MALAKO 9
9
1Yesu abalaka na bu na ikina bo: «Naotɔndeakadeani sooti bato bakina badii iyaya bagwɛtedea boso bo boɛnɛ bodua bo Bokumu bo Ndjakomba na ngulu.»
Bosɔmbɔtɔnɔ bo Yesu
(Boindja pongono a Mat 17, 1-13; Luk 9, 28-36)
2Ngɔngɔ dji masu masamano, Yesu atomba Petelo, Djake ko Yoane, akɛɛ na bu ta diko di ngomba emɔti eyai, iho badaaka oko ibo bɛɛnɛ. Yesu asɔmbɔtɔnɔ ta miso ma bobo, 3bisendja bi nde bimea bipu ipɛɛ, bingɛsɛkɛ na mondumba mo bo pɛpɛ nongo eka emɔti iya ta kpɔtɔ ebwaniti boimia iboa#9, 3 Boɛngɛ 2 pi 1.1-18.. 4Na mbala emɔti, batingami basato baɛnɛ Eliya na Mose, basolaka na Yesu. 5Iboa Petelo abala na Yesu bo: «Molehi, edii bopele bo lodikame iyaya. Lopike bikpangba isato, emɔti tina e wɛ, ekina tina Mose ko ekina tina e Eliya.» 6Aidjebaka mɛko mibalaka iyo modjɔ mo badaaka na bɔɔ. 7Itute dimɔti litita ibakunda ko kɔpi emɔti eimana ta itute bo: «Iyo adii Mwana o mbi oepaeli, mookani!» 8Oko ta ehole emina, baindja pamba isusu idaaka bo, baiɛnɛ moto, baɛnɛ oko Yesu na ibo bɛnɛ. 9Ndelo etitaka bo ta ngomba abasia bo badae pɛpɛ botɔndea moto mɛko mienɛkɛ ibo mbunoko busa bosisoabi Mwana o moto ta bogwa. 10Babanea mɛko mimina, basawadjaka ta tei e bobo bo: «Epalaka bobala “bosisoa ta bogwa nde”?» 11Bamowadjaka bo: «Tina ndani balehi ba mobeko bakabale bo etungi Eliya adoe boso#9, 11 Boɛngɛ Mal 3.32.?» 12Abasɔmbedja bo: «Edii oko iboa, etungi Eliya adoe boso tina e bobɔngedja midjɔ misusu. Ekahia ndenge ndani ekomama bo etungi na Mwana o moto aoke saya enɛnɛ ko bamoenɛdea ngasa#9, 12 Boindja Isa 53.3; Ndjem 22.1-18.? 13Tina mbi, nadii botɔndeani bo: Eliya adoa ehele ko bakɔɔ na nde mondumba mosusu mopalaka ibo, oko mondumba mokomamaka ta tina e nde.»
Yesu aheledji mwana omɔti otungeamaka na mwembo mobe
(Boindja pongono a Mat 17, 14-21; Luk 9, 37-43)
14Ehole eimea bo mbuti na batingami bakina, baɛnɛ emumu e bato babahiki ko balehi ba mobeko baisanaka kitɛ na bu. 15Ehole eɛnɛ emumu e bato Yesu, bato basusu bakamoa ko bakɛɛ amoisea. 16Yesu awadja batingami ba nde bo: «Modjɔ ndani mo owanakadea ino na bu?» 17Moto omɔti ta tei e emumu e bato amosɔmbedja bo: «Molehi, naolwɛi mwana o mbi moomi, atungeamakadea na mwembo mobe mo mosiyakadea bobala. 18Mwembo mokamodumbe ndelo djisusu, modii bomodumba ta kpɔtɔ, mapuli madii boimana na nde ta monɔkɔ, abwani bosakokala, bokpɛkɛnɛ mino ko mokuku mo nde mokaimee mopipo. Naongɔnɔki batingami ba wɛ bo bamobengane, ko bahɔniti bomoimedja.» 19Yesu abala na bu: «Mbota e taka edhimeli! Nadikamabi na nu mbunoko ehole nda? Nabwani boikeani molema mbunoko ehole nda? Lwɛnini mwana omina iyaya.» 20Iboa bamolwɛɛ mwana. Ehole eɛnɛ mwembo mobe Yesu mobanga bopukusa mwana, akwa ta kpɔtɔ, ko abilingoanaka aimedjaka mapuli ta monɔkɔ. 21Yesu awadja sange ende bo: «Epeko emina ebanga na nde ehole nda?» Amosɔmbedja bo: «Donga oko ta bwɛngɛ bo nde. 22Mbala inɛnɛ mwembo momina mokamodumbe ta mosa kaoko ta madiba bɛngi agwɛ. Ekahia oka hɔnɔ bokɔɔ modjɔ momɔti tina etingi na su, lokea ndjokwa ko loheledja!» 23Yesu amosɔmbedja bo: «Tina ndani obali bo: kaoko obwani bokɔɔ modjɔ momɔti? Djeba bo midjɔ misusu mibwani bokɔmɔ ta dii moto odhimi.» 24Na mbala emɔti sange e mwana agama bo: «Nadhimi! Komedjani, modjɔ mo nataki e edhimeli.» 25Aɛnɛ Yesu emumu e bato babolami, agamea mwembo mo pita bo: «Mwembo mo bohoka ko mo emimi, naopi mitindo, imana ta tei e mwana iyoyo, ko pɛpɛ bosɔmbɔ naikina!» 26Mwembo mobe moimana ko mogama, modumbi mwana na ngulu mɛɛnɛ. Mwana moomi asendjoa mbuti na bogwa, ta mɛti na bo bato basusu babalaka bo: «Agwi.» 27Endelo Yesu amopea ta ebɔ, amoangɔdjɔ ko aso aema diko. 28Ehole eyana Yesu ta ndako, batingami ba nde bamowadja iyo mɛɛnɛ bo: «Tina ndani iso lohɔniti boimedja mwembo momina?» 29Yesu abasɔmbedja bo: «Mwembo mobe mondumba imua mobwani boimana oko na miɔngɔnɔ.»
Yesu atɔndei na ikina bogwa ko na bosisoa bo nde ta bogwa
(Boindja pongono a Mat 17, 22-23; Luk 9, 43b-45)
30Badonga ta esika edaaka ibo, bakatisa ta Galileya. Ko Yesu aipalaka bo bato bamodjebe. 31Modjɔ mo alehaka batingami ba nde ko abalaka na bu bo: «Bakabadea Mwana o moto ta mabɔ ma bato, ko bato bamina bamowadea, ko ngɔngɔ dji masu masato, asisoadea ta bogwa.» 32Ekahia batingami baisipoaka kɔpi emina ko babangaka bomowadja mawadja.
Odii monɛnɛ nda?
(Boindja pongono a Mat 18, 1-5; Luk 9, 46-48)
33Baimea ta Kapalanaume. Ehole edaka ibo ta ndako, Yesu awadja batingami bo: «Modjɔ mowanaki nanu na ndjea nda?» 34Ekahia baimosɔmbedja nongo eka emɔti, modjɔ mo, na ndjea, baisanaka kitɛ bɛngi badjebe ta tei e bobo moto onɔi binande. 35Iboa Yesu adaa na mobondo, ko abea batingami doomi na babae; abala na bu bo: «Ekadaa moto omɔti opali aimee moto o boso, etungi na nde bodaa moto o ngɔngɔ ko aimee mosali o binande basusu.» 36Atomba mwana mokɛkɛ, ko amoemea ta ndanda e bobo, ko amopea ta mabɔ ma nde, abatɔndea bo: 37«Moto iyona oasɔdea mwana mokɛkɛ na kombe e mbi, asɔi mbi mɛnɛ; ko moto odii boaso ni, asɔiti oko mbi mɛnɛ, endelo asɔi pongono Iyoyo olomani.»
Moto odii pɛpɛ bololona adii o biso
(Boindja pongono a Luk 9, 49-50)
38Yoane abala na Yesu bo: «Molehi, loɛnɛkɛbi moto omɔti aimedjakabi membo mibe na kombe e wɛ, ko lohombakabi lomosiye, modjɔ mo aidakabi na su engbanga emɔti.» 39Endelo Yesu asɔmbedja bo: «Pɛpɛ bomosiani ngasa, modjɔ mo moto abwaniti bokɔɔ modjɔ mo bokamoa na kombe e mbi, ko ngɔngɔ djiimina, abale bobe na kombe e mbi. 40Modjɔ mo moto odii pɛpɛ bololona adii o biso. 41Moto iyoyo oopabini kɔbɔ e madiba ma bomwa tina e bo odiini bato ba Kilito, naotɔndeakadeani sooti bo, abolodjabi ibondo i nde.»
