BIKƆMELI BI BA PƆSOLU 18

Polo ta Kolito

1Ngɔngɔ djimina, Polo akɛɛ ta Atɛne ta Kolito#18, 1 Edaka ngando enɛnɛ edikamaka mokondji o Polovɛse e Akai. Ngando enɛnɛ emina edaka na bato banɛnɛ, edjebana na misala miyu mibe.. 2Iho asongana na Moyuda omɔti na kombe e Akilasi, abotama ta Pɔti: ahulaka ta Itali na mwali o nde Pilisile modjɔ mo mokondji Kolode#18, 2 Pɔɔ edaka polovɛse emɔt e pamba e sadiko ta Adjia o Mokɛkɛ, ta mokula mo dua enɛnɛ ehindo. Kolode: boindja ta 11:28 ko na nase. Bokondji bo nde bobengana Bayudha ba Loma ta yanga e 49.50. apaka mitindo Bayudha basusu baimane ta Loma. Aputoana na bu, 3ko abo adaaka akɔɔ oko mosala momɔti na bu adikamaka ta dii ibo ko asalaka; mosala mo bobo modaaka mo bokɔɔ bikpangba. 4Engi busa bo sabata, Polo alehaka ta ndako e miɔngɔnɔ ko ahombaka mwɛngi mo botuba Bayudha na Bagɛlɛki ta edhimeli. 5Ehole ehula Silasi na Timote ta Masedoane#18, 5 Boindja ta 17:15., Polo asapa na bosusu ta boleha mobalo; adhimedjaka ta dii Bayudha bo Yesu adii Masiya. 6Endelo iyana alona Bayudha mibalo mi nde ko na bomosinga; abhubhola bisendja bi nde#18, 6 Boɛngɛ ta Malako 6:11 ko na nase. ko abala na bu bo: «Kina bo makiya mabino madae ta molo mo bino bɛnɛ, eindjiti mbi. Edɛdiyeye nakɛkɛdea ta dii ibia badii pɛpɛ bodaa Bayudha.» 7Adonga ena ko akɛɛ ta dii moto omɔti na kombe e Titiusi Yusitusi okumeaka Ndjakomba ko ndako e nde edaka mbuti na ndako e miɔngɔnɔ e Bayudha. 8Kilisipusi, mobanei o ndako e miɔngɔnɔ, adhimea Kumu, na ibota di nde disusu#18, 8 Boɛngɛ 16:15, 33.. Bato banɛnɛ ba Kolito bahokamedjaka Polo, badhima pongono ko batomba batisimo. 9Bulu bomɔti, Kumu abala na Polo na ndjɛnɛ bo: «Pɛpɛ bobanga oko, endelo bala pɛpɛ bopɔpɔnɔ oko, 10modjɔ mo mbi na dii na wɛ. Pɛpɛ nongo moto omɔti obakeadea ebɔ e nde diko di wɛ bɛngi aokɔe bobe, modjɔ mo banɛnɛ iya ta ngando iye enɛnɛ badii ba mbi.» 11Akɔɔ yanga emɔti na ekenge ta Kolito; abalehaka mobalo mo Ndjakomba. 12Ehole edaka Galiɔni, gupɛlɛnɛlɛ o Akayi#18, 12 Mikanda mi ehole iyena mikakamoe bodjebedja bianga bi 51-52 kaoko 52-53 mosala imua mo Galiɔ ta Kolito., Bayudha baokana bɛngi bakɔe Polo bobe ko baso bakɛɛ na nde ta sambi 13ko bamopunda bo: «Moto iyo apalakadea apangoe bato bakumee Ndjakomba na mondumba modii ngalingondo e mobeko.» 14Polo ahomba abale, endelo Galiɔni asɔmbedja Bayudha bo: «Ekadaa bo moto iyo akɔiki modjɔ mobe kaoko modjɔ momɔti monɔi monɛnɛ, nabwani naohokamedjeni ino Bayudha. 15Endelo abo edii wɛtoko kitɛ ta tina e bileho, kombe ko na mobeko mo bino, imua moindji ino. Mbi naloni bodaa djudji o mɛko mi mondumba imua!» 16Ko ababengana ta sambi. 17Iboa, ibo basusu bapea Sositɛni, mobanei o ndako e miɔngɔnɔ, ko babanga bomoboma boso bo sambi. Endelo Galiɔni aɛnɛ modjɔ momina ngasa.

Polo asɔmbi ta Atsiose

18Polo adikama masu manɛnɛ ta Kolito. Ngɔngɔ djimina akina denga ko akwea ta masuwa aso akɛɛ ta Sili na Pilisile ko na Akilasi. Ta Sakelesi ahaedja ebɛbɛlɛ, modjɔ mo masu ma ndikano#18, 18 Sakele: edii ibongu di sadiko di Kolito. ta ehole esusu e ndikano, badhimaka badae pɛpɛ bokatedja swee. Boindja ta Mits 6.5-18. epa iyo Ndjakomba makoka. 19Ehole eimea ibo ta Epeso, abakina ena. Akwea ta ndako e miɔngɔnɔ ko asolanaka na Bayudha. 20Bamowadja adikame ndambo e masu ena, endelo aidhima. 21Abakina ko abala bo: «Nasɔmbɔdea ta dii ino, Ndjakomba akapala.» Ko akɛɛ ta Epeso na masuwa. 22Ehole esɛmɛɛ ibo ta Sedjale, aiwea boso mɛnɛ ta Yelusalɛmɛ aisea bato ba Ekelesa, ngɔngɔ djimina akɛɛ ta Atiosi. 23Anɔdjɔ moo ehole, asɔmbɔ ko alekedja mbala emɔti ta ekenge e mokili mo Galatia ko na Pilidji#18, 23 Boindja ta 16:6 ko na nase., andindimedje bodhima bo batingami basusu.

Apolosi ta Epeso ko ta Kolito

24Enakoboa, Moyuda omɔti na kombe nde Apolosi, abotama ta Alɛkɛdjandɛlɛ, aimeaka ta Epeso. Adaka moto omɔti o bowɛi ko adjebaka Makomi na bobuke mɛnɛ. 25Aleamaka ta Ndjea#18, 25 Boindja 9:2 ko na nase. e Kumu, ko alumaka na ingbangba, atɔndɔkɔ ko elehaka bopele mɛnɛ midjɔ mindjaka Yesu. Endelo adjebaka oto batisimo ba Yoane. 26Abanga bobala na swueya ta ndako e miɔngɔnɔ. Ngɔngɔ dji bomohokamedja, Pilisile na Akilasi bamotomba ko bamoleha Ndjea#18, 26 Boindja 9:2 ko na nase. e Ndjakomba na mondumba monɔi na bopele. 27Ngɔngɔ Apolosi atombaka meko e bokɛɛ ta Akayi. Denga basepa na mbuno emina ko bakoma mokanda ta dii batingami bɛngi bamoasɔe bopele. Iyana aimea iyo iho, akɔmedja ibia baimea badhimi banɛnɛ na ngɔlu e Ndjakomba. 28Modjɔ mo na bowɛi bo nde bo kɔpi, ainedjaka ibunga di Bayudha ta miso ma bato: abainedjaka ta Makomi bo Yesu adii Masiya.

നിലവിൽ തിരഞ്ഞെടുത്തിരിക്കുന്നു:

BIKƆMELI BI BA PƆSOLU 18: ngc

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Miwera നെക്കുറിച്ച് കൂടുതലറിയുക