MATAYO 15
15
Bileho bipama na bakɔkɔ bayou
(Boindja pongono a Mal 7, 1-13)
1Iboa Bapalisai na balehi ba mobeko badoa ta Yelusalɛmɛ ta dii Yesu ko bamowadja bo: 2«Tina ndani batingami ba wɛ te basume mibeko mi bakɔkɔ ba biso bayou? Modjɔ mo te basose mabɔ boso bo boyaka#15, 2 Boɛngɛ Luk 11, 38..» 3Yesu abasɔmbedja bo: «Ko tina ndani ino te osumakeni mobeko mo Ndjakomba bɛngi osumakeni mobeko mo bokɔkɔ bo bino? 4Ta tina e bo Ndjakomba abala bo: “Suma sangwao na ngwao”, ko pongono “Moto obwani bolakedja sango isa nango abwani na etumbu e bogwa#15, 4 Boindja Isa 20, 12 ko Dit 5, 16; Boi 21, 17 ko Lew 20, 9..” 5Endelo ino, okabaleni bo moto akabala na sango isa na nango bo: “Ekamoli etungi mbi naokɔmedje na yu edii ibondja isɛnɔke”, 6moto iyona adiiti na tina e bosuma sango. Oko mondumba momina momɔti otasumakadeani Mobalo mo Ndjakomba ta tina e mobeko mo bokɔkɔ bo bino! 7Bato ba ndango e mongi! Isaya atɛlɛkɛ ta tina e bino bo ta ehole ebalaka iyo bo:
8“Bato ba ekomi iyeye bakakumedjeni oto na poso dji minɔkɔ,
endelo milema mi bobo midii bohali na mbi.
9Bokumedja bokakumedjeni ibo bodiiti na tɛtɔ
modjɔ mo bileho bilehakadea ibo bidii oko mibeko mi bato#15, 9 Isa 29, 13..”»
Leka lokaimedje moto na pita
10Yesu abea emumu e bato ko abala na bu bo: «Hokamedjani ko sipoani: 11Ediiti eka ekakwee ta monɔkɔ ekaimedje moto na pita. Endelo eka ekimane ta monɔkɔ mo nde, edii eka ekimedje moto na pita.» 12Iboa batingami ba nde basatea mbuti na nde ko babala na nde bo: «Odjebakadea bo midjɔ mi sabala wɛ mipi Bapalisai ibaku?» 13Asɔmbedja bo: «Kona esusu edaa pɛpɛ boanama na Sesa odii ta busa ebikoamabi. 14Bakinani: edii bato ba miso mago badaledjakadea bato ba miso mago! Enakaboa moto o miso mago akadaledja moto o miso mago, bakwadea ibo basusu babae ta mombɔndɔ.» 15Petelo atomba kɔpi ko aso abala na nde bo: «Lotingodja ekuanedji iyena.» 16Yesu abawadja bo: «Ino pongono odiitini na bowɛi? 17Otasipoakadeani bo eka esusu ekakwee ta monɔkɔ eka kɛe ta sɔpɔ boso bɛngi enɛɛme ta ndima? 18Endelo iyeye ekaimane ta monɔkɔ ekadonge ta molema, edii wɛtoko iyeye ekaimedje moto na pita. 19Modjɔ mo malɛno mabe makadonge ta molema; makalome moto ta midjɔ imimi: boowa, bɔɔli, ndukeli, iba, tati dji bokuta ko masinga. 20Iyena edii midjɔ imia mikaimedje moto na pita! Endelo boyaka pɛpɛ bososa mɔmɔ teboimedje moto na pita.»
