MATAYO 5
5
Bileho ta diko i ikoli
(Endja pongono ta Luk 6, 20-23)
1Ehole enɛkɛ Yesu emumu e bato, apeteaka ta ikoli ko adaa. Batingami ba nde babatamaka mbuti na nde 2ko abangaka bobaleha:
3«Sepi adi batakeli ta mwembo,
tengasa Bokumu bo diko bodi tine bobo!
4Sepi adi bia bayeaka,
tengasa bapingedjamake!
5Sepi adi bato ba bomwii,
tengasa basangoake ngondo!
6Sepi adi bia badi na ndja ko posa e bodjo,
tengasa bagolake!
7Sepi adi bia bakoke ba bina bu ndjokwa,
tengasa babokeabi pongono ndjokwa!
8Sepi adi bia badi na milema misɛnɔke,
tengasa baenɛbi Ndjakomba!
9Sepi adi bato bakaduedje bogo,
tengasa babeamake bana ba Ndjakomba!
10Sepi adi bato banɔngɔmɔkɔ tine bodjo,
tengasa Bokumu bo diko bodi tina e bobo!
11Sepi ehole eosingakanibo, eonɔngedjinibo ko eokɔmeakani bo mabe masusu ta tina e mbi. 12Sepani ko daani na mongandi, tengasa iputi i bino idi inɛnɛ oho o diko. Tengasa edaka okobea, elenge anɔngedjakabo ba mbaeli ba Ndjakomba ibadaka boso bo bino#5, 12 Kokanedja 2 Tan 36, 16; Bik 7, 52..»
Odini mongba ko bohu bo ngondo
(Endja pongono ta Mlk 9, 50; Luk 14, 34-35)
13«Ino odini monana mo ngondo. Endolo monana mokataka ngɛngɛ, moda moboani na nu bomosɔmbedja naikina ngɛngɛ nda? Moditi na sɔngi naikina; bamodumbake sokolu ko bato bamodalakake.
14«Ino odini bohu bo ngondo, odini pongono ibonga itongami diko i ikoli, ibɔngiti bobolama. 15Moto ta bawanedjake molinda tine bomokukea na katini. Enakobea, bakamosɛpɛe diko i esɛpɛi, tine boo mongɛsɛe bato basusu i badi ta ndako. 16Na tina emina kina boo bohu bo bino bongɛse adi bato, bɛngi baenɛ misala mi bino mipele ko bokumedja Sange e bino yona odi ta busa.»
Yesu ko mobeko
17«Pɛ bolɛdjɛni boo nadoi tine bodongedja mobeko mo Mose ko na eleho e ba mbaeli ba Ndjakomba. Naidua tine bomidongedja endolo nadua tine bomikokedja. 18Tengasa, edi soti, nabalaka na nu: boso bo busa na kpɔtɔ bodimoe, pɛ nongo ikomi imɔti inɔi ikɛkɛ kaoko itɔnɔ ikadae diko idongetebi ta mobeko, mbunoko ta suka e midjɔ misusu. 19Na tina emina, moto mosusu wadongedjaka mobeko momɔti ta tei e mu ko alehake bato bakina bokɔ bea, adake moto ngasa ta Bokumu bo diko. Endolo yona asumake mobeko ko alehake bakina bokɔ bea adabi moto monɛnɛ ta Bokumu bo diko. 20Tengasa, nabalaka na nu: ekadaa bodjo bo bino bomitinɔ bua bo balehi ba mobeko ko na Bapalusai, oboanitini bokwea ta Bokumu bo diko.»
Eleho ta tina e kɛlɛ
21«Okakani babala tina e bakɔkɔ ba biso: “Pɛ bowa moto; moto mosusu owake mwange e nde aboani nabosambedjama ta boso bo badjudji.” 22Endolo mbi, nabali na nu: moto mosusu opeake mwange e nde kɛlɛ asambedjamake ta boso bo badjudji; moto asingake mwange e nde: “Egegele!” Asambedjamake ta boso bo ibolea inɛnɛ i basuku ba bayuda. Yona asingake mwange e nde: “Endanga!” Adumbamake ta ipelu. 23Ekadabo okɛi ta polo ekatumbebo mbeka adi Ndjakomba ko wadjebaka boo odi na modjɔ na mwange e wɛ, 24kina ikabo i wɛ, ta boso bo polo ekatumbebo mbeka ko kɛɛ asɔmbedje bwela na mwange e wɛ; ngɔngɔ oboani bosɔmbɔ apa ikabo i wɛ adi Ndjakomba.
25«Ekadabo moto aodihi na modjɔ, homba bosɔmbedja bwela na nde pɛpɛlɛ ehole edi no na ndjea. Esakadabo moloni o wɛ asakopunda adi badjudji, na bea djudji aopɛ ta mɔmɔ ma bapulusu ko baisake ta bɔlɔkɔ. 26Nabalaka na wɛ, okobea: otimake ta bɔlɔkɔ oko opute motuya mokɛkɛ mo nyongo e wɛ.»
Eleho tine bɔɔli
27«Okani bobala boo: “Pɛ bokɔ bɔɔli#5, 27 Boi 20, 14; Dit 5, 18..” 28Endolo mbi, nabalaka na nu: momi mosusu oendji mwali okina na malɛno ma bomopala, akɔi na nde bɔɔli ta molema mo nde. 29Na tina emina, ekada diso i wɛ i ebɔ e bami iotaedjaka ibaku, idongedja ko idumba bohali na wɛ. Tengasa, enɔi na bopele tina e wɛ bobungedja ekenge emɔti e wɛ e mokuku ta polo e bodumba mokuku mosusu ta ipelu. 30Na tina emina, ekada boo ebɔ e wɛ e bami iotaedjaka ibaku, elena ko edumba bohali na wɛ. Tengasa enɔi na bopele tina e wɛ, bobungedja ekenge emɔti e wɛ e mokuku ta polo e mokuku mosusu modumbame ta ipelu.»
Eleho ta tina e moki
(Endja pongono ta Mat 19, 9; Mlk 10, 11-12; Luk 16, 18)
31«Ebalama pongono: “Momi odongedji mwali o nde, atungi amopɛ mokanda mo bowa moki#5, 31 Dit 24, 1..” 32Endolo mbi, nabalaka na nu: Momi mosusu odongedji mwali o nde ta moki, dongedja oko akɔi bɔɔli, amodipoi ndjea e bokɔ ndukeli. Ekadabo akwei moki mokina ko momi oasɔi mwali omina yo pongono akɔi bɔɔli.»
Eleho ta tina e bhɛli
33«Okakani pongono bobala na bakɔkɔ ba biso: “Pɛ bobhɛlɛ bhɛli e bolowa, endolo kokedja bobhɛlɛ bua bo bhɛli wɛ ta boso bo Kumu#5, 33 Endja pongono ta Lew 19, 12; Mit 30, 3; Dit 23, 22-24..” 34Na bea nabalaka na nu, pɛ bobhɛlɛni nongo bhɛli emɔti: pɛ bobhɛlɛni nongo na kombe e diko, tengasa edi ngbɛndɛ e Ndjakomba; 35edae ta kpɔtɔ, tengasa edi edaeli e mako ma nde; edae ta Yelusalɛmɛ, tengasa edi ibonga inɛnɛ i mokondji. 36Pɛ bobhɛlɛ bhɛli na molo, tengasa oboaniti botɔedja nongo mombwi momɔti kaoko botɔedja moswe mohindo. 37Kina boo kɔpi e wɛ ekada “Eɛ, edike Eɛ”, ekada “Ngasa, edike ngasa”; ko mobalo mosusu modi bobakeama modongi adi Mokosi.»
