MATAYO 13
13
Ekuanedji e moaneli
(Boindja pongono a Mal 4, 1-9; Luk 8, 4-8)
1Ta busa ibua, Yesu aimana ta ndako#13, 1 Boindja Mal 2, 1 ko na nase. ko adaa ta mokula mo ibeke. 2Bimumu bi bato biputoana mbuti na nde, Yesu atitea ta bwato ko adaa na mobondo ta bwato o tei. Iyana bato basusu baema ongondo. 3Abala na bu bobuke mɛnɛ na bikuanedji bo: «Moaneli omɔti akɛkɛ ta tina e boana. 4Ta ehole eanaka iyo, mbuma djikwaka ta mokpɛngɔ mo ndjea: mbulu ba diko badoa ko badjikoma djisusu. 5Djikina djikwaka ta diko di ndeke ta esika e pɛpɛ kpɔtɔ djinɛnɛ. Djibota na mbala emɔti ta tina ebo mokpɔtɔ momina moidaaka mo mbɛngɛ. 6Endelo ta ehole eimana moi, moboma na ngulu ko djikakana ta tina e bo djiidaka na nginga. 7Djikina djikwa ta esika e ndjubɛ. Ndjubɛ djikandoa ko djimbambamedja mbuma. 8Djikina djikwa ta kpɔtɔ dji pele ko djibota mbuma dji pele: djikina djibota mbuma mokama, djikina tuku djisamano ko djikina tuku djisato.» 9Ko Yesu abala naikina bo: «Yɛɛ bo iyona odii na matoi aoke!»
Tina ndani Yesu akabale na bikuanedji
(Boindja pongono a Mal 4, 10-12; Luk 8, 9-10)
10Batingami babatama mbuti na Yesu ko baso bamowadja bo: «Tina ndani obalakadea na bu na bikuanedji?» 11Abasɔmbedja bo: «Edii tina e bo ino obolodjani midjɔ mi mbombi mi Bokumu bo busa midii tina e bino, endelo eipama na bu. 12Modjɔ mo bapaadea ta dii moto iyona odii na eka ko aimeadea na leka lonɛnɛ; endelo ta dii moto iyona odii pɛpɛ eka bamokatoadea nongo eka epeli yo. 13Indjani tina ebabaleakadea mbi na bikuanedji: ta tina e bo baindjakadea ko bataɛnɛkɛdea, baokakadea ko batasipoakadea. 14Naboa mobalo mo motɛli Isaya mokokedjame ta tina e bobo bo:
“Okadeani bopele, endelo otasipoadeani;
oindjadeani bopele, endelo otaɛnɛdeani.
15Modjɔ mo milema mi bato ibibi midii mipipo;
baditei matoi ma bobo,
ko badipi miso,
bɛngi badae pɛpɛ boɛnɛ na miso ma bobo,
ko matoi ma bobo madae pɛpɛ booka,
milema mi bobo midae pɛpɛ bosipoa
ko iboa bahombedje milema, bɛngi nabaheledje#13, 15 Isa 6, 9-10..”
16«Endelo ino, odiini bato ba mongandi: ta tina e bo miso ma bino maɛnɛkɛdea ko matoi ma bino maokakadea! 17Naotɔndeakadeani sooti mɛnɛ bo: batɛli banɛnɛ ko na bato ba bodju bahombaka baɛnɛ eka iyeye eɛnɛkɛdea ino endelo baɛniti, bahombaki baoke eka iyeye eokakadea ino ko baeokiti#13, 17 Boɛngɛ 1Pi 1, 10-12..»