Mwali mokɛndɛli adhimei Yesu
(Boindja pongono a Mal 7, 24-30)
21Ngɔngɔ djimina Yesu amayo kina esika iyena akɛɛ ta mokpɔtɔ mo Tile ko na Sidona. 22Mwali omɔti o Kanana#15, 22 Mobeya mo mwali o Kanana moinedjakadea mwali iyona ondingo adii moswa ngando o ekenge e mokili iyena e Penesi. Nongo amiti daa Moyudha, etamosiaka booka bobala ta tina e Yesu. o dikamaka ta ekenge e mokili mo mina adoa ta dii iyo ko aso agama bo: «Kumu, Mwana o Dhapiti, okeani pɛhɛ! Mwana o mbi o mwali ayekeamakadea bobuke mɛnɛ na mwembo mobe!» 23Endelo Yesu aisɔmbedja nongo kɔpi emɔti. Batingami ba nde basabatea mbuti na nde bamowadja bo: «Moyanedja, modjɔ mo alokimanakadea na migamo.» 24Yesu asɔmbedja bo: «Nalomama oto ta dii bhata babunga ndjea ta bana ba Isalɛlɛ#15, 24 Boɛngɛ 10, 5-6..»
25Endelo mwali o mina akɛɛ akwa magbunda ta boso bo nde ko abala bo: «Kumu, kɔmedjeni!» 26Yesu asɔmbedja bo: «Ediiti bopele botomba mwɛmbɛ mo baana omopɛ na mbwa.» 27Mwali amosɔmbedja bo: «Kumu, edii sooti, ekahia baana ba mbwa bakayake oko baikengakenga ba mia ibia bakakwɛe ta mesa dji baswa bu.» 28Iboa Yesu amosɔmbedja bo: «Mwali, edhimeli e wɛ edii enɛnɛ! Yɛɛ bo ekɔɔme na wɛ oko mondumba mopalakadea wɛ.» Oko ta ehole emina iyena mwana o nde o mwali aso ahela.
Yesu aheledji bato ba bego banɛnɛ
29Yesu akina iyana ko akɛɛ ta mokula mo ibeke di Galileya. Aiwea ta diko di ngomba ko aso adaa na mobondo. 30Iboa bimumu bi bato banɛnɛ bakɛɛ ta dii iyo, na bato ba bitumbɛ, bato ba miso mago, bato ba biɛmɛ, bimimi, ko na bato banɛnɛ ba bego bikina. Ba basambea ta mako ma nde ko abaheledja. 31Ko bimumu bi bato bikamoaka boɛnɛ bimimi babalaka, bato ba yɛɛmɛ bahelaka, ko na bato ba bitumbɛ badalaka, bato ba miso mago baɛnɛkɛ. Bimumu bokumea Ndjakomba o Isalɛlɛ.
Yesu ayedji baami koto inɛi
(Boindja pongono a Mal 8, 1-10)
32Yesu abea batingami ba nde ko abala bo: «Naokeakadea emumu iyeye e bato pɛhɛ, modjɔ mo ekɔi edɛdi masu masato badii oko mbuti na mbi ko badiiti na eka e boyaka. Natapalakadea bobayanedja sɔpɔ bwase; basaka ɛmbɛɛ na ndjea.» 33Batingami bawadja bo: «Abolodjadea iso leka iyaya ta etengelenge bɛngi loyedje ko logoledje emumu e bato mondumba imumu djɔ?» 34Yesu abasɔmbedja bo: «Odiini na miɛmbɛ meka?» Basɔmbedja bo: «Sambo, ko na ndambo e baaswii.» 35Iboa apa mitindo ta dii bimumu badae na mbondo ta kpɔtɔ. 36Ngɔngɔ djimina atomba miɛmbɛ sambo ko na swi, asakoa Ndjakomba, amibukakaka ko apa batingami ko batingami bakabana na bato basusu. 37Bato basusu bayaka ko bagola. Ko baandoana bikenge bi miɛmbɛ midikaka balumedja mitinga sambo. 38Bato bayaka badaaka koto inɛi bailanga bali na baana. 39Ngɔngɔ djimina ayanedja emumu e bato ko Yesu atitea ta bwato ko akɛɛ ta ekenge e mokili mo Magada#15, 39 Magada: esika iyena eidjebama bopele. Endelo, ta makomi makina edii Magadala..
നിലവിൽ തിരഞ്ഞെടുത്തിരിക്കുന്നു:
MATAYO 15: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
