जोहा 2
2
काना आतोरे बापला
1तेसार हिलोक् दो गा़लिल रेयाक् काना आतोरे मित्टेन बापला ताहेंकाना आर जिसुरेन एङगात ओंडेये ताहेंकाना, 2आर जिसु आर उनिरेन चेलाको हों ओना बापलारेको नेवतायेना। 3आदो दारखा रासा आकुला़नेन खान, जिसुरेन एङगात दो उनिये मेतादेया, “दारखा रासा बा़नुक्ताकोवा।” 4जिसु दोए मेतादेया, “हेंदा गो इञ तुलुच् आमाक् दो चेत्? इञाक् ओकते दो आ़उरियाक्आ।” 5एङगाततेत् दो साप्दाप्कोय मेतात्कोवा, “जिसु जाहानाक्गेये मेतापे ओनकायपे।” 6ओंडे दो जिहुदिकोवाक् साफाक् चा़लि लेका बाबार पेपे मुँड़ि साहोबोक् धिरि रेयाक् तुरुइ गोटेन दाक् हानडहा दोड़ोम आकान ताहेंकाना। 7जिसुइ मेतात्कोवा, “दाक् हानडहाको मा दाक्ते पेरेजपे, आदो काङखा हा़बिच्को पेरेच्केदा।” 8आदोए मेतात्कोवा, “मा नितोक् दो भुरा़गते भोज मुखिया़ इदिआयपे,” आदोको इदिकेदा 9उनि भोज मुखिया़ दो दारखा रासा आकान दाक्ए चाखा आ़इका़उकेत् खान, आर बाय बाडायकान ताहेंकाना ओका खोन काना मेनते, मेनखान दाक्को भुरा़क्लेत् साप्दाप्को दोको बाडायकान ताहेंकाना, भोज मुखिया़ दो जाँवाँये होहोवादेया आरे मेतादेया, 10“सानाम होड़ पा़हिल दो भागे दारखा रासाको चालाव माड़ाङा, आरको बुललेन खान दो कोम बोगेयाक्, आम दो भागे दारखा रासा नित हा़बिच्एम दोहो आकादा।” 11चिनहा़को रेयाक् एतोहोप् मेनते नोवा दो जिसु गा़लिल रेयाक् काना आतोरेये का़मिलेदा, आर आयाक् ठोनोक ए सोदोरकेदा आर उनिरेन चेलाको दो उनिरेको पा़तिया़वेना।
12ओना तायोम जिसु दो काफारना़हुमतेये फेड चालावेना, आच् एङगाततेत् आर बोयहाको आर आच्रेन चेलाको, ओंडे दो थोड़ा दिनको ताहेंयेना।
जिसु कोयजोङ ओड़ाक्तेये चालाक्कान
(माथ 21:12-13; मा़र 11:15-17; लु 19:45-46)
13आर जिहुदिकोवाक् सेन पारोम पोरोब सोर आकान ताहेंकाना आर जिसु दो जेरुसालेमतेये राकाप् चालावेना। 14आर कोयजोङ ओड़ाक्रे डाङगरा, भिडि आर पारवा आ़खरिञको आर टाका पोयसा भा़ङगा़निको दुड़ुप् आकाने ञेलकेत्कोवा, 15खानगे बाबेर रेयाक् मित्टेन कोडरा बेनावकाते कोयजोङ ओड़ाक् खोन जोतोकोय लागा ओडोककेत्कोवा, भिडिको आर डाङगराको हों आर टाका पोयसा भा़ङगा़निकोवाक् पायसाय छिटिया़उ गिडिकात्ताकोवा आर मेजकोय उलटा़उकात्ताकोवा, 16आर ओनको पारवा आ़खरिञकोय मेतात्कोवा, “नोवाको मेन नोंडे खोन इदियपे आ़पुञाक् ओड़ाक् दो बेपार ओड़ाक् आलोपे बेनावा।” 17उनिरेन चेलाको नोवा ओल आकाना मेनतेको दिसा़केदा, “आमाक् ओड़ाक् रेयाक् आँटोक्गे इञ दो सेङगेल लेकाय जोमेञा।”#सेरेञको 69:9 18आदो जिहुदिको रोड़ रुवा़ड़ादेतेको मेतादेया, “चेत् चिनहा़म उदुक्आले काना, नोवाकोम का़मियेत् दो?” 19जिसुइ रोड़ रुवा़ड़ात्कोवा, “नोवा कोयजोङ ओड़ाक् धाङधासेरपे आर इञ दो पे माँहाँतेगे ओनाञ बेरेदा।” 20ओनाते जिहुदिकोको मेनकेदा, “नोवा कोयजोङ ओड़ाक् दो पोनगेल तुरुइ सेरमाते बेनावेना, आर आम दो पे माँहाँरे ओनाम बेरेद ला़गित्?” 21मेनखान जिसु दो आयाक् होड़मो कोयजोङ ओड़ाक् रेयाङे रोड़लेदा। 22ओनाते गोच्को खोने जिवेत् बेरेत्एनरे चेलाको दिसा़केदा नोवाए रोड़लेदा मेनते आर सोसतोररे आर जिसुइ रोड़लेत् काथारेको पा़तिया़वेना।
जिसु दो मानवा गुने बाडाया
23आदो जेरुसालेमरे सेन पारोम पोरोबरेये ताहेंकान जोखेच् जिसुइ का़मियेत् ताहेंकान चिनहा़को ञेलते आ़डि होड़ उनियाक् ञुतुमरेको पा़तिया़वेना। 24मेनखान जिसु आच् दो ओनको बाय पा़तिया़उ उता़रात्कोवा, आच्गे जोतो होड़े बाडायेत्को ताहेंकान इया़ते। 25आर मानवा रेयाक् जाहाँय होड़ गोहाय एम दो बाङ जा़रुड़ादेया, एनते आच्गेये बाडायकान ताहेंकाना मानवारे चेत् मेनाक्आ मेनते।
നിലവിൽ തിരഞ്ഞെടുത്തിരിക്കുന്നു:
जोहा 2: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025
