MATAYO 4
4
Bomekama bo Yesu
(Endja pongono ta Mal 1, 12-13; Luk 4, 1-13)
1Ngɔngimina, Mwembo mo Ndjakomba modaledjaka Yesu ta e etengelenge bɛngi amekame na djabulu. 2Ngɔngɔ ibokia boyaka masu tuku inɛi ko mulu tuku inɛi, Yesu aokaka ndja. 3Djabulu, mokosi, abatamaka mbuti na nde ko abalaka: «Soti okada Mwana o Ndjakomba, bala na mabanga mi mahombane miya.» 4Yesu asɔmbedjaka: «Ekomama: “Moto atahela oto na miya, endolo na mobalo mosusu mokime ta monɔkɔ mo Ndjakomba#4, 4 Dit 8, 3..”»
5Na bea, djabulu amodaledjaka mbunoko Yelusalɛmɛ, ibonga isɛnɔke, amobakeaka ta sɔngɔ e Tepelo. 6Abalaka na nde: «Soti okada Mwana o Ndjakomba, sadumba na se; tengasa ekomama:
“Ndjakomba apabi ndjea adi babwɛndji tina e wɛ,
ko bokabi na mɔmɔ ma bobo,
tine boo eko e wɛ, esakataa ibanga.”»
7Yesu amosɔmbedjaka: «Ekomama pongono: “Oboaniti bomeka Kumu, Ndjakomba o wɛ#4, 7 Dit 4, 16..”»
8Djabulu amotombaka naikina ta sɔngɔ e ikoli, amoinedjaka makumu masusu ma ngondo ko na ekumu e yu. 9Ko abalaka na nde: «Nopake losusu, ekadabo okwi magbundɔ tine bokumeani.» 10Na bea Yesu abalaka na nde: «Donga ena, djabulu! Tengasa ekomama: “Odi bokwa magbundɔ oko adi Kumu Ndjakomba o wɛ ko ongɔnɔ oko yo pɛ.”» 11Djabulu amokinaka. Ko babwɛndji baduaka mbuti na nde, tine bomokɔmedja.
Mbangi e mosala Yesu ta Galilea
(Endja pongono ta Mlk 1, 14-15; Luk 4, 14-15)
12Ehole eokaka Yesu boo baisi Yoane Mobatisi ta bɔlɔkɔ#4, 12 Yoane bamoisi ta bɔlɔkɔ edaka Yoane Mobatisi. Endja pongono ta 14, 3., asɔmbɔkɔ ta Galilea. 13Endolo akinaka Nasaleta, akɛkɛ boda ta Kapalanauma, ibonga idaka mbuti na ibeke inɛnɛ i Galilea, ta mokpɔtɔ mo Djabilɔ ko na Nepetali#4, 13 Djabilɔ ko Nepetali: mabota mabae mayou ma pamba e sadiko i Isalɛlɛ.. 14Ekɔmɔkɔ bea tine bokokedja mibalo mi mbaeli o Ndjakomba Isaya:
15«Mokpɔtɔ mo Djabilɔ, mokpɔtɔ mo Nepetali,
ngando i mbuti na ibeke inɛnɛ, ngando i pamba e Yolodane:
ngando i Galilea i bakɛndɛli!
16Bato ibahelamaka ta modidi,
Baeni bohu bonɛnɛ!
Tina e bia ibahelamaka ta modidi,
Soti baeni bohu!
Tina e bia bahelamaka ta ngondo e bago,
He, bohu bonɛnɛ boenɛmi! #4, 16 Isa 8, 23. 9, 1.»
17Donga ta ehole emina, Yesu abangaka bodumbea ko abalaka: «Hombedjani milema mi bino, tengasa Bokumu bo diko boimei mbuti!»
Yesu abei batingami ba boso
(Endja pongono ta Mlk 1, 16-20; Luk 5, 1-11)
18Yana adalaka Yesu ta yɔngɔ e mokula mo ibeke i Galilea, aenɛkɛ bange i bato babae ibia badaka baoweli ba swi: Simo obakeabo Piɛlɛ ko Andele mwange e nde. Ibo badaka badumba modjanga ta ibeke. 19Yesu abalaka na bu: «Kimananini ko noimedjeni bahombi ba bato.» 20Oko ta ehole emina, bakinaka midjanga mi bobo ko bamokimanaka. 21Ehole edalakayo moohali na bu, aenɛkɛ bakina menga bami babae, Djake ko Yoane, bana ba Djebede. Badaka ta bwato bo bobo na Djebede, sange e bobo, bobɔngedja midjanga mi bobo. Yesu ababeaka 22oko ta ehole emina, bakinaka bwato bo bobo, sange e bobo ko bakimanaka Yesu.
Yesu alehi ko aheledji
23Yesu adaka bodala ta mokpɔtɔ mo Galilea mosusu; boleha ta ba sinagoga i bobo, botɔndɔ Bwɛndi Bopele bo Bokumu bo diko ko boheledja bato na biego ko na bitumbɛ basusu. 24Na bea gala e nde enanganaka ta ngondo e Sulia esusu ko bamolwɛkɛ bato ba bipeko bi tungu isusu ko bego i tungu isusu: bato ba miembo mibe, bato bamasiesie ko na bato ibabukeanaka mako. Na bea Yesu adaka bobaheledja. 25Emumu e bato emokimanaka; bodonga ta mokpɔtɔ mo Galilea, donga ibonga i Dekapole, i Yelusalɛmɛ, na mokpɔtɔ mo Yuda ko mo pamba e Yolodane.
നിലവിൽ തിരഞ്ഞെടുത്തിരിക്കുന്നു:
MATAYO 4: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