Yesu atingodji ekuanedji e moaneli
18«Hokamedjani eka epalakadea botingodja ekuanedji e moaneli. 19Ta ehole eoki moto mobalo mo Bokumu ko asipoiti: Mokosi akadoe adongedja eka eanamaki ta tei e molema mo moto omina. Iyo adii ondingo kona iyena ekwa ta mokpɛngɔ mo ndjea. 20Iyona oana mbuma ta mokpɔtɔ mo ndeke: edii moto iyo ooki Mobalo ko amoasɔi mbala emɔti na mongandi. 21Endelo djidiiti na nginga ta tei edju, dji dii oko moo ehole mokɛkɛ. Ta ehole e bomekama kaoko minɔngɔ ta tina e Mobalo asundoli mbala e mɔti edhimeli e nde. 22Iyona oana mbuma ta esika e ndjubɛ: edii wɛtoko moto iyoo ooki Mobalo, endelo posa djibe dji ngondo na bokoso bo madieli bombambamedji Mobalo ta tei e nde iboa mbuma idjia ibwaniti bobota naikina. 23Iyona oana mbuma ta kpɔtɔ djipele: wɛtoko moto iyoo ooki Mobalo ko amosipoi; abotadea mbuma ko ekina eboti mokama, ekina eboti tuku djisamano, ekina eboti tuku djisato.»
Ekuanedji e mondjani mobe
24Yesu abatɔndea ekuanedji ekina bo: «Bokumu bo busa bokuani na moto iyoo oanaka kona dji pele ta gbie e nde. 25Na bulu, moloni o nde akɛɛ ana mondjani mobe ta ndanda e ble ko aso anɔɔ. 26Ta ehole ekandoa kona e ble ko eboti mihɔngbu, mondjani mobe pongono motɔɔ. 27Basali ba moswa gbie bakɛɛ abala na nde bo: “Kumu, wɛ oiana kona dji pele ta gbie e wɛ? Adongaka ndjani idjidji djibe djɔ?” 28Abasɔmbedja bo: “Edii moloni moto odjiani.” Iboa basali baso bamowadja bo: “Obwani bopala bo lokɛe adjibikoa?” 29Asɔmbedja bo: “Ngasa, pɛpɛ bokɛni oko ta tina ebo ta ehole edongedjadea ino ndjani djibe osaka bikoani pongono ble. 30Kinani djisusu djikandoe polo emɔti mbunoko ta ehole e bobuka ko ta ehole emina iyena nabaladea na babuki ba mbuma bo: Dongedjani boso mɛnɛ ndjani djibe djinangani kata bɛngi odjitumbeni, ngɔngɔ djimina obukeni ble odjiseni ta esika e mbombi.”»
Ekuanedji e mombuma mo mutalade
(Boindja pongono a Mal 4, 30-32; Luk 13, 18-19)
31Yesu abatubanea ekuanedji ekina bo: «Bokumu bo busa bokuani na mbuma e mutalade etomba moto omɔti ko aso aana ta gbie e nde. 32Edii kona emɔti enɔi bokɛkɛ ta tei e kona djisusu; endelo ta ehole ekandoi iyo, eimeadea kona enɛnɛ bonɔ kona djikina ta tei e gbie: eimeadea mole, ta mɛti na bo mbulu ba diko badoadea akɔɔ moopo ma bobo ta tape dji mu.»
Ekuanedji e bole bo levile
(Boindja pongono a Luk 13, 20-21)
33Yesu abatubanea ekuanedji ekina bo: «Bokumu bo busa bokuani na bole bo mapa ibubu bokabeebo levile, bokatombe mwali omɔti ko aisi ta kilo dji paline tuku djibae na itano, mbunoko anila o mapa mosusu ahaloe.»
Ndenge ndani Yesu abalaka na bikuanedji
(Boindja pongono a Mal 4, 33-34)
34Yesu abalaka na bimumu bi bato midjɔ imia misusu na bikuanedji; ehole ebalaka iyo na bu aitakaka bobabalea na bikuanedji. 35Akɔɔkɔ iboa bɛngi bo eka ebala motɛli ekokedjame:
«Natombadea kɔpi bɛngi na babalehe na bikuanedji,
naotɔndeadeani midjɔ mi mbombi banga ta bokɔɔmɔ bo ngondo#13, 35 Ndj 78, 2..»
