MATAYO 10
10
Bapɔsɔlu doomi na babae
(Boindja pongono a Mal 3, 13-19; Luk 6, 12-16)
1Ngɔngɔ djimina, Yesu abea batingami ba nde doomi na babae ko abapa kpati e bobengana membo mi pita ko boheledja bipeko bisusu ko yɛɛmɛ djisusu. 2Indja kombe dji bapɔsɔlu ba mina doomi na babae: boso mɛɛnɛ Simona okabeebo Petelo, ko Andele mwange o Petelo; Djake mwana moomi o Djebede, ko Yoane mwange o nde; 3Pilipo ko Balatelemi; Tomasi ko Matayo, moputedji o puti; Djake mwana moomi o Alipe, ko Tade; 4Simona odaaka omɔti ta iputo di Badjeloti ko Yudhasi Isikaliote iyoo okaba Yesu.
Elomu e bapɔsɔlu doomi na babae
(Boindja pongono a Mal 6, 7-13; Luk 9, 1-6)
5Iyena edii bato doomi na babae ba loma Yesu, ngɔngɔ dji bobapa mitindo imimi: «Pɛpɛ bokɛni oko ta dii bato badii pɛpɛ bodaa Bayudha ko pɛpɛ bokweani ta ngando emɔti enɛnɛ e Samalia. 6Endelo kɛɛni ta dii bhata ibia babungea ndjea ta bana ba Isalɛlɛ. 7Tɔndeani bato ndjea ndjea bo: “Bokumu bo busa bodii mbuti!” 8Heledjani bato ba bipeko, sisodjani bato bago, sɛnodjani bato ba mabha, benganani membo mibe. Obolodjini ngasa, pani pongono ngasa. 9Ta tei dji mabenga ma bino pɛpɛ botombani wolo, pɛpɛ pata dji bibende ko na palanga dji boisa ta mosenge; 10ta tina e mɔɔngɔ, pɛpɛ botombani tɔmbi, simisi dji bae, pɛpɛ botomba sapato edae pango. Ta tina e bo mosali atungi boyaka ta mosala mo nde#10, 10 Boɛngɛ 1Ko 9, 14; 1Ti 5, 18..
11«Ta ngando enɛnɛ esusu kaoko ngando ekɛkɛ ekweadea ino, hombani moto obwani boasɔni ko dikamani ta ndako e nde mbunoko ehole edongadea ino iyana. 12Ko ehole ekweadea ino ta ndako emina baiseani na bobala bo: “Bogo bodae na nu.” 13Ndako emina ekabwana bo odikameni, yɛɛ bo bogo bo bino bodikame ena; endelo emiti bwana, bogo bo bino bosɔmbe ta dii ino. 14Ehole eloni bo boasɔni ko bamiti oka mibalo mi bino, imanani ta ndako kaoko ta ngando enɛnɛ emina ko bhubholani idutu di bigbota bi bino#10, 14 Boindja ta Mal 6, 11 ko na nase.. 15Naotɔndeakadeani sooti mɛnɛ bo: Ta busa bo Sambi, etumbu e bato ba ngando enɛnɛ emina enɔɔbi ekenge e mokili mo Sɔdɔmɔ ko na Gomɔla#10, 15 Sɔdɔmɔ ko na Gomɔla: Boindja Mba 18-19..
Minɔngɔ mikɛkɛdea adoe
16«Mbi, naolomini ondingo bhata ta ndanda e swa. Daani na kebisi ondingo ndjɔ ko bwɛli ondingo embenga. 17Tomakebani na bato, modjɔ mo baopundadeani ta sambi ko baobomadeani ta ndako dji bobo dji miɔngɔnɔ. 18Ta tina e mbi, baolokadeani ta boso bo bagupɛlɛnɛlɛ ko na bakondji; ta tina emina, edaadea bɛngi obaleni tati e mbi ta boso bo bobo ko ta boso bo bato ba bikomi bikina. 19Endelo ehole eopundini ibo, pɛpɛ bosatungeani ta tina bohomba mondumba ndani mobwani nanu bosamba ko eka ebwani na nu bobala; midjɔ mibwani nanu bobala miopamadeani oko ta ehole emina: 20modjɔ mo ino otabaladeani, endelo Mwembo mo Sangwanu mobaladea ta polo e bino. 21Mwange moto akababi mwanango ta yogo, sange o moto akababi mwana o nde; baana baleloabi na baboti ba bobo ko bakɔbi bo ba bapɛ etumbu e yogo. 22Olonamabini na bato basusu ta tina e kombe e mbi. Endelo iyona oikabi molema tee mbunoko suka ahelabi. 23Bakaonɔngedjani ta ngando enɛnɛ iyeye, tiani ta ngando enɛnɛ ekina. Naotɔndeakadeani sooti mɛnɛ bo: otamadjadeani bosomba ta ngando djinɛnɛnɛnɛ djisusu dji Isalɛlɛ boso bo Mwana o moto adoe.