Kebani na pekato
(Boindja pongono a Mat 18, 6-9; Luk 17, 1-2)
42«Moto omɔti obwani bodumba mwana mokɛkɛ omɔti o ibia bakadhimeeni ta pekato, enɔi bopele tina e nde bomotingea ibanga dinɛnɛ dikasiane ibo leka ta dɔli ko bamodumbe ta ibeke. 43Ekadaa ebɔ e wɛ eolomakadea ta pekato, elena; enɔi bopele bo okwee ta bomɔ bo kɔbili ebɔ emɔti, na bo okwee ta ipelu mɔmɔ mabae ta mosa imumu mokadae pɛpɛ bodimea. [ 44“Iho, ngusu ibia bakadɛe mokuku te bagwɛ ko mosa te modimee#9, 44 Molɔngɔ mu moditi ta mikanda miyou minɛnɛ.”.] 45Ekadaa eko e wɛ eolomakadea ta pekato, elena; enɔi bopele bo okwee ta bomɔ bo kɔbili na eko emɔti, na bo baodumbe ta ipelu na mako mabae. [46Iho, ngusu ibia bakadɛe mokuku te bagwɛ ko mosa te modimee#9, 46 Molɔngɔ imu te modae ta mikanda miyou minɛnɛ..] 47Ko ekadaa diiso di wɛ ikahomba di olome ta pekato, didongedja; enɔi bopele bo okwee na diiso dimɔti a Bokumu bo Ndjakomba na bo okwee ta ipelu na miso mabae. 48Iho, ngusu ibia bakadɛe mokuku te bagwɛ ko mosa te modimee. 49Modjɔ mo moto mosusu anɔɔbi ta ndjea e mosa mo saya ko adiabi monana bɛngi asɛnɔe.
50«Monana modii eka epele; ekahia mokataka edjɛ, ebwani wɛ bokɔ na mu naikina nde? Dani na monana ta tei e bino bɛnɛ ko dani na bogo bakina na bina bu.»
നിലവിൽ തിരഞ്ഞെടുത്തിരിക്കുന്നു:
MALAKO 9: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
MALAKO 9
9
1Yesu abalaka na bu na ikina bo: «Naotɔndeakadeani sooti bato bakina badii iyaya bagwɛtedea boso bo boɛnɛ bodua bo Bokumu bo Ndjakomba na ngulu.»
Bosɔmbɔtɔnɔ bo Yesu
(Boindja pongono a Mat 17, 1-13; Luk 9, 28-36)
2Ngɔngɔ dji masu masamano, Yesu atomba Petelo, Djake ko Yoane, akɛɛ na bu ta diko di ngomba emɔti eyai, iho badaaka oko ibo bɛɛnɛ. Yesu asɔmbɔtɔnɔ ta miso ma bobo, 3bisendja bi nde bimea bipu ipɛɛ, bingɛsɛkɛ na mondumba mo bo pɛpɛ nongo eka emɔti iya ta kpɔtɔ ebwaniti boimia iboa#9, 3 Boɛngɛ 2 pi 1.1-18.. 4Na mbala emɔti, batingami basato baɛnɛ Eliya na Mose, basolaka na Yesu. 5Iboa Petelo abala na Yesu bo: «Molehi, edii bopele bo lodikame iyaya. Lopike bikpangba isato, emɔti tina e wɛ, ekina tina Mose ko ekina tina e Eliya.» 6Aidjebaka mɛko mibalaka iyo modjɔ mo badaaka na bɔɔ. 7Itute dimɔti litita ibakunda ko kɔpi emɔti eimana ta itute bo: «Iyo adii Mwana o mbi oepaeli, mookani!» 8Oko ta ehole emina, baindja pamba isusu idaaka bo, baiɛnɛ moto, baɛnɛ oko Yesu na ibo bɛnɛ. 9Ndelo etitaka bo ta ngomba abasia bo badae pɛpɛ botɔndea moto mɛko mienɛkɛ ibo mbunoko busa bosisoabi Mwana o moto ta bogwa. 10Babanea mɛko mimina, basawadjaka ta tei e bobo bo: «Epalaka bobala “bosisoa ta bogwa nde”?» 11Bamowadjaka bo: «Tina ndani balehi ba mobeko bakabale bo etungi Eliya adoe boso#9, 11 Boɛngɛ Mal 3.32.?» 12Abasɔmbedja bo: «Edii oko iboa, etungi Eliya adoe boso tina e bobɔngedja midjɔ misusu. Ekahia ndenge ndani ekomama bo etungi na Mwana o moto aoke saya enɛnɛ ko bamoenɛdea ngasa#9, 12 Boindja Isa 53.3; Ndjem 22.1-18.? 13Tina mbi, nadii botɔndeani bo: Eliya adoa ehele ko bakɔɔ na nde mondumba mosusu mopalaka ibo, oko mondumba mokomamaka ta tina e nde.»
Yesu aheledji mwana omɔti otungeamaka na mwembo mobe
(Boindja pongono a Mat 17, 14-21; Luk 9, 37-43)
14Ehole eimea bo mbuti na batingami bakina, baɛnɛ emumu e bato babahiki ko balehi ba mobeko baisanaka kitɛ na bu. 15Ehole eɛnɛ emumu e bato Yesu, bato basusu bakamoa ko bakɛɛ amoisea. 16Yesu awadja batingami ba nde bo: «Modjɔ ndani mo owanakadea ino na bu?» 17Moto omɔti ta tei e emumu e bato amosɔmbedja bo: «Molehi, naolwɛi mwana o mbi moomi, atungeamakadea na mwembo mobe mo mosiyakadea bobala. 18Mwembo mokamodumbe ndelo djisusu, modii bomodumba ta kpɔtɔ, mapuli madii boimana na nde ta monɔkɔ, abwani bosakokala, bokpɛkɛnɛ mino ko mokuku mo nde mokaimee mopipo. Naongɔnɔki batingami ba wɛ bo bamobengane, ko bahɔniti bomoimedja.» 19Yesu abala na bu: «Mbota e taka edhimeli! Nadikamabi na nu mbunoko ehole nda? Nabwani boikeani molema mbunoko ehole nda? Lwɛnini mwana omina iyaya.» 20Iboa bamolwɛɛ mwana. Ehole eɛnɛ mwembo mobe Yesu mobanga bopukusa mwana, akwa ta kpɔtɔ, ko abilingoanaka aimedjaka mapuli ta monɔkɔ. 21Yesu awadja sange ende bo: «Epeko emina ebanga na nde ehole nda?» Amosɔmbedja bo: «Donga oko ta bwɛngɛ bo nde. 22Mbala inɛnɛ mwembo momina mokamodumbe ta mosa kaoko ta madiba bɛngi agwɛ. Ekahia oka hɔnɔ bokɔɔ modjɔ momɔti tina etingi na su, lokea ndjokwa ko loheledja!» 23Yesu amosɔmbedja bo: «Tina ndani obali bo: kaoko obwani bokɔɔ modjɔ momɔti? Djeba bo midjɔ misusu mibwani bokɔmɔ ta dii moto odhimi.» 24Na mbala emɔti sange e mwana agama bo: «Nadhimi! Komedjani, modjɔ mo nataki e edhimeli.» 25Aɛnɛ Yesu emumu e bato babolami, agamea mwembo mo pita bo: «Mwembo mo bohoka ko mo emimi, naopi mitindo, imana ta tei e mwana iyoyo, ko pɛpɛ bosɔmbɔ naikina!» 26Mwembo mobe moimana ko mogama, modumbi mwana na ngulu mɛɛnɛ. Mwana moomi asendjoa mbuti na bogwa, ta mɛti na bo bato basusu babalaka bo: «Agwi.» 27Endelo Yesu amopea ta ebɔ, amoangɔdjɔ ko aso aema diko. 28Ehole eyana Yesu ta ndako, batingami ba nde bamowadja iyo mɛɛnɛ bo: «Tina ndani iso lohɔniti boimedja mwembo momina?» 29Yesu abasɔmbedja bo: «Mwembo mobe mondumba imua mobwani boimana oko na miɔngɔnɔ.»
Yesu atɔndei na ikina bogwa ko na bosisoa bo nde ta bogwa
(Boindja pongono a Mat 17, 22-23; Luk 9, 43b-45)
30Badonga ta esika edaaka ibo, bakatisa ta Galileya. Ko Yesu aipalaka bo bato bamodjebe. 31Modjɔ mo alehaka batingami ba nde ko abalaka na bu bo: «Bakabadea Mwana o moto ta mabɔ ma bato, ko bato bamina bamowadea, ko ngɔngɔ dji masu masato, asisoadea ta bogwa.» 32Ekahia batingami baisipoaka kɔpi emina ko babangaka bomowadja mawadja.
Odii monɛnɛ nda?
(Boindja pongono a Mat 18, 1-5; Luk 9, 46-48)
33Baimea ta Kapalanaume. Ehole edaka ibo ta ndako, Yesu awadja batingami bo: «Modjɔ mowanaki nanu na ndjea nda?» 34Ekahia baimosɔmbedja nongo eka emɔti, modjɔ mo, na ndjea, baisanaka kitɛ bɛngi badjebe ta tei e bobo moto onɔi binande. 35Iboa Yesu adaa na mobondo, ko abea batingami doomi na babae; abala na bu bo: «Ekadaa moto omɔti opali aimee moto o boso, etungi na nde bodaa moto o ngɔngɔ ko aimee mosali o binande basusu.» 36Atomba mwana mokɛkɛ, ko amoemea ta ndanda e bobo, ko amopea ta mabɔ ma nde, abatɔndea bo: 37«Moto iyona oasɔdea mwana mokɛkɛ na kombe e mbi, asɔi mbi mɛnɛ; ko moto odii boaso ni, asɔiti oko mbi mɛnɛ, endelo asɔi pongono Iyoyo olomani.»
Moto odii pɛpɛ bololona adii o biso
(Boindja pongono a Luk 9, 49-50)
38Yoane abala na Yesu bo: «Molehi, loɛnɛkɛbi moto omɔti aimedjakabi membo mibe na kombe e wɛ, ko lohombakabi lomosiye, modjɔ mo aidakabi na su engbanga emɔti.» 39Endelo Yesu asɔmbedja bo: «Pɛpɛ bomosiani ngasa, modjɔ mo moto abwaniti bokɔɔ modjɔ mo bokamoa na kombe e mbi, ko ngɔngɔ djiimina, abale bobe na kombe e mbi. 40Modjɔ mo moto odii pɛpɛ bololona adii o biso. 41Moto iyoyo oopabini kɔbɔ e madiba ma bomwa tina e bo odiini bato ba Kilito, naotɔndeakadeani sooti bo, abolodjabi ibondo i nde.»
Kebani na pekato
(Boindja pongono a Mat 18, 6-9; Luk 17, 1-2)
42«Moto omɔti obwani bodumba mwana mokɛkɛ omɔti o ibia bakadhimeeni ta pekato, enɔi bopele tina e nde bomotingea ibanga dinɛnɛ dikasiane ibo leka ta dɔli ko bamodumbe ta ibeke. 43Ekadaa ebɔ e wɛ eolomakadea ta pekato, elena; enɔi bopele bo okwee ta bomɔ bo kɔbili ebɔ emɔti, na bo okwee ta ipelu mɔmɔ mabae ta mosa imumu mokadae pɛpɛ bodimea. [ 44“Iho, ngusu ibia bakadɛe mokuku te bagwɛ ko mosa te modimee#9, 44 Molɔngɔ mu moditi ta mikanda miyou minɛnɛ.”.] 45Ekadaa eko e wɛ eolomakadea ta pekato, elena; enɔi bopele bo okwee ta bomɔ bo kɔbili na eko emɔti, na bo baodumbe ta ipelu na mako mabae. [46Iho, ngusu ibia bakadɛe mokuku te bagwɛ ko mosa te modimee#9, 46 Molɔngɔ imu te modae ta mikanda miyou minɛnɛ..] 47Ko ekadaa diiso di wɛ ikahomba di olome ta pekato, didongedja; enɔi bopele bo okwee na diiso dimɔti a Bokumu bo Ndjakomba na bo okwee ta ipelu na miso mabae. 48Iho, ngusu ibia bakadɛe mokuku te bagwɛ ko mosa te modimee. 49Modjɔ mo moto mosusu anɔɔbi ta ndjea e mosa mo saya ko adiabi monana bɛngi asɛnɔe.
50«Monana modii eka epele; ekahia mokataka edjɛ, ebwani wɛ bokɔ na mu naikina nde? Dani na monana ta tei e bino bɛnɛ ko dani na bogo bakina na bina bu.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)