Yesu atingodji ekuanedji e mondjani mobe
36Iboa Yesu akina bimumu bi bato ko akwea ta ndako. Batingami ba nde bakɛɛ amowadja bo: «Lotingodja ekuanedji e mondjani mobe ta gbie.» 37Abasɔmbedja bo: «Moto okaane kona epele, edii Mwana o moto; 38gbie edii wɛtoko ngondo; kona epele edii baana ba Bokumu bo busa; mondjani mobe edii wɛtoko baana ba Mokosi; 39moloni oani edii djabulu; ehole e bobuka edii wɛtoko suka e ngondo; babuki ba mbuma, edii wɛtoko babwɛndi. 40Iboa, oko mondumba modongedjakadea bo ndjani djibe ta tina e bodjidumba ta mosa, oko mondumba momina momɔti modaabi ta suka e ngondo. 41Mwana o moto alomabi babwɛndi ba nde badongedjabi ta tei e Bokumu bo nde eka esusu ekalome bato bakina bakɔe pekato ko na bato bakakɔe mabe, 42ko abadumbabi ta ibonge di mosa mopipo; iho edakabi oto biyo ko na bokpɛkɛnɛ miino. 43Iboa bato ba bodju bangɛsɛbi ondingo modaakabusa ta Bokumu bo Sangwabu#13, 43 Boɛngɛ Dan 12, 3.. Yɛɛ bo iyona odii na matoi aoke!»
Ekuanedji e bodieli bobolamake bo tɛtɔ ko na iyaka di motswiya
44«Bokumu bo busa bokuani na bodieli bobolama ta gbie. Moto o sa tɔngɔlɔ bodieli bomina abobombadea naikina. Na mongandi momina akɛɛdea atɛkɛ leka losusu lodaaka na nde bɛngi asombe gbie emina.
45«Bokumu bo busa bokuani na ikina na moto o mombongu okahombe mayaka ma motswiya mapele. 46Ta ehole etanei iyo iyaka di motswiya monɛnɛ, akɛdea atɛkɛ leka lo nde losusu bɛngi adisombe.
Ekuanedji e modjanga
47«Bokumu bo busa bokuani naikina na modjanga modumbi ibo ta ibeke ko motaedji swi mindumba misusu. 48Ta ehole elumi mo na swi, bamotubadea ta bokula, iboa badadea bɛngi bahɔe swi bapele baise ta egbogolo ko badumbadea ibia ba pɛpɛ sɔngi. 49Edaabi oko mondumba momina momɔti ta suka e ngondo: babwɛndi baduabi abɔtodja bato babe na bodju 50bɛngi babadumbe ta ibonge di mosa mopipo; iho edakabi oto biyo ko na bokpɛkɛnɛ miino.»
Bodieli boyou ko na boyeene
51Yesu abawadja bo: «Osipoini midjɔ imimi misusu?» Bamosɔmbedja bo: «Okoboa.» 52Abala na bu bo: «Ta tina emina, molehi o mobeko mosusu oikoakadea Bokumu bo busa akuani na moswa ndako iyona oiwakadea ta bodieli bo nde bo motswiya bobolama bo tɛtɔ leka loyeene ko na loyou.»
Bato ba Nadjalɛtɛ baloni bodhima Yesu
53Ta ehole esidja Yesu bobala bikuanedji djimina, aso adonga iyana 54ko akɛɛ ta ngando e nde#13, 54 Ngando enɛnɛ: edii wɛtoko Nadjalɛtɛ. Boindja 2, 23 ko na Luk 4, 16.. Abanga boleha ta ndako dji miɔngɔnɔ dji bobo ko bato basusu bakamoa ko basawadjanaka bo: «Abolodji iyo konga ko na bopilo bo bokɔɔ midjɔ mi bokamoa ibo djɔ? 55Iyo te mwana o mosapate? Nango te Malia#13, 55 Boɛngɛ Yoa 6, 42.? Ko baana ba nango te Djake, Yosepu, Simona ko Yudhe? 56Ko ngɛnɛ dji nde badiiti basusu iyaya ta tei e su? Abolodji iyo midjɔ imimi misusu djɔ?» 57Iboa edaaka ta tina e bobo ibaku ta edhimeli ebobo. Iboa Yesu abasɔmbedja bo: «Motɛli te akume ta ngando isa ta ibota di nde#13, 57 Boɛngɛ Luk 4, 24; Yoa 4, 44..» 58Iboa Yesu aikɔɔ midjɔ mi bokamoa minɛnɛ iho ta tina taka e bobo e edhimeli.
