Matta 8
8
Yesu a baŋ hedi kwalkwala
(Markus 1:40-45; Luka 5:12-16)
1Əŋ Yesu a kəbəreŋgehe a wuzum, hedi iyi mbeh səku i kəziberʉ. 2Ehe, hedi kwalkwala aka, a kərəɗaha əŋ kelek ŋga, a dar malakw a ma ŋga, ɓa, a zlapaŋgu, a zla: «Bay Bayta, əŋgah hwa kəmba, hwa gula i baŋgaka.» 3Yesu a ɗef ndəra, a ges a kwalkwala ta, a zlapaŋgu, a zla: «Sa kəmba, hwa mbəl!» Mbehmbeh mba, hedi ta kəsəraɓ ŋga za əŋ kwalkwala ŋga ta. 4A namba Yesu a zlapaŋgu baha, a zla: «Sla wucum, hwa mba i giz ma ta kwa əŋ viyey səku səlak, ama nda i gizeŋ talaŋ təkwa əŋ hedi mə ɗal kukus əŋ Bizlaf, ɓa, hwa vəl məsəkəŋ əŋ Bizlaf mənaŋ ma majaw tə Musa mə zlap. Amba hedi iyi fuk i mə gərah hwa kəsəraɓ cuza.»
Yesu a mbəl hedi mə ɗal kəzəɗ tə səndawl tə sewje iyi
(Luka 7:1-10; Yahwana 4:43-54)
5Əŋ Yesu a kətəɗ əŋ Kafarnahum, lə Rawma, səndawl tə a talaŋ sewje iyi temere, a kərəɗaha əŋ kelek ŋga, ɓa, a rəku, 6a zlapaŋgu mənaŋ wa, a zla: «Bay Bayta, hedi na mə ɗal kəzəɗ, mə weŋgi a ge, məc mə huluɓ hedi mə məlu, a kəzləŋ takwaŋ mbeh səku.» 7Yesu a ziŋgeŋ zlap, a zla: «Sa nda za ley mbəlahaw.» 8Ama səndawl tə sewje iyi ta a ziŋgeŋ zlap, a zla: «Bay Bayta, sa kəhwas tiɗe hwa təɗaha əŋ ge na seh halla. Ama zlap ma ntaɗ dap, hedi mə ɗal kəzəɗ na, a mbəl za. 9Məŋgəvday sa wa, sa abə sewje səndawl tə a talaŋ na iyi aka, baha, sa bahayim, sa səndawl a talaŋ sewje məzəwindi iyi. Ama əŋgah sa zlapaŋ əŋ sewje ntaɗ: “Nda!” A nda. Əŋgah sa zlapaŋ əŋ sewje ntaɗ baha: “Ndaha!” A ndaha. Əŋgah sa zlapaŋ əŋ məva na: “Ɗal mənaŋ wa”, a ɗalu.»
10Əŋ Yesu mə zlim ma ŋga wa, kəhar za, ɓa, a zlapaŋta əŋ hedi mə ziberʉ iyi, a zla: «Sa kəzlapaheni məndiwiŋ, sa kəlim hedi abə kuw ma mənaŋ wa əŋ hayak tə Israyila iyi wa seh halla. 11Sa kəzlapaheni, hedi iyi mbeh səku i ndaha za kəɗi kəv tə pis mə təɗaha abə kəɗi kəv tə pis mə ndəv, i nda i nja ley zəm məsəkəŋ abə Ibrahima, abə Isiyaku, abə Yakubu əŋ Bay tə wuzlaf. 12Ama hedi mamay ley təɗ əŋ Bay tə Bizlaf iyi seh, i nda i kapahata a palah əŋ ləvəŋ sə dəgənak, a namba i nda i haŋ, i nda i ɓam ndiŋ tata iyi.»
