BIKƆMELI BI BA PƆSOLU 15
15
Ibolea di Yelusalɛmɛ
1 # 15, 1 Boindja Lew 12:3. Ndambo e bato badonga ta Yudhea badoa ta Atiosi ko ba babanga boleha denga bo: «Obwanitini bohelani bamiti olenani epole mondumba molomakadea mobeko mo Mose.» 2Polo na Balanabasi balona bileho bimina baisana kitɛ na bato bamina. Iyana apinga modjɔ momina, batomba meko bo Polo na Balanabasi na badhimi bakina ba Atiosi baiwee ta Yelusalɛmɛ ta dii bapɔsɔlu ko na basuku bɛngi babɔngedje modjɔ momina. 3Ekelesa ebakamoa na modjɔ mokambaka na bu tina e mɔɔngɔ momina. Bakatisa Penisi na Samalia, atubane mondumba mohombanaka na bato badii Pɛpɛ bodaa Bayudha ta dii Kumu: gala emina esepedjaka denga dinɛnɛ.
4Ehole eimea bo ta Yelusalɛmɛ, basɔɔmɔkɔ na Ekelesa, bapɔsɔlu ko na basuku, ko babatubana midjɔ misusu mikɔɔ Ndjakomba na ndjea e bobo. 5Endelo ndambo e bato ba iputo di Bapalisai, ibia baimeaka badhimi, baema ko babala bo: «Etungi bolena bato badii pɛpɛ bodaa Bayudha bipole ko bobaloma na ngulu basume mobeko mo Mose.»
6Bapɔsɔlu na basuku baputoana bɛngi baikoe modjɔ momina.
7Ngɔngɔ dji bobo boisana kitɛ enɛnɛ, Petelo aema ko abala bo: «Baningani, odjebakadeani donga ehele Ndjakomba ahɔɔni ta tei e bino bɛngi natɔndee Bwɛndi Bopele ta dii ibia badii pɛpɛ bodaa Bayudha baboke ko badhime. 8Ko Ndjakomba, iyo okadjebe milema mi bato, ainedja bo abaasɔkɔ na bobapa Mwembo Mosɛnɔke oko mondumba mopa iyo iso#15, 8 Molɔngɔ mo 7-8: boindja 10:44; 11:15.. 9Ediiti na etikoanelo ta tei e biso na bu: asɛnodja milema mi bobo modjɔ mo badhima. 10Edɛdiyeye mɛnɛ, tina emekakadea na nu Ndjakomba na bohomba bolwadja badhimi muna mo bo na bakɔkɔ ba biso na iso bɛnɛ loihɔnɔ bomolwa? 11Lodhimakadea bo loheli na ngɔlu e Kumu Yesu, mondumba momɔti na bu!» 12Iboa ibolea isusu iso dipɔpɔnɔ ko bahokamedja Balanabasi na Polo batubana bimbete na bingengo bibakɔmea Ndjakomba ta dii bato ibia badii pɛpɛ bodaa Bayudha. 13Ehole emadja bo bobala, Djake#15, 13 Boindja ta 12:17 ko na nase. atomba kɔpi ko aso abala bo: «Baningani hokamedjanini! 14Simona#15, 14 Simona: edii kombe Petelo e boso (boindja ta Mat 4:18). atubani mondumba mokwea Ndjakomba donga mbangi ta dii bato ibia badii pɛpɛ bodaa Bayudha bɛngi ahɔe ta tei e bikomi bato ba nde. 15Mibalo mi batɛli mibwani na modjɔ momina, modjɔ mo Makomi malakadea bo: 16“Kumu abala bo, ngɔngɔ djimina nasɔmbɔdea bɛngi natonge naikina ndako e Dhapiti iyena ekwaka, nangɔdjɔdea bikuka bi yu, ko naemedjadea. 17Iboa bato bakina basusu bahombadea Kumu, sooti, bikomi bisusu bibea mbi bɛngi bidae bi mbi. Indja Kumu atɔndeakadea bo, 18Iyona odjebedja ko okokedja modjɔ momina tomba ehele mɛnɛ#15, 18 Molɔngɔ mo 16 mbunoko 18: Ams 9:11-12, elangama ta mokanda mo moyou mo monɔkɔ mo gɛlɛki..” 19Na tina emina, naɛni bo lobwaniti bokɔ bobe ta dii bato ibi badii pɛpɛ bodaa Bayudha, ibibi basadhimea Ndjakomba. 20Endelo lobakomee bo: Pɛpɛ boyakani muni mo tito mo djɛti imu motumbei ibo ekeko mbeka, pɛpɛ bokɔɔ ndukeli, pɛpɛ boyaka tito oowoi ibo na pɛpɛ bomolena dɔli pɛpɛ bomoyakani ko pɛpɛ bomwakani makiya ma nde#15, 20 Boidja ta Boi 34:15-16; Lew 17:10-16. Ndukeli iyaya einedjakdea meki mi bali na baami misiamaka ta mobeko mo Bayudha, boindja ta Lew 18:6-2.. 21Modjɔ mo tomba ehole eyou, bato bakalehe mibeko mi Mose engi ngando enɛnɛ ko bakamilange ta ndako dji miɔngɔnɔ e Bayudha engi sabata.»
