; baba abiaña kiet iduhọ ke Enye. 19Nte Moses ikọnọhọ mbufo mbet? Edi baba owo mbufo ndomokiet inimke mbet emi. Ntaha mbufo eyomde ndiwot Mi-e?”
20Otu owo ema ebọrọ ete, “Idiọk Spirit oduk Fi ke idem! Anie eñwana ndiwot Fi?”
21Jisọs ama ọbọrọ ete, “Ami ñkanam utom odudu kiet ndien idem ama akpa kpukpru mbufo. 22Moses ama owuk mbufo ete yak enim nditọ mbufo mbobi (okposuk edi oro mikedighe Moses, edi ekedi mme ete ete mbufo eketọñọ ñkpọ emi.) Ke ntre, mbufo enim eyen erenowo mbobi ke usen Sabat, 23man otodo mbufo ekubiat ibet Moses, ntaha mbufo ndien eyatde esit ye Ami ke ntak emi Ami nnamde owo okop nsọñidem ofuri ofuri ke usen Sabat-e? 24Etre ndibiere ikpe nto ke se mbufo ekutde ke enyin, edi ebiere ikpe eto ke se idide akpanikọ.”
25Ndusuk owo emi eduñde ke Jerusalem ema edọhọ ete, “Nte emi idighe owo emi mmọ eyomde ndiwot? 26Se Enye mi, ke etetiñ ikọ añwa añwa, ndien mmọ itiñke ikọ ndomokiet ye Enye; nte mme andikara mme Ju, enyime ñko ke akpanikọ ete ke Enye edi Kraist (Andinyaña)? 27Edi ñnyin imọdiọñọ ebiet emi owo emi otode; ke ini Andinyaña oro edidide, owo ndomokiet ididiọñọke ebiet emi Enye editode.”
28Nte Jisọs okosuk ekpepde ñkpọ ke Edisana Ebiet, Enye ama ofiori ke ọkpọsọñ uyo, ete, “Ih, mbufo emediọñọ Mi, ye ebiet emi Ami ntode. Edi Ami nduhọ mi ke odudu idem Mi, edi Enyemi ọkọdọñde Mi edi anam akpanikọ. Mbufo idiọñọke Enye. 29Edi Ami mọdiọñọ Enye, koro Ami ntode ke Enye, onyuñ edi Enye ọkọdọñ Mi.”
30Mmọ ema eñwana ndimum Enye, edi owo ndomokiet iketukke Enye ubọk koro ini Esie mikekemke kaña.
31Kpa ye oro ediwak owo ke akwa otu oro ema ebuọt idem ye Enye, enyuñ ebup ete, “Ke ini Kraist (Andinyaña) oro edidide, nte Enye eyenam mme utibe idiọñọ akan owo emi?”
32Mme Farisi ema ekop nsukuyo otu owo emi ebaña Enye, do ke akwa oku ye mme Farisi ekedọñ ubak mme ekpeme Edisana Ebiet ekemum Jisọs. 33Jisọs ama ọdọhọ ete, “Ami ndu ye mbufo ke esisit ini, ndien Ami mfiak ntiene Enyemi ọkọdọñde Mi. 34Mbufo eyeyom Mi edi idikwe Mi, koro mbufo midikemeke ndisim ebiet emi Ami ndude.”
35Mme Ju emi ema etiñ kiet ye eken ete, “Owo emi oyom ndika mmọñ emi ñnyin midikemeke ndiyom Enye ñkut? Nte Enye oyom ndika ke mme ikpọ obio mme Krik emi mme Ju eduñọde, ñnyuñ ñkekpep mme Krik ñkpọ?” 36Mme ikọ Esie emi ewọrọ didie, “Mbufo eyeyom Mi, edi mbufo idikwe Mi.” Ye “Ebiet emi Ami ndude mbufo idikemeke ndisim do?” 37Akpatre usen usọrọ oro ekedi ata akpan usen, Jisọs ama adaha ada onyuñ ofiori ke ọkpọsọñ uyo, ete, “Edieke itọñ mmọñ asatde owo ndomokiet yak enye edi edibọ Mi mmọñ ọñwọñ. 38Owo ekededi emi onimde Mi ke akpanikọ, nte ñwed Abasi ama eketiñ, udiọñ idim mmọñ uwem eyefehe ke esit idem esie.” 39Enye eketiñ emi abaña Edisana Spirit emi mme mmọ emi ekenimde ke akpanikọ edibọde. Tutu osim ini oro ikọnọhọ kaña Edisana Spirit koro Jisọs mikedọkke ke ubọñ kaña.
40Ke ini mme ubak owo ekekopde mme ikọ emi, mmọ ema edọhọ ete, “Ke akpanikọ, Owo emi edi Prọfet.” 41Ndusuk owo ema edọhọ ete, “Enye edi Andinyaña.” Edi mme mmọ efen ema ebup ete, “Andinyaña ekeme didie ndito ke Kalili?” 42Nte ñwed Abasi itiñke ite ke Kraist oro edito ke ubon Defid ye ke Betelehem, obio emi Defid okoduñde? 43Ke ntak emi ubahade ama oduk ke otu owo oro ke ntak Jisọs. 44Ubak mmọ ema eyom ndimum Enye, edi owo baba kiet iketukke Enye ubọk.
45Ke akpatre, mme ekpeme Edisana Ebiet ema efiak edem ebine akwa oku ye mme Farisi, emi ekebupde mmọ ete, “Ntaha mbufo midaha Enye iduk idie?”
46Mme ekpeme Edisana Ebiet ema ebọrọ ete, “Akananam baba owo ndomokiet itiñke ikọ ke uduot usuñ emi owo emi etiñde.”
47Mme Farisi ema ebup mmọ ete, “Ewut ñnyin nte ke Enye etimede mbufo ñko?” 48“Nte mbufo emekut owo Farisi mme andikara mme Ju ndomokiet ọbuọtde idem ye Enye? 49Iduhọ! Ke mibọhọke mme otu ndisime emi midiọñọke ñkpọ ndomokiet ibaña mme mbet Moses, isuñi Abasi odoro mmọ ke idem.”
50Nikodimọs emi ama okososobo ye Jisọs ekedi kiet ke otu mmọ, ndien ama obup mbume, ete, 51“Nte mbet ñnyin enyime etip owo ikpe ke ini owo mibemke iso ikop ito enye, ndiduñọde mfiọk se enye akade iso ndinam?”
52Mmọ ema ebọrọ enye ete “Afo onyuñ oto Kalili ñko? Tim duñọde ñwed Abasi se, afo eyekut ete ke Prọfet ndomokiet itoho ke Kalili.” 53Ndien owo kiet kiet ama ọnyọñ ufọk esie.
നിലവിൽ തിരഞ്ഞെടുത്തിരിക്കുന്നു:
Jọn 7: OOÑE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Jọn 7
7
Eneni Emi Otukde Jisọs Ọsọñ Ubọk
1Ke ñkpọ emi ama ekebe, Jisọs ama asaña akanade Kalili, Enye ikoyomke ndisim Judia koro ukara mme Ju ekeyomde Enye ndiwot. 2Ke ini usọrọ editi isua aba ke isọñ utatan ama ekekpere, 3nditọ eka Jisọs ema edọhọ Enye, ete, “Kpọñ ebiet emi, di ka Judia, man otodo mme mbet Fo ekpekeme ndikut mme utom emi Afo akade iso ndinam. 4Owo emi oyomde ndidi ọwọrọ etop owo, ikemeke ndidip utom emi Enye akade iso ndinam. Sia Afo akade iso ndinam mme ñkpọ emi yak ofuri ererimbot ediọñọ Fi.” 5Koro idem nditọ eka Esie ikenimke Enye ke akpanikọ.
6Jisọs ama ọdọhọ mmọ ete, “Ñkemñkem ini Mi isimke kaña; ini kiet ekededi enenen ọnọ mbufo. 7Ererimbot ikemeke ndisua mbufo, edi enye asua Mi, koro Ami ñkade iso nditiñ ye enye nte ke edinam esie ifọnke. 8Mbufo eka usọrọ. Ami ndikaha usọrọ emi kaña, koro nnen nnen ini Mi ikemke kaña.” 9Ke Enye ama eketiñ ntem, Enye ama aka iso nditie ke Kalili.
