YOANE 8
8
1Endelo Yesu akɛɛ ta ngomba e mele mi Olive#8, 1 Boindja Mal 11, 1 ko na nase.. 2Ehuma mɛnɛ ngɔngɔ dji isu dimɔti, asɔmbɔ ta tepelo ko bato basusu babatama mbuti na nde. Adaa na mobondo ko abanga bopa bileho bi nde. 3Balehi ba mibeko ko na Bapalisai bamolwɛɛ mwali omɔti otanea ibo akɔɔ bɔɔli. Bamoemea ta boso bo bato basusu 4ko babala na Yesu: «Molehi, mwali iyoyo lomotanei oko ta ehole edaki iyo akɔɔ bɔɔli. 5Mose ta mobeko aloloma bo loowoe bali ba mondumba mu na mabɔkɔ#8, 5 Boindja Lew 20, 10; Dit 22, 22-24.. Ko wɛ, ebalakadea wɛ tina e modjɔ momina nde?» 6Babalaka iboa tina ebomopikea elambo bɛngi badie enɔli e bomopunda. Endelo Yesu asunama ko abanga bokoma na mosapi ta kpɔtɔ. 7Abo basɛsɛnɛkɛ na bomowadja, Yesu asaninodja ko abala na bu: «Moto odii pɛ boda na pekato ta ndanda e bino amolɛ ibɔkɔ di boso.» 8Ngɔngɔ djimina asumana naikina ko asɔmbɔ bokoma ta kpɔtɔ. 9Ehole eoka ibo mobalo momina, basatuba omɔti omɔti, bobanga na bato bapingamake. Ko Yesu adika iyo mɛnɛ na mwali, odaaka aemi boso bo nde. 10Iboa Yesu asaninodja naikina ko abala na nde: «Bopele, ibo bado? Pɛpɛ nongo moto omɔti osaodumba na ikambo?» – 11Asɔmbedja bo: «Kumu pɛpɛ nongo moto.» Yesu abala bo: «Mbi pongono nitaodumbakadea. Kɛɛ, endelo pɛpɛ bokɔ pekato naikina.»]
Yesu, bohu bo ngondo
12Yesu abala na bu naikina bo: «Nadii bohu bo ngondo#8, 12 Boɛngɛ Isa 49, 6; Mat 5, 14; Yoa 9, 5.. Moto okimanini adiadea bohu bo mohelo ko atadaladea naikina ta modidi.» 13Bapalisai babala na nde bo: «Wɛ moto obalakadea tati ewɛ mɛnɛ; tati ewɛ editi na tina.» 14Yesu abasɔmbedja: «Nongo mbi nakabala tati e mbi mɛnɛ, tati embi edii e sooti, modjɔ mo nadjebakadea esika edonga mbi ko esika ekɛkɛdea mbi. Endelo ino, otadjebakadeani na esika ekɛkɛdea mbi adonge ko ekɛkɛdea mbi akɛe. 15Ino okasambedjeni na ndenge e bato; mbi te na sambedje moto. 16Ndelo djisusu, djikadie mbi enɔli e bosambedja, bosambadja bo mbi bodii sooti, modjɔ mo tenadae mbi mɛnɛ, endelo Sesa iyoo olomani akadae na mbi. 17Ta tei e mobeko mo bino ekomama bo bato babae bakabala tati emɔti, tati emina edii sooti. 18Mbi nabakadea tati e mbi mɛnɛ ko Sesa olomani akabale pongono tati tina e mbi.» 19Bamowadja bo: «Sangwao adii iyo djɔ?» Yesu asɔmbedja bo: «Otadjebakadeani na mbi edɛe Sesa. Osoodjebanini, okɔki djebani pongono Sesa.» 20Yesu abala kɔpi idjia ehole elehaka iyo ta tepelo, ta esika ekadedje bo makabo. Moto nongo omɔti aimopea, modjɔ mo ehole e nde eipaka imea.