നിലവിൽ തിരഞ്ഞെടുത്തിരിക്കുന്നു:
MATAYO 13: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
MATAYO 13
13
Ekuanedji e moaneli
(Boindja pongono a Mal 4, 1-9; Luk 8, 4-8)
1Ta busa ibua, Yesu aimana ta ndako#13, 1 Boindja Mal 2, 1 ko na nase. ko adaa ta mokula mo ibeke. 2Bimumu bi bato biputoana mbuti na nde, Yesu atitea ta bwato ko adaa na mobondo ta bwato o tei. Iyana bato basusu baema ongondo. 3Abala na bu bobuke mɛnɛ na bikuanedji bo: «Moaneli omɔti akɛkɛ ta tina e boana. 4Ta ehole eanaka iyo, mbuma djikwaka ta mokpɛngɔ mo ndjea: mbulu ba diko badoa ko badjikoma djisusu. 5Djikina djikwaka ta diko di ndeke ta esika e pɛpɛ kpɔtɔ djinɛnɛ. Djibota na mbala emɔti ta tina ebo mokpɔtɔ momina moidaaka mo mbɛngɛ. 6Endelo ta ehole eimana moi, moboma na ngulu ko djikakana ta tina e bo djiidaka na nginga. 7Djikina djikwa ta esika e ndjubɛ. Ndjubɛ djikandoa ko djimbambamedja mbuma. 8Djikina djikwa ta kpɔtɔ dji pele ko djibota mbuma dji pele: djikina djibota mbuma mokama, djikina tuku djisamano ko djikina tuku djisato.» 9Ko Yesu abala naikina bo: «Yɛɛ bo iyona odii na matoi aoke!»
Tina ndani Yesu akabale na bikuanedji
(Boindja pongono a Mal 4, 10-12; Luk 8, 9-10)
10Batingami babatama mbuti na Yesu ko baso bamowadja bo: «Tina ndani obalakadea na bu na bikuanedji?» 11Abasɔmbedja bo: «Edii tina e bo ino obolodjani midjɔ mi mbombi mi Bokumu bo busa midii tina e bino, endelo eipama na bu. 12Modjɔ mo bapaadea ta dii moto iyona odii na eka ko aimeadea na leka lonɛnɛ; endelo ta dii moto iyona odii pɛpɛ eka bamokatoadea nongo eka epeli yo. 13Indjani tina ebabaleakadea mbi na bikuanedji: ta tina e bo baindjakadea ko bataɛnɛkɛdea, baokakadea ko batasipoakadea. 14Naboa mobalo mo motɛli Isaya mokokedjame ta tina e bobo bo:
“Okadeani bopele, endelo otasipoadeani;
oindjadeani bopele, endelo otaɛnɛdeani.
15Modjɔ mo milema mi bato ibibi midii mipipo;
baditei matoi ma bobo,
ko badipi miso,
bɛngi badae pɛpɛ boɛnɛ na miso ma bobo,
ko matoi ma bobo madae pɛpɛ booka,
milema mi bobo midae pɛpɛ bosipoa
ko iboa bahombedje milema, bɛngi nabaheledje#13, 15 Isa 6, 9-10..”
16«Endelo ino, odiini bato ba mongandi: ta tina e bo miso ma bino maɛnɛkɛdea ko matoi ma bino maokakadea! 17Naotɔndeakadeani sooti mɛnɛ bo: batɛli banɛnɛ ko na bato ba bodju bahombaka baɛnɛ eka iyeye eɛnɛkɛdea ino endelo baɛniti, bahombaki baoke eka iyeye eokakadea ino ko baeokiti#13, 17 Boɛngɛ 1Pi 1, 10-12..»
