LUKA Bokwea ta buku
Bokwea ta buku
Mokomi o mina omɔti, na kombe e Luka, akoma buku djibae Bwɛndi Bopele bokoma Luka ko na Bikɔmeli bi Bapɔsɔlu. A buku e nde e boso, Luka akomeakadea bakilito ibia badi pɛ boda Bayudha ko bakabale gɛlɛke. Abatingodjakadea mondumba mo kombe djipipo ko makɔkɔ ma Bayudha bodii bo pɛ bodjeba. Iboa, bikomi#1, 0 Bikomi: edii bato badi sokolu e Bayudha. bi ngondo mobimba ko dji bihole bisusu bibwani bodjeba bo Yesu adi Moheledji. Bwɛndi Bopele bo Luka bokakimane popa ekaputoanedje Mɛndi Mapele masato ma boso. Endelo buku iye ekabale mɛɛnɛ isolo di mɔɔngɔ mo Yesu bobanga Galileya mbunoko Yelusalɛmɛ (9.51–19.28). A isolo dimina di bodala mbunoko a Yelusalɛmɛ, a esika etungi na Yesu bogwa, Luka atubanakadea midjɔ ko na masolo madii pɛpɛ bodaa Mɛndi makina: embete e, Yesu ndelo ekɛɛ iyo aindja Malata na Malia (10.38–42), isolo di Mosamalia mopele (10.29–37), isolo di sange moto abolodji mwana obunga (15.11–32). Mokomi ainedjakadea eka edii atei e nde iyo mɛɛnɛ a tei e bwɛndi ko a bomɔ bo Yesu: Ndjakomba aloma Yesu Masiya bɛngi aheledje ibia badi mbuti na bomodimea. Yesu iyo mɛnɛ akasapɛ na bato ibia batsiolama: bato ba pekato, bengɛ, bakwali, bato ba bipeko, bapaya. Bakilito ibia bakomeakadea Luka edii ibia bapeaka mɛnɛ madieli. Luka abomakadea masolo manɛnɛ mabomaka Yesu mabalakadea tina e bodieli, embete a 12.16–21 ko a ekenge 16. Ainedjakadea batingami ba Yesu basalee bodieli tina e djakomba ko tina e bato bakina. Batingami ba Yesu badi na nde na ndjea badi mbuti na bohombedja mida, basipoi bo Ndjakomba adi mopele ko akapale bato basusu. A bikomi bikondjama na ba Loma, bato bakabale bo: «Kaisala adi Kumu.» Endelo bakiito bakabale bo: «edii Yesu Kilito moto odii Kumu.» Modjɔ mo, Ndjakomba asisodja Yesu a bogwa ko amopa kpati a diko di midjɔ misusu. A Bwɛndi bokoma Luka Yesu akabeame Kumu mbala djinɛnɛ bonɔ Mɛɛndi makina. Buku e Bwɛndi Bopele bokoma Luka esukea a Yelusalɛmɛ (Ekenge enɛnɛ e 24), a esika ebanga iyo (ekenge enɛnɛ e 1 ko 2). Yesu asinedja mɔsu na batingami ba nde, ko badi na mongandi monɛnɛ. Donga mbangi e bomɔ bonde adi bato, Yesu adi molumake na Mwembo Mosɛnɔke modongi adi Ndjakomba, Mwembo Mosɛnɔke (ekenge 3 ko 4). Batingami ba Yesu bamoasɔɔdea pongono (24.49). Ondingo Yesu, babwani boɔngɔnɔ ko boemba bopele bo Ndjakomba.
നിലവിൽ തിരഞ്ഞെടുത്തിരിക്കുന്നു:
LUKA Bokwea ta buku: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
LUKA Bokwea ta buku
Bokwea ta buku
Mokomi o mina omɔti, na kombe e Luka, akoma buku djibae Bwɛndi Bopele bokoma Luka ko na Bikɔmeli bi Bapɔsɔlu. A buku e nde e boso, Luka akomeakadea bakilito ibia badi pɛ boda Bayudha ko bakabale gɛlɛke. Abatingodjakadea mondumba mo kombe djipipo ko makɔkɔ ma Bayudha bodii bo pɛ bodjeba. Iboa, bikomi#1, 0 Bikomi: edii bato badi sokolu e Bayudha. bi ngondo mobimba ko dji bihole bisusu bibwani bodjeba bo Yesu adi Moheledji. Bwɛndi Bopele bo Luka bokakimane popa ekaputoanedje Mɛndi Mapele masato ma boso. Endelo buku iye ekabale mɛɛnɛ isolo di mɔɔngɔ mo Yesu bobanga Galileya mbunoko Yelusalɛmɛ (9.51–19.28). A isolo dimina di bodala mbunoko a Yelusalɛmɛ, a esika etungi na Yesu bogwa, Luka atubanakadea midjɔ ko na masolo madii pɛpɛ bodaa Mɛndi makina: embete e, Yesu ndelo ekɛɛ iyo aindja Malata na Malia (10.38–42), isolo di Mosamalia mopele (10.29–37), isolo di sange moto abolodji mwana obunga (15.11–32). Mokomi ainedjakadea eka edii atei e nde iyo mɛɛnɛ a tei e bwɛndi ko a bomɔ bo Yesu: Ndjakomba aloma Yesu Masiya bɛngi aheledje ibia badi mbuti na bomodimea. Yesu iyo mɛnɛ akasapɛ na bato ibia batsiolama: bato ba pekato, bengɛ, bakwali, bato ba bipeko, bapaya. Bakilito ibia bakomeakadea Luka edii ibia bapeaka mɛnɛ madieli. Luka abomakadea masolo manɛnɛ mabomaka Yesu mabalakadea tina e bodieli, embete a 12.16–21 ko a ekenge 16. Ainedjakadea batingami ba Yesu basalee bodieli tina e djakomba ko tina e bato bakina. Batingami ba Yesu badi na nde na ndjea badi mbuti na bohombedja mida, basipoi bo Ndjakomba adi mopele ko akapale bato basusu. A bikomi bikondjama na ba Loma, bato bakabale bo: «Kaisala adi Kumu.» Endelo bakiito bakabale bo: «edii Yesu Kilito moto odii Kumu.» Modjɔ mo, Ndjakomba asisodja Yesu a bogwa ko amopa kpati a diko di midjɔ misusu. A Bwɛndi bokoma Luka Yesu akabeame Kumu mbala djinɛnɛ bonɔ Mɛɛndi makina. Buku e Bwɛndi Bopele bokoma Luka esukea a Yelusalɛmɛ (Ekenge enɛnɛ e 24), a esika ebanga iyo (ekenge enɛnɛ e 1 ko 2). Yesu asinedja mɔsu na batingami ba nde, ko badi na mongandi monɛnɛ. Donga mbangi e bomɔ bonde adi bato, Yesu adi molumake na Mwembo Mosɛnɔke modongi adi Ndjakomba, Mwembo Mosɛnɔke (ekenge 3 ko 4). Batingami ba Yesu bamoasɔɔdea pongono (24.49). Ondingo Yesu, babwani boɔngɔnɔ ko boemba bopele bo Ndjakomba.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)