MATAYO 28
28
Bosisoa bo Yesu ta bogwa
(Boindja pongono a Mal 16, 1-10; Luk 24, 1-12; Yoa 20, 1-10)
1Ngɔngɔ dji busa bo sabata, ta disu di mbangi di eyenga, Malia o ngando e Magadala ko na Malia#28, 1 Boindja 27, 56. okina badoa aindja ikila. 2Mbala emɔti, baoka mokumano mo kpɔtɔ monɛnɛ; modjɔ mo obwɛndi o Kumu atita ta busa adoa ahilingodja ibanga dinɛnɛ ko adaa ta diko di du. 3Angɛsɛkɛ ondingo mokalikali ko esendja e nde epu mɛnɛ ondingo mbua o matai mapu. 4Basindjili bangongoma bobuke na bɔɔ mbunoko baimea ondingo bato bago. 5Endelo obwɛndi atomba kɔpi ko abala na bali bo: «Ta tina e bino, pɛpɛ bobangani. Modjɔ mo, nadjebakadea bo ohombakadeani Yesu obakama ta ekulusu; 6adiiti iyaya; ekahia, asisoi ta bogwa oko mondumba mo balaka iyo. Doani aindje esika edaaki iyo asambi. 7Ko kɛɛni pɛpɛlɛ atɔndea batingami ba nde bo: “Asisoi ta bogwa ko asui boso bo bino ta Galileya#28, 7 Boindja 26, 32.; iho omoɛnɛdeani.” Iyena edii midjɔ midaaki na mbi bɛngi naodjebedjeni.» 8Bali bakina pɛpɛlɛ mɛnɛ ikila na bɔɔ, ko baluma na mongandi monɛnɛ, bapota ebango atɔndea gala adii batingami ba nde. 9Mbala emɔti, Yesu asongana na bu ko abala na bu bo: «Asɔni ndese!» Babatama mbuti na nde bamopea mako ko bakwa magbunda ta boso bo nde. 10Iboa Yesu abala na bu bo: «Pɛpɛ bobangani. Kɛɛni abalani na denga di mbi bakɛe ta Galileya: iho baɛnɛdeani.»
Tati e basindjili babaneaka ikila
11Ehole edaaka bali na ndjea bakɛkɛ akɛe, ndambo e basindjili bakwea ta ngando enɛnɛ batɔndea banganga o Ndjakomba banɛnɛnɛnɛ midjɔ misusu mikɔɔmɔ. 12Ngɔngɔ dji boputoana bo banganga ba Ndjakomba banɛnɛnɛnɛ na basuku ba Bayudha ta ikita, baokana ko baapa basodha pata dji palanga djinɛnɛ 13ko babapa mitindo bo: «Obatɔndeadeani bo: “Batingami ba Yesu badoi na bulu ta ndelo edaaki iso lowɛli baibi mokuku mo nde#28, 13 Boɛngɛ 27, 64..” 14Ko modjɔ momina mokaimea ta matoi ma gupɛlɛnɛlɛ, lodjebadea bosola na nde ko lokɔe na ngulu bɛngi odaeni pɛpɛ bodia bɛndɔ.» 15Iboa, basodha batomba pata dji palanga ko bakɔɔ oko mondumba mo baloma ibo. Ko isolo di mina dinangana ta tei e Bayudha basusu mbunoko busɛbu.
Yesu asainedji ta dii batingami ba nde
(Boindja pongono a Mal 16, 14-18; Luk 24, 36-49; Yoa 20, 19-23; Bik 1, 6-8)
16Batingami doomi na omɔti bakɛɛ ta Galileya, ta ngomba ebatɔndeaka Yesu#28, 16 Boindja 26, 32.. 17Ehole e moɛnɛ ibo, bakwa magbunda; endelo ndambo emɔti ta tei e bobo baisaka kitɛ. 18Yesu abatama mbuti na bu ko abala bo: «Bokondji bosusu bopami ta dii mbi ta busa ko na kpɔtɔ. 19Kɛɛni, imedjani bikomi bisusu batingami ba mbi#28, 19 Boɛngɛ Bik 1, 8.; babatisani na kombe Sango, na Mwana ko na Mwembo Mosɛnɔke, 20ko balehani bo basumee midjɔ misusu mi olomani mbi. Djebani bopele bo: nadii engbanga na nu masu masusu mbunoko ta suka e ngondo.»
നിലവിൽ തിരഞ്ഞെടുത്തിരിക്കുന്നു:
MATAYO 28: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
MATAYO 28
28
Bosisoa bo Yesu ta bogwa
(Boindja pongono a Mal 16, 1-10; Luk 24, 1-12; Yoa 20, 1-10)
1Ngɔngɔ dji busa bo sabata, ta disu di mbangi di eyenga, Malia o ngando e Magadala ko na Malia#28, 1 Boindja 27, 56. okina badoa aindja ikila. 2Mbala emɔti, baoka mokumano mo kpɔtɔ monɛnɛ; modjɔ mo obwɛndi o Kumu atita ta busa adoa ahilingodja ibanga dinɛnɛ ko adaa ta diko di du. 3Angɛsɛkɛ ondingo mokalikali ko esendja e nde epu mɛnɛ ondingo mbua o matai mapu. 4Basindjili bangongoma bobuke na bɔɔ mbunoko baimea ondingo bato bago. 5Endelo obwɛndi atomba kɔpi ko abala na bali bo: «Ta tina e bino, pɛpɛ bobangani. Modjɔ mo, nadjebakadea bo ohombakadeani Yesu obakama ta ekulusu; 6adiiti iyaya; ekahia, asisoi ta bogwa oko mondumba mo balaka iyo. Doani aindje esika edaaki iyo asambi. 7Ko kɛɛni pɛpɛlɛ atɔndea batingami ba nde bo: “Asisoi ta bogwa ko asui boso bo bino ta Galileya#28, 7 Boindja 26, 32.; iho omoɛnɛdeani.” Iyena edii midjɔ midaaki na mbi bɛngi naodjebedjeni.» 8Bali bakina pɛpɛlɛ mɛnɛ ikila na bɔɔ, ko baluma na mongandi monɛnɛ, bapota ebango atɔndea gala adii batingami ba nde. 9Mbala emɔti, Yesu asongana na bu ko abala na bu bo: «Asɔni ndese!» Babatama mbuti na nde bamopea mako ko bakwa magbunda ta boso bo nde. 10Iboa Yesu abala na bu bo: «Pɛpɛ bobangani. Kɛɛni abalani na denga di mbi bakɛe ta Galileya: iho baɛnɛdeani.»
Tati e basindjili babaneaka ikila
11Ehole edaaka bali na ndjea bakɛkɛ akɛe, ndambo e basindjili bakwea ta ngando enɛnɛ batɔndea banganga o Ndjakomba banɛnɛnɛnɛ midjɔ misusu mikɔɔmɔ. 12Ngɔngɔ dji boputoana bo banganga ba Ndjakomba banɛnɛnɛnɛ na basuku ba Bayudha ta ikita, baokana ko baapa basodha pata dji palanga djinɛnɛ 13ko babapa mitindo bo: «Obatɔndeadeani bo: “Batingami ba Yesu badoi na bulu ta ndelo edaaki iso lowɛli baibi mokuku mo nde#28, 13 Boɛngɛ 27, 64..” 14Ko modjɔ momina mokaimea ta matoi ma gupɛlɛnɛlɛ, lodjebadea bosola na nde ko lokɔe na ngulu bɛngi odaeni pɛpɛ bodia bɛndɔ.» 15Iboa, basodha batomba pata dji palanga ko bakɔɔ oko mondumba mo baloma ibo. Ko isolo di mina dinangana ta tei e Bayudha basusu mbunoko busɛbu.
Yesu asainedji ta dii batingami ba nde
(Boindja pongono a Mal 16, 14-18; Luk 24, 36-49; Yoa 20, 19-23; Bik 1, 6-8)
16Batingami doomi na omɔti bakɛɛ ta Galileya, ta ngomba ebatɔndeaka Yesu#28, 16 Boindja 26, 32.. 17Ehole e moɛnɛ ibo, bakwa magbunda; endelo ndambo emɔti ta tei e bobo baisaka kitɛ. 18Yesu abatama mbuti na bu ko abala bo: «Bokondji bosusu bopami ta dii mbi ta busa ko na kpɔtɔ. 19Kɛɛni, imedjani bikomi bisusu batingami ba mbi#28, 19 Boɛngɛ Bik 1, 8.; babatisani na kombe Sango, na Mwana ko na Mwembo Mosɛnɔke, 20ko balehani bo basumee midjɔ misusu mi olomani mbi. Djebani bopele bo: nadii engbanga na nu masu masusu mbunoko ta suka e ngondo.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)