Markus 8
8
Yesu a zemetene səkan ŋ hejəye bəlakw ŋfaɗ
1Ata vah wese ca, hejəye əy ɓecaha vəram ara Yesu zeney. A təwse ca, səkan ma ata zemetene, askwaw. Aya, Yesu a yata madarlaŋw anta ege, a zlepetene, a ŋgaya: 2«Hahar a kejekey ata hejəye ŋghe ege, mavəday, kála anta wan mahkaɗ, əy kénjeye ara sa, kaw səkan ta zam ara tata askwaw. 3Mada sa zlepetene, əy mezen a wata a metes ca, əy kenelem ɓarɓar ŋ nda ata taf askwaw, mavəday vedəye vəram ŋ taba tata əy ndaha aka gədak.» 4Aya, madarlaŋw anta ege, əy zenzene, əy ŋgaya: «Heje nendew ata səkan ta zam ata darzlam ŋghe tete ŋ həraɗzata hejəye ŋghe ege ca, a katay?» 5A təwse ca, Yesu a ɗawzata, a ŋgaya: «Peŋ ara hune vanay?» Əy zenene, əy ŋgaya: «Peŋ ŋsəleɗ.» 6A dəwze anta ca, Yesu a zlepetene ŋ hejəye tewtew, əy manja ka ata hayak. Aya, a ŋta peŋ ma ŋsəleɗ ege wese, a lene wasay ŋ Gazlavay, a ŋgata aka, a veletene ŋ madarlaŋw anta ege ŋ ɓezetene ŋ hejəye tewtew. A təwse ca, madarlaŋw ege əy la ana maa Yesu a zlepetene wese. 7Ŋkəlef ma cercer ara madarlaŋw ege aka cekuɗe zeney. A təwse ca, Yesu a rak Gazlavay ŋ ca bəzla ata ŋkəlef wese ege, aya, a zlepetene ŋ madarlaŋw ege ŋ ɓezetene ŋ hejəye tewtew zeney. 8A təwse ca, hejəye tewtew əy kázam səkan, kaw vayay mbəy həraɗ. Madarlaŋw ege əy jam sekəɗe anta ma menaha, ujam ege ghef ghef ŋsəleɗ. 9Hejəye ma zam səkan anta ege tewtew ca, əy la tata bəlakw ŋfaɗ. A dəwze anta ca, Yesu a zlepetene, əy manda a wata. 10A dəwze anta ca, ata Yesu ey madarlaŋw anta ege əy tev tata ŋ kwambawal, əy nda tata ŋ hayak Dalmanuta.
Farəysa ege əy ɗawza Yesu ŋ la zaɓəla
11Aya, Farəysa ege əy ndaha ara Yesu, a təwse ca, əy ja səbakw a mbe. Əy ɗaw ŋ slanza, əy dawza ŋ ghwelzetene zaɓəla ma ata uzlaf. 12A təwse ca, Yesu a səfan a mazlazlay, aya, a zlepetene, a ŋgaya: «Hejəye ma ata vah ma na ŋgha ege, əy dawza ŋ gəre zaɓəla ca, ŋ vay? Sa kazlapahune njenjəwen, kaw əy kenelem ŋ gəre zaɓəla teŋguleŋ, askwaw!» 13A dəwze anta ca, Yesu a yakzata ka, a tev anta ŋ kwambawal zeney, aya, a zlaŋ anta kəɗa aha bəza ŋtele yam.
Farəysa ege leŋ Həyrudus ca, əy nja ana əys
14A təwse ca, madarlaŋw ege əy kéheseŋza ŋ ŋta peŋ ara. Ara tata ŋ kwambawal ca, peŋ teŋguleŋ. 15A təwse ca, Yesu a ŋgazata aka, a zlepetene, a ŋgaya: «Hune sla ka kadak kadak. Hune həbar ha ŋkune aka. Farəysa ege leŋ Həyrudus ca, əy nja ana əys.» 16A təwse ca, əy zlap ŋ taba tata, əy ŋgaya: «A zlap ana ebe ŋghe ca, mavəday peŋ ara heje, askwaw.» 17Yesu a kasan səkan maa əy kazlap a heɗe aza, aya, a ɗawzata, a ŋgaya: «Hune ja səbakw mavəday maa peŋ ara hune askwaw ca, ŋ vay? Hune kasan səkwaw vaw? Hune kezləme zləme səkwaw vaw? Ledeŋ ŋkwaɓ ŋkune ege, əy kémpekeye vaw? 18Nje ŋkune ege aka, ca, hune kegəre la səkwaw vaw? Zlam ŋkune ege aka, ca, hune kezləme zləme səkwaw vaw? Hune ca, hune kesenzene səkwaw vaw? 19Maa sa ŋga peŋ jaɓan ŋ ɓezetene ŋ hejəye ma bəlakw jaɓan ege wese ca, hune zlaɗ sekəɗe anta ca, ujam vanay?»
Əy zenene, əy ŋgaya: «Nene zlaɗ peŋ ujam wam aha gbak.»
20A ɗawzata zeney, a ŋgaya: «Maa sa ŋga peŋ ŋsəleɗ ŋ ɓezetene ŋ hejəye bəlakw ŋfaɗ ca, sekəɗe anta maa hune zlaɗ ca, ujam vanay?»
Əy zenene, əy ŋgaya: «Ujam ŋsəleɗ.»
21Aya, Yesu a zlepetene, a ŋgaya: «Ca, hune kezləme səkwaw war vaw?»
Yesu a rehza ɗala ulaf wende aza aka, ŋ uzam Baytəysayda
22A dəwze anta ca, ata Yesu ey madarlaŋw anta ege, əy nda ŋ uzam Baytəysayda. Maa əy a təwse ca, hejəye əy daza ulaf wende aka ara Yesu, aya, əy jene mbahw ŋ ca ra anta a heɗe. 23Yesu a mbal heje wese ŋ ra, a njewew kəɗa a mazlam uzam. A təwse ca, Yesu a ŋtefene mejəkəne ata nje, a ca ra anta a heɗe aya, a ɗawza a ŋgaya: «Hwa kegəre səkan aka vaw?» 24Aya, ulaf wese a zlar nje, a zlepene, a ŋgaya: «Sa kegəre hejəye, sa gəreta ca, əy nja ana mpe ege, cemey əy kanda.» 25Yesu a ca ra anta ata nje anta ege zeney, aya, ulaf wese a gəre la kadak kadak, mbəy reh, a kegəreta səkan ege tewtew a heɗe a heɗe. 26A təwse ca, Yesu a zlepene ŋ heje wese, a ŋgaya: «Zen a wata, kaw hwa ɗaw ŋ dam ŋ uzam səkwaw.»
Pəyer a ghwalza Yesu ca, ara Almasəyhu
27A dəwze anta ca, ata Yesu ey madarlaŋw anta ege, əy nda tata kəɗa ŋ uzam ege ma mbermber a uzam Kaysarəya Fəyləypəy. Maa əy kanda ata taf ca, a ɗawzata, a ŋgaya: «Hejəye əy kazlap ata sa ca, sa vayay?» 28Əy zenene, əy ŋgaya: «Hejəye vedəye, əy kazlap ca, hwa Yuhana maban hejəye a yam baptəysma, vedəye yam, əy ŋgaya hwa Eləya, vedəye zeney, əy ŋgaya hwa ɗala ma teŋguleŋ ŋ taba uzəye ma zlap ma mala Gazlavay ege.» 29Aya, Yesu a ɗawzata zeney, a ŋgaya: «Hune yam ca, hune kazlap ca, sa vayay?» A təwse ca, Pəyer a zenene, a ŋgaya: «Hwa ca, hwa Almasəyhu.» 30Aya, Yesu a ŋgazata aka, kaw əy ɗaw ŋ zlepene ma anta ŋ kaw vayay səkwaw.
Yesu a ghwalza lamac ey lagwarzamha aza anta ata lamac
31A dəwze anta ca, Yesu a sasərakzata madarlaŋw anta ege, a ŋgaya: «Səy Mba Ɗala masa gef aza dakala. Madakal dakal ma a tama ege ey madakal dakal mala kwakwas ege leŋ maghwal ma maŋkanaŋkan ege əy kenececefza səkwaw. Əy najaza, aya, a dəwze wan mahkaɗ anta ca, a nagwarzamha aza ata lamac.» 32Yesu, a ghwelzetene səkan ŋghe anta ege tewtew ca, a heɗe a heɗe. Aya, Pəyer a njew Yesu aza ata zlaŋgal, a zlepene a ŋgaya: «Hwa ɗaw ŋ zlap ana ebe ŋghe səkwaw!» 33Cemey, Yesu pəla a bawza nje aza, a sarzata madarlaŋw anta ege, aya, a gulakza Pəyer, a ŋgaya: «Kese aza a həzlar sa, Malula, mavəday, ledeŋ ŋkwaɓ ege ca, ara mala Gazlavay askwaw, cemey, mala hejəye dakənak ege.» 34Aya, Yesu a yata hejəye ma ɓecha ege leŋ madarlaŋw anta ege, a zlepetene a ŋgaya: «Mada ɗala a kaɗaw ŋ səberekey ca, a ɗaw ŋ ulak ŋkwaɓ ata ha anta səkwaw, heje anta metew mpe gafaŋgal anta, mesəberekey. 35Mavəday, ɗala ma kaɗaw ŋ rehza ha anta aza ca, a nefətekza aza, cemey, ɗala ma fətekza ha anta aza mavəday sa, leŋ mavəday Ma Mewe ma Taŋtaŋ ca, a nerehza aza. 36Mada ɗala kélem manhayak aza tewtew, ca, kéfətekza ha anta aza ca, a nedene vemey? 37Səkan maa ɗala kula ŋ valza ŋ səkamaza ha anta aza ca, aka vaw? 38Cemey, mada ɗala kála hawa ata sa leŋ ata zlap naka ege ŋ taba hejəye ma na ŋgha ma kaŋta kusam a bəza ey ma kala gay ege ca, Mba Ɗala a nala hawa ata heje anta, ata vah maa a kanandaha ŋ ɓardakw mala Cen zlaɓa malaɓ anta ma keweɗ ege yam.»
നിലവിൽ തിരഞ്ഞെടുത്തിരിക്കുന്നു:
Markus 8: BHS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2025 CABTAL
Markus 8
8
Yesu a zemetene səkan ŋ hejəye bəlakw ŋfaɗ
1Ata vah wese ca, hejəye əy ɓecaha vəram ara Yesu zeney. A təwse ca, səkan ma ata zemetene, askwaw. Aya, Yesu a yata madarlaŋw anta ege, a zlepetene, a ŋgaya: 2«Hahar a kejekey ata hejəye ŋghe ege, mavəday, kála anta wan mahkaɗ, əy kénjeye ara sa, kaw səkan ta zam ara tata askwaw. 3Mada sa zlepetene, əy mezen a wata a metes ca, əy kenelem ɓarɓar ŋ nda ata taf askwaw, mavəday vedəye vəram ŋ taba tata əy ndaha aka gədak.» 4Aya, madarlaŋw anta ege, əy zenzene, əy ŋgaya: «Heje nendew ata səkan ta zam ata darzlam ŋghe tete ŋ həraɗzata hejəye ŋghe ege ca, a katay?» 5A təwse ca, Yesu a ɗawzata, a ŋgaya: «Peŋ ara hune vanay?» Əy zenene, əy ŋgaya: «Peŋ ŋsəleɗ.» 6A dəwze anta ca, Yesu a zlepetene ŋ hejəye tewtew, əy manja ka ata hayak. Aya, a ŋta peŋ ma ŋsəleɗ ege wese, a lene wasay ŋ Gazlavay, a ŋgata aka, a veletene ŋ madarlaŋw anta ege ŋ ɓezetene ŋ hejəye tewtew. A təwse ca, madarlaŋw ege əy la ana maa Yesu a zlepetene wese. 7Ŋkəlef ma cercer ara madarlaŋw ege aka cekuɗe zeney. A təwse ca, Yesu a rak Gazlavay ŋ ca bəzla ata ŋkəlef wese ege, aya, a zlepetene ŋ madarlaŋw ege ŋ ɓezetene ŋ hejəye tewtew zeney. 8A təwse ca, hejəye tewtew əy kázam səkan, kaw vayay mbəy həraɗ. Madarlaŋw ege əy jam sekəɗe anta ma menaha, ujam ege ghef ghef ŋsəleɗ. 9Hejəye ma zam səkan anta ege tewtew ca, əy la tata bəlakw ŋfaɗ. A dəwze anta ca, Yesu a zlepetene, əy manda a wata. 10A dəwze anta ca, ata Yesu ey madarlaŋw anta ege əy tev tata ŋ kwambawal, əy nda tata ŋ hayak Dalmanuta.
Farəysa ege əy ɗawza Yesu ŋ la zaɓəla
11Aya, Farəysa ege əy ndaha ara Yesu, a təwse ca, əy ja səbakw a mbe. Əy ɗaw ŋ slanza, əy dawza ŋ ghwelzetene zaɓəla ma ata uzlaf. 12A təwse ca, Yesu a səfan a mazlazlay, aya, a zlepetene, a ŋgaya: «Hejəye ma ata vah ma na ŋgha ege, əy dawza ŋ gəre zaɓəla ca, ŋ vay? Sa kazlapahune njenjəwen, kaw əy kenelem ŋ gəre zaɓəla teŋguleŋ, askwaw!» 13A dəwze anta ca, Yesu a yakzata ka, a tev anta ŋ kwambawal zeney, aya, a zlaŋ anta kəɗa aha bəza ŋtele yam.
Farəysa ege leŋ Həyrudus ca, əy nja ana əys
14A təwse ca, madarlaŋw ege əy kéheseŋza ŋ ŋta peŋ ara. Ara tata ŋ kwambawal ca, peŋ teŋguleŋ. 15A təwse ca, Yesu a ŋgazata aka, a zlepetene, a ŋgaya: «Hune sla ka kadak kadak. Hune həbar ha ŋkune aka. Farəysa ege leŋ Həyrudus ca, əy nja ana əys.» 16A təwse ca, əy zlap ŋ taba tata, əy ŋgaya: «A zlap ana ebe ŋghe ca, mavəday peŋ ara heje, askwaw.» 17Yesu a kasan səkan maa əy kazlap a heɗe aza, aya, a ɗawzata, a ŋgaya: «Hune ja səbakw mavəday maa peŋ ara hune askwaw ca, ŋ vay? Hune kasan səkwaw vaw? Hune kezləme zləme səkwaw vaw? Ledeŋ ŋkwaɓ ŋkune ege, əy kémpekeye vaw? 18Nje ŋkune ege aka, ca, hune kegəre la səkwaw vaw? Zlam ŋkune ege aka, ca, hune kezləme zləme səkwaw vaw? Hune ca, hune kesenzene səkwaw vaw? 19Maa sa ŋga peŋ jaɓan ŋ ɓezetene ŋ hejəye ma bəlakw jaɓan ege wese ca, hune zlaɗ sekəɗe anta ca, ujam vanay?»
Əy zenene, əy ŋgaya: «Nene zlaɗ peŋ ujam wam aha gbak.»
20A ɗawzata zeney, a ŋgaya: «Maa sa ŋga peŋ ŋsəleɗ ŋ ɓezetene ŋ hejəye bəlakw ŋfaɗ ca, sekəɗe anta maa hune zlaɗ ca, ujam vanay?»
Əy zenene, əy ŋgaya: «Ujam ŋsəleɗ.»
21Aya, Yesu a zlepetene, a ŋgaya: «Ca, hune kezləme səkwaw war vaw?»
Yesu a rehza ɗala ulaf wende aza aka, ŋ uzam Baytəysayda
22A dəwze anta ca, ata Yesu ey madarlaŋw anta ege, əy nda ŋ uzam Baytəysayda. Maa əy a təwse ca, hejəye əy daza ulaf wende aka ara Yesu, aya, əy jene mbahw ŋ ca ra anta a heɗe. 23Yesu a mbal heje wese ŋ ra, a njewew kəɗa a mazlam uzam. A təwse ca, Yesu a ŋtefene mejəkəne ata nje, a ca ra anta a heɗe aya, a ɗawza a ŋgaya: «Hwa kegəre səkan aka vaw?» 24Aya, ulaf wese a zlar nje, a zlepene, a ŋgaya: «Sa kegəre hejəye, sa gəreta ca, əy nja ana mpe ege, cemey əy kanda.» 25Yesu a ca ra anta ata nje anta ege zeney, aya, ulaf wese a gəre la kadak kadak, mbəy reh, a kegəreta səkan ege tewtew a heɗe a heɗe. 26A təwse ca, Yesu a zlepene ŋ heje wese, a ŋgaya: «Zen a wata, kaw hwa ɗaw ŋ dam ŋ uzam səkwaw.»
Pəyer a ghwalza Yesu ca, ara Almasəyhu
27A dəwze anta ca, ata Yesu ey madarlaŋw anta ege, əy nda tata kəɗa ŋ uzam ege ma mbermber a uzam Kaysarəya Fəyləypəy. Maa əy kanda ata taf ca, a ɗawzata, a ŋgaya: «Hejəye əy kazlap ata sa ca, sa vayay?» 28Əy zenene, əy ŋgaya: «Hejəye vedəye, əy kazlap ca, hwa Yuhana maban hejəye a yam baptəysma, vedəye yam, əy ŋgaya hwa Eləya, vedəye zeney, əy ŋgaya hwa ɗala ma teŋguleŋ ŋ taba uzəye ma zlap ma mala Gazlavay ege.» 29Aya, Yesu a ɗawzata zeney, a ŋgaya: «Hune yam ca, hune kazlap ca, sa vayay?» A təwse ca, Pəyer a zenene, a ŋgaya: «Hwa ca, hwa Almasəyhu.» 30Aya, Yesu a ŋgazata aka, kaw əy ɗaw ŋ zlepene ma anta ŋ kaw vayay səkwaw.
Yesu a ghwalza lamac ey lagwarzamha aza anta ata lamac
31A dəwze anta ca, Yesu a sasərakzata madarlaŋw anta ege, a ŋgaya: «Səy Mba Ɗala masa gef aza dakala. Madakal dakal ma a tama ege ey madakal dakal mala kwakwas ege leŋ maghwal ma maŋkanaŋkan ege əy kenececefza səkwaw. Əy najaza, aya, a dəwze wan mahkaɗ anta ca, a nagwarzamha aza ata lamac.» 32Yesu, a ghwelzetene səkan ŋghe anta ege tewtew ca, a heɗe a heɗe. Aya, Pəyer a njew Yesu aza ata zlaŋgal, a zlepene a ŋgaya: «Hwa ɗaw ŋ zlap ana ebe ŋghe səkwaw!» 33Cemey, Yesu pəla a bawza nje aza, a sarzata madarlaŋw anta ege, aya, a gulakza Pəyer, a ŋgaya: «Kese aza a həzlar sa, Malula, mavəday, ledeŋ ŋkwaɓ ege ca, ara mala Gazlavay askwaw, cemey, mala hejəye dakənak ege.» 34Aya, Yesu a yata hejəye ma ɓecha ege leŋ madarlaŋw anta ege, a zlepetene a ŋgaya: «Mada ɗala a kaɗaw ŋ səberekey ca, a ɗaw ŋ ulak ŋkwaɓ ata ha anta səkwaw, heje anta metew mpe gafaŋgal anta, mesəberekey. 35Mavəday, ɗala ma kaɗaw ŋ rehza ha anta aza ca, a nefətekza aza, cemey, ɗala ma fətekza ha anta aza mavəday sa, leŋ mavəday Ma Mewe ma Taŋtaŋ ca, a nerehza aza. 36Mada ɗala kélem manhayak aza tewtew, ca, kéfətekza ha anta aza ca, a nedene vemey? 37Səkan maa ɗala kula ŋ valza ŋ səkamaza ha anta aza ca, aka vaw? 38Cemey, mada ɗala kála hawa ata sa leŋ ata zlap naka ege ŋ taba hejəye ma na ŋgha ma kaŋta kusam a bəza ey ma kala gay ege ca, Mba Ɗala a nala hawa ata heje anta, ata vah maa a kanandaha ŋ ɓardakw mala Cen zlaɓa malaɓ anta ma keweɗ ege yam.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2025 CABTAL