Mokanda molomama ta dii badhimi badii pɛpɛ bodaa Bayudha
22Iboa bapɔsɔlu na basuku ko na Ekelesa esusu batomba meko e bohɔɔ ndambo e bato ta tei e bobo ko babalome ta Atiosi na Polo ko na Balanabasi. Bahɔɔ Yudhasi obeaka ibo pongono Balasabasi, na Silasi bato babae badaaka na gala ta tei e denga. 23Babapa mokanda ta tei bakoma bo: «Denga didii pɛpɛ bodaa Bayudha, ko badikamakadea ta Atiosi, ta Sili ko na ta Silisi asɔni ndese edongi ta dii iso denga di bino bapɔsɔlu ko na basuku. 24Lookakabi ibo bato ibia badongaki ta dii iso baoyekeini ko babali na nu midjɔ mimina miotungei malɛno ma bino enakoboa iso lobalomakiti. 25Na tina emina, iso basusu lookanaki bohɔɔ bato ko lobalome ta dii ino. Badoadea engbanga emɔti na bangi i biso ba epaeli Balanabasi na Polo. 26Ibo baipabi yogo ta kombe e Kumu o biso Yesu Kilito. 27Loolomeini Yudhasi na Silasi ibo bɛnɛ baotɔndeadeani eka ekomi iso iya ta mokanda. 28Modjɔ mo iso na Mwembo Mosɛnɔke ko na iso bɛnɛ lotapalakadea boopani muna mokina oko midjɔ imimi tɛtɛ: 29pɛpɛ boyakani muni mo tito imua motumbei ibo bkeko mbeka; Pɛpɛ boyaka makiya na munu mi tito mopɔlu; pɛpɛ konkɔni ndukeli. Okamakinani mɛko imia okɔini bopele!» 30Bakina bato ibia bahɔɔ ibo ko baso bakɛɛ ta Atiosi. Iho baputoanedja badhimi ko babapa mokanda. 31Bamolanga ko ibo basusu basepa ko mokanda momina moso mobapingedja. 32Yudhasi na Silasi ibo bɛnɛ badaaka batɛli, basola na denga ehole eyai ko babapingedjaka ko bobambimbimedja ta edhimeli. 33Ngɔngɔ dji moo ehole mokɛkɛ, denga baso babakina basɔmbe na bogo ta dii bato ibia babalomaka. [34Endelo Silasi atomba meko e bodikama ena.] 35Polo na Balanabasi badika ta Atiosi. Na bato bakina banɛnɛ, balehaka ko batɔndeaka Bwɛndi Bopele bo Kumu.
Polo na Balanabasi babɔtɔi
36Ngɔngɔ i moo ehole mokɛkɛ, Polo abala na Balanabasi bo: «Losɔmbe aindje denga ta ngando djinɛnɛnɛnɛ djisusu dji tɔndea iso mobalo mo Kumu, bɛngi lopete ɛnɛ mondumba modalakadea ibo.» 37Balanabasi ahombaka atombe Yoane okabee ibo Malako 38Endelo Polo aso alona, modjɔ mo abakinaka ta Papili ko aidaka na bu engbanga emɔti ta mosala mo bobo#15, 38 Boindja ta 13:13.. 39Baanoana bobuke mɛnɛ ko baso babɔtɔɔ. Balanabasi atomba Malako bakwea ta masuwa bakɛɛ ta Sipele, 40Polo ahɔɔ Silasi ko akɛɛ, ko alomama na denga na ngɔlu e Kumu.
41Balekedja ta Sili ko na Silisi#15, 41 Silisi: edii ekenge e mokili mo ngando enɛnɛ e Talasi., ambimbimedje Bikelesa.