«Obwanitini bokɛ iho akɛkɛdea mbi»
21Yesu abala na bu naikina: «Mbi nakɛdea; ohombadeanini, endelo ogwadeani na pekato e bino. Iho akɛkɛdea mbi ino obwanitini boimea.» 22Bayudha basabaleana bo: «Ekɛkɛdea iyo asaowa iyo mɛnɛ, bɛngi abale bo: “Iho akɛkɛdea mbi ino obwanitini boimea”?» 23Yesu abala na bu bo: «Ino odini bato ba kpɔtɔ, mbi nadonga ta busa. Ino odini bato ba ngondo iye, mbi naditi moto o ngondo iye. 24Natina emina nabalaki na nu bo ogwadeani ta pekato e bino. Modjɔ mo ogwadeani ta pekato e bino omiti dhimani bo “Mbi nadii#8, 24 Boɛngɛ Boi 3, 14-15.”.» 25Babalaka na nde bo: «Wɛ odii nda?» Yesu abasɔmbedja bo: «Iyona omaki mbi otɔndeani donga ta mbangi. 26Ta tina e bino nadii na mɛko minɛnɛ mi bobala ko mi bosambedja. Endelo iyona olomani adii sooti, ko mbi nalakakadea ta ngondo midjɔ imia mioka mbi ta dii iyona olomani.» 27Baisipoa bo abalaka nabu tina e Sesa. 28Iboa Yesu abala na bu: «Ehole eangɔdjɔdea ino Mwana o moto#8, 28 Boɛngɛ 3, 14., odjebadani bo “Mbi nadii”; odjebadeani mbi tenakɔe modjɔ momɔti na bopala bo mbi mɛnɛ: nakabale oko mɛko milehani Sesa. 29Iyona olomani adii na mbi; aikinani mbi mɛnɛ, modjɔ mo mbi nakakɔe oko midjɔ mikamosepedje.» 30Iyana abalaka Yesu iboa, banɛnɛ bamodhimea.
Ba sɔmi ko na babuli
31Iboa Yesu abalaka na Bayudha ibia bamodhimeaka bo: «Okama dikamani oabaneani kɔpi e mbi, odini mɛnɛ batingami ba mbi. 32Odjebadeani bosooti, ko bosooti boimedjadeani basɔmi.» 33Bamosɔmbedja bo: «Lodii batitani ba Abalayama#8, 33 Boɛngɛ Mat 3, 9; Luk 3, 8. ko loidaa nongo busa bomɔti babuli ba moto. Ndenge ndani ebwani wɛ bobala na su bo: “Oimeadeani ta bosɔmi”?» 34Yesu abasɔmbedja bo: «Oko iboa, ko naotɔndeakadeani, sooti mɛnɛ bo: moto mosusu okɔkɔdea pekato adi mobuli o pekato. 35Enakoboa, mobuli tadikame seko ta ndako, endelo mwana iyo, akadikame seko. 36Ekada bo mwana akaotingoani ta ibuli, odadeani sooti mɛnɛ batingoamake. 37Nadjebakadea bo odini batitani ba Abalayama. Endelo ohombakadeani oowoenini, modjɔ mo olonakadeani mibalo mi mbi. 38Mbi, nabalakadea midjɔ minedjani Sesa, endelo ino, okɔkɔdeani midjɔ miotɔndeani sange bino.» 39Bamosɔmbedja bo: «Sange biso, edii Abalayama.» Yesu abala na bu bo: «Oso daani mɛnɛ bana ba Abalayama, okaki kɔɔni midjɔ mikɔɔ iyo. 40Endelo edɛdiyeye, nongo asaotɔndeani mbi sooti ebolodji mbi ta dii Ndjakomba, ohombakadeani owoenini. Abalayama aikɔ mikɔ mondumba imu! 41Ino, okɔkɔdeani mikɔ mi sange bino.» Babala na nde bo: «Iso loibotama na bɔɔli. Lodii na sange moto omɔti pɛ, Ndjakomba.» 42Yesu abala na bu: «Ndjakomba asoada Sangwanu okɔki palanini, modjɔ mo, mbi nadonga ta dii Ndjakomba ko nadii iya tina e nde. naidoa tina e mbi mɛnɛ, endelo edii iyo moto olomani. 43Ndenge ndani edakadea nanu pɛpɛ bosipoa eka ebalakadea mbi na nu? Modjɔ mo otahɔnɔkɔdeani bohokamedja mobalo mo mbi. 44Ino odini na sangwanu djabulu, ko opalakadeani bokɔɔ oko bopala bo sangwanu. Iyo, adaaka mooweli o bato donga ta mbangi. Aida nongo busa bomɔti ta bosooti, modjɔ mo bosooti boditi ta tei ende. Ehole ekakose iyo, akabale oko mondumba mokɔɔmɔ iyo, modjɔ mo adii mokosi ko sange bokuta. 45Endelo mbi, nabalakadea bosooti ko na tina emina ino otadhimeakadeanini. 46Moto ndani ta ndanda e bino, obwani boinedja bo nakɔɔ pekato? Ko nakabala bosooti tina ndani ino otadhimeakadeanini? 47Moto odii o Ndjakomba akaoke mibalo mi Ndjakomba. Endelo oditini ba Ndjakomba na tina emina otaokakadeanini.»
Yesu ko Abalayama
48Bayudha basɔmbedja Yesu bo: «Loditi na molonga mo bobala bo wɛ odii Mosamalia ko odii na mwembo mobe?» 49Yesu asɔmbedja bo: «Mbi, naditi na mwembo mobe, endelo nakasume Sesa ko ino, olonini bosumani. 50Mbi nitahombakadea ekumu e mbi mɛnɛ. Edii na iyona oka ehombe tina e mbi ko iyona okasambedje. 51Oko iboa, naotɔndeakadeani sooti mɛnɛ bo: moto akasuma mibalo mo mbi, atagwabi.» 52Natina emina, Bayudha babala na nde bo: «Edɛdiye, lodhimi bo odii na mwembo mobe! Abalayama agwa, na batɛli pongono bagwa, ko wɛ, obalakadea bo: “Moto akasuma mibalo mi mbi atagwabi.” 53Abalayama, sangwasu, agwa: olɛnɛkɛdea bo odii monɛnɛ bonɔ iyo? Batɛli pongono bagwa. Osatukoakadea olongo nda?» 54Yesu asɔmbedja bo: «Naka sakumedja mbi mɛnɛ, ekumu e mbi edii ngasa. Edii sange mbi moto okumedjakadeani. Iyona obalakadea ino bo: “Adii Ndjakomba o biso”, 55enakoboa otamodjebakadeani. Mbi na modjebakadea. Ko naso nabala bo: “Nita modjebakadea”, nadaadea mokosi ondingo ino. Endelo na modjebakadea ko nakasume mibalo mi nde. 56Abalayama, sange bino, asepa na malɛi ma boɛnɛ busa bo mbi; aboɛnɛ ko aso asepa na bu.» 57Bayudha babala na nde bo: «Opakinaimedja nongo bianga tuku itano ko oɛnɛ Abalayama?» 58Yesu abasɔmbedja bo: «Oko iboa, naotɔndeakadeani, sooti mɛnɛ bo: boso bo Abalayama abotame, “Mbi nadii#8, 58 Boindja 1, 1-3.”.» 59Iboa baandoa mabɔkɔ bɛngi ba molɛɛ, endelo Yesu abolama ko aimana ta tepelo.
നിലവിൽ തിരഞ്ഞെടുത്തിരിക്കുന്നു:
YOANE 8: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
YOANE 8
8
1Endelo Yesu akɛɛ ta ngomba e mele mi Olive#8, 1 Boindja Mal 11, 1 ko na nase.. 2Ehuma mɛnɛ ngɔngɔ dji isu dimɔti, asɔmbɔ ta tepelo ko bato basusu babatama mbuti na nde. Adaa na mobondo ko abanga bopa bileho bi nde. 3Balehi ba mibeko ko na Bapalisai bamolwɛɛ mwali omɔti otanea ibo akɔɔ bɔɔli. Bamoemea ta boso bo bato basusu 4ko babala na Yesu: «Molehi, mwali iyoyo lomotanei oko ta ehole edaki iyo akɔɔ bɔɔli. 5Mose ta mobeko aloloma bo loowoe bali ba mondumba mu na mabɔkɔ#8, 5 Boindja Lew 20, 10; Dit 22, 22-24.. Ko wɛ, ebalakadea wɛ tina e modjɔ momina nde?» 6Babalaka iboa tina ebomopikea elambo bɛngi badie enɔli e bomopunda. Endelo Yesu asunama ko abanga bokoma na mosapi ta kpɔtɔ. 7Abo basɛsɛnɛkɛ na bomowadja, Yesu asaninodja ko abala na bu: «Moto odii pɛ boda na pekato ta ndanda e bino amolɛ ibɔkɔ di boso.» 8Ngɔngɔ djimina asumana naikina ko asɔmbɔ bokoma ta kpɔtɔ. 9Ehole eoka ibo mobalo momina, basatuba omɔti omɔti, bobanga na bato bapingamake. Ko Yesu adika iyo mɛnɛ na mwali, odaaka aemi boso bo nde. 10Iboa Yesu asaninodja naikina ko abala na nde: «Bopele, ibo bado? Pɛpɛ nongo moto omɔti osaodumba na ikambo?» – 11Asɔmbedja bo: «Kumu pɛpɛ nongo moto.» Yesu abala bo: «Mbi pongono nitaodumbakadea. Kɛɛ, endelo pɛpɛ bokɔ pekato naikina.»]
Yesu, bohu bo ngondo
12Yesu abala na bu naikina bo: «Nadii bohu bo ngondo#8, 12 Boɛngɛ Isa 49, 6; Mat 5, 14; Yoa 9, 5.. Moto okimanini adiadea bohu bo mohelo ko atadaladea naikina ta modidi.» 13Bapalisai babala na nde bo: «Wɛ moto obalakadea tati ewɛ mɛnɛ; tati ewɛ editi na tina.» 14Yesu abasɔmbedja: «Nongo mbi nakabala tati e mbi mɛnɛ, tati embi edii e sooti, modjɔ mo nadjebakadea esika edonga mbi ko esika ekɛkɛdea mbi. Endelo ino, otadjebakadeani na esika ekɛkɛdea mbi adonge ko ekɛkɛdea mbi akɛe. 15Ino okasambedjeni na ndenge e bato; mbi te na sambedje moto. 16Ndelo djisusu, djikadie mbi enɔli e bosambedja, bosambadja bo mbi bodii sooti, modjɔ mo tenadae mbi mɛnɛ, endelo Sesa iyoo olomani akadae na mbi. 17Ta tei e mobeko mo bino ekomama bo bato babae bakabala tati emɔti, tati emina edii sooti. 18Mbi nabakadea tati e mbi mɛnɛ ko Sesa olomani akabale pongono tati tina e mbi.» 19Bamowadja bo: «Sangwao adii iyo djɔ?» Yesu asɔmbedja bo: «Otadjebakadeani na mbi edɛe Sesa. Osoodjebanini, okɔki djebani pongono Sesa.» 20Yesu abala kɔpi idjia ehole elehaka iyo ta tepelo, ta esika ekadedje bo makabo. Moto nongo omɔti aimopea, modjɔ mo ehole e nde eipaka imea.
«Obwanitini bokɛ iho akɛkɛdea mbi»
21Yesu abala na bu naikina: «Mbi nakɛdea; ohombadeanini, endelo ogwadeani na pekato e bino. Iho akɛkɛdea mbi ino obwanitini boimea.» 22Bayudha basabaleana bo: «Ekɛkɛdea iyo asaowa iyo mɛnɛ, bɛngi abale bo: “Iho akɛkɛdea mbi ino obwanitini boimea”?» 23Yesu abala na bu bo: «Ino odini bato ba kpɔtɔ, mbi nadonga ta busa. Ino odini bato ba ngondo iye, mbi naditi moto o ngondo iye. 24Natina emina nabalaki na nu bo ogwadeani ta pekato e bino. Modjɔ mo ogwadeani ta pekato e bino omiti dhimani bo “Mbi nadii#8, 24 Boɛngɛ Boi 3, 14-15.”.» 25Babalaka na nde bo: «Wɛ odii nda?» Yesu abasɔmbedja bo: «Iyona omaki mbi otɔndeani donga ta mbangi. 26Ta tina e bino nadii na mɛko minɛnɛ mi bobala ko mi bosambedja. Endelo iyona olomani adii sooti, ko mbi nalakakadea ta ngondo midjɔ imia mioka mbi ta dii iyona olomani.» 27Baisipoa bo abalaka nabu tina e Sesa. 28Iboa Yesu abala na bu: «Ehole eangɔdjɔdea ino Mwana o moto#8, 28 Boɛngɛ 3, 14., odjebadani bo “Mbi nadii”; odjebadeani mbi tenakɔe modjɔ momɔti na bopala bo mbi mɛnɛ: nakabale oko mɛko milehani Sesa. 29Iyona olomani adii na mbi; aikinani mbi mɛnɛ, modjɔ mo mbi nakakɔe oko midjɔ mikamosepedje.» 30Iyana abalaka Yesu iboa, banɛnɛ bamodhimea.
Ba sɔmi ko na babuli
31Iboa Yesu abalaka na Bayudha ibia bamodhimeaka bo: «Okama dikamani oabaneani kɔpi e mbi, odini mɛnɛ batingami ba mbi. 32Odjebadeani bosooti, ko bosooti boimedjadeani basɔmi.» 33Bamosɔmbedja bo: «Lodii batitani ba Abalayama#8, 33 Boɛngɛ Mat 3, 9; Luk 3, 8. ko loidaa nongo busa bomɔti babuli ba moto. Ndenge ndani ebwani wɛ bobala na su bo: “Oimeadeani ta bosɔmi”?» 34Yesu abasɔmbedja bo: «Oko iboa, ko naotɔndeakadeani, sooti mɛnɛ bo: moto mosusu okɔkɔdea pekato adi mobuli o pekato. 35Enakoboa, mobuli tadikame seko ta ndako, endelo mwana iyo, akadikame seko. 36Ekada bo mwana akaotingoani ta ibuli, odadeani sooti mɛnɛ batingoamake. 37Nadjebakadea bo odini batitani ba Abalayama. Endelo ohombakadeani oowoenini, modjɔ mo olonakadeani mibalo mi mbi. 38Mbi, nabalakadea midjɔ minedjani Sesa, endelo ino, okɔkɔdeani midjɔ miotɔndeani sange bino.» 39Bamosɔmbedja bo: «Sange biso, edii Abalayama.» Yesu abala na bu bo: «Oso daani mɛnɛ bana ba Abalayama, okaki kɔɔni midjɔ mikɔɔ iyo. 40Endelo edɛdiyeye, nongo asaotɔndeani mbi sooti ebolodji mbi ta dii Ndjakomba, ohombakadeani owoenini. Abalayama aikɔ mikɔ mondumba imu! 41Ino, okɔkɔdeani mikɔ mi sange bino.» Babala na nde bo: «Iso loibotama na bɔɔli. Lodii na sange moto omɔti pɛ, Ndjakomba.» 42Yesu abala na bu: «Ndjakomba asoada Sangwanu okɔki palanini, modjɔ mo, mbi nadonga ta dii Ndjakomba ko nadii iya tina e nde. naidoa tina e mbi mɛnɛ, endelo edii iyo moto olomani. 43Ndenge ndani edakadea nanu pɛpɛ bosipoa eka ebalakadea mbi na nu? Modjɔ mo otahɔnɔkɔdeani bohokamedja mobalo mo mbi. 44Ino odini na sangwanu djabulu, ko opalakadeani bokɔɔ oko bopala bo sangwanu. Iyo, adaaka mooweli o bato donga ta mbangi. Aida nongo busa bomɔti ta bosooti, modjɔ mo bosooti boditi ta tei ende. Ehole ekakose iyo, akabale oko mondumba mokɔɔmɔ iyo, modjɔ mo adii mokosi ko sange bokuta. 45Endelo mbi, nabalakadea bosooti ko na tina emina ino otadhimeakadeanini. 46Moto ndani ta ndanda e bino, obwani boinedja bo nakɔɔ pekato? Ko nakabala bosooti tina ndani ino otadhimeakadeanini? 47Moto odii o Ndjakomba akaoke mibalo mi Ndjakomba. Endelo oditini ba Ndjakomba na tina emina otaokakadeanini.»
Yesu ko Abalayama
48Bayudha basɔmbedja Yesu bo: «Loditi na molonga mo bobala bo wɛ odii Mosamalia ko odii na mwembo mobe?» 49Yesu asɔmbedja bo: «Mbi, naditi na mwembo mobe, endelo nakasume Sesa ko ino, olonini bosumani. 50Mbi nitahombakadea ekumu e mbi mɛnɛ. Edii na iyona oka ehombe tina e mbi ko iyona okasambedje. 51Oko iboa, naotɔndeakadeani sooti mɛnɛ bo: moto akasuma mibalo mo mbi, atagwabi.» 52Natina emina, Bayudha babala na nde bo: «Edɛdiye, lodhimi bo odii na mwembo mobe! Abalayama agwa, na batɛli pongono bagwa, ko wɛ, obalakadea bo: “Moto akasuma mibalo mi mbi atagwabi.” 53Abalayama, sangwasu, agwa: olɛnɛkɛdea bo odii monɛnɛ bonɔ iyo? Batɛli pongono bagwa. Osatukoakadea olongo nda?» 54Yesu asɔmbedja bo: «Naka sakumedja mbi mɛnɛ, ekumu e mbi edii ngasa. Edii sange mbi moto okumedjakadeani. Iyona obalakadea ino bo: “Adii Ndjakomba o biso”, 55enakoboa otamodjebakadeani. Mbi na modjebakadea. Ko naso nabala bo: “Nita modjebakadea”, nadaadea mokosi ondingo ino. Endelo na modjebakadea ko nakasume mibalo mi nde. 56Abalayama, sange bino, asepa na malɛi ma boɛnɛ busa bo mbi; aboɛnɛ ko aso asepa na bu.» 57Bayudha babala na nde bo: «Opakinaimedja nongo bianga tuku itano ko oɛnɛ Abalayama?» 58Yesu abasɔmbedja bo: «Oko iboa, naotɔndeakadeani, sooti mɛnɛ bo: boso bo Abalayama abotame, “Mbi nadii#8, 58 Boindja 1, 1-3.”.» 59Iboa baandoa mabɔkɔ bɛngi ba molɛɛ, endelo Yesu abolama ko aimana ta tepelo.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)