YOANE 20
20
Bosisoa bo Yesu ta bogwa
(Boindja pongono a Mat 28, 1-8; Mal 16, 1-8; Luk 24, 1-12)
1Ta isu di boso di eyenga na ihindihindi, Malia o ngando e Magadala akɛɛ ta ikila. Aɛnɛ ibanga didongi ta monɔkɔ mo ikila. 2Iboa apota ebango, akɛɛ ta dii Simona Petelo ko na motingami iyona okina, iyona opalaka Yesu, ko abala na bu ibo: «Badongedji Kumu ta ikila di nde, ko lotadjebakadea esika esamoisa ibo.» 3Petelo na motingami iyona okina baimana ko bakɛɛ ta ikila. 4Ibo basusu babae bapotaka ebango; endelo motingami iyona okina anɔɔ Petelo na ebango ko aimea ta ikila boso. 5Asumana bɛngi aindje ko aɛnɛ bipasa bi bisendja bisambi ta kpɔtɔ, endelo aikwea ta otei. 6Simona Petelo iyona omokimanaka, aimea ende engbanga ko aso akwea ta tei e ikila. Aɛnɛ bipasa bi bisendja bisambi ta kpɔtɔ 7ko na epasa e esendja pongono edingaka ibo ta molo mo Yesu; epasa emina e esendja iidaka esika emɔti na bipasa bi bisendja ibia bikina, endelo edingamaka dɔɔngɔ dikina. 8Iboa motingami okina, iyona oimeaka boso ta ikila, akwea pongono. Aɛnɛ ko aso adhima. 9Iyana boa, mbunoko ta ehole iyena batingami baipaka sipoa Ikomi dii dibala bo Yesu atungi bosisoa ta ndanda e bato bago#20, 9 Boindja Ndjem 16, 10.. 10Ngɔngɔ djimina, batingami ibia babae baso basɔmbɔ ta dii ibo.
Yesu asainedji na Malia o Magadala
(Boindja pongono a Mat 28, 9-10; Mal 16, 9-11)
11Malia aemaka ta sokolu mbuti na ikila ko ayeaka bio. Ehole eyeaka iyo, asumana bɛngi aindje ta ikila; 12aso aɛnɛ babwɛndi babae balwali bisendja bipu badii ta esika esamaka ebembe e Yesu boso, omɔti ta pamba e molo, okina ta pamba e mako. 13Bandjelu bamowadja bo: «Eyeakadea wɛ nde?» Abasɔmbedja bo: «Badongedji Kumu o mbi, ko natadjebakadea esika emoisi bo.» 14Asamayo bala iboa, asahombedja ko aɛnɛ Yesu aɛmaka ena, endelo aidjebaka bo edii Yesu. 15Yesu amowadja bo: «Eyeakadea wɛ nde? Ohombakadea wɛ nda?» Alɛnɛkɛ bo iyo adii moswa gbie, na tina emina abala na nde bo: «Ekadaa wɛ moto omodongedji, tɔndeani esika emoisi wɛ, ko nakɛdea amotomba.» 16Yesu abala na nde bo: «Malia!» Asahombedja dɔɔngɔ dinde ko abala na monɔkɔ mo Baebele bo: «Labuni!» Etingodjakadea bo: «Molehi». 17Yesu abala na nde bo: «Pɛpɛ bobandani, modjɔ mo naiweakini ta dii Sesa. Endelo kɛɛ abale na bangi mbi bo, naiweadea ta dii Sesa odii pongono Sangwanu, ta dii Ndjakomba o mbi odii pongono Ndjakomba o bino.» 18Iboa, Malia o ngando e Magadala akɛɛ adii batingami ko abatɔndea bo: «Mbi naɛni Kumu.» Ko abatubana midjɔ mimobaleaka iyo.
Yesu aimanei batingami ba nde
(Boindja pongono a Mat 28, 16-20; Mal 16, 14-18; Luk 24, 36-49)
19Okota mɔkɔmɔkɔ mo busa bomina bodaaka bo boso bo eyenga, batingami baputoanaka ta ndako emɔti iboa. Badipaka ekuke na pongola, modjɔ mo babangaka bakondji ba Bayudha. Yesu adoa ko aema ta ndanda e bobo, abala na bu bo: «Bogo bodae na nu!» 20Ama yo bala iboa, abainedja mɔmɔ mande na pandje dji nde#20, 20 Edii tina e bihuli bi bobakama ta ekulusu ko na boindea ikɔngɔ (boindja 19, 34).. Batingami baluma na sepi iyana aɛnɛɛ bo Kumu. 21Yesu abala na bu na ikina bo: «bogo bodae na nu! Oko mondumba molomani Sesa, mbi pongono naolomakadeani.» 22Ngɔngɔ dji mɛko mimina, abahueya mohuli ko abala bo: «Asɔɔni Mwembo Mosɛnɔke! 23Bato ibia bayɛɛbi ino pekato dji bobo badiabi ekutubanedji e pekato; ta dii ibia balonabi ino bobayɛɛ batadiabi ekutubanedji e pekato#20, 23 Boɛngɛ Mat 16, 19; 18, 18..»
Yesu na Toma
24Enakoboa, Toma, omɔti ta tei batingami doomi na babae, obeamaka na kombe e Ipasa aidaka na bu engbanga ta ehole edoa Yesu. 25Batingami ibi bakina babala na nde bo: «Iso loɛni Kumu!» Endelo Toma abasɔmbedja ibo: «Mbi namiti ɛnɛ bihuli bi sɛtɛ ta mɔmɔ mande, ko namiti isa mosapi mombi ta ipese di sɛtɛ, ko mɔmɔ ma mbi ta mopandje mo nde, nitadhimadea#20, 25 Boindja 20, 20 ko na nase..» 26Ngɔngɔ dji masu bomwambe, batingami ba Yesu baputoana naikina ta ndako, ko Toma adaaka engbanga na bu. Bikuke bidipamaka na pongola, endelo Yesu adoa ko aema ta ndanda e bobo, abala bo: «Bogo bodae na nu.» 27Iboa abala na Toma bo: «Isa mosapi mo wɛ iya ko indja mɔmɔ ma mbi; linda ebɔ ewɛ ko isa ta mopandje mo mbi. Kina boboma kitɛ ko dhima!» 28Toma amosɔmbedja bo: «Kumu o mbi ko Ndjakomba o mbi!» 29Yesu abala na nde bo: «Wɛ odhimi tina e bo oɛnini na miso? Mongandi ta dii bato ibia bakadhime na pɛpɛ nongo boɛnɛ na miso#20, 29 Boɛngɛ 1Pi 1, 8.!»
Tina e buku iye
30Yesu akɔɔ bimbete bikina binɛnɛ bi bokamodja ta boso bo batingami bande, bidii pɛpɛ boda ta mokanda imu. 31Endelo imi misusu mikomami iya bɛngi odhimeni bo Yesu adii Masiya, Mwana o Ndjakomba. Ko na ndjea e edhimeli emina, odiabini bomɔ na kombe e nde.
നിലവിൽ തിരഞ്ഞെടുത്തിരിക്കുന്നു:
YOANE 20: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
YOANE 20
20
Bosisoa bo Yesu ta bogwa
(Boindja pongono a Mat 28, 1-8; Mal 16, 1-8; Luk 24, 1-12)
1Ta isu di boso di eyenga na ihindihindi, Malia o ngando e Magadala akɛɛ ta ikila. Aɛnɛ ibanga didongi ta monɔkɔ mo ikila. 2Iboa apota ebango, akɛɛ ta dii Simona Petelo ko na motingami iyona okina, iyona opalaka Yesu, ko abala na bu ibo: «Badongedji Kumu ta ikila di nde, ko lotadjebakadea esika esamoisa ibo.» 3Petelo na motingami iyona okina baimana ko bakɛɛ ta ikila. 4Ibo basusu babae bapotaka ebango; endelo motingami iyona okina anɔɔ Petelo na ebango ko aimea ta ikila boso. 5Asumana bɛngi aindje ko aɛnɛ bipasa bi bisendja bisambi ta kpɔtɔ, endelo aikwea ta otei. 6Simona Petelo iyona omokimanaka, aimea ende engbanga ko aso akwea ta tei e ikila. Aɛnɛ bipasa bi bisendja bisambi ta kpɔtɔ 7ko na epasa e esendja pongono edingaka ibo ta molo mo Yesu; epasa emina e esendja iidaka esika emɔti na bipasa bi bisendja ibia bikina, endelo edingamaka dɔɔngɔ dikina. 8Iboa motingami okina, iyona oimeaka boso ta ikila, akwea pongono. Aɛnɛ ko aso adhima. 9Iyana boa, mbunoko ta ehole iyena batingami baipaka sipoa Ikomi dii dibala bo Yesu atungi bosisoa ta ndanda e bato bago#20, 9 Boindja Ndjem 16, 10.. 10Ngɔngɔ djimina, batingami ibia babae baso basɔmbɔ ta dii ibo.
Yesu asainedji na Malia o Magadala
(Boindja pongono a Mat 28, 9-10; Mal 16, 9-11)
11Malia aemaka ta sokolu mbuti na ikila ko ayeaka bio. Ehole eyeaka iyo, asumana bɛngi aindje ta ikila; 12aso aɛnɛ babwɛndi babae balwali bisendja bipu badii ta esika esamaka ebembe e Yesu boso, omɔti ta pamba e molo, okina ta pamba e mako. 13Bandjelu bamowadja bo: «Eyeakadea wɛ nde?» Abasɔmbedja bo: «Badongedji Kumu o mbi, ko natadjebakadea esika emoisi bo.» 14Asamayo bala iboa, asahombedja ko aɛnɛ Yesu aɛmaka ena, endelo aidjebaka bo edii Yesu. 15Yesu amowadja bo: «Eyeakadea wɛ nde? Ohombakadea wɛ nda?» Alɛnɛkɛ bo iyo adii moswa gbie, na tina emina abala na nde bo: «Ekadaa wɛ moto omodongedji, tɔndeani esika emoisi wɛ, ko nakɛdea amotomba.» 16Yesu abala na nde bo: «Malia!» Asahombedja dɔɔngɔ dinde ko abala na monɔkɔ mo Baebele bo: «Labuni!» Etingodjakadea bo: «Molehi». 17Yesu abala na nde bo: «Pɛpɛ bobandani, modjɔ mo naiweakini ta dii Sesa. Endelo kɛɛ abale na bangi mbi bo, naiweadea ta dii Sesa odii pongono Sangwanu, ta dii Ndjakomba o mbi odii pongono Ndjakomba o bino.» 18Iboa, Malia o ngando e Magadala akɛɛ adii batingami ko abatɔndea bo: «Mbi naɛni Kumu.» Ko abatubana midjɔ mimobaleaka iyo.
Yesu aimanei batingami ba nde
(Boindja pongono a Mat 28, 16-20; Mal 16, 14-18; Luk 24, 36-49)
19Okota mɔkɔmɔkɔ mo busa bomina bodaaka bo boso bo eyenga, batingami baputoanaka ta ndako emɔti iboa. Badipaka ekuke na pongola, modjɔ mo babangaka bakondji ba Bayudha. Yesu adoa ko aema ta ndanda e bobo, abala na bu bo: «Bogo bodae na nu!» 20Ama yo bala iboa, abainedja mɔmɔ mande na pandje dji nde#20, 20 Edii tina e bihuli bi bobakama ta ekulusu ko na boindea ikɔngɔ (boindja 19, 34).. Batingami baluma na sepi iyana aɛnɛɛ bo Kumu. 21Yesu abala na bu na ikina bo: «bogo bodae na nu! Oko mondumba molomani Sesa, mbi pongono naolomakadeani.» 22Ngɔngɔ dji mɛko mimina, abahueya mohuli ko abala bo: «Asɔɔni Mwembo Mosɛnɔke! 23Bato ibia bayɛɛbi ino pekato dji bobo badiabi ekutubanedji e pekato; ta dii ibia balonabi ino bobayɛɛ batadiabi ekutubanedji e pekato#20, 23 Boɛngɛ Mat 16, 19; 18, 18..»
Yesu na Toma
24Enakoboa, Toma, omɔti ta tei batingami doomi na babae, obeamaka na kombe e Ipasa aidaka na bu engbanga ta ehole edoa Yesu. 25Batingami ibi bakina babala na nde bo: «Iso loɛni Kumu!» Endelo Toma abasɔmbedja ibo: «Mbi namiti ɛnɛ bihuli bi sɛtɛ ta mɔmɔ mande, ko namiti isa mosapi mombi ta ipese di sɛtɛ, ko mɔmɔ ma mbi ta mopandje mo nde, nitadhimadea#20, 25 Boindja 20, 20 ko na nase..» 26Ngɔngɔ dji masu bomwambe, batingami ba Yesu baputoana naikina ta ndako, ko Toma adaaka engbanga na bu. Bikuke bidipamaka na pongola, endelo Yesu adoa ko aema ta ndanda e bobo, abala bo: «Bogo bodae na nu.» 27Iboa abala na Toma bo: «Isa mosapi mo wɛ iya ko indja mɔmɔ ma mbi; linda ebɔ ewɛ ko isa ta mopandje mo mbi. Kina boboma kitɛ ko dhima!» 28Toma amosɔmbedja bo: «Kumu o mbi ko Ndjakomba o mbi!» 29Yesu abala na nde bo: «Wɛ odhimi tina e bo oɛnini na miso? Mongandi ta dii bato ibia bakadhime na pɛpɛ nongo boɛnɛ na miso#20, 29 Boɛngɛ 1Pi 1, 8.!»
Tina e buku iye
30Yesu akɔɔ bimbete bikina binɛnɛ bi bokamodja ta boso bo batingami bande, bidii pɛpɛ boda ta mokanda imu. 31Endelo imi misusu mikomami iya bɛngi odhimeni bo Yesu adii Masiya, Mwana o Ndjakomba. Ko na ndjea e edhimeli emina, odiabini bomɔ na kombe e nde.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)