MATAYO Eingeli e buku
Eingeli e buku
Ta bokɔkɔ bo Ekelesa, bakabale boo Matayo odaka moputedji o puti ko yona oimeaka mopɔsɔlu o Yesu, akomaka Bwɛndi Bopele elenge Matayo. Mokomi, ta Bwɛndi Bopele bu, akaenɛ meako minɛnɛ ko bohali. Yesu aenɛmi ta Bwɛndi Bopele bu elenge molehi monɛnɛ, okalehe bonɔ balehi basusu. Inango i bileho bi nde idi Bokumu bo busa kaoko Bokumu bo Ndjakomba, tine boo Matayo talangake kombe e Ndjakomba bilangalanga elenge balehi bakina.
Modjɔ motina
Isolo inɛnɛ i mokanda mu ibangi na masolo mabae ma eingeli: isolo i mbangi ko bobwɛngɛ bo Yesu 1, 1-2, 23; ko isolo i Yesu na Yoane Mobatisi 3, 1-4, 16. Ngɔngɔ imina, bikenge bitano bi masolo bisakimanaka ko bisukeaka ta ekenge e suka e isolo. Engi ekenge ebɔngedjamaka diko i eleho enɛnɛ emɔti ko esukeaka na mibalo mi «Ehole esidjaka Yesu bopa bileho bi nde» Endja pongono ta 7, 28; 11, 1; 13, 53; 19, 1; 26, 1.
Ekenge e boso 4, 17-8, 17: ta Galilea, Yesu abangedji ta ngondo Bokumu bo busa na ndjea e mibalo ko misala mi nde. «Bileho ta diko i ikoli» bidi molema mo ekenge ye. Ekenge e babae 8, 18-12, 21: Yesu abei batingami bɛngi basale engbanga na nde ta elomu e nde. Eenɛmi ta eleho e midjɔ miboani na bu bokɔ ta elomu. Ekenge e basato 12, 22-16, 20: ebalamaka boo Yesu adi nda. Nongokobea bapalusai ko balehi ba mobeko baimodimeaka, Yesu adimedjaka boo ibota i nde i soti idi: bato, bali kaoko bami, bia bakɔkɔ bolulea bo «Sango yona odi o diko» 12, 50. Abakwedjaka ta djebeli e mbombi e Bokumu bo diko na ndjea e bileho bi masɛ sambo. Ekenge e banɛi 16, 21-20, 34 einedjaka bobakama bo nde ta ekulusu: Ekelesea edi inango i yu, bileho bi epeali bidi ta tei ekenge e eleho enɛnɛ e banɛi. Ekenge e batano 21, 1-25, 46 einedjaka boimea bo nde ta Yelusalɛmɛ ko bohɛedjama bo mokita mo Yesu na bakondji ba bayuda. Eleho enɛnɛ e suka ebalaka ta tina e suka e bihole.
Ekenge e suka e masolo 26, 1-28, 20 edi na masolo ma saya endolo pongono masolo ma ndingo. Mabalamaka ta tine saya, bogwa ko bopusoa bo Yesu. Na ndjea emina, ngondo eyenie ebotami ko batingami babeami botɔndɔ Bwɛndi Bopele ta bikomi bisusu bi ngondo.
Bwɛndi Bopele elenge ekoma Matayo bodihi gala enɛnɛ mbala emɔti. Bato ba bowɛi ibadaka bakiloto ta mbangi e Ekelesa badaka bomolanga ko bomosalea bobuke ta biunga bi bobo. Ta misala mikina, babwɛndji badaka elenge embete e Bwɛndi Bopele elenge ekoma Matayo. Na bea ta mbangi, edaka isolo i moto, tengasa molɔngɔ monɛnɛ mo boso mo mbilimedjaka diko i Yesu elenge moto mɛnɛ, Mwana mɛnɛ o Isalɛlɛ. Ngɔngɔ i bianga 1.800 moembi Yoane Seba Basu aangɔdjɔkɔ Yesu elenge moto mɛnɛ ko Ndjakomba mɛnɛ na ndjembo imɔti ipele: enɔngi e Yesu elenge mosɛnɔke Matayo.
Ta eleho e nde tine Bokumu bo diko, Yesu ambilimedjaka tine moda mo moto na moto ko bosambedjama bo suka. Na ndjea emina akokedjaka eleho e Mose, ta mokanda mu mobeakabo «Mobeko mo Mose» kaoko oto «Mobeko». Mobeko ko Bwɛndi Bopele tebosanedjake, inango idi oko imɔti Iputo: sepi edi boo opalame na Ndjakomba. Modjɔ mobokamoa modi boo bopele bodoi adiso na ndjea e Yesu obakamaka ta ekulusu ko apusoaka. Busa bu naikina, bakilito baenɛkɛ na Bwɛndi Bopele elenge Matayo ndjea e bohela ta Ekelasa, idi iputo i batingami ba Yesu, ibakalimea na isolo i bana ba Isalɛlɛ ko idi tina e bato basusu.
Tine bokɛ mɛnɛ bohali
Bato banɛnɛ bakalɛdje boo Bwɛndi Bopele bu bokomamaka tine bayuda ibaimeaka batingami ba Yesu Kilito. Bayuda bamina badaka bakɛkɛ mɛnɛ ta boso bo bapalusai, ibadaka banɛnɛ mɛnɛ. Bapalusai badaka bato basapaka mɛnɛ, tine bopingedja ko boemea ilako i bayuda ilidaka na etumba epipo, ta ehole eduaka basoda ba Loma botumba tepelo e Yelusalɛmɛ ta yanga e 70, ta ehole e biso bakilito, ko bosɔmbɔtɔnɔ bokimanaka ngɔngɔ i botumbama bo tepelo. Na tina emina motubano modaka ta pakaso e bayuda ibaimeaka bakilito ko bapalusai na bayuda bakina. Ihɔdjɔ ipipo inɔkɔ ta Bwɛndi Bopele bu: bato ba Isalɛlɛ ko basuku ba bobo balonaka Yesu ko bo basusu basambedjamaka (23). Enakobea, Matayo atainedjaka boo adi moloni o iputo i bayuda, tengasa mibalo mi Yesu midaka mipipo boso mɛnɛ adi batingami ba nde. Abambilimedjaka ta bhuda: ta Bokumu bo Ndjakomba, losusu loipama ko losusu lotungiti, na bea etungi «bobota mbuma!» 21, 43 Ekadabo basuku ba Isalɛlɛ baidjebaka bokɔ, etungiti boo basuku ba Ekelesa badae pɛ bosɔmbɔ bokɔ ibunga imina. Bohomba bodjeba ta mbɛngɛ Mobeko mo Mose na ndjea e Bwɛndi Bopele bo Yesu Kilito, edi na tina enɛnɛ mɛnɛ.
നിലവിൽ തിരഞ്ഞെടുത്തിരിക്കുന്നു:
MATAYO Eingeli e buku: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)