YOANE 18
18
Bapei Yesu
(Boindja pongono a Mat 26, 47-56; Mal 14, 43-50; Luk 22, 47-53)
1Ngɔngɔ dji boangɔnɔ iboa, Yesu akɛɛ na batingami bande ta ngunda ediba ekabee bo Cedoloni#18, 1 Boindja Mal 11, 1 ko na nase.. Edaka na gbie emɔti ena ekwea iyo na batingami bande. 2Yudhasi, moto iyona omotɛkɛkɛ, adjebaka pongono esika emina, modjɔ mo Yesu na batingami bande badoaka engbanga ta esika emina mandɛli mandɛli. 3Iboa Yudhasi akɛɛ ta gbie, engbanga emɔti na basoda ko na sindjili baloma banganga ba Ndjakomba banɛnɛnɛnɛ ko na iputo di Bapalisai; bapeaka milodji, milinda ko na mindoki. 4Yesu adjebaka midjɔ misusu imi mimotaneadea asalinda mbuti na bu ko abawadja bo: «Ohombakadeano nda?» 5Ibo bamosɔmbedja bo: «Yesu o Nadjalɛtɛ.» Yesu abala na bu bo: «Edii mbi.» Ko Yudhasi moto iyona otɛkɛ Yesu ta dii ibo, aemaka pongono ena engbanga emɔti na bu. 6Ehole ebala Yesu na bu bo: «Edii mbi», basɔmbɔ ngɔngɔ ko bakwa ta kpɔtɔ. 7Yesu abawadja naikina bo: «Ohombakadea ino nda?» Basɔmbedja bo: «Yesu o Nadjalɛtɛ.» 8Yesu abasɔmbedja bo: «Naotɔndeini ehele bo, edii mbi. ekada bo ohombakadeani mbi kinani bato bakina bakɛe.» 9Abala iboa bɛngi akokedje mobalo mobala iyo bo: «Nabungedjiti nongo omɔti o bato bapani wɛ#18, 9 Boindja 6, 39; 17, 12..» 10Simona Petelo adaaka na mɔmbi; iboa amoiwa, ko akwɛlɛ mosali o nganga o ndjakomba o monɛnɛ ko aso amolena itoi di ebɔ e baami. Mosali omina kombe e nde Malikusi. 11Endelo Yesu abala na Petelo bo: «Sɔmbedja mɔmbi ta igbogbo di mu. Wɛ olɛnɛkɛdea bo mbi nitamwakadea kɔbɔ e saya eepani Sesa#18, 11 Boɛngɛ Mat 26, 39; Mal 14, 36; Luk 22, 42.?»
Bakɛi na Yesu boso bo Ane
12Molɔlɔ mo basoda na mokondji o bobo ko na basindjili ba bakondji ba Bayudha bapea Yesu ko bamonanga mbɔti.
13Bakɛɛ na nde boso mɛnɛ ta dii Ane#18, 13 Ane: boindja Luk 3, 2 ko na nase.. Ane adaaka bokio bo Kaipa iyoo odaaka nganga o Ndjakomba o monɛnɛ ta yanga iyena. 14Enakoboa edii Kaipa moto opa ilako ta dii bakondji ba Bayudha bo: «Edii bopele bo moto omɔti agwɛ tina e bato#18, 14 Boindja 11, 49-50..»
Petelo aingani bo aditi motingami o Yesu
(Boindja pongono a Mat 26, 69-70; Mal 14, 66-68; Luk 22, 55-57)
15Simona Petelo na okina motingami bakimanaka Yesu. Motingami iyona okina adjebanaka na nganga o Ndjakomba o monɛnɛ, na tina emina akwea na Yesu engbanga ta tei e opango bo nganga o Ndjakomba o monɛnɛ. 16Endelo Petelo adikaka sokolu, mbuti na monɔkɔ mo ndako. Iboa motingami iyona okina, o djebanaka na nganga o Ndjakomba o monɛnɛ, aimana ko abala na mwali iyona o baneaka modipe mo ndako, ko aso akwedja Petelo. 17Mosali mwali iyona o baneaka modipe mo ndako abala na Petelo bo: «Wɛ odiiti pongono omɔti o batingami ba moto omina?» Petelo asɔmbedja bo: «Ngasa te mbi.» 18Piɔ a ekɔɔ; na tina emina basali na basindjili balanedjaka mosa, badaaka bahiki mosa ko bamooka. Petelo pongono adaaka ta tei e bobo aoka mosa.
Nganga o Ndjakomba o monɛnɛ awadji Yesu
(Boindja pongono a Mat 26, 59-66; Mal 14, 55-64; Luk 22, 66-71)
19Iboa nganga o Ndjakomba o monɛnɛ awadja Yesu ta tina e batingami ba nde ko ta tina e bileho bipaka iyo. 20Yesu amosɔmbedja bo: «Mbi nadaakabi nabala ta miso ma bato basusu; ko nalehaka ta ndako dji miɔngɔnɔ dji Bayudha ko na ta tepelo, ta esika ekaputoine Bayudha basusu; naibalakabi na mbombi. 21Tina ewadjakadeani na wɛ nda? Wadja bato ibibi baokabi midjɔ mibalakaki mbi na bu: badjebakadea bopele mɛnɛ eka ndani ebalakabi mbi na bu.» 22Ehole emabala Yesu iboa, sindjli omɔti yona odaaka ena aboma Yesu epapata abala bo: «Osɔmbedjakadea nganga o Ndjakomba o monɛnɛ iboa?» 23Yesu amosɔmbedja bo: «Nakabala eka emɔti ebe, inedja bobe bomina; endelo ekadaa eka esabala mbi edii sooti, tina esabomani na wɛ nda?» 24Iboa Ana aloma Yesu oko atingi na mbɔti ta dii Kaipa, nganga o Ndjakomba o monɛnɛ.
