Markus 1
1
Ɗaf ma Yahwana ma ɗal batem
(Mat 3.1-12; Luk 3.1-18; Yhw 1.19-28)
1Diw Ma wiyə ma təwah ataa Yesu Kərist, Mbə Bizlaf. 2Andza ndə ŋtiraya a wəzaha a ɗerewal ataa ala ma ɗaf ma ndə a zlimazə ara Bizlaf Isaya:
Bizlaf iŋgaya:
Tsakwa, sa kazlən ala ma ɗaf ma ndə a zlimazə ara Bizlaf naka bəza mpər atama kwa,
aska a lamahu təf.
3 Wəla minja a kaɗaf a damə ata dərzləm, iŋgaya:
Huni lamanə təf a Bay Madagal,
huni lamanə təf aka dəlili!
4Yahwana ma ɗal batem a payha a damə ata dərzləm, a kaghalatana a həji aagi: «Huni mbaɗ landza kuni bəza, huni ɗal batem bəza aska Bizlaf a pəlahuni mpət kuni ka.» 5Hayak Yahudiya aagi tiwtiw abə ma ndza a hayak ma dzamadzam Wərusalima aagi tiwtiw aa kanda ara, aa kaghal mpət ta, azha dəba Yahwana a kaɗalatana batem a yəm Urdun. 6Yahwana abə rəkuts ataa dzuguɗ ŋgaluba ma tsafatsaf, tadzaw gaŋ tə ka abə ŋkərap, səkən zəm tə ci, wayak abə mza amam ma a damə. 7A kaɗafatana ma a həji aagi, iŋgaya: «Ala ma dəy aha sa abə ɓərɓər a andaha a diwzha naka, sa ci, sa teete a ɗakw a pəl sherek aŋci tə səku. 8Sa, sa ɗalahuni batem abə yəm, aŋtə ci, a aɗalahuni batem abə Miɗ ma ghwaɗeɗe.»
Batem Yesu
(Mat 3.13-17; Luk 3.21-22; 4.1-13)
9Vah watsa, Yesu a nda a bəza a Nasaratu, hayak Galili, Yahwana ɗal a ɗalanə batem a zlazlər Urdun. 10Tiɗa ndə, Yesu a kandaa tə a bəza a yəm, a gəra, la ma ndza a wəzəm a wəzlaf mpaŋ a dəɗ tə, Miɗ ma ghwaɗeɗe a kandaha a ndza a heɗe, andza ꞌwanan. 11Azha, wəla minja a dzaha a wəzəm a wəzlaf, iŋgaya: «Hwa ana Mbə naka ndə sa kamayə, sa abə ɓas dawna hwa.»
Slən Yesu a damə
12A tsutsa tsutsa, Miɗ ma ghwaɗeɗe jaɓ a jaɓ Yesu aka a damə ata dərzləm. 13Wan raŋfaɗ, a damə, Gətili a kaghutə. A ndza a taba səkən ma ndza a damə aagi, matəf Bizlaf aagi kaɗalanə zlən.
Yesu a kaɗaf Ma wiyə ma təwah a Galili
(Mat 4.12-17; Luk 4.14-15)
14A diwzha, tiɗa ndə Yahwana tambəlaya, Yesu tsaa kanda tə a Galili, tsa kaɗaf Ma wiyə ma təwah ndə a zlimazə ara Bizlaf. 15Iŋgaya: «Wan takəliy tə, Bay Bizlaf mbeh! Huni mbaɗ landza kuni bəza, azha, huni ɗal awa aska Ma wiyə ma təwah.»
Yesu taya mambəla ŋkilif aagi ŋfaɗ
(Mat 4.18-22; Luk 5.1-3; 10.11)
16Ndə Yesu a kapew gwara a ma mtil Galili, gəra a gəra Simun abə zliŋgin Andire, aa kafak kadara ata mtil, ara ndə aa ɗa mambəla ŋkilif aagi. 17Yesu zlap a zlapatana, iŋgaya: «Huni ndaha a səbaraka, sa abəwahuni ka, a ɗa mambəla həji aagi.» 18A tsutsa tsutsa, mbasl aa mbasl kadara ta ka, dəba aagi asəbarə. 19Ndə a kərəɗzə kusəm kajik atama zhana, gəra a gəra Yakuba abə zliŋgin Yahwana, wəzhi Zebede aagi, aagi a gəlmbə ta, aa kalam kadara ta. 20Kahkah a tsutsa, Yesu dəba a ayaata. Mbasl aagi cin ta Zebede aka ata gəlmbə abə həji ma ɗal zlən aagi, aa tsaa kanda ta a səbar Yesu.