Yesu atingodji ekuanedji e moaneli
18«Hokamedjani eka epalakadea botingodja ekuanedji e moaneli. 19Ta ehole eoki moto mobalo mo Bokumu ko asipoiti: Mokosi akadoe adongedja eka eanamaki ta tei e molema mo moto omina. Iyo adii ondingo kona iyena ekwa ta mokpɛngɔ mo ndjea. 20Iyona oana mbuma ta mokpɔtɔ mo ndeke: edii moto iyo ooki Mobalo ko amoasɔi mbala emɔti na mongandi. 21Endelo djidiiti na nginga ta tei edju, dji dii oko moo ehole mokɛkɛ. Ta ehole e bomekama kaoko minɔngɔ ta tina e Mobalo asundoli mbala e mɔti edhimeli e nde. 22Iyona oana mbuma ta esika e ndjubɛ: edii wɛtoko moto iyoo ooki Mobalo, endelo posa djibe dji ngondo na bokoso bo madieli bombambamedji Mobalo ta tei e nde iboa mbuma idjia ibwaniti bobota naikina. 23Iyona oana mbuma ta kpɔtɔ djipele: wɛtoko moto iyoo ooki Mobalo ko amosipoi; abotadea mbuma ko ekina eboti mokama, ekina eboti tuku djisamano, ekina eboti tuku djisato.»
Ekuanedji e mondjani mobe
24Yesu abatɔndea ekuanedji ekina bo: «Bokumu bo busa bokuani na moto iyoo oanaka kona dji pele ta gbie e nde. 25Na bulu, moloni o nde akɛɛ ana mondjani mobe ta ndanda e ble ko aso anɔɔ. 26Ta ehole ekandoa kona e ble ko eboti mihɔngbu, mondjani mobe pongono motɔɔ. 27Basali ba moswa gbie bakɛɛ abala na nde bo: “Kumu, wɛ oiana kona dji pele ta gbie e wɛ? Adongaka ndjani idjidji djibe djɔ?” 28Abasɔmbedja bo: “Edii moloni moto odjiani.” Iboa basali baso bamowadja bo: “Obwani bopala bo lokɛe adjibikoa?” 29Asɔmbedja bo: “Ngasa, pɛpɛ bokɛni oko ta tina ebo ta ehole edongedjadea ino ndjani djibe osaka bikoani pongono ble. 30Kinani djisusu djikandoe polo emɔti mbunoko ta ehole e bobuka ko ta ehole emina iyena nabaladea na babuki ba mbuma bo: Dongedjani boso mɛnɛ ndjani djibe djinangani kata bɛngi odjitumbeni, ngɔngɔ djimina obukeni ble odjiseni ta esika e mbombi.”»
Ekuanedji e mombuma mo mutalade
(Boindja pongono a Mal 4, 30-32; Luk 13, 18-19)
31Yesu abatubanea ekuanedji ekina bo: «Bokumu bo busa bokuani na mbuma e mutalade etomba moto omɔti ko aso aana ta gbie e nde. 32Edii kona emɔti enɔi bokɛkɛ ta tei e kona djisusu; endelo ta ehole ekandoi iyo, eimeadea kona enɛnɛ bonɔ kona djikina ta tei e gbie: eimeadea mole, ta mɛti na bo mbulu ba diko badoadea akɔɔ moopo ma bobo ta tape dji mu.»
Ekuanedji e bole bo levile
(Boindja pongono a Luk 13, 20-21)
33Yesu abatubanea ekuanedji ekina bo: «Bokumu bo busa bokuani na bole bo mapa ibubu bokabeebo levile, bokatombe mwali omɔti ko aisi ta kilo dji paline tuku djibae na itano, mbunoko anila o mapa mosusu ahaloe.»
Ndenge ndani Yesu abalaka na bikuanedji
(Boindja pongono a Mal 4, 33-34)
34Yesu abalaka na bimumu bi bato midjɔ imia misusu na bikuanedji; ehole ebalaka iyo na bu aitakaka bobabalea na bikuanedji. 35Akɔɔkɔ iboa bɛngi bo eka ebala motɛli ekokedjame:
«Natombadea kɔpi bɛngi na babalehe na bikuanedji,
naotɔndeadeani midjɔ mi mbombi banga ta bokɔɔmɔ bo ngondo#13, 35 Ndj 78, 2..»