13Ɓa, Yesu a zlapaŋ əŋ səndawl tə sewje iyi sey, a zla: «Ziŋ təkwa əŋ wuta, məsəkəŋ iyi fuk i mə ɗalah mənaŋ kuw ma təkwa.» Mbehmbeh mba, hedi mə ɗal kəzəɗ ŋga ta, a mbəl.
Yesu a mbəl səkulah tə Piyer abə hedi dakayta mə dal iyi mbeh səku
(Markus 1:29-34; Luka 4:38-41)
14Əŋ Yesu mə təɗ əŋ ge Piyer seh, a lim səkulah tə Piyer ta wala wala mə weŋgi, lawlaw halla, kahaw a wucum kulat. 15Yesu a ges a ndəra tə wala ta, kahaw ta wucum ŋga sey, cukwaɗ, a cukwaɗ ŋga, wala ta, a gar, a vəlaŋ məsəkəŋ kə zəm əŋ Yesu.
16Əŋ məcukahw kəɗal kwata, i dahaŋ hedi tə abə mulula tə əŋ talaŋ iyi mbeh səku. Abə zlap ntaɗ, Yesu a gam mimiɗ madawar iyi, a mbəl hedi mə dal iyi fuk, 17mənaŋ wa, amba zlap tə hedi mə giz ma abə miya tə Bizlaf, Esaya mə zlap sey, mə ɗal, a zla: «Ar mbiŋ mə ɓət hulawf tə wucum takwa iyi, baha, ar mbiŋ mə ɓət məc takwa iyi.»
Hedi mə mba i ziber Yesu iyi
(Luka 9:57-62)
18Əŋ Yesu mə gər hedi iyi mbeh səku, i kətuləku seh, a zlapaŋta əŋ gula ŋga iyi ley nda kəɗi əŋ kəv məzəwindi tə gaw. 19Metir tə ma majaw ntaɗ a kərəɗaha, a zlapaŋgu, a zla: «Metir, sa zibereh za, kwa əŋ lay hwa mə nda i nda fuk.» 20Yesu a ziŋgeŋ zlap, a zla: «Bulway iyi abə jiɓ tata, vigem tə wuzlaf iyi bahayim abə ge tata. Ama Mbu tə Hedi seh, lay ley ɗiy talaŋ ŋga ley yip seh halla.»
21Hedi ntaɗ əŋ faŋw tə gula ŋga iyi baha, a zlapaŋgu, a zla: «Bay Bayta, yakaka kataf amba sa nda i kaha baba na za ndagwa.» 22Ama Yesu a ziŋgeŋ zlap, a zla: «Ziberekʉ, yak hedi maməc iyi i mə kah hedi tata maməc iyi.»
Yesu a gar bərgədəŋ
(Markus 4:35-41; Luka 8:22-25)
23Yesu a təɗ əŋ kambuwal, ɓa, gula ŋga iyi i ziberʉ. 24Mbehmbeh mba, bərgədəŋ səndawl a gar a talaŋ yim, ha vaŋgwala tə yim a kədəp kambuwal ta. Ama Yesu a kəwaŋ. 25Gula ŋga iyi i kərəɗaha əŋ kelek ŋga, i fəɗahaw, i zlapaŋgu, i zla: «Bay Bayta, rehenini, nakwa iyi kənda i məc!» 26Yesu a ziŋgeŋta zlap, a zla: «Hi ləndəŋ a mey, heni hedi tə abə kuw ma ɓəraŋ iyi?» Abə dawaŋ ta, a gar, a gwazlak bərgədəŋ liŋ yim sey, bes səndawl kəɗal za. 27Hedi iyi i kəhar za, i zla: «Ar viyey, hedi wa, ha mimiɗ abə yim fuk i kuwaŋ ma wa#8:27 Jabura 65:8; 89:10; 107:23-32.?»
Yesu a mbəl hedi iyi bək tə abə mulula tə əŋ talaŋ iyi
(Markus 5:1-20; Luka 8:26-39)
28Əŋ Yesu mə gwar kəɗi əŋ kəv məzəwindi tə gaw əŋ hayak tə Gadareni iyi seh, hedi iyi bək aka abə mulula iyi əŋ talaŋ i təɗaha əŋ talaŋ jiɓ iyi, i ndaha i gbam talaŋ abə mbiŋ. Tata lem lem, hedi iyi i kələndəŋ mbeh səku ley taŋ kəɗi əŋ kataf ta. 29I mar ley ja wula, i zla: «Hwa Mbu tə Bizlaf, hwa mba tə ndəra tini seh mey? Hwa ndaha ley zləŋganini takwaŋ mar pis ta a wuliŋ vaw?»
30A namba, guduk mbizek, ŋgaɓa səndawl tə gəldam iyi aka, i kəjaŋ. 31Mimiɗ madawar iyi sey, i rək Yesu, i zla: «Əŋgah hwa mba i gamanini seh, ləɓanini əŋ ŋgaɓa tə gəldam iyi wa.» 32Abə dawaŋ ta izey, Yesu a zlapaŋta, a zla: «Hi nda.» I təɗaha tata əŋ hedi sə bək iyi sey, i nda i təɗ əŋ gəldam iyi. Gəldam iyi ta i hiyaha mar tə wuzum ha əŋ gaw, i məc tata a namba.
33Njʉwiŋ tə gəldam iyi sey, i hiy tata, i nda əŋ berne ley gizeŋta əŋ hedi iyi a məsəkəŋ mə ɗal fuk, abə məsəkəŋ mə taŋ tə abə hedi sə bək iyi tə abə mulula tə əŋ talaŋ iyi sey. 34Abə dawaŋ ta izey, hedi tə əŋ berne iyi ta fuk i kətəɗaha ley nda i gbamaŋ talaŋ əŋ Yesu. Əŋ tata i mə limʉ, i rəku amba ley yakaŋta hayak tata.
നിലവിൽ തിരഞ്ഞെടുത്തിരിക്കുന്നു:
Matta 8: xmd
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Matta 8
8
Yesu a baŋ hedi kwalkwala
(Markus 1:40-45; Luka 5:12-16)
1Əŋ Yesu a kəbəreŋgehe a wuzum, hedi iyi mbeh səku i kəziberʉ. 2Ehe, hedi kwalkwala aka, a kərəɗaha əŋ kelek ŋga, a dar malakw a ma ŋga, ɓa, a zlapaŋgu, a zla: «Bay Bayta, əŋgah hwa kəmba, hwa gula i baŋgaka.» 3Yesu a ɗef ndəra, a ges a kwalkwala ta, a zlapaŋgu, a zla: «Sa kəmba, hwa mbəl!» Mbehmbeh mba, hedi ta kəsəraɓ ŋga za əŋ kwalkwala ŋga ta. 4A namba Yesu a zlapaŋgu baha, a zla: «Sla wucum, hwa mba i giz ma ta kwa əŋ viyey səku səlak, ama nda i gizeŋ talaŋ təkwa əŋ hedi mə ɗal kukus əŋ Bizlaf, ɓa, hwa vəl məsəkəŋ əŋ Bizlaf mənaŋ ma majaw tə Musa mə zlap. Amba hedi iyi fuk i mə gərah hwa kəsəraɓ cuza.»
Yesu a mbəl hedi mə ɗal kəzəɗ tə səndawl tə sewje iyi
(Luka 7:1-10; Yahwana 4:43-54)
5Əŋ Yesu a kətəɗ əŋ Kafarnahum, lə Rawma, səndawl tə a talaŋ sewje iyi temere, a kərəɗaha əŋ kelek ŋga, ɓa, a rəku, 6a zlapaŋgu mənaŋ wa, a zla: «Bay Bayta, hedi na mə ɗal kəzəɗ, mə weŋgi a ge, məc mə huluɓ hedi mə məlu, a kəzləŋ takwaŋ mbeh səku.» 7Yesu a ziŋgeŋ zlap, a zla: «Sa nda za ley mbəlahaw.» 8Ama səndawl tə sewje iyi ta a ziŋgeŋ zlap, a zla: «Bay Bayta, sa kəhwas tiɗe hwa təɗaha əŋ ge na seh halla. Ama zlap ma ntaɗ dap, hedi mə ɗal kəzəɗ na, a mbəl za. 9Məŋgəvday sa wa, sa abə sewje səndawl tə a talaŋ na iyi aka, baha, sa bahayim, sa səndawl a talaŋ sewje məzəwindi iyi. Ama əŋgah sa zlapaŋ əŋ sewje ntaɗ: “Nda!” A nda. Əŋgah sa zlapaŋ əŋ sewje ntaɗ baha: “Ndaha!” A ndaha. Əŋgah sa zlapaŋ əŋ məva na: “Ɗal mənaŋ wa”, a ɗalu.»
10Əŋ Yesu mə zlim ma ŋga wa, kəhar za, ɓa, a zlapaŋta əŋ hedi mə ziberʉ iyi, a zla: «Sa kəzlapaheni məndiwiŋ, sa kəlim hedi abə kuw ma mənaŋ wa əŋ hayak tə Israyila iyi wa seh halla. 11Sa kəzlapaheni, hedi iyi mbeh səku i ndaha za kəɗi kəv tə pis mə təɗaha abə kəɗi kəv tə pis mə ndəv, i nda i nja ley zəm məsəkəŋ abə Ibrahima, abə Isiyaku, abə Yakubu əŋ Bay tə wuzlaf. 12Ama hedi mamay ley təɗ əŋ Bay tə Bizlaf iyi seh, i nda i kapahata a palah əŋ ləvəŋ sə dəgənak, a namba i nda i haŋ, i nda i ɓam ndiŋ tata iyi.»
13Ɓa, Yesu a zlapaŋ əŋ səndawl tə sewje iyi sey, a zla: «Ziŋ təkwa əŋ wuta, məsəkəŋ iyi fuk i mə ɗalah mənaŋ kuw ma təkwa.» Mbehmbeh mba, hedi mə ɗal kəzəɗ ŋga ta, a mbəl.
Yesu a mbəl səkulah tə Piyer abə hedi dakayta mə dal iyi mbeh səku
(Markus 1:29-34; Luka 4:38-41)
14Əŋ Yesu mə təɗ əŋ ge Piyer seh, a lim səkulah tə Piyer ta wala wala mə weŋgi, lawlaw halla, kahaw a wucum kulat. 15Yesu a ges a ndəra tə wala ta, kahaw ta wucum ŋga sey, cukwaɗ, a cukwaɗ ŋga, wala ta, a gar, a vəlaŋ məsəkəŋ kə zəm əŋ Yesu.
16Əŋ məcukahw kəɗal kwata, i dahaŋ hedi tə abə mulula tə əŋ talaŋ iyi mbeh səku. Abə zlap ntaɗ, Yesu a gam mimiɗ madawar iyi, a mbəl hedi mə dal iyi fuk, 17mənaŋ wa, amba zlap tə hedi mə giz ma abə miya tə Bizlaf, Esaya mə zlap sey, mə ɗal, a zla: «Ar mbiŋ mə ɓət hulawf tə wucum takwa iyi, baha, ar mbiŋ mə ɓət məc takwa iyi.»
Hedi mə mba i ziber Yesu iyi
(Luka 9:57-62)
18Əŋ Yesu mə gər hedi iyi mbeh səku, i kətuləku seh, a zlapaŋta əŋ gula ŋga iyi ley nda kəɗi əŋ kəv məzəwindi tə gaw. 19Metir tə ma majaw ntaɗ a kərəɗaha, a zlapaŋgu, a zla: «Metir, sa zibereh za, kwa əŋ lay hwa mə nda i nda fuk.» 20Yesu a ziŋgeŋ zlap, a zla: «Bulway iyi abə jiɓ tata, vigem tə wuzlaf iyi bahayim abə ge tata. Ama Mbu tə Hedi seh, lay ley ɗiy talaŋ ŋga ley yip seh halla.»
21Hedi ntaɗ əŋ faŋw tə gula ŋga iyi baha, a zlapaŋgu, a zla: «Bay Bayta, yakaka kataf amba sa nda i kaha baba na za ndagwa.» 22Ama Yesu a ziŋgeŋ zlap, a zla: «Ziberekʉ, yak hedi maməc iyi i mə kah hedi tata maməc iyi.»
Yesu a gar bərgədəŋ
(Markus 4:35-41; Luka 8:22-25)
23Yesu a təɗ əŋ kambuwal, ɓa, gula ŋga iyi i ziberʉ. 24Mbehmbeh mba, bərgədəŋ səndawl a gar a talaŋ yim, ha vaŋgwala tə yim a kədəp kambuwal ta. Ama Yesu a kəwaŋ. 25Gula ŋga iyi i kərəɗaha əŋ kelek ŋga, i fəɗahaw, i zlapaŋgu, i zla: «Bay Bayta, rehenini, nakwa iyi kənda i məc!» 26Yesu a ziŋgeŋta zlap, a zla: «Hi ləndəŋ a mey, heni hedi tə abə kuw ma ɓəraŋ iyi?» Abə dawaŋ ta, a gar, a gwazlak bərgədəŋ liŋ yim sey, bes səndawl kəɗal za. 27Hedi iyi i kəhar za, i zla: «Ar viyey, hedi wa, ha mimiɗ abə yim fuk i kuwaŋ ma wa#8:27 Jabura 65:8; 89:10; 107:23-32.?»
Yesu a mbəl hedi iyi bək tə abə mulula tə əŋ talaŋ iyi
(Markus 5:1-20; Luka 8:26-39)
28Əŋ Yesu mə gwar kəɗi əŋ kəv məzəwindi tə gaw əŋ hayak tə Gadareni iyi seh, hedi iyi bək aka abə mulula iyi əŋ talaŋ i təɗaha əŋ talaŋ jiɓ iyi, i ndaha i gbam talaŋ abə mbiŋ. Tata lem lem, hedi iyi i kələndəŋ mbeh səku ley taŋ kəɗi əŋ kataf ta. 29I mar ley ja wula, i zla: «Hwa Mbu tə Bizlaf, hwa mba tə ndəra tini seh mey? Hwa ndaha ley zləŋganini takwaŋ mar pis ta a wuliŋ vaw?»
30A namba, guduk mbizek, ŋgaɓa səndawl tə gəldam iyi aka, i kəjaŋ. 31Mimiɗ madawar iyi sey, i rək Yesu, i zla: «Əŋgah hwa mba i gamanini seh, ləɓanini əŋ ŋgaɓa tə gəldam iyi wa.» 32Abə dawaŋ ta izey, Yesu a zlapaŋta, a zla: «Hi nda.» I təɗaha tata əŋ hedi sə bək iyi sey, i nda i təɗ əŋ gəldam iyi. Gəldam iyi ta i hiyaha mar tə wuzum ha əŋ gaw, i məc tata a namba.
33Njʉwiŋ tə gəldam iyi sey, i hiy tata, i nda əŋ berne ley gizeŋta əŋ hedi iyi a məsəkəŋ mə ɗal fuk, abə məsəkəŋ mə taŋ tə abə hedi sə bək iyi tə abə mulula tə əŋ talaŋ iyi sey. 34Abə dawaŋ ta izey, hedi tə əŋ berne iyi ta fuk i kətəɗaha ley nda i gbamaŋ talaŋ əŋ Yesu. Əŋ tata i mə limʉ, i rəku amba ley yakaŋta hayak tata.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക