YOANE 7
7
Bangi bato baami ba Yesu baloni bomodhimea
1Ngɔngɔ djimina, Yesu adalaka ta Galileya; aipalaka bohombana ta Yudhea, modjɔ mo bakondji ba Bayudha bahombaka bamoowoe. 2Enakoboa tɛkɛ e Bayudha e Bikpangba#7, 2 Tɛkɛ e Bikpangba edaka tɛkɛ e Bayudha eyeyoaka eyenga emɔti; ekɔmɔkɔ mbala emɔti ta tei e madidi ma yanga emɔti esonganaka na tɛkɛ e botsoa mbuma. Ebalɛnɛdjaka masu makɔɔ bana ba Isalɛlɛ ta edhu. Ta ndelo iyena esusu e tɛkɛ, mabota madikamaka ta tei e bikpangba bipikamaka ta tina e tɛkɛ e mina. Iboa Yelusalɛmɛ eimeaka esika e ndjendjo. Boindja Lew 23, 34-36; Dit 16, 13. eimeaka mbuti. 3Bana ba nango ba baami babala na nde bo: «Donga iya ko kɛɛ ta Yudhea, bɛngi bo batingami ba wɛ ibo pongono, baɛnɛ mikɔ mikɔkɔdea wɛ. 4Moto takɔe mikɔ ta mbombi aka homba bo bamodjebe. Modjɔ mo okɔkɔdea mikɔ mimina, na mondumba mo bo moto mosusu amoɛnɛ.» 5Nongoko boa, banginde ba baami baimodhimeaka. 6Yesu abala na bu: «Ehole e mbi epakinaimea. Ta tina e bino, ehole esusu edii epele. 7Ngondo ebwaniti boolonani, endelo mbi, elonakadeani modjɔ mo nainedjakadea bo mikɔ mi yu midii mibe. 8Ino kɛɛni ta tɛkɛ. Mbi, nitakɛɛdea ta tɛkɛ iyena, modjɔ mo ehole e mbi epakinaimea.» 9Ngɔngɔ dji bobala iboa, iyo adikama ta Galileya.
Yesu ta tɛkɛ e Bikpangba
10Enakoboa, ehole ekɛɛ bangi nde ta tɛkɛ, Yesu pongono akɛɛ ta tɛkɛ, endelo aisaɛnɛmedja, asabomba. 11Bakondji ba Bayudha ba mohombaka ta tɛkɛ#7, 11 Boindja 7, 2 ko na nase. ko bawadjaka bo: «Adii iyo djɔ?» 12Batubanaka na bobuke ta tina e nde, ta ndanda e emumu e bato. Bakina babalaka bo: «Adii moto omɔti mopele.» Bakina babalaka bo: «Ngasa, apangoakadea bato.» 13Endelo pɛpɛ nongo moto omɔti ohɔnɔkɔ bobala ta bohu ta tina e nde, modjɔ mo ibo basusu babangaka bakondji ba Bayudha. 14Tɛkɛ eimea ta ndanda, iyana akwea Yesu ta tepelo ko abanga boleha. 15Bayudha bakamoa ko basawadjaka bo: «Ndenge ndani moto iyo akadjebe bobuke iyo moto odaa pɛpɛ boikoa#7, 15 Boɛngɛ Mat 13, 54; Luk 2, 47.?» 16Yesu abasɔmbedja bo: «Eleho epakadea mbi editi embi mɛnɛ, endelo edii e iyona olomani. 17Moto omɔti akapala bokɔ bolulea bo Ndjakomba adjebadea bo eleho iye e mbi edongi adii Ndjakomba kaoko nabalakadea ta tina e mbi mɛnɛ. 18Iyona obalakadea tina e kombe e nde ahombakadea ekumu e nde iyo mɛnɛ. Endelo iyona ohombakadea ekumu e moto omoloma abalakadea sooti ko aditi na bobe ta tei ende 19Mose aiopani mobeko? Endelo pɛpɛ nongo moto omɔti o bino okamoise ta mosala. Tina ehombakadea nanu oowoenini nda?» 20Emumu e bato emosɔmbedja bo: «Odii na mwembo mobe! Ohombakadea aoowoe nda?» 21Yesu abasɔmbedja bo: «Nakɔi oto embete emɔti pɛ ko ino basusu okamoini na yu! 22Modjɔ mo Mose aopani mobeko mo bolena bana baami bipole, te ta elɔkɔ ebo edonga ta dii Mose, endelo ta modjɔ mo bo edonga ta dii bakɔkɔ ba boso#7, 22 Boindja Lew 12, 3; Mba 17, 10-13., ino odhimini bolena moto epole ta busa bo sabata. 23Okalena mwana moomi epole ta busa bo sabata bɛngi bo mobeko mo Mose mosumame, tina ndani elumanakadea na nu na kɛlɛ na mbi modjo mo naheledji moto mobimba ta busa bo sabata#7, 23 Boindja 5, 8-9.? 24Pɛpɛ bosambedjani aelɔkɔe miso ma bato. Sambedjani na bosooti#7, 24 Boɛngɛ Lew 19, 15; Isa 11, 4..»
Yesu adi Masiya?