Ala ndə miɗ ma gamak a kaɗalanə
(Luk 4.31-37)
21Yesu abə magəli tə aagi, peteŋ aagi a hayak ma dzamadzam Kafarnahum. Azha vah ta nəp Yahuda aagi, Yesu tsa a jak ta tarha Yahuda aagi, dəba a asərəkatana ma a həji aagi. 22Hak, aa ghərəŋ ta ata ma ndə a kasərəkatana a həji aagi, ara ndə a ɗa, a sərəkatana andza ataa masərək ma garagar aagi səku, ama a sərəkatana abə ɓərɓər Bizlaf. 23A tsutsa ala minja aka a jak ta tarha Yahuda aagi ndə miɗ ma gamak a kaɗalanə, a kadza wəla: 24«Hwa ɗiw ara ni vemi sa Yesu ndə Nasaratu? Hwa ndaha a fəcakani vəw? Sa kasənahu: Hwa ala ma ghwaɗeɗe ndə Bizlaf a zlənazə.» 25Yesu dəba a agulakə abə guɗaŋ tə: «Ndza ka, nda kwa a bəza ana ala watsə.» 26Miɗ ma gamak kəcak kəcak a kəcak ala watsa ka abə ɓərɓər tə, azha a kadza wəla abə ɓərɓər tə, tsaw a ndaa tə a bəza a zlikusəm ala watsa. 27Həji aagi tiwtiw, hak a ghərəŋ ta a heɗe, dəba aagi aɗiwzə a walaŋ ta: «Shiŋ səkən watsə me? Huni taŋzə sərək ma wiyə ma təwah minja, ma mkpef abə ɓərɓər! Kwa a zlapanə a miɗ ma gamak aagi, aa tehanə ma tə!» 28A tsutsa tsutsa, sləf ata Yesu dzəsl a ŋge a hayak Galili tiwtiw.
Reh mana wala Simun
(Mat 8.14-17; Luk 4.38-41)
29Ndə aa nda ta a bəza a jak ta tarha Yahuda aagi, tiw Yesu aa kanda abə Yakuba abə Yahwana a wata tiw Simun abə Andire. 30Azha mana wala Simun tawan tə ka, zlikusəm tə a kabazanə kwahu, a tsutsa a tsutsa, dəba aagi azlapanə a heɗe a Yesu. 31Kərəɗ a kərəɗha abəra, kaw a mbələ ata ra, gar a garzə a wəzəm. Zlikusəm tə ma kabazanə kwahu watsa kwaleŋ. Dəba a agasatana səkən zəm.
Yesu a kakwaleŋ dawər aagi vərəm
(Mat 8.16-17; Luk 4.40-41)
32Abə ŋtsəɓahw ndə pish a ndəv tə, həji aagi kadaanə həji dawər aagi tiwtiw a Yesu, abə həji ndə miɗ ma gamak a kaɗalatana aagi. 33Həji ma ndza a hayak ma dzamadzam aagi tiwtiw tadzam ta ka a majigi. 34Takwaleŋatana dawər həji aagi vərəm, ma kasa yaka ara dawər ma parpar parpar aagi, tagam miɗ ma gamak a bəza vərəm aha həji aagi yəm. Tapəlanə təf a miɗ ma gamak a zlapə səku, ara ndə aa kasənə.
Yesu a kaghal Ma wiyə ma təwah a Galili
(Luk 4.42-44)
35Kwaf kwaf tə, tiɗa zaɗə a ndza tə kajik, Yesu takaw a gar tə a wəzəm, tsaw a ndaa tə bəza, tsaa kanda tə ata la ndə həji aagi ŋkula ndza aka, dəba a atarha. 36Simun abə həji ma ndza abəra aagi, dəba aagi anda gasə. 37Ndə aa gəra bəza, aagi kəsha iŋgaya: «Həji aagi tiwtiw aa kagasahu.» 38Yesu zhin a zhinatana: «Kiyzaŋkwa ata la minja, a hayak ma huk, a tsutsa yəm, sa nda ɗafatana Ma wiyə ma təwah, dawna zlən watsa abə sa ndaa naka bəza.» 39Azha ikwa, abə a nda a hayak Galili tiwtiw, a kaɗaf Ma wiyə ma təwah a ŋge a jak ta tarha Yahuda aagi, dəba a agam miɗ ma gamak aagi bəza.
Yesu tambəl ala fagwalakw
40Ala fagwalakw minja taha ara Yesu, azha gəliɓ a gəliɓakənə ka atama, tsa kadzanə ra, iŋgaya: «Andza hwa tamayə, hwa sugufaka fagwalakw naka bəza,» iy.
41Hahər kpa a dza Yesu bəza a guɗaŋ aska, kaf i ra tə, pa a tsə a heɗe, iŋgaya: «Sa kamayə, fagwalakw kwa masuguf tə!» 42Kahkah, fagwalakw tə tsərfay a suguf tə. 43Azha dəba Yesu a gamə aara kahkah, abə zlap ma ndza abə ghuɗek. 44Azha, zlap a zlapanə, iŋgaya: «Mbəla ŋkwaɓ, ara hwa ghalanə ha a kwa vaye, ama nda anawatsə, ghalanə ha kwa a maɗal kwakus. Azha ɗal kwakus ndə Musa a ghal ka, aska həji aagi a sən tiwtiw fagwalakw kwa tasuguf tə.» 45Mbara azha, ala watsa tsaa kanda tə, dəba a aɓizh ma tə, ana səkən ma pew abə sha, kwa vatəy a həji tiwtiw. Dawna sha abə Yesu a ŋkula ghalha ha tə a hayak ma dzamadzam, ka a ndza tə ka a mazləm ata la ndə həji aagi ŋkula ndza ka. Kwa vaye a kandaha ara kwa vatəy.
നിലവിൽ തിരഞ്ഞെടുത്തിരിക്കുന്നു:
Markus 1: GOU
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Markus 1
1
Ɗaf ma Yahwana ma ɗal batem
(Mat 3.1-12; Luk 3.1-18; Yhw 1.19-28)
1Diw Ma wiyə ma təwah ataa Yesu Kərist, Mbə Bizlaf. 2Andza ndə ŋtiraya a wəzaha a ɗerewal ataa ala ma ɗaf ma ndə a zlimazə ara Bizlaf Isaya:
Bizlaf iŋgaya:
Tsakwa, sa kazlən ala ma ɗaf ma ndə a zlimazə ara Bizlaf naka bəza mpər atama kwa,
aska a lamahu təf.
3 Wəla minja a kaɗaf a damə ata dərzləm, iŋgaya:
Huni lamanə təf a Bay Madagal,
huni lamanə təf aka dəlili!
4Yahwana ma ɗal batem a payha a damə ata dərzləm, a kaghalatana a həji aagi: «Huni mbaɗ landza kuni bəza, huni ɗal batem bəza aska Bizlaf a pəlahuni mpət kuni ka.» 5Hayak Yahudiya aagi tiwtiw abə ma ndza a hayak ma dzamadzam Wərusalima aagi tiwtiw aa kanda ara, aa kaghal mpət ta, azha dəba Yahwana a kaɗalatana batem a yəm Urdun. 6Yahwana abə rəkuts ataa dzuguɗ ŋgaluba ma tsafatsaf, tadzaw gaŋ tə ka abə ŋkərap, səkən zəm tə ci, wayak abə mza amam ma a damə. 7A kaɗafatana ma a həji aagi, iŋgaya: «Ala ma dəy aha sa abə ɓərɓər a andaha a diwzha naka, sa ci, sa teete a ɗakw a pəl sherek aŋci tə səku. 8Sa, sa ɗalahuni batem abə yəm, aŋtə ci, a aɗalahuni batem abə Miɗ ma ghwaɗeɗe.»
Batem Yesu
(Mat 3.13-17; Luk 3.21-22; 4.1-13)
9Vah watsa, Yesu a nda a bəza a Nasaratu, hayak Galili, Yahwana ɗal a ɗalanə batem a zlazlər Urdun. 10Tiɗa ndə, Yesu a kandaa tə a bəza a yəm, a gəra, la ma ndza a wəzəm a wəzlaf mpaŋ a dəɗ tə, Miɗ ma ghwaɗeɗe a kandaha a ndza a heɗe, andza ꞌwanan. 11Azha, wəla minja a dzaha a wəzəm a wəzlaf, iŋgaya: «Hwa ana Mbə naka ndə sa kamayə, sa abə ɓas dawna hwa.»
Slən Yesu a damə
12A tsutsa tsutsa, Miɗ ma ghwaɗeɗe jaɓ a jaɓ Yesu aka a damə ata dərzləm. 13Wan raŋfaɗ, a damə, Gətili a kaghutə. A ndza a taba səkən ma ndza a damə aagi, matəf Bizlaf aagi kaɗalanə zlən.
Yesu a kaɗaf Ma wiyə ma təwah a Galili
(Mat 4.12-17; Luk 4.14-15)
14A diwzha, tiɗa ndə Yahwana tambəlaya, Yesu tsaa kanda tə a Galili, tsa kaɗaf Ma wiyə ma təwah ndə a zlimazə ara Bizlaf. 15Iŋgaya: «Wan takəliy tə, Bay Bizlaf mbeh! Huni mbaɗ landza kuni bəza, azha, huni ɗal awa aska Ma wiyə ma təwah.»
Yesu taya mambəla ŋkilif aagi ŋfaɗ
(Mat 4.18-22; Luk 5.1-3; 10.11)
16Ndə Yesu a kapew gwara a ma mtil Galili, gəra a gəra Simun abə zliŋgin Andire, aa kafak kadara ata mtil, ara ndə aa ɗa mambəla ŋkilif aagi. 17Yesu zlap a zlapatana, iŋgaya: «Huni ndaha a səbaraka, sa abəwahuni ka, a ɗa mambəla həji aagi.» 18A tsutsa tsutsa, mbasl aa mbasl kadara ta ka, dəba aagi asəbarə. 19Ndə a kərəɗzə kusəm kajik atama zhana, gəra a gəra Yakuba abə zliŋgin Yahwana, wəzhi Zebede aagi, aagi a gəlmbə ta, aa kalam kadara ta. 20Kahkah a tsutsa, Yesu dəba a ayaata. Mbasl aagi cin ta Zebede aka ata gəlmbə abə həji ma ɗal zlən aagi, aa tsaa kanda ta a səbar Yesu.
Ala ndə miɗ ma gamak a kaɗalanə
(Luk 4.31-37)
21Yesu abə magəli tə aagi, peteŋ aagi a hayak ma dzamadzam Kafarnahum. Azha vah ta nəp Yahuda aagi, Yesu tsa a jak ta tarha Yahuda aagi, dəba a asərəkatana ma a həji aagi. 22Hak, aa ghərəŋ ta ata ma ndə a kasərəkatana a həji aagi, ara ndə a ɗa, a sərəkatana andza ataa masərək ma garagar aagi səku, ama a sərəkatana abə ɓərɓər Bizlaf. 23A tsutsa ala minja aka a jak ta tarha Yahuda aagi ndə miɗ ma gamak a kaɗalanə, a kadza wəla: 24«Hwa ɗiw ara ni vemi sa Yesu ndə Nasaratu? Hwa ndaha a fəcakani vəw? Sa kasənahu: Hwa ala ma ghwaɗeɗe ndə Bizlaf a zlənazə.» 25Yesu dəba a agulakə abə guɗaŋ tə: «Ndza ka, nda kwa a bəza ana ala watsə.» 26Miɗ ma gamak kəcak kəcak a kəcak ala watsa ka abə ɓərɓər tə, azha a kadza wəla abə ɓərɓər tə, tsaw a ndaa tə a bəza a zlikusəm ala watsa. 27Həji aagi tiwtiw, hak a ghərəŋ ta a heɗe, dəba aagi aɗiwzə a walaŋ ta: «Shiŋ səkən watsə me? Huni taŋzə sərək ma wiyə ma təwah minja, ma mkpef abə ɓərɓər! Kwa a zlapanə a miɗ ma gamak aagi, aa tehanə ma tə!» 28A tsutsa tsutsa, sləf ata Yesu dzəsl a ŋge a hayak Galili tiwtiw.
