जोहा 8
8
लाटघाटरे साप् ओचोयेन मायजिउ
1मेनखान जिसु दो जा़इतुन बुरुतेये चालावेना। 2आर आ़डि सेताक्रे कोयजोङ ओड़ाक्ते आरहोंए हेच्एना, आर दुडुप्कातेये चेत्आकोकान ताहेंकाना। 3आदो सोसतोर बाडायको आर फा़रिसि दो लाटघाटरे साप् आकादे मित्गोटेन मायजिउ उनि ठेनको आ़गुकेदेया, आर तालारे तेङगोकेदेतेको मेताय काना, 4“ए गुरु नुय मायजिउ दो लाटघाट तुलुच्ए साप् आकाना। 5आ़नरे मोसेये हुकुम आकावात् बोना नोनकानको मायजिउ दो धिरिते तिञ गोच्कोवा मेनते। आम दो चेत्एम मेनेदा?”#लेबितिकुस 20:10; देउतरोनोमि 22:22-24 6नोवा दो बिडा़वे ला़गित्को मेनकेदा, जेमोन दुसिये ला़गित् आ़तको ञाम, मेनखान जिसु दो तुमबुत्काते का़टुप्ते ओतरेये ओक्ओलकान ताहेंकाना। 7आदो कुलियेतेगेको ताहेंयेन खान, सोजहेयेनतेये मेतात्कोवा, “आपे मोदरे बिन का़यानिच्गे धिरिते पा़हिले चापात् माड़ाङेमा।” 8आदो आरहों तुमबुत्काते का़टुप्ते ओतरेये ओक्ओल काना, 9मेनखान ओनको दो ओना आँजोमकेत्ते मिमित् मिमित्तेको ओडोक चालावेना, हाड़ामको खोन एहोप्काते सेसको हा़बिच्गे, आर जिसु एसकारगेये ताहेंयेना आर तालारे तेङगोवाकान उनि मायजिउगे।
10आदो जिसु सोजहेयेनते उनिये मेतादेया, “हेंदा मा़इ ओकायेनाको? ओकोय हों बाको बिचा़र दुसिलेत्मेया?” 11उनिये मेनकेदा, “ओकोय हों बाङ, प्रोभु।” खान जिसुइ मेनकेदा, “इञ हों बा़ञ बिचा़र दुसियेत्मेया, दो सेनजोङमे, नित खोन आर दो आलोम का़या।”#8:11 मारेयाक् आदोम आदोम ओलाक्कोरे नोवा काथा दो बा़नुक्आ।
जिसु दो धा़रतिरेन मारसाल
12आदो जिसु आरहों फा़रिसिकोय गालमारावात्कोवा, “इञगे धा़रति रेयाक् मारसाल, इञ पाँजायिच् दो ञुतरे बाङगेये दाड़ाना, बिचकोम जियोन रेयाक् मारसाल ताहेनताया।” 13खान फा़रिसिको मेतादेया, “आम दो आपनार रेयाङ गोहाम एमेदा, आमाक् गोहा दो बाङ सा़रिया।” 14जिसुइ रोड़ रुवा़ड़ात्कोवा, “इञ दो आपनार रेयाङ गोहाञ एमोक्रेहों, इञाक् गोहा दो सा़रिगेया, एनतेञ बाडाया ओका खोनिञ हेच् आकाना आर ओकातेञ चालाक्काना, मेनखान आपे दो बापे बाडाया ओका खोनिञ हेच् आकाना से ओकातेञ चालाक्काना। 15आपे दो मानवाकोवाक् हुदिस लेका ञेलकातेपे बिचा़रेदा, इञ दो ओकोय हों बा़ञ बिचा़रेत्कोवा। 16आर इञिञ बिचा़रलेरे हों इञाक् बिचा़र दो सा़रिगेया, एनते इञ दो बा़ञ एसकारा, मेनखान इञ कोल आकादिञिच् आ़पुञ इञ साँवरे मेनाया। 17आर आपेयाक् आ़नरे हों ओल आकाना, बाङमा, बार होड़ रेयाक् गोहा दो सा़रिगेया। 18इञ कानाञ आपनार रेयाङ गोहा एमोक्कानिच् दो, आरे कोल आकादिञिच् आ़पुञ हों इञ रेयाङ गोहाये एमेदा।” 19आदोको मेतादेया, आ़पुम दो ओकारे मेनाया? जिसुइ रोड़ रुवा़ड़केदा, इञ हों बापे बाडायेदिञा आर आ़पुञ हों बाङ, इञपे बाडायलिञ खान होनाङ आ़पुञ होंपे बाडायकेया। 20नोवाको काथा दो खाजांचि कांदहारेये गालमारावकेदा, जिसु कोयजोङ ओड़ाक्रेये चेत् आकोकान ताहेंकानरे, आर ओकोय हों बाको साप्लेदेया एनते उनियाक् ओकते दो उन हा़बिच् बाङ सेटेराकान ताहेंकाना।
ओकाते इञ चालाक्कान ओंडे दो आपे बापे चालाव दाड़ेयाक्आ
21आदो आरहोंए मेतात्कोवा, “इञ दोञ चालाक्काना, आरपे ञामबाड़ाञा, आर आपेयाक् का़इरेपे गुजुक्आ, ओकाते इञिञ चालाक्कान आपे दो बापे सेन दाड़ेयाक्आ।”
22ओनाते जिहुदिकोको मेनकेदा, “आच्तेगेये गुजुक्आ से चेत्? एनतेये मेनेत् दो ओकाते इञिञ चालाक्कान आपे दो बापे सेन दाड़ेयाक्आ।” 23आदो जिसुइ मेतात्कोवा, “आपे दो लातार सेच्रेन कानापे, इञ दो चोट सेच्रेन कानाञ, आपे दो नोवा धा़रतिरेन कानापे, इञ दो नोवा धा़रतिरेन दोञ बाङ काना। 24ओनातेञ मेतापेया, बाङमा, ‘आपेयाक् का़इरेपे गुजुक्आ, एनते इञ दोञ उनिकानगेया मेनते बापे पा़तिया़उलेन खान आपेयाक् का़इरेपे गुजुक्आ।’”#8:24 जोहान सोद ४:२६; एकसोडस ३:१४, “इञ कानगेयाञ,” नोवा दो इसोराक् ञुतुम काना।
25आदोको मेतादेया, “आम दोम ओकोय काना?” जिसुइ मेतात्कोवा, “ओने चोङ एतोहोप् खोनिञ ला़इयापेकान। 26ढेर ओकोच् मेनाक्तिञा आपे रेयाङ रोड़ ला़गित् आर बिचा़र ला़गित्, मेनखान कोल आकादिञिच् दोए सा़रिगेया आर इञ दो ओकाको उनि ठेनिञ आँजोमाकात् ओनाकोगे धा़रतिरेनकोञ गालमारावाको काना।”
27ओनको दो बाको बाडायलेदा आपात रेयाङे ला़इयाकोकाना मेनते। 28आदो जिसुइ मेतात्कोवा, “मानवा होपोनपे राकाप्लेरे उनरेपे बाडाया इञ कानगेया़ञ आर इञते दो चेत्हों बा़ञ का़मियेदा मेनते, बिचकोम आ़पुञे चेत्आकावादिञ लेकागे नोवाको दोञ रोड़ेदा। 29कोलआकादिञिच् दो इञ तुलुच् मेनाया, एसकार दो बाय बा़गिआकावादिञा, एनते इञ दो उनिये कुसियाक्कानाक्कोगे सिञसा़टुप् इञ का़मियेदा।” 30नोवाकोय गालमारावाकोकान ताहेंकानरे आ़डि होड़ उनिरेको पा़तिया़वेना।
सा़रियाक् दोए सा़धिनपेया
31खान जिसु दो ओनको पा़तिया़वादे जिहुदिकोय मेतात्कोवा, “आपे दो इञाक् काथारेपे ताहेंइदिलेन खान एनडेखान सा़रिगे इञरेन चेला कानापे, 32सा़रियाक्तेत्पे बाडाय ओरोमा आर सा़रियाक्तेत् दोए सा़धिनपेया।”
33रोड़ रुवा़ड़ादेयाको, “आबराहामरेन बोंस कानाले, आर तिस हों ओकोय ठेन हों बाले गोलाम आकाना, चेकाते आम दोम मेनेदा, बाङमा सा़धिनपे होयोक्आ?”
34जिसुइ रोड़ रुवा़ड़ात्कोवा, “सा़रि सा़रिगेञ मेतापेकाना का़येत्कान मित्के मित् होड़ दो का़इरेन गोलाम कानाय। 35गोलाम दो ओड़ाक्रे जायजुग बाय ताहेना, होपोन दो जायजुगे ताहेना। 36ओनाते होपोने सा़धिनलेपे खान, खा़टिगे सा़धिनपे होयोक्आ। 37बाडायगेया़ञ आबराहामरेन बोंस कानापे मेनते, मेनखान गोजेञपे आ़त बाड़ायेदा, एनते इञाक् काथा दो आपेरे ठा़ँइ बाय ञामेदा। 38ओकाको आ़पुञ ठेनिञ ञेल आकात्, ओनाकोञ गालमारावेदा आर आपे हों आपेरेन बाबा ठेन आँजोम आकात्आक्कोगेपे का़मियेदा।”
39आदोको रोड़ रुवा़ड़ादेया, “आलेरेन बाबा दो आबराहाम कानाय।”
जिसुइ मेतात्कोवा, “आबराहामरेन होपोनपे ताहेन खान, आबराहाम रेयाक् का़मिकोपे का़मिकेया। 40ओने इञ इसोर ठेन खोन आँजोमाकात् सा़रियाक्तेत् इञ ला़इ आकावात्पे होड़गे, नित मा इञ गोजेञ रेयाक् दावपे ञाम बाड़ायेत्, आबराहाम दो बाय नोनकालेदा। 41आपे दो आपेरेन बाबा रेयाक् का़मिकोपे का़मियेदा,”
मेतादेयाको, “आले दो लोटघुटिरे बाले जानामाकाना, मित्गोटेन बाबा मेनाय तालेया, इसोरगे।”
42जिसुइ मेतात्कोवा, “इसोरगे आपेरेन बाबाय ताहेन खान होनाङ, इञपे दुला़ड़केञा, एनते इसोर खोनिञ ओडोकेना आर इञ हेच् आकाना, इञते दो बा़ञ हेच् आकाना मेनखान उनिगेये कोलआकादिञा। 43चेत् इया़ते इञाक् गालमाराव दो बापे बुजहा़वेदा? एनते इञाक् रोड़ दो बापे आँजोम साहाव दाड़ेयाक् काना। 44आपे दो आपेरेन बाबा सायतान खोन कानापे, आर आपेरेन बाबा रेयाक् बा़ड़िच् साना पुरा़उपे मोनेजोङ काना। उनि दो एतोहोप् खोनगे खुनिया़ँहि कानाय, आर सा़रियाक्तेत्रे दो बाय तेङगोवाकाना, एनते सा़रियाक् दो उनिरे बा़नुक् आनेच्। एड़ेयाक्ए रोड़लेरे आपनाराक् चा़लि लेकागेये रोड़ा, एनते एडे़यिच् आर ओनारेन जानामदाता कानाय। 45मेनखान इञ दो सा़रियाक्तेत् इञ रोड़ेत्ते बापे पा़तिया़वा़ञ काना। 46आपे मोदरे ओकोय का़इ रेयाक्ए का़हिल दाड़ेकेञा? सा़रियाक् इञ रोड़ेत् खान चेदाक् बापे पा़तिया़उक् काना? 47ओकोय इसोररेन काने उनि दो इसोराक् काथाकोय आँजोमा, इसोररेन दोपे बाङकानते बापे आँजोम एदा।”
जिसु आर आबराहाम
48जिहुदिको दो जिसुको रोड़ रुवा़ड़ादेया, “आले दो ठिकगे बाले मेनेदा, आम दो सा़मा़रि कानाम आर आमरे भुत मेनाया मेनते?”
49जिसुइ रोड़ रुवा़ड़केदा, “इञरे भुत दो बा़नुगेया, बिचकोम आ़पुञिञ मानोतेदे काना, आर आपे दो बापे मानोतेदिञ काना। 50इञ दो आपनाराक् ठोनोक बा़ञ ञाम बाड़ायेदा, ञाम बाड़ायिच् मित् गोटेन मेनाया। ओने उनि दोए ओनारेन बिक्चा़रिच्कान 51सा़रि सा़रिगेञ मेतापेकाना, जाहाँयगे इञाक् काथाकोय दोहोले खान, मोरोन दो जायजुग हा़बिच् बाय ञेला।”
52जिहुदिकोको मेतादेया, “नितोक् दोले बाडाय ञामकेदा आमरे दो भुत मेनाया। आबराहामे गोच्एना आर ना़बिको हों आर आमेम मेनेदा, जाहाँयगे इञाक् काथाय सेनाक् खान, मोरोन दो जायजुग हा़बिच् बाय चाखाया। 53बाङ दो आमगे आलेरेन बाबा आबराहाम आर ना़बिको खोनेम माराङगे? ओने ओनकोको गोच्एन। आम दो आपनारते चेत्एम बुजहा़उक् काना?”
54जिसुइ रोड़ रुवा़ड़केदा, “इञ दो इञतेगेञ साबासिक् खान, इञाक् साबासि दो चेताताक् हों बाङ काना, आ़पुञ कानाय इञ साबासियिच् दो, ओने उनि रेयाङ आपेपे मेनेत्, आपेरेन इसोर कानाय मेनते। 55आर आपे दो उनि बापे बाडाय आकादेया, मेनखान इञ दोञ बाडाय आकादेया, आर इञ मेनले खान, बा़ञ बाडायेदेया, एनडेखान आपे लेका एक्ड़ेयिच् इञ होयकोक्आ, मेनखान इञिञ बाडायेदेया आर उनियाक् काथाञ दोहोयेदा। 56आपेरेन बाबा आबराहाम दो इञाक् दिन ञेल ला़गित्ए हुला़स एना, ओना दो ञेल होंए ञेलकेदा आर रा़सका़ होंए रा़सका़येना।”
57आदो जिहुदिकोको मेतादेया, “मोंड़ेंगेल सेरमा हों बाम होय आकाना, आर आबराहामेम ञेलआकादेया?”
58जिसु दो ओनकोय मेतात्कोवा, “सा़रि सा़रिगेञ मेतापेकाना, आबराहाम आ़उरिये जानामोक् खोन इञ दो मिना़ञा।” 59खान तिञे ला़गित् धिरिको हालाङकेदा, मेनखान जिसु दोए गुसा़वेना आर कोयजोङ ओड़ाक् खोने ओडोक चालावेना।
നിലവിൽ തിരഞ്ഞെടുത്തിരിക്കുന്നു:
जोहा 8: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025
जोहा 8
8
लाटघाटरे साप् ओचोयेन मायजिउ
1मेनखान जिसु दो जा़इतुन बुरुतेये चालावेना। 2आर आ़डि सेताक्रे कोयजोङ ओड़ाक्ते आरहोंए हेच्एना, आर दुडुप्कातेये चेत्आकोकान ताहेंकाना। 3आदो सोसतोर बाडायको आर फा़रिसि दो लाटघाटरे साप् आकादे मित्गोटेन मायजिउ उनि ठेनको आ़गुकेदेया, आर तालारे तेङगोकेदेतेको मेताय काना, 4“ए गुरु नुय मायजिउ दो लाटघाट तुलुच्ए साप् आकाना। 5आ़नरे मोसेये हुकुम आकावात् बोना नोनकानको मायजिउ दो धिरिते तिञ गोच्कोवा मेनते। आम दो चेत्एम मेनेदा?”#लेबितिकुस 20:10; देउतरोनोमि 22:22-24 6नोवा दो बिडा़वे ला़गित्को मेनकेदा, जेमोन दुसिये ला़गित् आ़तको ञाम, मेनखान जिसु दो तुमबुत्काते का़टुप्ते ओतरेये ओक्ओलकान ताहेंकाना। 7आदो कुलियेतेगेको ताहेंयेन खान, सोजहेयेनतेये मेतात्कोवा, “आपे मोदरे बिन का़यानिच्गे धिरिते पा़हिले चापात् माड़ाङेमा।” 8आदो आरहों तुमबुत्काते का़टुप्ते ओतरेये ओक्ओल काना, 9मेनखान ओनको दो ओना आँजोमकेत्ते मिमित् मिमित्तेको ओडोक चालावेना, हाड़ामको खोन एहोप्काते सेसको हा़बिच्गे, आर जिसु एसकारगेये ताहेंयेना आर तालारे तेङगोवाकान उनि मायजिउगे।
10आदो जिसु सोजहेयेनते उनिये मेतादेया, “हेंदा मा़इ ओकायेनाको? ओकोय हों बाको बिचा़र दुसिलेत्मेया?” 11उनिये मेनकेदा, “ओकोय हों बाङ, प्रोभु।” खान जिसुइ मेनकेदा, “इञ हों बा़ञ बिचा़र दुसियेत्मेया, दो सेनजोङमे, नित खोन आर दो आलोम का़या।”#8:11 मारेयाक् आदोम आदोम ओलाक्कोरे नोवा काथा दो बा़नुक्आ।
जिसु दो धा़रतिरेन मारसाल
12आदो जिसु आरहों फा़रिसिकोय गालमारावात्कोवा, “इञगे धा़रति रेयाक् मारसाल, इञ पाँजायिच् दो ञुतरे बाङगेये दाड़ाना, बिचकोम जियोन रेयाक् मारसाल ताहेनताया।” 13खान फा़रिसिको मेतादेया, “आम दो आपनार रेयाङ गोहाम एमेदा, आमाक् गोहा दो बाङ सा़रिया।” 14जिसुइ रोड़ रुवा़ड़ात्कोवा, “इञ दो आपनार रेयाङ गोहाञ एमोक्रेहों, इञाक् गोहा दो सा़रिगेया, एनतेञ बाडाया ओका खोनिञ हेच् आकाना आर ओकातेञ चालाक्काना, मेनखान आपे दो बापे बाडाया ओका खोनिञ हेच् आकाना से ओकातेञ चालाक्काना। 15आपे दो मानवाकोवाक् हुदिस लेका ञेलकातेपे बिचा़रेदा, इञ दो ओकोय हों बा़ञ बिचा़रेत्कोवा। 16आर इञिञ बिचा़रलेरे हों इञाक् बिचा़र दो सा़रिगेया, एनते इञ दो बा़ञ एसकारा, मेनखान इञ कोल आकादिञिच् आ़पुञ इञ साँवरे मेनाया। 17आर आपेयाक् आ़नरे हों ओल आकाना, बाङमा, बार होड़ रेयाक् गोहा दो सा़रिगेया। 18इञ कानाञ आपनार रेयाङ गोहा एमोक्कानिच् दो, आरे कोल आकादिञिच् आ़पुञ हों इञ रेयाङ गोहाये एमेदा।” 19आदोको मेतादेया, आ़पुम दो ओकारे मेनाया? जिसुइ रोड़ रुवा़ड़केदा, इञ हों बापे बाडायेदिञा आर आ़पुञ हों बाङ, इञपे बाडायलिञ खान होनाङ आ़पुञ होंपे बाडायकेया। 20नोवाको काथा दो खाजांचि कांदहारेये गालमारावकेदा, जिसु कोयजोङ ओड़ाक्रेये चेत् आकोकान ताहेंकानरे, आर ओकोय हों बाको साप्लेदेया एनते उनियाक् ओकते दो उन हा़बिच् बाङ सेटेराकान ताहेंकाना।
ओकाते इञ चालाक्कान ओंडे दो आपे बापे चालाव दाड़ेयाक्आ
21आदो आरहोंए मेतात्कोवा, “इञ दोञ चालाक्काना, आरपे ञामबाड़ाञा, आर आपेयाक् का़इरेपे गुजुक्आ, ओकाते इञिञ चालाक्कान आपे दो बापे सेन दाड़ेयाक्आ।”
22ओनाते जिहुदिकोको मेनकेदा, “आच्तेगेये गुजुक्आ से चेत्? एनतेये मेनेत् दो ओकाते इञिञ चालाक्कान आपे दो बापे सेन दाड़ेयाक्आ।” 23आदो जिसुइ मेतात्कोवा, “आपे दो लातार सेच्रेन कानापे, इञ दो चोट सेच्रेन कानाञ, आपे दो नोवा धा़रतिरेन कानापे, इञ दो नोवा धा़रतिरेन दोञ बाङ काना। 24ओनातेञ मेतापेया, बाङमा, ‘आपेयाक् का़इरेपे गुजुक्आ, एनते इञ दोञ उनिकानगेया मेनते बापे पा़तिया़उलेन खान आपेयाक् का़इरेपे गुजुक्आ।’”#8:24 जोहान सोद ४:२६; एकसोडस ३:१४, “इञ कानगेयाञ,” नोवा दो इसोराक् ञुतुम काना।
25आदोको मेतादेया, “आम दोम ओकोय काना?” जिसुइ मेतात्कोवा, “ओने चोङ एतोहोप् खोनिञ ला़इयापेकान। 26ढेर ओकोच् मेनाक्तिञा आपे रेयाङ रोड़ ला़गित् आर बिचा़र ला़गित्, मेनखान कोल आकादिञिच् दोए सा़रिगेया आर इञ दो ओकाको उनि ठेनिञ आँजोमाकात् ओनाकोगे धा़रतिरेनकोञ गालमारावाको काना।”
27ओनको दो बाको बाडायलेदा आपात रेयाङे ला़इयाकोकाना मेनते। 28आदो जिसुइ मेतात्कोवा, “मानवा होपोनपे राकाप्लेरे उनरेपे बाडाया इञ कानगेया़ञ आर इञते दो चेत्हों बा़ञ का़मियेदा मेनते, बिचकोम आ़पुञे चेत्आकावादिञ लेकागे नोवाको दोञ रोड़ेदा। 29कोलआकादिञिच् दो इञ तुलुच् मेनाया, एसकार दो बाय बा़गिआकावादिञा, एनते इञ दो उनिये कुसियाक्कानाक्कोगे सिञसा़टुप् इञ का़मियेदा।” 30नोवाकोय गालमारावाकोकान ताहेंकानरे आ़डि होड़ उनिरेको पा़तिया़वेना।
सा़रियाक् दोए सा़धिनपेया
31खान जिसु दो ओनको पा़तिया़वादे जिहुदिकोय मेतात्कोवा, “आपे दो इञाक् काथारेपे ताहेंइदिलेन खान एनडेखान सा़रिगे इञरेन चेला कानापे, 32सा़रियाक्तेत्पे बाडाय ओरोमा आर सा़रियाक्तेत् दोए सा़धिनपेया।”
33रोड़ रुवा़ड़ादेयाको, “आबराहामरेन बोंस कानाले, आर तिस हों ओकोय ठेन हों बाले गोलाम आकाना, चेकाते आम दोम मेनेदा, बाङमा सा़धिनपे होयोक्आ?”
34जिसुइ रोड़ रुवा़ड़ात्कोवा, “सा़रि सा़रिगेञ मेतापेकाना का़येत्कान मित्के मित् होड़ दो का़इरेन गोलाम कानाय। 35गोलाम दो ओड़ाक्रे जायजुग बाय ताहेना, होपोन दो जायजुगे ताहेना। 36ओनाते होपोने सा़धिनलेपे खान, खा़टिगे सा़धिनपे होयोक्आ। 37बाडायगेया़ञ आबराहामरेन बोंस कानापे मेनते, मेनखान गोजेञपे आ़त बाड़ायेदा, एनते इञाक् काथा दो आपेरे ठा़ँइ बाय ञामेदा। 38ओकाको आ़पुञ ठेनिञ ञेल आकात्, ओनाकोञ गालमारावेदा आर आपे हों आपेरेन बाबा ठेन आँजोम आकात्आक्कोगेपे का़मियेदा।”
39आदोको रोड़ रुवा़ड़ादेया, “आलेरेन बाबा दो आबराहाम कानाय।”
जिसुइ मेतात्कोवा, “आबराहामरेन होपोनपे ताहेन खान, आबराहाम रेयाक् का़मिकोपे का़मिकेया। 40ओने इञ इसोर ठेन खोन आँजोमाकात् सा़रियाक्तेत् इञ ला़इ आकावात्पे होड़गे, नित मा इञ गोजेञ रेयाक् दावपे ञाम बाड़ायेत्, आबराहाम दो बाय नोनकालेदा। 41आपे दो आपेरेन बाबा रेयाक् का़मिकोपे का़मियेदा,”
मेतादेयाको, “आले दो लोटघुटिरे बाले जानामाकाना, मित्गोटेन बाबा मेनाय तालेया, इसोरगे।”
42जिसुइ मेतात्कोवा, “इसोरगे आपेरेन बाबाय ताहेन खान होनाङ, इञपे दुला़ड़केञा, एनते इसोर खोनिञ ओडोकेना आर इञ हेच् आकाना, इञते दो बा़ञ हेच् आकाना मेनखान उनिगेये कोलआकादिञा। 43चेत् इया़ते इञाक् गालमाराव दो बापे बुजहा़वेदा? एनते इञाक् रोड़ दो बापे आँजोम साहाव दाड़ेयाक् काना। 44आपे दो आपेरेन बाबा सायतान खोन कानापे, आर आपेरेन बाबा रेयाक् बा़ड़िच् साना पुरा़उपे मोनेजोङ काना। उनि दो एतोहोप् खोनगे खुनिया़ँहि कानाय, आर सा़रियाक्तेत्रे दो बाय तेङगोवाकाना, एनते सा़रियाक् दो उनिरे बा़नुक् आनेच्। एड़ेयाक्ए रोड़लेरे आपनाराक् चा़लि लेकागेये रोड़ा, एनते एडे़यिच् आर ओनारेन जानामदाता कानाय। 45मेनखान इञ दो सा़रियाक्तेत् इञ रोड़ेत्ते बापे पा़तिया़वा़ञ काना। 46आपे मोदरे ओकोय का़इ रेयाक्ए का़हिल दाड़ेकेञा? सा़रियाक् इञ रोड़ेत् खान चेदाक् बापे पा़तिया़उक् काना? 47ओकोय इसोररेन काने उनि दो इसोराक् काथाकोय आँजोमा, इसोररेन दोपे बाङकानते बापे आँजोम एदा।”
जिसु आर आबराहाम
48जिहुदिको दो जिसुको रोड़ रुवा़ड़ादेया, “आले दो ठिकगे बाले मेनेदा, आम दो सा़मा़रि कानाम आर आमरे भुत मेनाया मेनते?”
49जिसुइ रोड़ रुवा़ड़केदा, “इञरे भुत दो बा़नुगेया, बिचकोम आ़पुञिञ मानोतेदे काना, आर आपे दो बापे मानोतेदिञ काना। 50इञ दो आपनाराक् ठोनोक बा़ञ ञाम बाड़ायेदा, ञाम बाड़ायिच् मित् गोटेन मेनाया। ओने उनि दोए ओनारेन बिक्चा़रिच्कान 51सा़रि सा़रिगेञ मेतापेकाना, जाहाँयगे इञाक् काथाकोय दोहोले खान, मोरोन दो जायजुग हा़बिच् बाय ञेला।”
52जिहुदिकोको मेतादेया, “नितोक् दोले बाडाय ञामकेदा आमरे दो भुत मेनाया। आबराहामे गोच्एना आर ना़बिको हों आर आमेम मेनेदा, जाहाँयगे इञाक् काथाय सेनाक् खान, मोरोन दो जायजुग हा़बिच् बाय चाखाया। 53बाङ दो आमगे आलेरेन बाबा आबराहाम आर ना़बिको खोनेम माराङगे? ओने ओनकोको गोच्एन। आम दो आपनारते चेत्एम बुजहा़उक् काना?”
54जिसुइ रोड़ रुवा़ड़केदा, “इञ दो इञतेगेञ साबासिक् खान, इञाक् साबासि दो चेताताक् हों बाङ काना, आ़पुञ कानाय इञ साबासियिच् दो, ओने उनि रेयाङ आपेपे मेनेत्, आपेरेन इसोर कानाय मेनते। 55आर आपे दो उनि बापे बाडाय आकादेया, मेनखान इञ दोञ बाडाय आकादेया, आर इञ मेनले खान, बा़ञ बाडायेदेया, एनडेखान आपे लेका एक्ड़ेयिच् इञ होयकोक्आ, मेनखान इञिञ बाडायेदेया आर उनियाक् काथाञ दोहोयेदा। 56आपेरेन बाबा आबराहाम दो इञाक् दिन ञेल ला़गित्ए हुला़स एना, ओना दो ञेल होंए ञेलकेदा आर रा़सका़ होंए रा़सका़येना।”
57आदो जिहुदिकोको मेतादेया, “मोंड़ेंगेल सेरमा हों बाम होय आकाना, आर आबराहामेम ञेलआकादेया?”
58जिसु दो ओनकोय मेतात्कोवा, “सा़रि सा़रिगेञ मेतापेकाना, आबराहाम आ़उरिये जानामोक् खोन इञ दो मिना़ञा।” 59खान तिञे ला़गित् धिरिको हालाङकेदा, मेनखान जिसु दोए गुसा़वेना आर कोयजोङ ओड़ाक् खोने ओडोक चालावेना।
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025