25Ndambo e bato ba Yelusalɛmɛ babalaka bo: «Editi iyoo ohombakadea ibo ba owoe? 26Indja: iyoyo obalakadea ta bhudha ko batabalakadea na nde nongo eka emɔti! Bakondji ba biso basipoadea bo adii Masiya? 27Endelo ehole eenɛmɛbi Masiya, pɛpɛ nongo moto omɔti odjebadea esika edongi iyo, endelo iso lodjebakadea polo edongi moto omina.» 28Iboa Yesu olehaka ta tepelo; agama bo: «Odjebakadeani mɛnɛ eka edii mbi ko esika edongi mbi? Ediiti tina e mbi mɛnɛ bɛngi nadoe, endelo iyona olomani adii bosooti. Ko ino otamodjebakadeani. 29Mbi, namodjebakadea modjɔ mo nakɛkɛadonge adii iyo ko edii iyo moto olomani.» 30Iboa bahomba bamopee, endelo pɛpɛ nongo moto obakea ebɔ diko di nde, modjɔ mo ngonga ende eipaka imea. 31Naboa ta ndanda e emumu e bato, banɛnɛ bamodhimea. Babalaka bo: «Ehole edoabi Masiya, akɔɔbi na bonɔ bimbete bi bokamodja bonɔ idjidji djisakɔɔ moto iyoyo?»
Basindjili balomami tina e bopea Yesu
32Bapalisai baoka eka ebalaka bo na kɔpi e nase ta tei emumu e bato ta tina e Yesu. Banganga ba Ndjakomba banɛnɛnɛnɛ na Bapalisai baloma ba basindjili ba tepelo bɛngi bamopee. 33Yesu abala bo: «Nadii nanu naikina moo ehole mokɛkɛ, ngɔngɔ djimina nakɛkɛdeakɛe adii iyona olomani. 34Ohombadeanini, endelo otadiadeanini, modjɔ mo obwanitini bokɛɛ iho ta polo edabi mbi.» 35Bayudha basawadjana ta ndanda e bobo: «Akɛdea iyo djɔ bɛngi bo iso lodae pɛpɛ bomodia? Ekɛdea iyo adii Bayudha ibia banangana ta tei e ba Gɛlɛki ko ekɛdea iyo na bileho bi nde ta dii ba Gɛlɛki#7, 35 Kombe e Bagɛlɛki ebalakadea iya ibia badii pɛpɛ bodaa Bayudha na bonɔ Bayudha ibia bakahelame sokolu e Palesitine.? 36Etingodjakadea kɔpi iyena esabala iyo nde: Ohombadeanini, endelo otadiadeanini, modjɔ mo otahɔnɔni boimea iho ta esika edii mbi?»
Dua dji madiba ma bomɔ
37Busa bo suka bo tɛkɛ bodaaka busa bomɔti bonɔi bonɛnɛ#7, 37 Boindja Lew 23, 36.. Busa bomina ibua, Yesu aema diko, ko agama bo: «Moto omɔti akaoka posa e bomwaka, adoe ta dii mbi ko amwake. 38“Iyona odhimeini, dua dji madiba ma bomɔ djikɛlɛdea ta molema mo nde”, ta mondumba mobalakadea Makomi.» 39Yesu abalaka tina e Mwembo bo ibo bamodhimeaka bamodiabi. Ta ehole emina iyena, Mwembo moipetaka paama, modjɔ mo Yesu aipaka angɔdjɔmɔ ta ekumu.
Emumu e bato esakabani ta tina e Yesu
40Ngɔngɔ dji booka mibalo mimina, bakina ta tei emumu, basabaleaka bo: «Sooti mɛnɛ moto iyo adii Motɛli!» 41Bakina babalaka bo: «Edii Masiya!» – «Endelo, bakina basɔmbedjaka, Masiya abwani bodonga ta Galileya#7, 41 Boɛngɛ 1, 46; 7, 52.? 42Makomi matabalakadea bo Masiya adaadea motitani o Dhapiti ko adongadea ta Bɛtɛlɛmɛ, ngando ehelama Dhapiti#7, 42 Boindja 2Sa 7, 12; Mik 5, 1; Mat 2, 5.?» 43Ta tina emina, emumu e bato esakabana ta tina e Yesu. 44Bato bamɔti ta tei e bobo bapalaka bamopee, endelo pɛpɛ nongo moto omɔti obakea ebɔ diko dinde.
Bopokotoi bo bakondji ba Bayudha
45Basindjili ba tepelo basɔmbɔ ta dii banganga ba Ndjakomba banɛnɛnɛnɛ ko na Bapalisai babawadja bo: «Tina ndani ohulitini na Yesu?» 46Basindjili basɔmbedja bo: «Ngasa moto tabale ondingo iyo!» – 47Bapalisai babawadja naikina bo: «Ino bɛnɛ osakinini baokoseeni, pongono? 48Edii na moto omɔti ta tei e bakondji kaoko omɔti o Bapalisai omodhimea? 49Endelo bato bamina baidjebaka mobeko mo Mose, badii bato ba mondingɔ!» 50Endelo Nikodɛmɛ adaaka omɔti o bia badaaka ena: edii iyo moto okɛɛ aindja Yesu boso#7, 50 Boindja 3, 1-2. mɛnɛ. Abala na bu ibo: 51«Bobwana na mobeko mo biso, lobwani botitedja moto na ikambo ta ndelo edii iso pɛpɛ bomohokamedja kona pɛ bodjeba modjɔ mokɔi iyo#7, 51 Boɛngɛ Dit 1, 16.?» 52Bamosɔmbedja bo: «Edii wɛ pongono moto o Galileya? Kundodjana Makomi ko oɛnɛdea bo pɛpɛ nongo motɛli omɔti odonga ta Galileya#7, 52 Boɛngɛ 1, 46; 7, 41..»
Yesu ko na mwali o bɔɔli
[ 53Ngɔngɔ djimina, moto na moto ayana ta ndako ende#7, 53 Ikomi di 7, 53-8, 11 idiiti ta mikanda miyou ko ta makomi ma minɔkɔ mi latɛ, siliake na minɔkɔ mikina. Mikanda mikina bakaikome ngungusa, na bonɔ ta suka e buku e Yoane. .
നിലവിൽ തിരഞ്ഞെടുത്തിരിക്കുന്നു:
YOANE 7: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