നിലവിൽ തിരഞ്ഞെടുത്തിരിക്കുന്നു:
BIKƆMELI BI BA PƆSOLU 15: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
BIKƆMELI BI BA PƆSOLU 15
15
Ibolea di Yelusalɛmɛ
1 # 15, 1 Boindja Lew 12:3. Ndambo e bato badonga ta Yudhea badoa ta Atiosi ko ba babanga boleha denga bo: «Obwanitini bohelani bamiti olenani epole mondumba molomakadea mobeko mo Mose.» 2Polo na Balanabasi balona bileho bimina baisana kitɛ na bato bamina. Iyana apinga modjɔ momina, batomba meko bo Polo na Balanabasi na badhimi bakina ba Atiosi baiwee ta Yelusalɛmɛ ta dii bapɔsɔlu ko na basuku bɛngi babɔngedje modjɔ momina. 3Ekelesa ebakamoa na modjɔ mokambaka na bu tina e mɔɔngɔ momina. Bakatisa Penisi na Samalia, atubane mondumba mohombanaka na bato badii Pɛpɛ bodaa Bayudha ta dii Kumu: gala emina esepedjaka denga dinɛnɛ.
4Ehole eimea bo ta Yelusalɛmɛ, basɔɔmɔkɔ na Ekelesa, bapɔsɔlu ko na basuku, ko babatubana midjɔ misusu mikɔɔ Ndjakomba na ndjea e bobo. 5Endelo ndambo e bato ba iputo di Bapalisai, ibia baimeaka badhimi, baema ko babala bo: «Etungi bolena bato badii pɛpɛ bodaa Bayudha bipole ko bobaloma na ngulu basume mobeko mo Mose.»
6Bapɔsɔlu na basuku baputoana bɛngi baikoe modjɔ momina.
7Ngɔngɔ dji bobo boisana kitɛ enɛnɛ, Petelo aema ko abala bo: «Baningani, odjebakadeani donga ehele Ndjakomba ahɔɔni ta tei e bino bɛngi natɔndee Bwɛndi Bopele ta dii ibia badii pɛpɛ bodaa Bayudha baboke ko badhime. 8Ko Ndjakomba, iyo okadjebe milema mi bato, ainedja bo abaasɔkɔ na bobapa Mwembo Mosɛnɔke oko mondumba mopa iyo iso#15, 8 Molɔngɔ mo 7-8: boindja 10:44; 11:15.. 9Ediiti na etikoanelo ta tei e biso na bu: asɛnodja milema mi bobo modjɔ mo badhima. 10Edɛdiyeye mɛnɛ, tina emekakadea na nu Ndjakomba na bohomba bolwadja badhimi muna mo bo na bakɔkɔ ba biso na iso bɛnɛ loihɔnɔ bomolwa? 11Lodhimakadea bo loheli na ngɔlu e Kumu Yesu, mondumba momɔti na bu!» 12Iboa ibolea isusu iso dipɔpɔnɔ ko bahokamedja Balanabasi na Polo batubana bimbete na bingengo bibakɔmea Ndjakomba ta dii bato ibia badii pɛpɛ bodaa Bayudha. 13Ehole emadja bo bobala, Djake#15, 13 Boindja ta 12:17 ko na nase. atomba kɔpi ko aso abala bo: «Baningani hokamedjanini! 14Simona#15, 14 Simona: edii kombe Petelo e boso (boindja ta Mat 4:18). atubani mondumba mokwea Ndjakomba donga mbangi ta dii bato ibia badii pɛpɛ bodaa Bayudha bɛngi ahɔe ta tei e bikomi bato ba nde. 15Mibalo mi batɛli mibwani na modjɔ momina, modjɔ mo Makomi malakadea bo: 16“Kumu abala bo, ngɔngɔ djimina nasɔmbɔdea bɛngi natonge naikina ndako e Dhapiti iyena ekwaka, nangɔdjɔdea bikuka bi yu, ko naemedjadea. 17Iboa bato bakina basusu bahombadea Kumu, sooti, bikomi bisusu bibea mbi bɛngi bidae bi mbi. Indja Kumu atɔndeakadea bo, 18Iyona odjebedja ko okokedja modjɔ momina tomba ehele mɛnɛ#15, 18 Molɔngɔ mo 16 mbunoko 18: Ams 9:11-12, elangama ta mokanda mo moyou mo monɔkɔ mo gɛlɛki..” 19Na tina emina, naɛni bo lobwaniti bokɔ bobe ta dii bato ibi badii pɛpɛ bodaa Bayudha, ibibi basadhimea Ndjakomba. 20Endelo lobakomee bo: Pɛpɛ boyakani muni mo tito mo djɛti imu motumbei ibo ekeko mbeka, pɛpɛ bokɔɔ ndukeli, pɛpɛ boyaka tito oowoi ibo na pɛpɛ bomolena dɔli pɛpɛ bomoyakani ko pɛpɛ bomwakani makiya ma nde#15, 20 Boidja ta Boi 34:15-16; Lew 17:10-16. Ndukeli iyaya einedjakdea meki mi bali na baami misiamaka ta mobeko mo Bayudha, boindja ta Lew 18:6-2.. 21Modjɔ mo tomba ehole eyou, bato bakalehe mibeko mi Mose engi ngando enɛnɛ ko bakamilange ta ndako dji miɔngɔnɔ e Bayudha engi sabata.»