Reh mana wala Simun
(Mat 8.14-17; Luk 4.38-41)
29Ndə aa nda ta a bəza a jak ta tarha Yahuda aagi, tiw Yesu aa kanda abə Yakuba abə Yahwana a wata tiw Simun abə Andire. 30Azha mana wala Simun tawan tə ka, zlikusəm tə a kabazanə kwahu, a tsutsa a tsutsa, dəba aagi azlapanə a heɗe a Yesu. 31Kərəɗ a kərəɗha abəra, kaw a mbələ ata ra, gar a garzə a wəzəm. Zlikusəm tə ma kabazanə kwahu watsa kwaleŋ. Dəba a agasatana səkən zəm.
Yesu a kakwaleŋ dawər aagi vərəm
(Mat 8.16-17; Luk 4.40-41)
32Abə ŋtsəɓahw ndə pish a ndəv tə, həji aagi kadaanə həji dawər aagi tiwtiw a Yesu, abə həji ndə miɗ ma gamak a kaɗalatana aagi. 33Həji ma ndza a hayak ma dzamadzam aagi tiwtiw tadzam ta ka a majigi. 34Takwaleŋatana dawər həji aagi vərəm, ma kasa yaka ara dawər ma parpar parpar aagi, tagam miɗ ma gamak a bəza vərəm aha həji aagi yəm. Tapəlanə təf a miɗ ma gamak a zlapə səku, ara ndə aa kasənə.
Yesu a kaghal Ma wiyə ma təwah a Galili
(Luk 4.42-44)
35Kwaf kwaf tə, tiɗa zaɗə a ndza tə kajik, Yesu takaw a gar tə a wəzəm, tsaw a ndaa tə bəza, tsaa kanda tə ata la ndə həji aagi ŋkula ndza aka, dəba a atarha. 36Simun abə həji ma ndza abəra aagi, dəba aagi anda gasə. 37Ndə aa gəra bəza, aagi kəsha iŋgaya: «Həji aagi tiwtiw aa kagasahu.» 38Yesu zhin a zhinatana: «Kiyzaŋkwa ata la minja, a hayak ma huk, a tsutsa yəm, sa nda ɗafatana Ma wiyə ma təwah, dawna zlən watsa abə sa ndaa naka bəza.» 39Azha ikwa, abə a nda a hayak Galili tiwtiw, a kaɗaf Ma wiyə ma təwah a ŋge a jak ta tarha Yahuda aagi, dəba a agam miɗ ma gamak aagi bəza.
Yesu tambəl ala fagwalakw
40Ala fagwalakw minja taha ara Yesu, azha gəliɓ a gəliɓakənə ka atama, tsa kadzanə ra, iŋgaya: «Andza hwa tamayə, hwa sugufaka fagwalakw naka bəza,» iy.
41Hahər kpa a dza Yesu bəza a guɗaŋ aska, kaf i ra tə, pa a tsə a heɗe, iŋgaya: «Sa kamayə, fagwalakw kwa masuguf tə!» 42Kahkah, fagwalakw tə tsərfay a suguf tə. 43Azha dəba Yesu a gamə aara kahkah, abə zlap ma ndza abə ghuɗek. 44Azha, zlap a zlapanə, iŋgaya: «Mbəla ŋkwaɓ, ara hwa ghalanə ha a kwa vaye, ama nda anawatsə, ghalanə ha kwa a maɗal kwakus. Azha ɗal kwakus ndə Musa a ghal ka, aska həji aagi a sən tiwtiw fagwalakw kwa tasuguf tə.» 45Mbara azha, ala watsa tsaa kanda tə, dəba a aɓizh ma tə, ana səkən ma pew abə sha, kwa vatəy a həji tiwtiw. Dawna sha abə Yesu a ŋkula ghalha ha tə a hayak ma dzamadzam, ka a ndza tə ka a mazləm ata la ndə həji aagi ŋkula ndza ka. Kwa vaye a kandaha ara kwa vatəy.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക