Lukku 10
10
Jesu Utuma Bali Makkumi Alimusanu Abili Ababili
1Nikwakayinda eezyo, Mwami wakasala baambi basikwiiya balimakumi alimusanu abili ababili, mpawo wabatuma kuti bayiinke nembo lyakwe kabali babilibabili mumasena asiyene, ooko Mwami nkwakalikuyanda kuuya. 2Mpawo wakabaambila wati, “Butebuzi mbuyiingi, pesi basikutebula mbache; kamukomba kuti Mwami wabutebuzi, atume babeleki mumuunda. 3Kamuya! Amulange, ndamutuma mbuli tubelele akati kabawumpe. 4Mutanyampuli nikuba kakwama, nikuba chikwama nikuba insangu; alimwi mutakajuzyi kufumbwa ngumutakuswaniye munzila. 5Kufumbwa ŋanda njimuya kunjila, lutaanzi mukakwaambe kuti, ‘Luumuno lube muŋanda eeyo!’ 6Alimwi kuti muna aŋanda wabilana andinywe muluumuno, luumuno lwanu luyokkala alinguwe; pesi kuti kwataba boobo, luyobweeda kulindinywe. 7Alimwi mukakkale muŋanda njiyeeyo, mukaakulye akunywa ezyo nzibayoomupa, nkaambo simulimu ulaachelelo kumpindu zyakwe; mutakayinki kuŋanda aŋanda. 8Kufumbwa muunzi ngumuyonjila alimwi baakumutambula ngamukalye eezyo nzibatakayengezye. 9Mukaponiye bachiswa bali nkukoko, alimwi mukabaambile, ‘Bwami bwaLeza bwaba afwiifwi andinywe.’ 10Pesi mwaakunjila mumuunzi mpawo teebamutambula, kamuya mutuzila, mpawo mwaambe, 11‘Nikuba lusuko lwagunzi lyanu luli kumawulu eesu, tulamukunkumwida; nikuba boobo amuzizibe ezi, kuti bwami bwaLeza bwaba afwiifwi andinywe.’ 12Ndamwaambila, kuyooba chisubulo chipati mubuzuba byaSodomu kwiinda elyo guunzi.”
Chisi Chitazumini
(Mateyu 11:20-24)
13“Maawe kulindinywe, baKkorazini! Maawe kulindinwe, Bbetisayida! Nkaambo nikuunga milimu mipati yakachitwa kulinduwe yakali yachitilwa kuTaya aku Sidoni, bakali kunosanduka chiindi chakale, balakkala muzisamo zyamasaka amudyota! 14Pesi chiyooba chuuba kapati kuTaya aSidoni mubuzuba bwalubeta kwiinda ndinywe. 15#Ay 14:13-15.Alimwi anduwe, Kkapenawumi, iwe tukwe kuyoosumpulwa pe kujulu? Pesi uyoowalilwa muchikkalilo chabafu.”
16“Ooyo umvwa ndinywe umvwa ndime, alimwi ooyo umutama utama ndime, alimwi ooyo utama ndime unoli utama ooyo wakandituma.”
Kuboola Kwabali Kkumi Alimusanu Abili Ababili
17Balimakumi alimusanu abili ababili bakaboola mulukondo, kabati, “Mwami, nibaba basikazwa bakazwa muzina lyako!”
18Mpawo wakabaambila wati, “Ndabona Satani kali kuwa mbuli kalabi kuzwa kujulu. 19Amulange, ndamupa nguzu zyakulyata atala abazoka atubanze, alimwi atala anguzu zyoonse zyasinkondoma; alimwi takukwe kumuchisa pe. 20Nikuba oobo mutabotelwi muli zeezi, kuti mwatanda myuuya mibi; pesi amubotelwe kuti mazina aanu alembwa kujulu.”
Jesu Ulakondwa
(Mateyu 11:25-27; 13:16,17)
21Muchiindi eecho Jesu wakakondwa muMuuya Usalala mpawo wati, “Ndalumba, Taata, Mwami wakujulu anyika, nkaambo wakasisa zintu eezi kubasongo abayiide, pesi mwakaziyubununa kubana baniini nikuba boobo chakabota kubusyu bwanu Taata. 22#Mat 28:18; Jn 3:35; 13:3; 10:15; 17:25. Zyoonse zintu zyakapegwa kulindime kuzwa kuli Taata; alimwi takukwe muntu uuzi Mwana kuunze kwaTaata, nikuba kuti Wisi kuti ngwani kuunze kwaMwana alimwi kufumbwa kuliyooyo Mwana ngwasala kuti amuyubunune Taata.”
23Alimwi wakacheba kuli basikwiiya bakwe mpawo wakabaambila mukavwindi wati, “Alaachoolwe meso abona eezyo nzimubwene! 24Nkaambo ndamwaambila kuti, basinsimi abami bayiingi bakali achiyandisyo chakubona eezi zimubwene, alimwi tebachibona pe, akuti bamvwe eechi nchimumvwide, pesi tebakazimvwa pe.”
Mukozyano Wamu Samariya Mubotu
25Alimwi laanga, umwi muyiisi wamulawu wakabuka, wakali kuyanda kusunka Jesu, wakati, “Mwami, ndichite biyeni kuti ndikajane buumi butamani?”
26Jesu wakamuvwiila wati, “Niinzi chilembedwe mumulawu? Ubala biyeni iwe?”
27Alimwi wakamuvwiila wati, “Yanda Mwami Leza wako amoyo wako woonse, amuuya wako woonse, anguzu zyako zyoonse, amuyeeyo wako woonse; mpawo uyande baabo mbumuyakilene aabo mbuli lyaako.”
28Mpawo Jesu wakati, “Waamba kasimpe; zichite ezi kuti, alimwi uyoopona.”
29Pesi wakayanda, kulisalazya wati kuli Jesu, “Ani ngwani ngundiyakilene awe?”
30Jesu wakamuvwiila wati, “Kwakali mwaalumi wakakunuka kazwa muJerusalemu kaya kuJerikko, wakaswanana ababbi, aabo bakamuuma bamuzuununa zisamo, bakamusiya kalisuntukide. 31Mpawo kwakaza muPayizi munzila njiyeeyo; naakamulanga mwaalumi ooyu wakabembeleka. 32Alimwi kwakaza muLevi, naakasika afwiifwi wakamulanga mwaalumi ooyu alakwe mpawo wakabembeleka. 33Pesi muSamariya, naakali kuyoobuya mulweendo lwakwe, wakasika mpakalilede mwaalumi naakamubona mpawo wakamufwida luzyalo, 34alimwi wakasika mpakalilede, mpawo wamutila mafuta mpawo awayini; wakamulambila midabba azilonda zyakwe, wamubweza ambongolo yakwe wamweeta kuŋanda yabeenzu ooko nkwaka kumoonga. 35Alimwi mubuzuba butobela, awo naakali kubambila kunjila nzila mulweendo lwakwe wakabweza makkobili abili, wakapa ooyu siŋanda yabanakweenda, wakamwaambila wati, ‘Ndikumbila umoonge mwaalumi ooyu; kufumbwa nchutabelesye kwiinda mali njindasiya, nzokupa ndaboola.’ ”
36“Lino ngwani alibaba bantu batatu, nguyeeya kuti, wakatondezya kuba muyakizyani wayooyu mwaalumi wakawumwa abasikubba?”
37Mpawo wakati, “Ngooyu wakamufwida luse mwaalumi ooyo.”
Alimwi Jesu wakamwaambila wati, “Kuya ukachite mbuboobo anduwe.”
Jesu Uswaya Maata aMeri
38Lino nibakali kuyabweenda abasikwiiya bakwe, Jesu wakanjila mugunzi; eelyo kwakali umwi mwanakazi wakali kutegwa zina lyakwe nguMaata wakamutambula muŋanda yakwe. 39Alimwi wakala mwanike wakwe wakalikutegwa Meri, ooyo wakakkala afwiifwi aMwami, kalokuswilizya injiisyo yakwe. 40Pesi Maata wakali kubakutawukila; mpawo wakaya kulinguwe wati, “Mwami, tulipenzyi na kuti mwanike wangu wandilekelezya kandilokukutawuka andilikke? Mwaambile kuti aze azondigwasye.”
41Pesi Mwami wakamuvwiila wati, “Maata, Maata, nkaamboonzi nulikatazya atala azintu zyiingi; 42chintu chimwi chibotu chiyandikana. Alimwi Meri wasala chibela chibotu, nchatakwe kuyoonyanzigwa pe.”
നിലവിൽ തിരഞ്ഞെടുത്തിരിക്കുന്നു:
Lukku 10: TTP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International
Lukku 10
10
Jesu Utuma Bali Makkumi Alimusanu Abili Ababili
1Nikwakayinda eezyo, Mwami wakasala baambi basikwiiya balimakumi alimusanu abili ababili, mpawo wabatuma kuti bayiinke nembo lyakwe kabali babilibabili mumasena asiyene, ooko Mwami nkwakalikuyanda kuuya. 2Mpawo wakabaambila wati, “Butebuzi mbuyiingi, pesi basikutebula mbache; kamukomba kuti Mwami wabutebuzi, atume babeleki mumuunda. 3Kamuya! Amulange, ndamutuma mbuli tubelele akati kabawumpe. 4Mutanyampuli nikuba kakwama, nikuba chikwama nikuba insangu; alimwi mutakajuzyi kufumbwa ngumutakuswaniye munzila. 5Kufumbwa ŋanda njimuya kunjila, lutaanzi mukakwaambe kuti, ‘Luumuno lube muŋanda eeyo!’ 6Alimwi kuti muna aŋanda wabilana andinywe muluumuno, luumuno lwanu luyokkala alinguwe; pesi kuti kwataba boobo, luyobweeda kulindinywe. 7Alimwi mukakkale muŋanda njiyeeyo, mukaakulye akunywa ezyo nzibayoomupa, nkaambo simulimu ulaachelelo kumpindu zyakwe; mutakayinki kuŋanda aŋanda. 8Kufumbwa muunzi ngumuyonjila alimwi baakumutambula ngamukalye eezyo nzibatakayengezye. 9Mukaponiye bachiswa bali nkukoko, alimwi mukabaambile, ‘Bwami bwaLeza bwaba afwiifwi andinywe.’ 10Pesi mwaakunjila mumuunzi mpawo teebamutambula, kamuya mutuzila, mpawo mwaambe, 11‘Nikuba lusuko lwagunzi lyanu luli kumawulu eesu, tulamukunkumwida; nikuba boobo amuzizibe ezi, kuti bwami bwaLeza bwaba afwiifwi andinywe.’ 12Ndamwaambila, kuyooba chisubulo chipati mubuzuba byaSodomu kwiinda elyo guunzi.”
Chisi Chitazumini
(Mateyu 11:20-24)
13“Maawe kulindinywe, baKkorazini! Maawe kulindinwe, Bbetisayida! Nkaambo nikuunga milimu mipati yakachitwa kulinduwe yakali yachitilwa kuTaya aku Sidoni, bakali kunosanduka chiindi chakale, balakkala muzisamo zyamasaka amudyota! 14Pesi chiyooba chuuba kapati kuTaya aSidoni mubuzuba bwalubeta kwiinda ndinywe. 15#Ay 14:13-15.Alimwi anduwe, Kkapenawumi, iwe tukwe kuyoosumpulwa pe kujulu? Pesi uyoowalilwa muchikkalilo chabafu.”
16“Ooyo umvwa ndinywe umvwa ndime, alimwi ooyo umutama utama ndime, alimwi ooyo utama ndime unoli utama ooyo wakandituma.”
Kuboola Kwabali Kkumi Alimusanu Abili Ababili
17Balimakumi alimusanu abili ababili bakaboola mulukondo, kabati, “Mwami, nibaba basikazwa bakazwa muzina lyako!”
18Mpawo wakabaambila wati, “Ndabona Satani kali kuwa mbuli kalabi kuzwa kujulu. 19Amulange, ndamupa nguzu zyakulyata atala abazoka atubanze, alimwi atala anguzu zyoonse zyasinkondoma; alimwi takukwe kumuchisa pe. 20Nikuba oobo mutabotelwi muli zeezi, kuti mwatanda myuuya mibi; pesi amubotelwe kuti mazina aanu alembwa kujulu.”
Jesu Ulakondwa
(Mateyu 11:25-27; 13:16,17)
21Muchiindi eecho Jesu wakakondwa muMuuya Usalala mpawo wati, “Ndalumba, Taata, Mwami wakujulu anyika, nkaambo wakasisa zintu eezi kubasongo abayiide, pesi mwakaziyubununa kubana baniini nikuba boobo chakabota kubusyu bwanu Taata. 22#Mat 28:18; Jn 3:35; 13:3; 10:15; 17:25. Zyoonse zintu zyakapegwa kulindime kuzwa kuli Taata; alimwi takukwe muntu uuzi Mwana kuunze kwaTaata, nikuba kuti Wisi kuti ngwani kuunze kwaMwana alimwi kufumbwa kuliyooyo Mwana ngwasala kuti amuyubunune Taata.”
23Alimwi wakacheba kuli basikwiiya bakwe mpawo wakabaambila mukavwindi wati, “Alaachoolwe meso abona eezyo nzimubwene! 24Nkaambo ndamwaambila kuti, basinsimi abami bayiingi bakali achiyandisyo chakubona eezi zimubwene, alimwi tebachibona pe, akuti bamvwe eechi nchimumvwide, pesi tebakazimvwa pe.”
Mukozyano Wamu Samariya Mubotu
25Alimwi laanga, umwi muyiisi wamulawu wakabuka, wakali kuyanda kusunka Jesu, wakati, “Mwami, ndichite biyeni kuti ndikajane buumi butamani?”
26Jesu wakamuvwiila wati, “Niinzi chilembedwe mumulawu? Ubala biyeni iwe?”
27Alimwi wakamuvwiila wati, “Yanda Mwami Leza wako amoyo wako woonse, amuuya wako woonse, anguzu zyako zyoonse, amuyeeyo wako woonse; mpawo uyande baabo mbumuyakilene aabo mbuli lyaako.”
28Mpawo Jesu wakati, “Waamba kasimpe; zichite ezi kuti, alimwi uyoopona.”
29Pesi wakayanda, kulisalazya wati kuli Jesu, “Ani ngwani ngundiyakilene awe?”
30Jesu wakamuvwiila wati, “Kwakali mwaalumi wakakunuka kazwa muJerusalemu kaya kuJerikko, wakaswanana ababbi, aabo bakamuuma bamuzuununa zisamo, bakamusiya kalisuntukide. 31Mpawo kwakaza muPayizi munzila njiyeeyo; naakamulanga mwaalumi ooyu wakabembeleka. 32Alimwi kwakaza muLevi, naakasika afwiifwi wakamulanga mwaalumi ooyu alakwe mpawo wakabembeleka. 33Pesi muSamariya, naakali kuyoobuya mulweendo lwakwe, wakasika mpakalilede mwaalumi naakamubona mpawo wakamufwida luzyalo, 34alimwi wakasika mpakalilede, mpawo wamutila mafuta mpawo awayini; wakamulambila midabba azilonda zyakwe, wamubweza ambongolo yakwe wamweeta kuŋanda yabeenzu ooko nkwaka kumoonga. 35Alimwi mubuzuba butobela, awo naakali kubambila kunjila nzila mulweendo lwakwe wakabweza makkobili abili, wakapa ooyu siŋanda yabanakweenda, wakamwaambila wati, ‘Ndikumbila umoonge mwaalumi ooyu; kufumbwa nchutabelesye kwiinda mali njindasiya, nzokupa ndaboola.’ ”
36“Lino ngwani alibaba bantu batatu, nguyeeya kuti, wakatondezya kuba muyakizyani wayooyu mwaalumi wakawumwa abasikubba?”
37Mpawo wakati, “Ngooyu wakamufwida luse mwaalumi ooyo.”
Alimwi Jesu wakamwaambila wati, “Kuya ukachite mbuboobo anduwe.”
Jesu Uswaya Maata aMeri
38Lino nibakali kuyabweenda abasikwiiya bakwe, Jesu wakanjila mugunzi; eelyo kwakali umwi mwanakazi wakali kutegwa zina lyakwe nguMaata wakamutambula muŋanda yakwe. 39Alimwi wakala mwanike wakwe wakalikutegwa Meri, ooyo wakakkala afwiifwi aMwami, kalokuswilizya injiisyo yakwe. 40Pesi Maata wakali kubakutawukila; mpawo wakaya kulinguwe wati, “Mwami, tulipenzyi na kuti mwanike wangu wandilekelezya kandilokukutawuka andilikke? Mwaambile kuti aze azondigwasye.”
41Pesi Mwami wakamuvwiila wati, “Maata, Maata, nkaamboonzi nulikatazya atala azintu zyiingi; 42chintu chimwi chibotu chiyandikana. Alimwi Meri wasala chibela chibotu, nchatakwe kuyoonyanzigwa pe.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International