MALAKO 16
16
Makundwelo manka Yesu
(Lenda mpe Mat 28, 1-8; Luk 24, 1-12; Yoa 20, 1-10)
1O mbiha e boina bo sabala, Malia mohi Magadala, Malia ma nyango enka Zake na Salɔmɛ bahombaki mauta ma mɔhimbɔ noha nohinga bionge binka Yesu nobiomia olongi tabipɔndɔke. 2Mpe na ntei e mpendu e boina bo boho bonka eyenga, ohilaki mɔnyɛnɛ nɔbɛlɛ, bainto baiko bahaki o iyita. 3Bayahangelaki o iyɔngɔ i balɔkɔ: «Okotobungutwela ibɔkɔ ile o munya mo iyita nɔni?» 4Ya oiyeyaki balɔkɔ maiho, baoywɛnɛ mbɔ ibɔkɔ iobungutwa, nsande iliki inɛnɛ. 5Na boiko, baɔyɔtwa o iyita; baoywɛnɛ ɛlɛngɛ e mwele, akihi o lɔbɔkɔ lo lome, alɔti monkoto mo menza, mpe baoyoka bɔɔmɔ. 6Ya nde aobaebia bɔnɛ: «Tabokake bɔɔmɔ; bokomba Yesu e mohi Nazaleta, ebakemaki o ekulusu; aokundwa o iyɔngɔ i bawi, ainda anɛ. Bolendaka manda emokundaki balɔkɔ. 7Ya bonsɔ nko aiko yoko nwebia baekoli banande na Petelo: “Aolɔndɔ o boho bo nyainyo o Galilaya; bongomwɛnɛ ɔkɔ, nga bobwebiaki nde#16, 7 Lenda 14.28. .” » 8Na boiko, baobɛlɛ mpe baolota iteta na iyita, na itina balɔkɔ bankuma babilimaki mpe bakakatanaki. Mpe tabaebia moto nsa ɔmɔ na itina baliki na bɔpɔlu.
Yesu aɔyaɛnia onka Malia mohi Magadala
(Lenda mpe Mat 28, 9-10; Yoa 20, 11-18)
[#16, 8 Melɔngɔ 9-20 tamembe o ba buku nzike i kala. 9Okundwaki nde na mpendu e boina bo boho bonka eyenga, Yesu abɛlɛlɛki boho Malia mohi Magadala, mabɛliaki nde melimo me mebe nsambo. 10Malia mohi Magadala aohaka nɔlɔndwela baliki na Yesu mpe baliki o itale nolelaka. 11Ya balɔkɔ okaka mbɔ: «Yesu ale na bɔmɔi, ambɔmbɛlɛle!» Ya balɔkɔ tabamoimenyena. 12O mbiha ɛlɔkɔ, ayaɛniaki o lolenge lonkina onka bape o iyɔngɔ inka baekoli baisiaki o bola bo balɔko. 13Mpe baekoli baiko bape baisiaki nɔlɔndwela bankina, na balɔkɔ, ya tababaimenyena.
Yesu aobɛlɛlɛ baekoli liomu na ɔmɔ
(Lenda mpe Mat 28, 16-20; Luk 24, 36-49; Yoa 20, 19-23; Bik 1, 6-8)
14Na mbiha, Yesu ayaɛniaki onka baekoli liomu na ɔmɔ o elaka ɛlɛkɛki balɔkɔ; mpe abapɛlɛki na bohenga bo bwambi mpe na boolo bo meloko na itina tabaimenya baiko bamwɛnɛki o mbiha e makundwelo manande. 15Mpe Yesu aobaebia bɔnɛ: «Bɔnsɔ o molongo na ibondo nolalolake Nsango Ndɔti onka bato bankuma#16, 15 Nwɛlia na Bik 1.8.. 16Oiko ongwambe mpe ongoiname angobikiama; opatamba angouliama. 17Mpe lenda bilembetelo bingwɛnɛne onka baiko bangwambe: O lina imi, bangobɛlia melimo me mebe, bangotepela o nkota i ntɛmu, 18kaki bangokata nzɔ na makata ma balɔkɔ mpe baomina yomba ɛmɔ e iwa, tengobaokia liale; bangohangia makata onka bakɔni, bangobikiama.» 19Aiko Nkolo Yesu o mbiha e ntepeli na balɔkɔ, aiyeyamaki o Lobola mpe aokihi o lɔbɔkɔ lo lome lonka Nyambe#16, 19 Nwɛlia na Bik 1.9-11.. 20Nga na balɔkɔ, bahaki nolalolake o manda inkuma. Nkolo asalaki mputa na balɔkɔ mpe akembiaki Ilako na bilembetelo biliki mbahema na balɔkɔ.
നിലവിൽ തിരഞ്ഞെടുത്തിരിക്കുന്നു:
MALAKO 16: nto
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