24«Motingami ta nɔe molehi o nde; edae mosali ta nɔe moswa nde. 25Naboa etungi na motingami adae ondingo molehi o nde ko mosali adae ondingo moswa nde. Bakabea moswa ndako Bɛlɛdjɛbule #10, 25 Bɛlɛdjɛbule: kombe epa ibo na djabulu odii mokondji o milimo mibe. edadea ndenge ndani na bato bakadikame ta ndako emina!»
Iyona otungi bo bobanga
(Boindja pongono a Luk 12, 2-7)
26«Ta tina emina pɛpɛ bobangani moto, modjɔ mo pɛpɛ eka emɔti ebolama etakabi bohuodjama, ko pɛpɛ eka emɔti e mbombi etakabi bodjebama. 27Eka iyeye ebalakadea mbi nanu ta modidi, ebalani ta busa boyake; ko eka ebalakadea bo na popoli ta itoi, egamani ta mbalasani etonga bo diko di ndako. 28Pɛpɛ bobangani ibii bakaowoe mokuku ko babwaniti boowa mwembo; bangani endelo Iyona obwani boowa#10, 28 Boɛngɛ Dja 4, 12. mikuku ko na membo ta ipelu. 29Te batɛke midengudengu babae na motswiya mo palanga djinɔi bokɛkɛ? Naboa pɛpɛ nongo omɔti ta tei e bobo obwani bokwa ta kpɔtɔ emiti daa Sangwanu adae pɛpɛ bopala. 30Ta tina e bino, motswiya mo swee dji bino dji molo djisusu djidii djilangamake. 31Ta tina emina pɛpɛ bobangani, onɔini midengudengu basusu na motswiya.
Bopa tati ta tina e Yesu Kilito kaoko bomoingana
(Boindja pongono a Luk 12, 8-9)
32«Moto mosusu otatolabi ta boso bo bato ta tina e mbi, mbi pongono natatolabi ta boso bo Sesa o dii ta busa; 33endelo moto akainganeani ta boso bo bato#10, 33 Boɛngɛ 2Ti 2, 12., mbi pongono na moinganeadea ta boso bo Sesa o dii ta busa.
Pɛpɛ bogo, endelo etumba
(Boindja pongono a Luk 12, 51-53; 14, 26-27)
34«Pɛpɛ bolɛnɛni bo mbi nadoa aisa bogo ta kpɔtɔ: mbi naidoa aisa bogo, endelo nadoa aisa mɔmbi. 35Adii mo oko boa, mbi nadoa abɔtodja mwana moomi na sango, mwana mwali na nango, mwali o moki na bokiyo bo nde o mwali; 36moloni o moto edaabi oko bato ba ibota di nde iyo mɛnɛ#10, 36 Ta milɔngɔ mi 35-36, boindja Mik 7, 6.. 37Moto akapala sango kaoko nango bonɔ mbi abɔngiti na mbi; moto akapala mwana o nde o moomi kaoko mwana o nde o mwali bonɔ mbi abɔngiti na mbi. 38Moto odai pɛpɛ botomba ekulusu e nde ko akimaneni abɔngiti na mbi. 39Moto opalakadea abolodje bomɔ bo nde abobungedjabi; ko moto obungedjabi bomɔ bo nde ta tina e mbi abobolodjabi.»
Maputi
(Boindja pongono a Mal 9, 41)
40«Moto iyo oasɔini asɔi mba; ko moto iyo oasɔi mbi asɔi Iyona o lomani. 41Moto oasɔi motɛli na kombe e motɛli adiabi iputi di motɛli; ko moto oasɔi moto o bodju ta kombe e moto o bodju adiabi iputi di moto o bodju. 42Naotɔndeakadeani sooti mɛnɛ bo: moto iyo opabi oto kɔpɔ e madiba mapiɔ ta kombe e mbi, adii omɔti o dii mokɛkɛ ta tei e batingami ba mbi ta tina e bo adii motingami o mbi adiabi iputi di nde.»
നിലവിൽ തിരഞ്ഞെടുത്തിരിക്കുന്നു:
MATAYO 10: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
MATAYO 10
10
Bapɔsɔlu doomi na babae
(Boindja pongono a Mal 3, 13-19; Luk 6, 12-16)
1Ngɔngɔ djimina, Yesu abea batingami ba nde doomi na babae ko abapa kpati e bobengana membo mi pita ko boheledja bipeko bisusu ko yɛɛmɛ djisusu. 2Indja kombe dji bapɔsɔlu ba mina doomi na babae: boso mɛɛnɛ Simona okabeebo Petelo, ko Andele mwange o Petelo; Djake mwana moomi o Djebede, ko Yoane mwange o nde; 3Pilipo ko Balatelemi; Tomasi ko Matayo, moputedji o puti; Djake mwana moomi o Alipe, ko Tade; 4Simona odaaka omɔti ta iputo di Badjeloti ko Yudhasi Isikaliote iyoo okaba Yesu.
Elomu e bapɔsɔlu doomi na babae
(Boindja pongono a Mal 6, 7-13; Luk 9, 1-6)
5Iyena edii bato doomi na babae ba loma Yesu, ngɔngɔ dji bobapa mitindo imimi: «Pɛpɛ bokɛni oko ta dii bato badii pɛpɛ bodaa Bayudha ko pɛpɛ bokweani ta ngando emɔti enɛnɛ e Samalia. 6Endelo kɛɛni ta dii bhata ibia babungea ndjea ta bana ba Isalɛlɛ. 7Tɔndeani bato ndjea ndjea bo: “Bokumu bo busa bodii mbuti!” 8Heledjani bato ba bipeko, sisodjani bato bago, sɛnodjani bato ba mabha, benganani membo mibe. Obolodjini ngasa, pani pongono ngasa. 9Ta tei dji mabenga ma bino pɛpɛ botombani wolo, pɛpɛ pata dji bibende ko na palanga dji boisa ta mosenge; 10ta tina e mɔɔngɔ, pɛpɛ botombani tɔmbi, simisi dji bae, pɛpɛ botomba sapato edae pango. Ta tina e bo mosali atungi boyaka ta mosala mo nde#10, 10 Boɛngɛ 1Ko 9, 14; 1Ti 5, 18..
11«Ta ngando enɛnɛ esusu kaoko ngando ekɛkɛ ekweadea ino, hombani moto obwani boasɔni ko dikamani ta ndako e nde mbunoko ehole edongadea ino iyana. 12Ko ehole ekweadea ino ta ndako emina baiseani na bobala bo: “Bogo bodae na nu.” 13Ndako emina ekabwana bo odikameni, yɛɛ bo bogo bo bino bodikame ena; endelo emiti bwana, bogo bo bino bosɔmbe ta dii ino. 14Ehole eloni bo boasɔni ko bamiti oka mibalo mi bino, imanani ta ndako kaoko ta ngando enɛnɛ emina ko bhubholani idutu di bigbota bi bino#10, 14 Boindja ta Mal 6, 11 ko na nase.. 15Naotɔndeakadeani sooti mɛnɛ bo: Ta busa bo Sambi, etumbu e bato ba ngando enɛnɛ emina enɔɔbi ekenge e mokili mo Sɔdɔmɔ ko na Gomɔla#10, 15 Sɔdɔmɔ ko na Gomɔla: Boindja Mba 18-19..
Minɔngɔ mikɛkɛdea adoe
16«Mbi, naolomini ondingo bhata ta ndanda e swa. Daani na kebisi ondingo ndjɔ ko bwɛli ondingo embenga. 17Tomakebani na bato, modjɔ mo baopundadeani ta sambi ko baobomadeani ta ndako dji bobo dji miɔngɔnɔ. 18Ta tina e mbi, baolokadeani ta boso bo bagupɛlɛnɛlɛ ko na bakondji; ta tina emina, edaadea bɛngi obaleni tati e mbi ta boso bo bobo ko ta boso bo bato ba bikomi bikina. 19Endelo ehole eopundini ibo, pɛpɛ bosatungeani ta tina bohomba mondumba ndani mobwani nanu bosamba ko eka ebwani na nu bobala; midjɔ mibwani nanu bobala miopamadeani oko ta ehole emina: 20modjɔ mo ino otabaladeani, endelo Mwembo mo Sangwanu mobaladea ta polo e bino. 21Mwange moto akababi mwanango ta yogo, sange o moto akababi mwana o nde; baana baleloabi na baboti ba bobo ko bakɔbi bo ba bapɛ etumbu e yogo. 22Olonamabini na bato basusu ta tina e kombe e mbi. Endelo iyona oikabi molema tee mbunoko suka ahelabi. 23Bakaonɔngedjani ta ngando enɛnɛ iyeye, tiani ta ngando enɛnɛ ekina. Naotɔndeakadeani sooti mɛnɛ bo: otamadjadeani bosomba ta ngando djinɛnɛnɛnɛ djisusu dji Isalɛlɛ boso bo Mwana o moto adoe.
24«Motingami ta nɔe molehi o nde; edae mosali ta nɔe moswa nde. 25Naboa etungi na motingami adae ondingo molehi o nde ko mosali adae ondingo moswa nde. Bakabea moswa ndako Bɛlɛdjɛbule #10, 25 Bɛlɛdjɛbule: kombe epa ibo na djabulu odii mokondji o milimo mibe. edadea ndenge ndani na bato bakadikame ta ndako emina!»
Iyona otungi bo bobanga
(Boindja pongono a Luk 12, 2-7)
26«Ta tina emina pɛpɛ bobangani moto, modjɔ mo pɛpɛ eka emɔti ebolama etakabi bohuodjama, ko pɛpɛ eka emɔti e mbombi etakabi bodjebama. 27Eka iyeye ebalakadea mbi nanu ta modidi, ebalani ta busa boyake; ko eka ebalakadea bo na popoli ta itoi, egamani ta mbalasani etonga bo diko di ndako. 28Pɛpɛ bobangani ibii bakaowoe mokuku ko babwaniti boowa mwembo; bangani endelo Iyona obwani boowa#10, 28 Boɛngɛ Dja 4, 12. mikuku ko na membo ta ipelu. 29Te batɛke midengudengu babae na motswiya mo palanga djinɔi bokɛkɛ? Naboa pɛpɛ nongo omɔti ta tei e bobo obwani bokwa ta kpɔtɔ emiti daa Sangwanu adae pɛpɛ bopala. 30Ta tina e bino, motswiya mo swee dji bino dji molo djisusu djidii djilangamake. 31Ta tina emina pɛpɛ bobangani, onɔini midengudengu basusu na motswiya.
Bopa tati ta tina e Yesu Kilito kaoko bomoingana
(Boindja pongono a Luk 12, 8-9)
32«Moto mosusu otatolabi ta boso bo bato ta tina e mbi, mbi pongono natatolabi ta boso bo Sesa o dii ta busa; 33endelo moto akainganeani ta boso bo bato#10, 33 Boɛngɛ 2Ti 2, 12., mbi pongono na moinganeadea ta boso bo Sesa o dii ta busa.
Pɛpɛ bogo, endelo etumba
(Boindja pongono a Luk 12, 51-53; 14, 26-27)
34«Pɛpɛ bolɛnɛni bo mbi nadoa aisa bogo ta kpɔtɔ: mbi naidoa aisa bogo, endelo nadoa aisa mɔmbi. 35Adii mo oko boa, mbi nadoa abɔtodja mwana moomi na sango, mwana mwali na nango, mwali o moki na bokiyo bo nde o mwali; 36moloni o moto edaabi oko bato ba ibota di nde iyo mɛnɛ#10, 36 Ta milɔngɔ mi 35-36, boindja Mik 7, 6.. 37Moto akapala sango kaoko nango bonɔ mbi abɔngiti na mbi; moto akapala mwana o nde o moomi kaoko mwana o nde o mwali bonɔ mbi abɔngiti na mbi. 38Moto odai pɛpɛ botomba ekulusu e nde ko akimaneni abɔngiti na mbi. 39Moto opalakadea abolodje bomɔ bo nde abobungedjabi; ko moto obungedjabi bomɔ bo nde ta tina e mbi abobolodjabi.»
Maputi
(Boindja pongono a Mal 9, 41)
40«Moto iyo oasɔini asɔi mba; ko moto iyo oasɔi mbi asɔi Iyona o lomani. 41Moto oasɔi motɛli na kombe e motɛli adiabi iputi di motɛli; ko moto oasɔi moto o bodju ta kombe e moto o bodju adiabi iputi di moto o bodju. 42Naotɔndeakadeani sooti mɛnɛ bo: moto iyo opabi oto kɔpɔ e madiba mapiɔ ta kombe e mbi, adii omɔti o dii mokɛkɛ ta tei e batingami ba mbi ta tina e bo adii motingami o mbi adiabi iputi di nde.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)