Petelo ainganei naikina Yesu
(Boindja pongono a Mat 26, 71-75; Mal 14, 69-72; Luk 22, 58-62)
25Ta ehole emina iyena, Simona Petelo adaaka ena aoka mosa. Bamowadja bo: «Wɛ odiiti pongono omɔti o batingami ba moto oyo?» Endelo Petelo aingana ko abala bo: «Ngasa, nadiiti motingami o nde.» 26Omɔti o basali ba nganga o Ndjakomba o monɛnɛ, odaaka bwela bo moto iyona olenaka Petelo itoi, abala na nde bo: «Mbi naonɛkiti wɛ na nde ta gbie?» 27Endelo Petelo amoinganea naikina.Ko oko ta ehole emina yena kɔkɔ moomi abekoa.
Yesu boso bo Pilato
(Boindja pongono a Mat 27, 1-2.11-14; Mal 15, 1-5; Luk 23, 1-5)
28Ngɔngɔ djimina edaka ehuma mɛnɛ batomba Yesu ta dii Kaipa ko bakɛɛ na nde ta ndako e gupɛlɛnɛlɛ odaaka moto o Loma. Endelo bato ibia bakɛɛ na nde baikwea ta ndako basakaimea na pita ko basakadaa pɛ boyaka mia ma Pasika. 29Ta tina emina gupɛlɛnɛlɛ Pilato adoa abatanea sokolu. Abawadja bo: «Tina epundakadea na nu moto iyo nda?» 30Bamosɔmbedja bo: «Aso adaa pɛpɛ bodaa moto mobe, lobwanakiti bodoa na nde aokabea.» 31Pilato abala na bu bo: «Motombani ino bɛnɛ ko mosambedjani bobwana na mibeko mi bino.» Bayudha bamosɔmbedja bo: «Iso lodiiti na bokondji bo boowa moto.»
32Iyena edii mondumba mo bokokedja bo kɔpi ebala Yesu ta tina e yogo egwadea iyo#18, 32 Boindja 3, 14; 12, 32 ko na nase.. 33Iboa Pilato akwea na ikina ta ndako e gupɛlɛnɛlɛ; Abea Yesu ko amowadja bo: «Wɛ odii mokondji o Bayudha?» 34Yesu amosɔmbedja bo: «Obali boa modjɔ mo olɛdji wɛ mɛnɛ kaoko bato bakina baotɔndei iboa tina e mbi?» 35Pilato amosɔmbedja bo: «Edii mbi ko Moyudha? Bato ba ekomi e wɛ mɛnɛ ko na banganga ba Ndjakomba banɛnɛnɛnɛ baokabi iya ta dii mbi; ekɔi wɛ mɛnɛ nde?» 36Yesu amosɔmbedja bo: «Bokumu bo mbi boditi bo ngodo iye; bokumu bo mbi boso bodaa bo ngondo iye, ka basali ba mbi baani tina e bosia bo badae pɛpɛ bokabani ta mɔmɔ ma bakondji ba Bayudha. Endelo, bokumu bo mbi bodiiti bo iya nase.» 37Iboa Pilato abala nande bo: «Odii mɛnɛ mokondji?» Yesu asɔmbedja bo: «Wɛ moto osabala bo nadii mokondji. Nabotama ko nadoa ta ngondo tina e bopa tati tina e bosooti. Moto obwani bodaa ta bosooti adii booka mɛko imi mibalakedea mbi.» 38Pilato amowadja bo: «Bosooti eka nda?»
Yesu atitedjami ta yogo
(Boindja pongono a Mat 27, 15-31; Mal 15, 6-20; Luk 23, 13-25)
Ngɔngɔ dji meko mimina Pilato akɛɛ atanea naikina Bayudha o sokolu. Abala na bu bo: «Nataɛnɛkɛdea modjɔ mobwani na su botitedja moto iyo ta yogo. 39Endelo bobwana na momɛsɛno mo bino nakaoimanedjeeni aengi ndelo moto o bɔlɔkɔ omɔti ta tɛkɛ e Pasika. Opalakadeani bo naoimanedjeni mokondji o Bayudha?» 40Ibo bamosɔmbedja ko bagama bo: «Ngasa, te iyo! Opalakadea iso Balabasi!» Enakoboa, Balabasi adaaka motɔmbɔki#18, 40 Boɛngɛ Bik 3, 14..
നിലവിൽ തിരഞ്ഞെടുത്തിരിക്കുന്നു:
YOANE 18: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
