Matié 7
7
Ne kimfí ne kitímbék
(Lúk 6.37-38,41-42)
1«Nutisóósósi pɔsɔ́k ɛ́ɛ́ pótinúsóósítí kákáánɔ́; 2á kiákí ɛ́ɛ́ nunamá nuónyísóósosié pɔsɔ́k núúnú pónyínúsóósosié kákáánɔ́, pufɛkín epú ɛfɛkinɛnɛ́ pɔsɔ́k na pɔ púúpú pɛ́nyíkufɛkinɛnɛ́ na púú kákááwɔ. 3Tiɛkíɛ́ ɛnyɛɛ́ kuyooson kimfí é niínsi ní waakúánɔ́? Kɔ́ɔkɔ ɛ́ɛ́ anyɛ ne kitímbék á níáwɔ niínsi, atipá ɛɛ́nɛn á? 4Kúnyaánɛ tiɛkiɛ́ ɛnyɛɛ́ ukuɔyitɛn waakúánɔ́ ɛ́ɛ́: Óló íŋuéŋi kimfí kikáánɛ́ é niínsi? Ɔ́ kɔɔ́mɔ ɛnyɛɛ́ ne kitímbék á níáwɔ niínsi! 5Píéŋí kitímbéké kááwɔ é niínsi, akáánɛ́ akaná kuɛ́nɛnɛ́ peseé é kuéŋi kimfí é niínsi ní andimán ááwɔ, mɔɔnd u nunɛ́m ewe.
Nutiekényí paán pí iŋunɛ́p mɛlɛŋ
6«Epú púnyɛɛ́ puuyúúnán ó pusíó pú Támbák, nutitúútɛ́n imbúa puɔ, á kiákí ɛ́ɛ́ sínyɛ pókunúóndin, símana anúsíka. Nutiombó mɛlɛŋ máánɔ́ kí iŋunɛ́p á kiákí ɛ́ɛ́ sínyɛ kuman amaatan mɔ́.
Kupísókoliti Taatɛ́ɛ
(Lúk 11.9-13)
7«Ɔ́nuɔŋɛn, páányínúfá; ánuambɛ́t, nuɛ́nyɛ́ɛ́n; ɔ́nutɔɔ́ndɛ́n péényínúfuunin. 8Ewú wɔɔŋɔnɛ́ áányípia, ewú waambanɛ́ ɛ́ɛ́nyɛ́ɛ́n, ewú utɔɔndɔnɛ́ péényífuunin wɔ́. 9Ɛ́nyɛ́ káánɔ́ kɔ́ ɔlɔŋ muɔ́nɔ́ wɛɛyɛ́ nyɛɛ́ pókuówun wɔ púkunyá weeki wɔ́ nitányí? 10Kúnyáanɛ́ɛ woówun wɔ́ yɔɔpɔ́ weeki wɔ́ ɔɔ́pí? 11Índɛ kɔk panɔ́ nunyɛɛ́ itɛ́m kilɔk, nuémenyen kueki piták pí maandá á paán páánɔ́, tiɛkíɛ́ Síí waanɔ́ unyɛɛ́ mɛnɛ́mɛnɛ́ɛ nyɛɛ́ pɛkuɛlɛ utiekí piták pí maandá é péépé pɔ́ɔ́ŋɔnɛ́ wɔ?
Ɛlɛ́ pɔsɔ́k aná aambanɛ́ ɛ́ɛ́ pɛ́kuɛlɛ
(Lúk 6.31)
12«Puandá epú nuambanɛ́ɛ ɛ́ɛ́ pɔsɔ́k pɛɛnduɛ núɛ́lɛn, panɔ́ kákáánɔ́ ɛ́nuɛlɛ́n pɔsɔ́k pɛɛnduɛ pɔ: índɛ́ anakáánɛ́ kikotí ne peémímekélíe má Támbák ɔ́ɔ́yɔɔnɛ́ɛ.
Insaŋ íyáandɛ́
(Lúk 13.23-24)
13«Énupíkín é nipíkínín niipɔ́ndíkɔ́nɔ́n. Á kiákí ɛ́ɛ́ nipíkínín niilalímát ni iŋilí inyɛɛ́ na maás ááyuukan é punyím, kɔ́ɔkɔ́ pɛɛnd kutek yuukanɛ́ɛ; 14Naánɛ́ kɔk ɛ́ɛ́ nipíkínín ní iŋilí nínyɛɛ́ nipɔ́ndíkɔ́nɔ́n ááyuukan nɛ pɛɛnd ɔ́ kusɔ́t, epé pɛ́ɛ́nɛnɛ́ yíi tipá kutek.
Nunamá nú putɛ́, nunamá nú pusamɔ́
(Mat 12.33; Lúk 6.43-44)
15«Ánupá ni iŋuɛ́l é peémímekélíe pá pisupɔ́; póókólon kuanɔ́ piyeéwe ɛlɛɛ́ paán pɛ́ pitúúmbɛ́ɛ, kɔ́ɔ́kɛɛ́ ɛ́ nɛkɛtɛ́ɛ wɔɔpɔ́ pányɛ imbuá sí ɛɛm. 16púnyɛ kɔ́ɔ́p é meelínyélínyé nuényímenyen pɔ́. Púnyɛ akɛɛ́ pɛ́ɛ́kɛ́sɛ puliɛ́mlíɛ́mɛ́ á nusána iŋún á, púnyáanɛɛ́ ɔŋɔ́tɔ kí ilum á? 17Akáánɛ kɔk, kinɔ́k kí putɛ́ óókoómo pinɔ́k pí masamɔ́, maná putɛ́ púnúmanɛ́ óókoómo pilɔk pí masamɔ́. 18Kinɔ́k kí putɛ́ tipá kíómo pilɔk pí masamɔ́, púnyáanɛ putɛ́ púnúmanɛ́ tipá pókuómo pinɔ́k pí masamɔ́. 19Putɛ́ puum pútiányípá púómo pinɔ́k pí masamɔ́, páásúmba púú póond pépiki pɔ. 20púnyɛ kɔ́ɔ́p é meelínyélínyé nuényímenyiné pɔ.
Popíónyí pí indɛ́ndɛ́nɛ
(Lúk 6.46; 13.27)
21«Pútipá peem epé pɔ́ɔ́yɔnɛ́ ɛ́ɛ́: Ɔkɔ́n, Ɔkɔ́n, péényípíkiné é Pufuŋ pú mɛnɛ́mɛnɛ́ɛ; maná epé pɛ́ɛlɛnɛ́ kilɔ́ɔ́ŋɛ́t kí Síí waamɛ unyɛɛ́ mɛnɛ́mɛnɛ́ɛ. 22Kutek puátakáánɛ́ puɔ́s pú ikata, ɔ́ɔ́nyɔ́ɔyɔ ɛ́ɛ́: Ɔkɔ́n, Ɔkɔ́n! pútipá kááwɔ ɛ́ kisiɛ́n tumaápá tuémenyi mekélíe mááwɔ á? Kááwɔ ɛ́ kisiɛ́n tumaápá tukúúŋa pilɔk pí piliínditíe á? kááwɔ ɛ́ kisiɛ́n tumɛɛ́lɛ́ pisey kutek á? 23Akáánɛ́ kɔk wɔɔ́nyɔ́ɔyitɛn pɔ́ ɛ́ɛ́: “Imapásá indinúmenyí, ánunyáŋímɛ́t kaáyɛ́ naamɛ panɔ́ nuɛlɛnɛ́ɛ kilɔk!”
Nuwáák á nitányí
(Lúk 6.47-49)
24«Índɛ kɔk mɔɔnd kitikit úmɔ́nyɔɔ́p tukál etue ímányíkála woond uwóónyi túú, unyi ɛlɛɛ́ mɔɔnd ewú unyɛɛ́ ni iŋuɛ́l umaáwááká kiansi kíɛ́yɛ́ á nitányí. 25Nupɔ́l núánuanan, kiluúlumbɔ́ kíépúmbule, emfúnu wééfúúke meem mɔ́ɔ́pílɔ́ɔ́lɛn kiansi kikáánɛ́ tɛ ɛ́ɛ́ kíkua, á kiákí ɛ́ɛ́ kímapá kifiŋán á nitányí. 26Mɔɔnd kitikit úmɔ́nyɔɔ́p tukál etue woond utiwóónyósí tɔ́ɔ unyɛ ɛlɛɛ́ mɔɔnd ukati tutátúɛ umaáwááká kiansi kíɛ́yɛ́ ɛ́ kisɛkɛ. 27Nupɔ́l núákua, kiluúlumbɔ kíépúmbule, emfúnu wééfúúke, meem mɔ́ɔ́pílɔ́lɛn kiansi kikáánɛ́, kíékulukut, punyím pú mɔɔnd ukáánɛ́ púápá kiandákáand.»
Numíánsina nú Yésus
(Mál 1.22; Lúk 4.32)
28Kisikɛl Yésus mɛɛ́lɛ́ umanan kuónyonyi, pɛɛnd péésímile iŋóŋítónyí síɛ́yɛ́; 29á kiákí ɛ́ɛ́ sítimapá ɛlɛɛ́ sí pemenyí pikotí. Kuónyonyi kúɛ́yɛ́ mapá kú mɔɔnd utiányípá upíówon á mɔɔnd.
നിലവിൽ തിരഞ്ഞെടുത്തിരിക്കുന്നു:
Matié 7: yav
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2026, CABTAL
Matié 7
7
Ne kimfí ne kitímbék
(Lúk 6.37-38,41-42)
1«Nutisóósósi pɔsɔ́k ɛ́ɛ́ pótinúsóósítí kákáánɔ́; 2á kiákí ɛ́ɛ́ nunamá nuónyísóósosié pɔsɔ́k núúnú pónyínúsóósosié kákáánɔ́, pufɛkín epú ɛfɛkinɛnɛ́ pɔsɔ́k na pɔ púúpú pɛ́nyíkufɛkinɛnɛ́ na púú kákááwɔ. 3Tiɛkíɛ́ ɛnyɛɛ́ kuyooson kimfí é niínsi ní waakúánɔ́? Kɔ́ɔkɔ ɛ́ɛ́ anyɛ ne kitímbék á níáwɔ niínsi, atipá ɛɛ́nɛn á? 4Kúnyaánɛ tiɛkiɛ́ ɛnyɛɛ́ ukuɔyitɛn waakúánɔ́ ɛ́ɛ́: Óló íŋuéŋi kimfí kikáánɛ́ é niínsi? Ɔ́ kɔɔ́mɔ ɛnyɛɛ́ ne kitímbék á níáwɔ niínsi! 5Píéŋí kitímbéké kááwɔ é niínsi, akáánɛ́ akaná kuɛ́nɛnɛ́ peseé é kuéŋi kimfí é niínsi ní andimán ááwɔ, mɔɔnd u nunɛ́m ewe.
Nutiekényí paán pí iŋunɛ́p mɛlɛŋ
6«Epú púnyɛɛ́ puuyúúnán ó pusíó pú Támbák, nutitúútɛ́n imbúa puɔ, á kiákí ɛ́ɛ́ sínyɛ pókunúóndin, símana anúsíka. Nutiombó mɛlɛŋ máánɔ́ kí iŋunɛ́p á kiákí ɛ́ɛ́ sínyɛ kuman amaatan mɔ́.
Kupísókoliti Taatɛ́ɛ
(Lúk 11.9-13)
7«Ɔ́nuɔŋɛn, páányínúfá; ánuambɛ́t, nuɛ́nyɛ́ɛ́n; ɔ́nutɔɔ́ndɛ́n péényínúfuunin. 8Ewú wɔɔŋɔnɛ́ áányípia, ewú waambanɛ́ ɛ́ɛ́nyɛ́ɛ́n, ewú utɔɔndɔnɛ́ péényífuunin wɔ́. 9Ɛ́nyɛ́ káánɔ́ kɔ́ ɔlɔŋ muɔ́nɔ́ wɛɛyɛ́ nyɛɛ́ pókuówun wɔ púkunyá weeki wɔ́ nitányí? 10Kúnyáanɛ́ɛ woówun wɔ́ yɔɔpɔ́ weeki wɔ́ ɔɔ́pí? 11Índɛ kɔk panɔ́ nunyɛɛ́ itɛ́m kilɔk, nuémenyen kueki piták pí maandá á paán páánɔ́, tiɛkíɛ́ Síí waanɔ́ unyɛɛ́ mɛnɛ́mɛnɛ́ɛ nyɛɛ́ pɛkuɛlɛ utiekí piták pí maandá é péépé pɔ́ɔ́ŋɔnɛ́ wɔ?
Ɛlɛ́ pɔsɔ́k aná aambanɛ́ ɛ́ɛ́ pɛ́kuɛlɛ
(Lúk 6.31)
12«Puandá epú nuambanɛ́ɛ ɛ́ɛ́ pɔsɔ́k pɛɛnduɛ núɛ́lɛn, panɔ́ kákáánɔ́ ɛ́nuɛlɛ́n pɔsɔ́k pɛɛnduɛ pɔ: índɛ́ anakáánɛ́ kikotí ne peémímekélíe má Támbák ɔ́ɔ́yɔɔnɛ́ɛ.
Insaŋ íyáandɛ́
(Lúk 13.23-24)
13«Énupíkín é nipíkínín niipɔ́ndíkɔ́nɔ́n. Á kiákí ɛ́ɛ́ nipíkínín niilalímát ni iŋilí inyɛɛ́ na maás ááyuukan é punyím, kɔ́ɔkɔ́ pɛɛnd kutek yuukanɛ́ɛ; 14Naánɛ́ kɔk ɛ́ɛ́ nipíkínín ní iŋilí nínyɛɛ́ nipɔ́ndíkɔ́nɔ́n ááyuukan nɛ pɛɛnd ɔ́ kusɔ́t, epé pɛ́ɛ́nɛnɛ́ yíi tipá kutek.
Nunamá nú putɛ́, nunamá nú pusamɔ́
(Mat 12.33; Lúk 6.43-44)
15«Ánupá ni iŋuɛ́l é peémímekélíe pá pisupɔ́; póókólon kuanɔ́ piyeéwe ɛlɛɛ́ paán pɛ́ pitúúmbɛ́ɛ, kɔ́ɔ́kɛɛ́ ɛ́ nɛkɛtɛ́ɛ wɔɔpɔ́ pányɛ imbuá sí ɛɛm. 16púnyɛ kɔ́ɔ́p é meelínyélínyé nuényímenyen pɔ́. Púnyɛ akɛɛ́ pɛ́ɛ́kɛ́sɛ puliɛ́mlíɛ́mɛ́ á nusána iŋún á, púnyáanɛɛ́ ɔŋɔ́tɔ kí ilum á? 17Akáánɛ kɔk, kinɔ́k kí putɛ́ óókoómo pinɔ́k pí masamɔ́, maná putɛ́ púnúmanɛ́ óókoómo pilɔk pí masamɔ́. 18Kinɔ́k kí putɛ́ tipá kíómo pilɔk pí masamɔ́, púnyáanɛ putɛ́ púnúmanɛ́ tipá pókuómo pinɔ́k pí masamɔ́. 19Putɛ́ puum pútiányípá púómo pinɔ́k pí masamɔ́, páásúmba púú póond pépiki pɔ. 20púnyɛ kɔ́ɔ́p é meelínyélínyé nuényímenyiné pɔ.
Popíónyí pí indɛ́ndɛ́nɛ
(Lúk 6.46; 13.27)
21«Pútipá peem epé pɔ́ɔ́yɔnɛ́ ɛ́ɛ́: Ɔkɔ́n, Ɔkɔ́n, péényípíkiné é Pufuŋ pú mɛnɛ́mɛnɛ́ɛ; maná epé pɛ́ɛlɛnɛ́ kilɔ́ɔ́ŋɛ́t kí Síí waamɛ unyɛɛ́ mɛnɛ́mɛnɛ́ɛ. 22Kutek puátakáánɛ́ puɔ́s pú ikata, ɔ́ɔ́nyɔ́ɔyɔ ɛ́ɛ́: Ɔkɔ́n, Ɔkɔ́n! pútipá kááwɔ ɛ́ kisiɛ́n tumaápá tuémenyi mekélíe mááwɔ á? Kááwɔ ɛ́ kisiɛ́n tumaápá tukúúŋa pilɔk pí piliínditíe á? kááwɔ ɛ́ kisiɛ́n tumɛɛ́lɛ́ pisey kutek á? 23Akáánɛ́ kɔk wɔɔ́nyɔ́ɔyitɛn pɔ́ ɛ́ɛ́: “Imapásá indinúmenyí, ánunyáŋímɛ́t kaáyɛ́ naamɛ panɔ́ nuɛlɛnɛ́ɛ kilɔk!”
Nuwáák á nitányí
(Lúk 6.47-49)
24«Índɛ kɔk mɔɔnd kitikit úmɔ́nyɔɔ́p tukál etue ímányíkála woond uwóónyi túú, unyi ɛlɛɛ́ mɔɔnd ewú unyɛɛ́ ni iŋuɛ́l umaáwááká kiansi kíɛ́yɛ́ á nitányí. 25Nupɔ́l núánuanan, kiluúlumbɔ́ kíépúmbule, emfúnu wééfúúke meem mɔ́ɔ́pílɔ́ɔ́lɛn kiansi kikáánɛ́ tɛ ɛ́ɛ́ kíkua, á kiákí ɛ́ɛ́ kímapá kifiŋán á nitányí. 26Mɔɔnd kitikit úmɔ́nyɔɔ́p tukál etue woond utiwóónyósí tɔ́ɔ unyɛ ɛlɛɛ́ mɔɔnd ukati tutátúɛ umaáwááká kiansi kíɛ́yɛ́ ɛ́ kisɛkɛ. 27Nupɔ́l núákua, kiluúlumbɔ kíépúmbule, emfúnu wééfúúke, meem mɔ́ɔ́pílɔ́lɛn kiansi kikáánɛ́, kíékulukut, punyím pú mɔɔnd ukáánɛ́ púápá kiandákáand.»
Numíánsina nú Yésus
(Mál 1.22; Lúk 4.32)
28Kisikɛl Yésus mɛɛ́lɛ́ umanan kuónyonyi, pɛɛnd péésímile iŋóŋítónyí síɛ́yɛ́; 29á kiákí ɛ́ɛ́ sítimapá ɛlɛɛ́ sí pemenyí pikotí. Kuónyonyi kúɛ́yɛ́ mapá kú mɔɔnd utiányípá upíówon á mɔɔnd.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2026, CABTAL