Eleho ta tina e bobukanedja
(Endja pongono ta Luk 6, 29-30)
38«Okakani bobala boo: “Diso tine diso ko dino tine dino#5, 38 Boi 21.24; Lew 24, 20; Dit 19, 21..” 39Endolo mbi, nabalaka na nu: pɛ bobukanedjani bobe na bobe. Ekada moto aobomi epapata ta mobanga modɔngɔ i ebɔ e bami, mopa pongono mobanga mo ebɔ e bali. 40Ekada boo moto atombi meko e bopunda ta sambi tine botomba esendja e wɛ, mopa pongono kasaka e wɛ. 41Ekadabo moto aolomi elomu na ngulu boo odale kilomɛtɛlɛ emɔti, wɛdala kilomɛtɛlɛ ibae engbanga na nde. 42Pa adi yona osɛngi moeka; endolo pɛ bolona bobekedja adi moto yona apalaka bobeka.»
Eleho ta tina e epaeli
(Endja pongono ta Luk 6, 27-28.32-36)
43«Okani bobala: “Otungi bopala mwange e wɛ#5, 43 Lew 19, 18. ko lona moloni o wɛ.” 44Endolo mbi, nabalaka na nu: palani baloni ba bino ko ongɔnɔkɔni tina e bato bia bokonɔngedjeni. 45Na bea wadakeni bana ba Sange e bino, yona odi o diko. Tengasa akimedje modakabusa tina e bato bapele ko na bato babe, akadumbe mbuwa tina e bato ba bodjo ko na bato badi na taka e bodjo. 46Ekadabo okapale oko bia bakopale, iputi idiabino adi Ndjakomba nda? Tengasa nongo baputedji ba puti bakakɔe pongono bea! 47Ekadabo okaiseni oko ndese adi bange i bino, modjɔ mo bokamoa mokɔi no nda? Tengasa nongo bato ba bikomi bi bakɛndɛli bakakɔe pongono bea! 48Na bea daani bato basɛnɔke elenge Sange e bino yona odi o diko adi Mosɛnɔke.»
നിലവിൽ തിരഞ്ഞെടുത്തിരിക്കുന്നു:
MATAYO 5: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
MATAYO 5
5
Bileho ta diko i ikoli
(Endja pongono ta Luk 6, 20-23)
1Ehole enɛkɛ Yesu emumu e bato, apeteaka ta ikoli ko adaa. Batingami ba nde babatamaka mbuti na nde 2ko abangaka bobaleha:
3«Sepi adi batakeli ta mwembo,
tengasa Bokumu bo diko bodi tine bobo!
4Sepi adi bia bayeaka,
tengasa bapingedjamake!
5Sepi adi bato ba bomwii,
tengasa basangoake ngondo!
6Sepi adi bia badi na ndja ko posa e bodjo,
tengasa bagolake!
7Sepi adi bia bakoke ba bina bu ndjokwa,
tengasa babokeabi pongono ndjokwa!
8Sepi adi bia badi na milema misɛnɔke,
tengasa baenɛbi Ndjakomba!
9Sepi adi bato bakaduedje bogo,
tengasa babeamake bana ba Ndjakomba!
10Sepi adi bato banɔngɔmɔkɔ tine bodjo,
tengasa Bokumu bo diko bodi tina e bobo!
11Sepi ehole eosingakanibo, eonɔngedjinibo ko eokɔmeakani bo mabe masusu ta tina e mbi. 12Sepani ko daani na mongandi, tengasa iputi i bino idi inɛnɛ oho o diko. Tengasa edaka okobea, elenge anɔngedjakabo ba mbaeli ba Ndjakomba ibadaka boso bo bino#5, 12 Kokanedja 2 Tan 36, 16; Bik 7, 52..»
Odini mongba ko bohu bo ngondo
(Endja pongono ta Mlk 9, 50; Luk 14, 34-35)
13«Ino odini monana mo ngondo. Endolo monana mokataka ngɛngɛ, moda moboani na nu bomosɔmbedja naikina ngɛngɛ nda? Moditi na sɔngi naikina; bamodumbake sokolu ko bato bamodalakake.
14«Ino odini bohu bo ngondo, odini pongono ibonga itongami diko i ikoli, ibɔngiti bobolama. 15Moto ta bawanedjake molinda tine bomokukea na katini. Enakobea, bakamosɛpɛe diko i esɛpɛi, tine boo mongɛsɛe bato basusu i badi ta ndako. 16Na tina emina kina boo bohu bo bino bongɛse adi bato, bɛngi baenɛ misala mi bino mipele ko bokumedja Sange e bino yona odi ta busa.»
Yesu ko mobeko
17«Pɛ bolɛdjɛni boo nadoi tine bodongedja mobeko mo Mose ko na eleho e ba mbaeli ba Ndjakomba. Naidua tine bomidongedja endolo nadua tine bomikokedja. 18Tengasa, edi soti, nabalaka na nu: boso bo busa na kpɔtɔ bodimoe, pɛ nongo ikomi imɔti inɔi ikɛkɛ kaoko itɔnɔ ikadae diko idongetebi ta mobeko, mbunoko ta suka e midjɔ misusu. 19Na tina emina, moto mosusu wadongedjaka mobeko momɔti ta tei e mu ko alehake bato bakina bokɔ bea, adake moto ngasa ta Bokumu bo diko. Endolo yona asumake mobeko ko alehake bakina bokɔ bea adabi moto monɛnɛ ta Bokumu bo diko. 20Tengasa, nabalaka na nu: ekadaa bodjo bo bino bomitinɔ bua bo balehi ba mobeko ko na Bapalusai, oboanitini bokwea ta Bokumu bo diko.»
Eleho ta tina e kɛlɛ
21«Okakani babala tina e bakɔkɔ ba biso: “Pɛ bowa moto; moto mosusu owake mwange e nde aboani nabosambedjama ta boso bo badjudji.” 22Endolo mbi, nabali na nu: moto mosusu opeake mwange e nde kɛlɛ asambedjamake ta boso bo badjudji; moto asingake mwange e nde: “Egegele!” Asambedjamake ta boso bo ibolea inɛnɛ i basuku ba bayuda. Yona asingake mwange e nde: “Endanga!” Adumbamake ta ipelu. 23Ekadabo okɛi ta polo ekatumbebo mbeka adi Ndjakomba ko wadjebaka boo odi na modjɔ na mwange e wɛ, 24kina ikabo i wɛ, ta boso bo polo ekatumbebo mbeka ko kɛɛ asɔmbedje bwela na mwange e wɛ; ngɔngɔ oboani bosɔmbɔ apa ikabo i wɛ adi Ndjakomba.
25«Ekadabo moto aodihi na modjɔ, homba bosɔmbedja bwela na nde pɛpɛlɛ ehole edi no na ndjea. Esakadabo moloni o wɛ asakopunda adi badjudji, na bea djudji aopɛ ta mɔmɔ ma bapulusu ko baisake ta bɔlɔkɔ. 26Nabalaka na wɛ, okobea: otimake ta bɔlɔkɔ oko opute motuya mokɛkɛ mo nyongo e wɛ.»
Eleho tine bɔɔli
27«Okani bobala boo: “Pɛ bokɔ bɔɔli#5, 27 Boi 20, 14; Dit 5, 18..” 28Endolo mbi, nabalaka na nu: momi mosusu oendji mwali okina na malɛno ma bomopala, akɔi na nde bɔɔli ta molema mo nde. 29Na tina emina, ekada diso i wɛ i ebɔ e bami iotaedjaka ibaku, idongedja ko idumba bohali na wɛ. Tengasa, enɔi na bopele tina e wɛ bobungedja ekenge emɔti e wɛ e mokuku ta polo e bodumba mokuku mosusu ta ipelu. 30Na tina emina, ekada boo ebɔ e wɛ e bami iotaedjaka ibaku, elena ko edumba bohali na wɛ. Tengasa enɔi na bopele tina e wɛ, bobungedja ekenge emɔti e wɛ e mokuku ta polo e mokuku mosusu modumbame ta ipelu.»