Mokanda molomama ta dii badhimi badii pɛpɛ bodaa Bayudha
22Iboa bapɔsɔlu na basuku ko na Ekelesa esusu batomba meko e bohɔɔ ndambo e bato ta tei e bobo ko babalome ta Atiosi na Polo ko na Balanabasi. Bahɔɔ Yudhasi obeaka ibo pongono Balasabasi, na Silasi bato babae badaaka na gala ta tei e denga. 23Babapa mokanda ta tei bakoma bo: «Denga didii pɛpɛ bodaa Bayudha, ko badikamakadea ta Atiosi, ta Sili ko na ta Silisi asɔni ndese edongi ta dii iso denga di bino bapɔsɔlu ko na basuku. 24Lookakabi ibo bato ibia badongaki ta dii iso baoyekeini ko babali na nu midjɔ mimina miotungei malɛno ma bino enakoboa iso lobalomakiti. 25Na tina emina, iso basusu lookanaki bohɔɔ bato ko lobalome ta dii ino. Badoadea engbanga emɔti na bangi i biso ba epaeli Balanabasi na Polo. 26Ibo baipabi yogo ta kombe e Kumu o biso Yesu Kilito. 27Loolomeini Yudhasi na Silasi ibo bɛnɛ baotɔndeadeani eka ekomi iso iya ta mokanda. 28Modjɔ mo iso na Mwembo Mosɛnɔke ko na iso bɛnɛ lotapalakadea boopani muna mokina oko midjɔ imimi tɛtɛ: 29pɛpɛ boyakani muni mo tito imua motumbei ibo bkeko mbeka; Pɛpɛ boyaka makiya na munu mi tito mopɔlu; pɛpɛ konkɔni ndukeli. Okamakinani mɛko imia okɔini bopele!» 30Bakina bato ibia bahɔɔ ibo ko baso bakɛɛ ta Atiosi. Iho baputoanedja badhimi ko babapa mokanda. 31Bamolanga ko ibo basusu basepa ko mokanda momina moso mobapingedja. 32Yudhasi na Silasi ibo bɛnɛ badaaka batɛli, basola na denga ehole eyai ko babapingedjaka ko bobambimbimedja ta edhimeli. 33Ngɔngɔ dji moo ehole mokɛkɛ, denga baso babakina basɔmbe na bogo ta dii bato ibia babalomaka. [34Endelo Silasi atomba meko e bodikama ena.] 35Polo na Balanabasi badika ta Atiosi. Na bato bakina banɛnɛ, balehaka ko batɔndeaka Bwɛndi Bopele bo Kumu.
Polo na Balanabasi babɔtɔi
36Ngɔngɔ i moo ehole mokɛkɛ, Polo abala na Balanabasi bo: «Losɔmbe aindje denga ta ngando djinɛnɛnɛnɛ djisusu dji tɔndea iso mobalo mo Kumu, bɛngi lopete ɛnɛ mondumba modalakadea ibo.» 37Balanabasi ahombaka atombe Yoane okabee ibo Malako 38Endelo Polo aso alona, modjɔ mo abakinaka ta Papili ko aidaka na bu engbanga emɔti ta mosala mo bobo#15, 38 Boindja ta 13:13.. 39Baanoana bobuke mɛnɛ ko baso babɔtɔɔ. Balanabasi atomba Malako bakwea ta masuwa bakɛɛ ta Sipele, 40Polo ahɔɔ Silasi ko akɛɛ, ko alomama na denga na ngɔlu e Kumu.
41Balekedja ta Sili ko na Silisi#15, 41 Silisi: edii ekenge e mokili mo ngando enɛnɛ e Talasi., ambimbimedje Bikelesa.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)