Yesu atingodji ekuanedji e mondjani mobe
36Iboa Yesu akina bimumu bi bato ko akwea ta ndako. Batingami ba nde bakɛɛ amowadja bo: «Lotingodja ekuanedji e mondjani mobe ta gbie.» 37Abasɔmbedja bo: «Moto okaane kona epele, edii Mwana o moto; 38gbie edii wɛtoko ngondo; kona epele edii baana ba Bokumu bo busa; mondjani mobe edii wɛtoko baana ba Mokosi; 39moloni oani edii djabulu; ehole e bobuka edii wɛtoko suka e ngondo; babuki ba mbuma, edii wɛtoko babwɛndi. 40Iboa, oko mondumba modongedjakadea bo ndjani djibe ta tina e bodjidumba ta mosa, oko mondumba momina momɔti modaabi ta suka e ngondo. 41Mwana o moto alomabi babwɛndi ba nde badongedjabi ta tei e Bokumu bo nde eka esusu ekalome bato bakina bakɔe pekato ko na bato bakakɔe mabe, 42ko abadumbabi ta ibonge di mosa mopipo; iho edakabi oto biyo ko na bokpɛkɛnɛ miino. 43Iboa bato ba bodju bangɛsɛbi ondingo modaakabusa ta Bokumu bo Sangwabu#13, 43 Boɛngɛ Dan 12, 3.. Yɛɛ bo iyona odii na matoi aoke!»
Ekuanedji e bodieli bobolamake bo tɛtɔ ko na iyaka di motswiya
44«Bokumu bo busa bokuani na bodieli bobolama ta gbie. Moto o sa tɔngɔlɔ bodieli bomina abobombadea naikina. Na mongandi momina akɛɛdea atɛkɛ leka losusu lodaaka na nde bɛngi asombe gbie emina.
45«Bokumu bo busa bokuani na ikina na moto o mombongu okahombe mayaka ma motswiya mapele. 46Ta ehole etanei iyo iyaka di motswiya monɛnɛ, akɛdea atɛkɛ leka lo nde losusu bɛngi adisombe.
Ekuanedji e modjanga
47«Bokumu bo busa bokuani naikina na modjanga modumbi ibo ta ibeke ko motaedji swi mindumba misusu. 48Ta ehole elumi mo na swi, bamotubadea ta bokula, iboa badadea bɛngi bahɔe swi bapele baise ta egbogolo ko badumbadea ibia ba pɛpɛ sɔngi. 49Edaabi oko mondumba momina momɔti ta suka e ngondo: babwɛndi baduabi abɔtodja bato babe na bodju 50bɛngi babadumbe ta ibonge di mosa mopipo; iho edakabi oto biyo ko na bokpɛkɛnɛ miino.»
Bodieli boyou ko na boyeene
51Yesu abawadja bo: «Osipoini midjɔ imimi misusu?» Bamosɔmbedja bo: «Okoboa.» 52Abala na bu bo: «Ta tina emina, molehi o mobeko mosusu oikoakadea Bokumu bo busa akuani na moswa ndako iyona oiwakadea ta bodieli bo nde bo motswiya bobolama bo tɛtɔ leka loyeene ko na loyou.»
Bato ba Nadjalɛtɛ baloni bodhima Yesu
53Ta ehole esidja Yesu bobala bikuanedji djimina, aso adonga iyana 54ko akɛɛ ta ngando e nde#13, 54 Ngando enɛnɛ: edii wɛtoko Nadjalɛtɛ. Boindja 2, 23 ko na Luk 4, 16.. Abanga boleha ta ndako dji miɔngɔnɔ dji bobo ko bato basusu bakamoa ko basawadjanaka bo: «Abolodji iyo konga ko na bopilo bo bokɔɔ midjɔ mi bokamoa ibo djɔ? 55Iyo te mwana o mosapate? Nango te Malia#13, 55 Boɛngɛ Yoa 6, 42.? Ko baana ba nango te Djake, Yosepu, Simona ko Yudhe? 56Ko ngɛnɛ dji nde badiiti basusu iyaya ta tei e su? Abolodji iyo midjɔ imimi misusu djɔ?» 57Iboa edaaka ta tina e bobo ibaku ta edhimeli ebobo. Iboa Yesu abasɔmbedja bo: «Motɛli te akume ta ngando isa ta ibota di nde#13, 57 Boɛngɛ Luk 4, 24; Yoa 4, 44..» 58Iboa Yesu aikɔɔ midjɔ mi bokamoa minɛnɛ iho ta tina taka e bobo e edhimeli.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)