Matta 20
20
Ma marərək abə hedi mə ɗal kəzəɗ tə əŋ lay iyi
1Yesu a zlapaŋta əŋ gula ŋga iyi, a zla: «Ehe, Bay tə wuzlaf seh, ar mənaŋ hedi tə lay mə təɗ abə kafa vət ley pələkaha hedi iyi ley ɗal kəzəɗ əŋ lay ŋga. 2A dəm ŋgalaw abə tata, i kəkuw za a talaŋ ley mineŋta muwurɓay tə təɓəl tata dala tə malaway ntaɗ əŋ vah. Ɓa, a zlapaŋta ley nda əŋ lay ŋga. 3Njamndi cafaɗ tə kafa, a təɗ ŋga baha, a lim hedi iyi par i mə geri əŋ luma, kwa kəzəɗ tata ley ɗal halla. 4Ɓa, a zlapaŋta, a zla: “Hi nda əŋ lay na heni bahayim, sa mineheni muwurɓay tə təɓəl təheni za tiɗe abə kəzəɗ təheni.” 5Ɓa, hedi iyi sey i nda əŋ lay ŋga ta. Hedi tə lay ta sey, a təɗ ŋga abə pis cakacak baha, a daha hedi iyi par, ɓa, a təɗ ŋga abə njamndi maakaɗ tə məcukahw a daha hedi iyi par mənaŋ mba baha. 6Njamndi juɓum tə məcukahw a təɗaha baha, a lim hedi iyi i mə geri a lay kə nja hedi iyi, a ɗəpta, a zla: “Hi vah ley nja haya mənaŋ wa seh, məŋgəvday a mey?” 7I ziŋgeŋ zlap, i zla: “Məŋgəvday kwa hedi ntaɗ mə pələkanini ley ɗal kəzəɗ halla.” A zlapaŋta, a zla: “Hi nda i ɗal kəzəɗ heni bahayim əŋ lay na.”
8«Əŋ pis kə ndəv kwata, hedi tə lay a zlapaŋ əŋ talaŋ habay tə hedi mə ɗal kəzəɗ ŋga iyi, a zla: “Ɗafaŋta ma əŋ hedi mə ɗal kəzəɗ iyi, mineŋta dala tata. Hwa mar kəɗi hedi mə ndaha maɗ ma iyi ha a gwar a hedi mə ndaha titʉz iyi.” 9Hedi mə nda əŋ lay iyi njamndi juɓum tə məcukahw, i nda əŋ kelek talaŋ habay tə hedi mə ɗal kəzəɗ iyi sey, i kuw dala tata, kwa viyey a lim dala tə malaway ntaɗ ntaɗ. 10Hedi titʉz iyi i ndaha, i wulək seh, i nda i lim dala pay day a tə hedi maɗ ma iyi, ama i vəlaŋta əŋ kwa viyey fuk dala tə malaway ntaɗ ntaɗ bahayim. 11Əŋ tata i kəkuw dala tə malaway sey, i kəguŋgur ma a talaŋ hedi tə lay, 12i zla: “Ehe, hedi mə ndaha maɗ ma iyi wa, i ɗal kəzəɗ ler ntaɗ dap, ama hwa mineŋta dala tə malaway tiɗe mənaŋ tə tini, nini mə ɗal kəzəɗ pis pis ha təɓəl tə a pis mə var wa!” 13Ama hedi tə lay ta, a ziŋgeŋ zlap əŋ hedi ntaɗ əŋ faŋw tata, a zla: “Maday na, sa kəbimeh halla. Namu kədəm ŋgalaw abə hwa ley ɗal kəzəɗ a dala tə malaway ntaɗ əŋ vah seh halla vaw? 14Kuw dala təkwa, nda təkwa. Sa nda i vəlaŋta əŋ hedi mə ndaha tə dawaŋ iyi wa, mənaŋ tə təkwa. 15Sa gula i ɗal məsəkəŋ sa mə mba abə dala na səku vaw? Hwa ɗal sərah məŋgəvday sa hedi səntaŋ vaw?”» 16Mənaŋ wa, Yesu a zlapaŋta baha, a zla: «Hedi maɗ ma iyi i mbaɗ za əŋ hedi titʉz iyi, hedi titʉz iyi i mbaɗ za əŋ hedi maɗ ma iyi.»