10Nte ededi, ke ini nditọ eka Esie ema ekedaha eka usọrọ, Enye ñko ama aka, edi ikedighe añwa añwa, ekedi ke ndibe ndibe usuñ. 11Mme ikpọ mbon ukara mme Ju ema eka iso ndiyom Enye ke itie usọrọ. Mmọ ema ebup ete, “Enye Enye?” 12Mme owo ema esuk Enye uyo. Ubak owo ema edọhọ ete, “Enye edi eti owo.” Ubak ete, baba, O! “Enye edi Enyemi adade mme owo otun usuñ.” 13Edi ikenyeneke baba owo kiet emi ekenyenede isọñesit ndida ntiñ ikọ añwa añwa mbaña Enye ke ntak ndik emi mmọ ekenyenede ebaña mme Ju.
14Ekem, ke ini esimde ufọt usọrọ, Jisọs ama oduk esit Edisana ebiet onyuñ aka iso ndikpep ñkpọ. 15Idem ama akpa ikpọ owo mme Ju eti eti, ndien mmọ ema ebup ete, “Owo emi asaña didie ọfiọk mme ñkpọ ntem ke ini Enye akananam ikaha ufọk ñwed?”
16Jisọs ama ọbọrọ mmọ ete, “Se Ami ñkpepde idighe ukpepñkpọ Mi, edi oto Abasi emi ọkọdọñde Mi. 17Edieke owo emekde ndinam uduak Abasi, enye eyeyarade ọdiọñọ mme ukpepñkpọ Mi oto Abasi, mme Ami ntiñ ikọ Idem Mi. 18Owo ekededi emi etiñde ikọ idem esie anam ntre oyom ndida ukpono nnọ idem esie. Edi enyemi anamde utom oyom ubọñ ye ukpono ọnọ enyemi ọkọdọñde enye, edi owo akpanikọ; baba abiaña kiet iduhọ ke Enye. 19Nte Moses ikọnọhọ mbufo mbet? Edi baba owo mbufo ndomokiet inimke mbet emi. Ntaha mbufo eyomde ndiwot Mi-e?”
20Otu owo ema ebọrọ ete, “Idiọk Spirit oduk Fi ke idem! Anie eñwana ndiwot Fi?”
21Jisọs ama ọbọrọ ete, “Ami ñkanam utom odudu kiet ndien idem ama akpa kpukpru mbufo. 22Moses ama owuk mbufo ete yak enim nditọ mbufo mbobi (okposuk edi oro mikedighe Moses, edi ekedi mme ete ete mbufo eketọñọ ñkpọ emi.) Ke ntre, mbufo enim eyen erenowo mbobi ke usen Sabat, 23man otodo mbufo ekubiat ibet Moses, ntaha mbufo ndien eyatde esit ye Ami ke ntak emi Ami nnamde owo okop nsọñidem ofuri ofuri ke usen Sabat-e? 24Etre ndibiere ikpe nto ke se mbufo ekutde ke enyin, edi ebiere ikpe eto ke se idide akpanikọ.”
25Ndusuk owo emi eduñde ke Jerusalem ema edọhọ ete, “Nte emi idighe owo emi mmọ eyomde ndiwot? 26Se Enye mi, ke etetiñ ikọ añwa añwa, ndien mmọ itiñke ikọ ndomokiet ye Enye; nte mme andikara mme Ju, enyime ñko ke akpanikọ ete ke Enye edi Kraist (Andinyaña)? 27Edi ñnyin imọdiọñọ ebiet emi owo emi otode; ke ini Andinyaña oro edidide, owo ndomokiet ididiọñọke ebiet emi Enye editode.”
28Nte Jisọs okosuk ekpepde ñkpọ ke Edisana Ebiet, Enye ama ofiori ke ọkpọsọñ uyo, ete, “Ih, mbufo emediọñọ Mi, ye ebiet emi Ami ntode. Edi Ami nduhọ mi ke odudu idem Mi, edi Enyemi ọkọdọñde Mi edi anam akpanikọ. Mbufo idiọñọke Enye. 29Edi Ami mọdiọñọ Enye, koro Ami ntode ke Enye, onyuñ edi Enye ọkọdọñ Mi.”
30Mmọ ema eñwana ndimum Enye, edi owo ndomokiet iketukke Enye ubọk koro ini Esie mikekemke kaña.
31Kpa ye oro ediwak owo ke akwa otu oro ema ebuọt idem ye Enye, enyuñ ebup ete, “Ke ini Kraist (Andinyaña) oro edidide, nte Enye eyenam mme utibe idiọñọ akan owo emi?”
32Mme Farisi ema ekop nsukuyo otu owo emi ebaña Enye, do ke akwa oku ye mme Farisi ekedọñ ubak mme ekpeme Edisana Ebiet ekemum Jisọs. 33Jisọs ama ọdọhọ ete, “Ami ndu ye mbufo ke esisit ini, ndien Ami mfiak ntiene Enyemi ọkọdọñde Mi. 34Mbufo eyeyom Mi edi idikwe Mi, koro mbufo midikemeke ndisim ebiet emi Ami ndude.”
35Mme Ju emi ema etiñ kiet ye eken ete, “Owo emi oyom ndika mmọñ emi ñnyin midikemeke ndiyom Enye ñkut? Nte Enye oyom ndika ke mme ikpọ obio mme Krik emi mme Ju eduñọde, ñnyuñ ñkekpep mme Krik ñkpọ?” 36Mme ikọ Esie emi ewọrọ didie, “Mbufo eyeyom Mi, edi mbufo idikwe Mi.” Ye “Ebiet emi Ami ndude mbufo idikemeke ndisim do?” 37Akpatre usen usọrọ oro ekedi ata akpan usen, Jisọs ama adaha ada onyuñ ofiori ke ọkpọsọñ uyo, ete, “Edieke itọñ mmọñ asatde owo ndomokiet yak enye edi edibọ Mi mmọñ ọñwọñ. 38Owo ekededi emi onimde Mi ke akpanikọ, nte ñwed Abasi ama eketiñ, udiọñ idim mmọñ uwem eyefehe ke esit idem esie.” 39Enye eketiñ emi abaña Edisana Spirit emi mme mmọ emi ekenimde ke akpanikọ edibọde. Tutu osim ini oro ikọnọhọ kaña Edisana Spirit koro Jisọs mikedọkke ke ubọñ kaña.
40Ke ini mme ubak owo ekekopde mme ikọ emi, mmọ ema edọhọ ete, “Ke akpanikọ, Owo emi edi Prọfet.” 41Ndusuk owo ema edọhọ ete, “Enye edi Andinyaña.” Edi mme mmọ efen ema ebup ete, “Andinyaña ekeme didie ndito ke Kalili?” 42Nte ñwed Abasi itiñke ite ke Kraist oro edito ke ubon Defid ye ke Betelehem, obio emi Defid okoduñde? 43Ke ntak emi ubahade ama oduk ke otu owo oro ke ntak Jisọs. 44Ubak mmọ ema eyom ndimum Enye, edi owo baba kiet iketukke Enye ubọk.
45Ke akpatre, mme ekpeme Edisana Ebiet ema efiak edem ebine akwa oku ye mme Farisi, emi ekebupde mmọ ete, “Ntaha mbufo midaha Enye iduk idie?”
46Mme ekpeme Edisana Ebiet ema ebọrọ ete, “Akananam baba owo ndomokiet itiñke ikọ ke uduot usuñ emi owo emi etiñde.”
47Mme Farisi ema ebup mmọ ete, “Ewut ñnyin nte ke Enye etimede mbufo ñko?” 48“Nte mbufo emekut owo Farisi mme andikara mme Ju ndomokiet ọbuọtde idem ye Enye? 49Iduhọ! Ke mibọhọke mme otu ndisime emi midiọñọke ñkpọ ndomokiet ibaña mme mbet Moses, isuñi Abasi odoro mmọ ke idem.”
50Nikodimọs emi ama okososobo ye Jisọs ekedi kiet ke otu mmọ, ndien ama obup mbume, ete, 51“Nte mbet ñnyin enyime etip owo ikpe ke ini owo mibemke iso ikop ito enye, ndiduñọde mfiọk se enye akade iso ndinam?”
52Mmọ ema ebọrọ enye ete “Afo onyuñ oto Kalili ñko? Tim duñọde ñwed Abasi se, afo eyekut ete ke Prọfet ndomokiet itoho ke Kalili.” 53Ndien owo kiet kiet ama ọnyọñ ufọk esie.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.