Eleho ta tina e moki
(Endja pongono ta Mat 19, 9; Mlk 10, 11-12; Luk 16, 18)
31«Ebalama pongono: “Momi odongedji mwali o nde, atungi amopɛ mokanda mo bowa moki#5, 31 Dit 24, 1..” 32Endolo mbi, nabalaka na nu: Momi mosusu odongedji mwali o nde ta moki, dongedja oko akɔi bɔɔli, amodipoi ndjea e bokɔ ndukeli. Ekadabo akwei moki mokina ko momi oasɔi mwali omina yo pongono akɔi bɔɔli.»
Eleho ta tina e bhɛli
33«Okakani pongono bobala na bakɔkɔ ba biso: “Pɛ bobhɛlɛ bhɛli e bolowa, endolo kokedja bobhɛlɛ bua bo bhɛli wɛ ta boso bo Kumu#5, 33 Endja pongono ta Lew 19, 12; Mit 30, 3; Dit 23, 22-24..” 34Na bea nabalaka na nu, pɛ bobhɛlɛni nongo bhɛli emɔti: pɛ bobhɛlɛni nongo na kombe e diko, tengasa edi ngbɛndɛ e Ndjakomba; 35edae ta kpɔtɔ, tengasa edi edaeli e mako ma nde; edae ta Yelusalɛmɛ, tengasa edi ibonga inɛnɛ i mokondji. 36Pɛ bobhɛlɛ bhɛli na molo, tengasa oboaniti botɔedja nongo mombwi momɔti kaoko botɔedja moswe mohindo. 37Kina boo kɔpi e wɛ ekada “Eɛ, edike Eɛ”, ekada “Ngasa, edike ngasa”; ko mobalo mosusu modi bobakeama modongi adi Mokosi.»
Eleho ta tina e bobukanedja
(Endja pongono ta Luk 6, 29-30)
38«Okakani bobala boo: “Diso tine diso ko dino tine dino#5, 38 Boi 21.24; Lew 24, 20; Dit 19, 21..” 39Endolo mbi, nabalaka na nu: pɛ bobukanedjani bobe na bobe. Ekada moto aobomi epapata ta mobanga modɔngɔ i ebɔ e bami, mopa pongono mobanga mo ebɔ e bali. 40Ekada boo moto atombi meko e bopunda ta sambi tine botomba esendja e wɛ, mopa pongono kasaka e wɛ. 41Ekadabo moto aolomi elomu na ngulu boo odale kilomɛtɛlɛ emɔti, wɛdala kilomɛtɛlɛ ibae engbanga na nde. 42Pa adi yona osɛngi moeka; endolo pɛ bolona bobekedja adi moto yona apalaka bobeka.»
Eleho ta tina e epaeli
(Endja pongono ta Luk 6, 27-28.32-36)
43«Okani bobala: “Otungi bopala mwange e wɛ#5, 43 Lew 19, 18. ko lona moloni o wɛ.” 44Endolo mbi, nabalaka na nu: palani baloni ba bino ko ongɔnɔkɔni tina e bato bia bokonɔngedjeni. 45Na bea wadakeni bana ba Sange e bino, yona odi o diko. Tengasa akimedje modakabusa tina e bato bapele ko na bato babe, akadumbe mbuwa tina e bato ba bodjo ko na bato badi na taka e bodjo. 46Ekadabo okapale oko bia bakopale, iputi idiabino adi Ndjakomba nda? Tengasa nongo baputedji ba puti bakakɔe pongono bea! 47Ekadabo okaiseni oko ndese adi bange i bino, modjɔ mo bokamoa mokɔi no nda? Tengasa nongo bato ba bikomi bi bakɛndɛli bakakɔe pongono bea! 48Na bea daani bato basɛnɔke elenge Sange e bino yona odi o diko adi Mosɛnɔke.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)