Markus 5
5
Yesu a rehza ɗala maa zəwet malula kámbalza
1Ata Yesu ey madarlaŋw anta ege, əy hwasha aha bəza ŋtele mala Galəyləy, ŋ hayak Gerasene ege. 2Maa Yesu a tadakwha aza ŋ kwambawal ca, a təwse a təwse, heje ma damha aka ŋ taba jeɓ ege, a ŋgelene ma. Heje anta ca, zəwet malula kámbal aza. 3Heje anta a nja ca, ŋ taba jeɓ ege, kaw ɗala kula ŋ jaw ka a sesele səkwaw. 4Hejəye, əy kájaw heje anta a sesele ŋ gas vəram leŋ a ɓarzlam ŋ ŋgas, cemey, kárazlata sesele ma ata ra anta ege wese aza, káŋgata ɓarzlam ma ata ŋgas anta ege wese aza. Kaw ɗala ma kula a heɗe, askwaw. 5Zaɗaw ey pes, kénjeye ŋ taba jeɓ ege leŋ ŋ barla ege, a kaja ula, a kazla kusam anta a ŋkəɗaŋ. 6Aya, maa gəre Yesu ata gədak ca, a hehey, a gəleɓene aka a tama. 7A təwse ca, ja ula a ŋgaya: «Hwa ɗaw ara sa vemey, Yesu, Mba Gazlavay ma mgba ata uzlaf? Sa kajahwaw mbahw, a zlam Gazlavay, hwa sekey gef səkwaw.» 8A zlap ana ebe ŋghe ca, mavəday Yesu kézlepene, a ŋgaya: «Zəwet malula, damha aza ŋ heje wese!» 9Yesu a ɗawza, a ŋgaya: «Zlam ŋkwa ca, vemey?» A zenene a ŋgaya: «Zlam naka ca, leɓec, mavəday, nene vəram.» 10Aya, zəwet wese a jene mbahw dakala ŋ Yesu, ndar a ɗaw ŋ gamata aza gədak a hayak səkwaw.
11Cemey, galdam ege vəram a təwse aka, əy kazam a ma barla. 12Zəwet malula ege wese, əy jene mbahw ŋ Yesu, əy ŋgaya: «Leɓzeney ŋ galdam ŋghe ege, ndar nene dam ŋ tata.» 13A təwse ca, a pelzetene ma. Aya, əy damha aza ŋ heje wese, əy dam ŋ galdam ege wese. Aya, galdam anta ege əy hehey aka a mgba ata dawan wese, səɓet, əy kway tata ŋ ŋtele. Galdam anta ege tewtew ca, əy la tata bəlakw gbak, əy kéfətek tata ŋ yam. 14Uzəye njəwen galdam ege, əy hey, əy nda ŋ slap ma anta ŋ uzam leŋ ŋ kəva ege. Aya, hejəye əy ndaha ŋ sarza səkan ma laha anta. 15Əy ndaha ara Yesu, aya, əy gəre heje maa zəwet malula vəram ŋ ha anta wese, kénjeye, káca rəgwac aka ata kusam, ŋkwaɓ ŋ ha anta kadak kadak. A təwse ca, əy kálalak tata. 16Hejəye ma gəre səkan ma ndewene ŋ heje maa zəwet malula a mbalza wese leŋ səkan ma ndewzetene ŋ galdam ege wese ca, əy slepetene ŋ hejəye. 17Aya, hejəye əy jene mbahw ŋ Yesu, manda anta, megeɓzetene hayak tata ka. 18Maa Yesu a ketev anta ŋ kwambawal ca, heje maa zəwet malula a mbalza wese, a rakaw, ŋ nja ka ara mbe. 19A təwse ca, Yesu a kepelzene ma səkwaw, a zlepene, a ŋgaya: «Nda a wata ara hejəye ŋkwa ege, slepetene səkan tewtew maa Bay Madakal a lahwaw ŋ lasan hahar anta.» 20Aya, heje wese, a nda anta ta ŋ uzam ege maa əy kayaɓa Uzam ege Wam, a keghwelzetene səkan maa Yesu a lene ege. Cemey, hejəye ma zləme ma anta ege tewtew, əy káŋga ŋkwaɓ.
Həla Jayrus ey wala ma ca ra anta ata rəgwac Yesu
21Yesu a zenha aza a kwambawal aha bəza wende mala ŋtele wese. Hejəye vəram əy ɓecha ara mbe, kédeŋeye a mazlam ŋtele. 22Heje wende aka, zlam anta Jayrus, ɗala ma teŋguleŋ ŋ taba madakal dakal mala ujek ma ata rak Gazlavay mala Yahudu ege, a ndaha. Aya, maa a gəre Yesu ca, kuraɓ a gəleɓene aka asa ŋgas anta, 23a jene mbahw dakala, a zlepene, a ŋgaya: «Həla naka slaɓ ŋ mac, mbahw ndaha ŋ ca ra ŋkwa a heɗe, ndar a reh anta ŋ dawar anta, a nja ka a nje.» 24Aya, ata Yesu ey Jayrus wese, tel əy nda kəɗe a wata anta. Hejəye vəram əy kasəbaraw, əy kaŋgwaŋgwat kusam a səka.
25Cemey, wala wende a təwse aka, va anta wam aha gbak a kabatha mbambaz. 26Kánda ara hejəye maval menjevek ege vəram. Kása gef dakala. Káŋtakwza səkan ma asa ra anta aza tewtew, cemey, kaw dawar anta kélene zukwana askwaw, a kavas ŋ lene karba. 27Wala anta a zləme, əy kazlap ata Yesu. Aya, a ndaha ŋ taba hejəye, ta a dəwze Yesu, a ca ra anta ata rəgwac anta. 28Cemey, a zlap ŋ ha anta, a ŋgaya: «Mada, sa kácaɓa ra naka kaw ata rəgwac anta ca, sa nereh.» 29A təwse a təwse, mbambaz anta ma kabatha wese zla a zla anta, aya, a zləme ŋ kusam anta ca, mbəy reh ŋ dawar anta wese. 30A təwse ca, Yesu kásanza, ɓarɓar kádamha ŋ kusam anta. A bawha ŋ taba hejəye, aya, a ɗawzata, a ŋgaya: «Ma ca ra ata rəgwac naka ca, vayay?» 31Madarlaŋw anta ege, əy zenene, əy ŋgaya: «Hwa kegəre hejəye vəram, əy kaŋgwaŋgwat kusam ŋghe ca, hwa nasan ŋ ɗawza: “Ma ca ra ata sa vayay” ca, vaŋgay?» 32Cemey, Yesu a sarzata hejəye ma həzlar ege, ŋ gəre ɗala ma ca ra a heɗe wese. 33A təwse ca, wala wese kálalak anta, a kanana, mavəday a kasan səkan maa a law. Aya, a ndaha, a gəleɓene ka asa ŋgas Yesu, a ghwelzene ma anta tewtew a heɗe a heɗe. 34Cemey, Yesu a zlepene, a ŋgaya: «Həla naka, lalam ŋkwa kérehahwaw aza. Nda a zəhay, reh ŋkwa ŋ dawar ŋkwa.»
35Cemey, maa Yesu káŋtakwza zlap kwagwa səkwaw ca, hejəye ma wata Jayrus ege, əy ndaha, əy zlepene, ŋ Jayrus, əy ŋgaya: «Hwa ɗaw ara masasərak zeney ca, vemey? Həla ŋkwa ca, kámac anta.» 36A təwse ca, kaw Yesu kécecefza ma tata anta, askwaw. A zlepene ŋ Jayrus, a ŋgaya: «Hwa lalak səkwaw, mbal lalam ŋkwa aka.» 37Yesu képelzetene taf ŋ hejəye ŋ səbaraw, askwaw, cemey, a ŋta ca, ata Pəyer, Yakuba leŋ Yuhana zlaŋgan Yakuba. 38Əy hwasha a wata Jayrus wese, Yesu a gəre hejəye əy kaɓam pakam, əy kabaw kusam, əy kahan, əy kaja ula a mazlazlay, ŋkwaɓ kéŋgetene aza mambaza. 39Aya, a dam a ujek, a zlepetene, a ŋgaya: «Hune ɓam pakam ana ebe ŋghe ca, mavəday vemey? Hune han vemey? Mba ŋgha ca, kámac, askwaw, a kawan.» 40A təwse ca, hejəye əy sarza Yesu ana ɗala bəse. Aya, a gamata hejəye aza tewtew a bəza, a ŋta tata ata cen mbaw ey maman mbaw leŋ madarlaŋw anta ma mahkaɗ ege wese, a dam a ujek maa mba kéweneye ŋma. 41A təwse ca, a mbal ra həla wese, a zlepene, a ŋgaya: «Taləyta kuməy» ana zlap ca, «Haldəma, sa ma kazlapahwaw, gwarzam!» 42A təwse a təwse, haldəma wese, perce a gwarzam, a nda, va anta ca, wam aha gbak. Hejəye ma a təwse ege tewtew əy kálalak tata. 43Cemey, Yesu a ŋgazata aka a ɓarɓar, kaw əy ɗaw ŋ ghwalza ma anta ŋ kaw vayay səkwaw. A dəwze anta ca, a zlepetene, a ŋgaya: «Hune velene səkan ta zam.»
നിലവിൽ തിരഞ്ഞെടുത്തിരിക്കുന്നു:
Markus 5: BHS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2025 CABTAL
Markus 5
5
Yesu a rehza ɗala maa zəwet malula kámbalza
1Ata Yesu ey madarlaŋw anta ege, əy hwasha aha bəza ŋtele mala Galəyləy, ŋ hayak Gerasene ege. 2Maa Yesu a tadakwha aza ŋ kwambawal ca, a təwse a təwse, heje ma damha aka ŋ taba jeɓ ege, a ŋgelene ma. Heje anta ca, zəwet malula kámbal aza. 3Heje anta a nja ca, ŋ taba jeɓ ege, kaw ɗala kula ŋ jaw ka a sesele səkwaw. 4Hejəye, əy kájaw heje anta a sesele ŋ gas vəram leŋ a ɓarzlam ŋ ŋgas, cemey, kárazlata sesele ma ata ra anta ege wese aza, káŋgata ɓarzlam ma ata ŋgas anta ege wese aza. Kaw ɗala ma kula a heɗe, askwaw. 5Zaɗaw ey pes, kénjeye ŋ taba jeɓ ege leŋ ŋ barla ege, a kaja ula, a kazla kusam anta a ŋkəɗaŋ. 6Aya, maa gəre Yesu ata gədak ca, a hehey, a gəleɓene aka a tama. 7A təwse ca, ja ula a ŋgaya: «Hwa ɗaw ara sa vemey, Yesu, Mba Gazlavay ma mgba ata uzlaf? Sa kajahwaw mbahw, a zlam Gazlavay, hwa sekey gef səkwaw.» 8A zlap ana ebe ŋghe ca, mavəday Yesu kézlepene, a ŋgaya: «Zəwet malula, damha aza ŋ heje wese!» 9Yesu a ɗawza, a ŋgaya: «Zlam ŋkwa ca, vemey?» A zenene a ŋgaya: «Zlam naka ca, leɓec, mavəday, nene vəram.» 10Aya, zəwet wese a jene mbahw dakala ŋ Yesu, ndar a ɗaw ŋ gamata aza gədak a hayak səkwaw.
11Cemey, galdam ege vəram a təwse aka, əy kazam a ma barla. 12Zəwet malula ege wese, əy jene mbahw ŋ Yesu, əy ŋgaya: «Leɓzeney ŋ galdam ŋghe ege, ndar nene dam ŋ tata.» 13A təwse ca, a pelzetene ma. Aya, əy damha aza ŋ heje wese, əy dam ŋ galdam ege wese. Aya, galdam anta ege əy hehey aka a mgba ata dawan wese, səɓet, əy kway tata ŋ ŋtele. Galdam anta ege tewtew ca, əy la tata bəlakw gbak, əy kéfətek tata ŋ yam. 14Uzəye njəwen galdam ege, əy hey, əy nda ŋ slap ma anta ŋ uzam leŋ ŋ kəva ege. Aya, hejəye əy ndaha ŋ sarza səkan ma laha anta. 15Əy ndaha ara Yesu, aya, əy gəre heje maa zəwet malula vəram ŋ ha anta wese, kénjeye, káca rəgwac aka ata kusam, ŋkwaɓ ŋ ha anta kadak kadak. A təwse ca, əy kálalak tata. 16Hejəye ma gəre səkan ma ndewene ŋ heje maa zəwet malula a mbalza wese leŋ səkan ma ndewzetene ŋ galdam ege wese ca, əy slepetene ŋ hejəye. 17Aya, hejəye əy jene mbahw ŋ Yesu, manda anta, megeɓzetene hayak tata ka. 18Maa Yesu a ketev anta ŋ kwambawal ca, heje maa zəwet malula a mbalza wese, a rakaw, ŋ nja ka ara mbe. 19A təwse ca, Yesu a kepelzene ma səkwaw, a zlepene, a ŋgaya: «Nda a wata ara hejəye ŋkwa ege, slepetene səkan tewtew maa Bay Madakal a lahwaw ŋ lasan hahar anta.» 20Aya, heje wese, a nda anta ta ŋ uzam ege maa əy kayaɓa Uzam ege Wam, a keghwelzetene səkan maa Yesu a lene ege. Cemey, hejəye ma zləme ma anta ege tewtew, əy káŋga ŋkwaɓ.
Həla Jayrus ey wala ma ca ra anta ata rəgwac Yesu
21Yesu a zenha aza a kwambawal aha bəza wende mala ŋtele wese. Hejəye vəram əy ɓecha ara mbe, kédeŋeye a mazlam ŋtele. 22Heje wende aka, zlam anta Jayrus, ɗala ma teŋguleŋ ŋ taba madakal dakal mala ujek ma ata rak Gazlavay mala Yahudu ege, a ndaha. Aya, maa a gəre Yesu ca, kuraɓ a gəleɓene aka asa ŋgas anta, 23a jene mbahw dakala, a zlepene, a ŋgaya: «Həla naka slaɓ ŋ mac, mbahw ndaha ŋ ca ra ŋkwa a heɗe, ndar a reh anta ŋ dawar anta, a nja ka a nje.» 24Aya, ata Yesu ey Jayrus wese, tel əy nda kəɗe a wata anta. Hejəye vəram əy kasəbaraw, əy kaŋgwaŋgwat kusam a səka.
25Cemey, wala wende a təwse aka, va anta wam aha gbak a kabatha mbambaz. 26Kánda ara hejəye maval menjevek ege vəram. Kása gef dakala. Káŋtakwza səkan ma asa ra anta aza tewtew, cemey, kaw dawar anta kélene zukwana askwaw, a kavas ŋ lene karba. 27Wala anta a zləme, əy kazlap ata Yesu. Aya, a ndaha ŋ taba hejəye, ta a dəwze Yesu, a ca ra anta ata rəgwac anta. 28Cemey, a zlap ŋ ha anta, a ŋgaya: «Mada, sa kácaɓa ra naka kaw ata rəgwac anta ca, sa nereh.» 29A təwse a təwse, mbambaz anta ma kabatha wese zla a zla anta, aya, a zləme ŋ kusam anta ca, mbəy reh ŋ dawar anta wese. 30A təwse ca, Yesu kásanza, ɓarɓar kádamha ŋ kusam anta. A bawha ŋ taba hejəye, aya, a ɗawzata, a ŋgaya: «Ma ca ra ata rəgwac naka ca, vayay?» 31Madarlaŋw anta ege, əy zenene, əy ŋgaya: «Hwa kegəre hejəye vəram, əy kaŋgwaŋgwat kusam ŋghe ca, hwa nasan ŋ ɗawza: “Ma ca ra ata sa vayay” ca, vaŋgay?» 32Cemey, Yesu a sarzata hejəye ma həzlar ege, ŋ gəre ɗala ma ca ra a heɗe wese. 33A təwse ca, wala wese kálalak anta, a kanana, mavəday a kasan səkan maa a law. Aya, a ndaha, a gəleɓene ka asa ŋgas Yesu, a ghwelzene ma anta tewtew a heɗe a heɗe. 34Cemey, Yesu a zlepene, a ŋgaya: «Həla naka, lalam ŋkwa kérehahwaw aza. Nda a zəhay, reh ŋkwa ŋ dawar ŋkwa.»
35Cemey, maa Yesu káŋtakwza zlap kwagwa səkwaw ca, hejəye ma wata Jayrus ege, əy ndaha, əy zlepene, ŋ Jayrus, əy ŋgaya: «Hwa ɗaw ara masasərak zeney ca, vemey? Həla ŋkwa ca, kámac anta.» 36A təwse ca, kaw Yesu kécecefza ma tata anta, askwaw. A zlepene ŋ Jayrus, a ŋgaya: «Hwa lalak səkwaw, mbal lalam ŋkwa aka.» 37Yesu képelzetene taf ŋ hejəye ŋ səbaraw, askwaw, cemey, a ŋta ca, ata Pəyer, Yakuba leŋ Yuhana zlaŋgan Yakuba. 38Əy hwasha a wata Jayrus wese, Yesu a gəre hejəye əy kaɓam pakam, əy kabaw kusam, əy kahan, əy kaja ula a mazlazlay, ŋkwaɓ kéŋgetene aza mambaza. 39Aya, a dam a ujek, a zlepetene, a ŋgaya: «Hune ɓam pakam ana ebe ŋghe ca, mavəday vemey? Hune han vemey? Mba ŋgha ca, kámac, askwaw, a kawan.» 40A təwse ca, hejəye əy sarza Yesu ana ɗala bəse. Aya, a gamata hejəye aza tewtew a bəza, a ŋta tata ata cen mbaw ey maman mbaw leŋ madarlaŋw anta ma mahkaɗ ege wese, a dam a ujek maa mba kéweneye ŋma. 41A təwse ca, a mbal ra həla wese, a zlepene, a ŋgaya: «Taləyta kuməy» ana zlap ca, «Haldəma, sa ma kazlapahwaw, gwarzam!» 42A təwse a təwse, haldəma wese, perce a gwarzam, a nda, va anta ca, wam aha gbak. Hejəye ma a təwse ege tewtew əy kálalak tata. 43Cemey, Yesu a ŋgazata aka a ɓarɓar, kaw əy ɗaw ŋ ghwalza ma anta ŋ kaw vayay səkwaw. A dəwze anta ca, a zlepetene, a ŋgaya: «Hune velene səkan ta zam.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2025 CABTAL