Yesu a giz kə ŋgas maakaɗ məc ŋga abə garaha ŋga əŋ faŋw tə hedi maməc iyi
(Markus 10:32-34; Luka 18:31-34)
17Əŋ Yesu mə nda əŋ Urusalima seh, a ŋgasl gula ŋga iyi wam a meɗek bək abə bəra, ɓa, a zlapaŋta a kataf, a zla: 18«Ehe, nakwa iyi kənda i tap əŋ Urusalima, a namba, i vəl Mbu tə Hedi za əŋ ndəra hedi səndawl iyi tə a talaŋ hedi mə ɗal kukus əŋ Bizlaf iyi abə metir tə ma majaw iyi. I nda i mbəzlaŋ ma, mbəzl ma kə ja. 19I vəlza za əŋ ndəra hedi Yahuda iyi səku, i ɓasaŋ za a talaŋ, i kəlapza za, i darza za a mpay mazlaŋgal. Ama əŋ waŋ maakaɗ ta, a garaha ŋga za əŋ faŋw tə hedi maməc iyi.»
Mama tə Yakuba abə Yahwana a ɗəp Yesu
(Markus 10:35-45)
20Abə dawaŋ ta izey, wala tə Zebede a kərəɗaha əŋ kelek Yesu abə wuziyi ŋga iyi. A dar malakw a ma ŋga, a rəku. 21Yesu a ɗəpu, a zla: «Hwa mba seh mey?» A ziŋgeŋ zlap, a zla: «Gizekʉ mbeh wa, əŋ pis hwa mə nda i zəm bay təkwa seh, ɗiy wuziyi na sə bək iyi wa, ntaɗ kəɗi ndəra zəma təkwa, məzəwindi bahayim kəɗi ndəra gula təkwa.» 22Yesu a ziŋgeŋ zlap, a zla: «Heni kəsəŋ məsəkəŋ heni mə ɗəp səku. Heni gula i ɓəs tuwah wa za, mənaŋ sa mə nda i ɓəs wa za vaw?» I ziŋgeŋ zlap, i zla: «Nini gula za.» 23Yesu a zlapaŋta, a zla: «Məndiwiŋ, heni ɓəs tuwah sa mə nda i ɓəsu za. Ama, ley ɗiy hedi ley nja əŋ ndəra zəma na, aka səku əŋ ndəra gula na seh, ar sa mə nda i ɗiyta səku, ar Baba na mə nda i ɗiy hedi iyi əŋ lay mamay ta.»
24Əŋ gula ŋga dakayta iyi wam i mə zlim ma ta seh, i kəzəm nəf za a hedi tə abə zliŋgeŋ sə bək iyi sey. 25Abə dawaŋ ta izey, Yesu a ɗafaŋta ma fuk, a zlapaŋta, a zla: «Heni kəsəŋ bay tə hedi iyi seh, i kəsla a talaŋ tata abə fagay, baha, hedi səndawl iyi bahayim i kəgizehe mazla tata iyi a talaŋ hedi iyi. 26Ama məsəkəŋ ta, a mba i ɗal mənaŋ wa əŋ faŋw təheni səku. Hedi mə mba i mbaɗ əŋ səndawl əŋ faŋw təheni seh, sey mə mbaɗ əŋ hedi mə ɗal kəzəɗ təheni. 27Hedi mə mba i mbaɗ talaŋ habay tə əŋ faŋw təheni, sey mə mbaɗ əŋ məva təheni. 28Mənaŋ mba bahayim, Mbu tə Hedi kəndaha amba hedi iyi i ɗalaŋ kəzəɗ seh halla, ama a ndaha seh amba a ɗalaŋta kəzəɗ əŋ hedi iyi, a vəl mədəŋcur ŋga ley reh hedi iyi mbeh səku əŋ hem.»
Yesu a rəzaŋta nje tə hedi wuluf iyi bək əŋ Yerikwa
(Markus 10:46-52; Luka 18:35-43)
29Əŋ tata i kətəɗaha tata əŋ Yerikwa seh, hedi makwas iyi mbeh səku i kəziberehe Yesu. 30Hedi wuluf iyi bək aka, i mə nji a meɗek kataf, i zlim seh Yesu a kətaŋ kəɗi mba, i mar ley ja varay, i zla: «Bay Bayta, Mbu tə Dawuda, səŋganini nje həhər!» 31Hedi makwas sə mbeh səku iyi sey, i gwazlakta amba i mə bes. Ama i ja varay abə fagay, i zla: «Bay Bayta, Mbu tə Dawuda, səŋganini nje həhər!» 32Yesu a gar, a ɗafaŋta ma, a ɗəpta, a zla: «Hi mba sa ɗalaheni seh mey?» 33I ziŋgeŋ zlap, i zla: «Bay Bayta, ɗal amba nje tini iyi i mə rəz.» 34Yesu a səŋgaŋta nje həhər, a ges ndəra a nje tata iyi, mbehmbeh mba, nje tata iyi i rəz, ɓa, i ziberʉ.
നിലവിൽ തിരഞ്ഞെടുത്തിരിക്കുന്നു:
Matta 20: xmd
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Matta 20
20
Ma marərək abə hedi mə ɗal kəzəɗ tə əŋ lay iyi
1Yesu a zlapaŋta əŋ gula ŋga iyi, a zla: «Ehe, Bay tə wuzlaf seh, ar mənaŋ hedi tə lay mə təɗ abə kafa vət ley pələkaha hedi iyi ley ɗal kəzəɗ əŋ lay ŋga. 2A dəm ŋgalaw abə tata, i kəkuw za a talaŋ ley mineŋta muwurɓay tə təɓəl tata dala tə malaway ntaɗ əŋ vah. Ɓa, a zlapaŋta ley nda əŋ lay ŋga. 3Njamndi cafaɗ tə kafa, a təɗ ŋga baha, a lim hedi iyi par i mə geri əŋ luma, kwa kəzəɗ tata ley ɗal halla. 4Ɓa, a zlapaŋta, a zla: “Hi nda əŋ lay na heni bahayim, sa mineheni muwurɓay tə təɓəl təheni za tiɗe abə kəzəɗ təheni.” 5Ɓa, hedi iyi sey i nda əŋ lay ŋga ta. Hedi tə lay ta sey, a təɗ ŋga abə pis cakacak baha, a daha hedi iyi par, ɓa, a təɗ ŋga abə njamndi maakaɗ tə məcukahw a daha hedi iyi par mənaŋ mba baha. 6Njamndi juɓum tə məcukahw a təɗaha baha, a lim hedi iyi i mə geri a lay kə nja hedi iyi, a ɗəpta, a zla: “Hi vah ley nja haya mənaŋ wa seh, məŋgəvday a mey?” 7I ziŋgeŋ zlap, i zla: “Məŋgəvday kwa hedi ntaɗ mə pələkanini ley ɗal kəzəɗ halla.” A zlapaŋta, a zla: “Hi nda i ɗal kəzəɗ heni bahayim əŋ lay na.”
8«Əŋ pis kə ndəv kwata, hedi tə lay a zlapaŋ əŋ talaŋ habay tə hedi mə ɗal kəzəɗ ŋga iyi, a zla: “Ɗafaŋta ma əŋ hedi mə ɗal kəzəɗ iyi, mineŋta dala tata. Hwa mar kəɗi hedi mə ndaha maɗ ma iyi ha a gwar a hedi mə ndaha titʉz iyi.” 9Hedi mə nda əŋ lay iyi njamndi juɓum tə məcukahw, i nda əŋ kelek talaŋ habay tə hedi mə ɗal kəzəɗ iyi sey, i kuw dala tata, kwa viyey a lim dala tə malaway ntaɗ ntaɗ. 10Hedi titʉz iyi i ndaha, i wulək seh, i nda i lim dala pay day a tə hedi maɗ ma iyi, ama i vəlaŋta əŋ kwa viyey fuk dala tə malaway ntaɗ ntaɗ bahayim. 11Əŋ tata i kəkuw dala tə malaway sey, i kəguŋgur ma a talaŋ hedi tə lay, 12i zla: “Ehe, hedi mə ndaha maɗ ma iyi wa, i ɗal kəzəɗ ler ntaɗ dap, ama hwa mineŋta dala tə malaway tiɗe mənaŋ tə tini, nini mə ɗal kəzəɗ pis pis ha təɓəl tə a pis mə var wa!” 13Ama hedi tə lay ta, a ziŋgeŋ zlap əŋ hedi ntaɗ əŋ faŋw tata, a zla: “Maday na, sa kəbimeh halla. Namu kədəm ŋgalaw abə hwa ley ɗal kəzəɗ a dala tə malaway ntaɗ əŋ vah seh halla vaw? 14Kuw dala təkwa, nda təkwa. Sa nda i vəlaŋta əŋ hedi mə ndaha tə dawaŋ iyi wa, mənaŋ tə təkwa. 15Sa gula i ɗal məsəkəŋ sa mə mba abə dala na səku vaw? Hwa ɗal sərah məŋgəvday sa hedi səntaŋ vaw?”» 16Mənaŋ wa, Yesu a zlapaŋta baha, a zla: «Hedi maɗ ma iyi i mbaɗ za əŋ hedi titʉz iyi, hedi titʉz iyi i mbaɗ za əŋ hedi maɗ ma iyi.»
Yesu a giz kə ŋgas maakaɗ məc ŋga abə garaha ŋga əŋ faŋw tə hedi maməc iyi
(Markus 10:32-34; Luka 18:31-34)
17Əŋ Yesu mə nda əŋ Urusalima seh, a ŋgasl gula ŋga iyi wam a meɗek bək abə bəra, ɓa, a zlapaŋta a kataf, a zla: 18«Ehe, nakwa iyi kənda i tap əŋ Urusalima, a namba, i vəl Mbu tə Hedi za əŋ ndəra hedi səndawl iyi tə a talaŋ hedi mə ɗal kukus əŋ Bizlaf iyi abə metir tə ma majaw iyi. I nda i mbəzlaŋ ma, mbəzl ma kə ja. 19I vəlza za əŋ ndəra hedi Yahuda iyi səku, i ɓasaŋ za a talaŋ, i kəlapza za, i darza za a mpay mazlaŋgal. Ama əŋ waŋ maakaɗ ta, a garaha ŋga za əŋ faŋw tə hedi maməc iyi.»
Mama tə Yakuba abə Yahwana a ɗəp Yesu
(Markus 10:35-45)
20Abə dawaŋ ta izey, wala tə Zebede a kərəɗaha əŋ kelek Yesu abə wuziyi ŋga iyi. A dar malakw a ma ŋga, a rəku. 21Yesu a ɗəpu, a zla: «Hwa mba seh mey?» A ziŋgeŋ zlap, a zla: «Gizekʉ mbeh wa, əŋ pis hwa mə nda i zəm bay təkwa seh, ɗiy wuziyi na sə bək iyi wa, ntaɗ kəɗi ndəra zəma təkwa, məzəwindi bahayim kəɗi ndəra gula təkwa.» 22Yesu a ziŋgeŋ zlap, a zla: «Heni kəsəŋ məsəkəŋ heni mə ɗəp səku. Heni gula i ɓəs tuwah wa za, mənaŋ sa mə nda i ɓəs wa za vaw?» I ziŋgeŋ zlap, i zla: «Nini gula za.» 23Yesu a zlapaŋta, a zla: «Məndiwiŋ, heni ɓəs tuwah sa mə nda i ɓəsu za. Ama, ley ɗiy hedi ley nja əŋ ndəra zəma na, aka səku əŋ ndəra gula na seh, ar sa mə nda i ɗiyta səku, ar Baba na mə nda i ɗiy hedi iyi əŋ lay mamay ta.»
24Əŋ gula ŋga dakayta iyi wam i mə zlim ma ta seh, i kəzəm nəf za a hedi tə abə zliŋgeŋ sə bək iyi sey. 25Abə dawaŋ ta izey, Yesu a ɗafaŋta ma fuk, a zlapaŋta, a zla: «Heni kəsəŋ bay tə hedi iyi seh, i kəsla a talaŋ tata abə fagay, baha, hedi səndawl iyi bahayim i kəgizehe mazla tata iyi a talaŋ hedi iyi. 26Ama məsəkəŋ ta, a mba i ɗal mənaŋ wa əŋ faŋw təheni səku. Hedi mə mba i mbaɗ əŋ səndawl əŋ faŋw təheni seh, sey mə mbaɗ əŋ hedi mə ɗal kəzəɗ təheni. 27Hedi mə mba i mbaɗ talaŋ habay tə əŋ faŋw təheni, sey mə mbaɗ əŋ məva təheni. 28Mənaŋ mba bahayim, Mbu tə Hedi kəndaha amba hedi iyi i ɗalaŋ kəzəɗ seh halla, ama a ndaha seh amba a ɗalaŋta kəzəɗ əŋ hedi iyi, a vəl mədəŋcur ŋga ley reh hedi iyi mbeh səku əŋ hem.»
Yesu a rəzaŋta nje tə hedi wuluf iyi bək əŋ Yerikwa
(Markus 10:46-52; Luka 18:35-43)
29Əŋ tata i kətəɗaha tata əŋ Yerikwa seh, hedi makwas iyi mbeh səku i kəziberehe Yesu. 30Hedi wuluf iyi bək aka, i mə nji a meɗek kataf, i zlim seh Yesu a kətaŋ kəɗi mba, i mar ley ja varay, i zla: «Bay Bayta, Mbu tə Dawuda, səŋganini nje həhər!» 31Hedi makwas sə mbeh səku iyi sey, i gwazlakta amba i mə bes. Ama i ja varay abə fagay, i zla: «Bay Bayta, Mbu tə Dawuda, səŋganini nje həhər!» 32Yesu a gar, a ɗafaŋta ma, a ɗəpta, a zla: «Hi mba sa ɗalaheni seh mey?» 33I ziŋgeŋ zlap, i zla: «Bay Bayta, ɗal amba nje tini iyi i mə rəz.» 34Yesu a səŋgaŋta nje həhər, a ges ndəra a nje tata iyi, mbehmbeh mba, nje tata iyi i rəz, ɓa, i ziberʉ.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക