YONA 3
3
Ilako inka Yona o Ninɛwɛ
1Munya monka Nkolo moisiaki notepela onka Yona lotepela lo ipe: 2«Tɛlɛmɛ, nsɔ o Ninɛwɛ inanga i inɛnɛ mpe obaebie nsango engokohangele mi.» 3O lotepela loiko, Yona aonaki munya monka Nkolo mpe atɛlɛmɛki noha o Ninɛwɛ. Nsande Ninɛwɛ eliki inanga i inɛnɛ penda, iɔhɔ moto nokela maina mahato ma lɔkɛndɔ nopendia. 4Yona akɛndɛki boina bo boho na ibondo nolalolake ntepela mbɔ: «Ombiha e maina nyomu inɛi, inanga i Ninɛwɛ ingopitana.» 5Na boiko, bato bakihi o inanga i Ninɛwɛ bambelaki Nyambe#3, 5 Lendaka Mat 12.41; Luk 11.30,32.. Banaki mbɔ bayakihiye mohipili mpe balɔte bitobo bi ilɛbɔ, ɔmɔ na ɔmɔ, ima onka mobati kii onka mɔmbɔlɔ. 6Oiyaki nsango ɛlɔkɔ onka Nkumu enka Ninɛwɛ, asulwaki o mbata e nande e bonkumu, atungolaki etobo e nande e bokopo, alɔtɔki etobo e ilɛbɔ mpe ahɛbɛnɛki o metoko#3, 6 Aokihi o metoko: Elembetelo e itale na mpe e mahɛi penda, Ezek 27.30.. 7Ombiha atindaki iyoi nolalola nsango eiko o Ninɛwɛ: «Na mokeko monka Nkumu mpe na bakɛndia na nde ehe, eonyangema onka bato, nyama mpe na bibwa bi binɛnɛ na bi bikɛ noyala nkɔlɛ mpe nkomina. 8Eyale bato, eyale nyama, bankuma bangɔlɔtɔ bitobo bi ilɛbɔ. Moto na moto angototwa na nguya nobeya Nyambe, ɔmɔ na ɔmɔ aboye mbo i nande i mbe mpe bonkulukanya bole o makata ma nande. 9Nampe Nyambe angobutola bikaneno noumonya lɔbɛli lo nande mpe tangotoboma.»
10Na boiko, Nyambe ɛnɛkɛ mbɔ bato ba Ninɛwɛ baobutola meloko mpe baokambia mbo i balɔkɔ imbe, aenzaki bikaneno bi nande mpe taisia nokokia mwano mo nande onga na balɔkɔ.
നിലവിൽ തിരഞ്ഞെടുത്തിരിക്കുന്നു:
YONA 3: nto
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)