१ कोरि 6
6
साँवतेन बिसवा़सिको तालारे माम्बला
1आपे मोदरेन जाहाँय होड़ एटाक् होड़ उपा़रते जाहान काथा ताहेनतायरे, बेधोरोमको ठेन ला़लिसे दिल एदा, आर सोनोतको ठेन दो बाङ, नोवा दो चेकाते? 2से बापे बाडाया सोनोतको दो धा़रतिरेनकोको बिचा़रकोवा मेनते? आर आपे होतेते धा़रति बिचा़रोक् काना, एनडेखान हुडिञ उता़राक् झोगड़ाको बिचा़र दाड़े दो बा़नुक् तापेया। 3बापे बाडाया आबो दो दुतको बोन बिचा़रकोवा मेनते? एनडेखान चेत् निया़ जियोन रेयाक्आक्को दो भाला जाहानाक् काना? 4आदो निया़ रेयाङ जाहान माम्बलाको मेनाक्तापे खान, मान्डेर बाहरेरेनकोगे बा़इसिपे दुड़ुप् ओचोयेत्कोवा, ओकोयाक् जियोन दो मान्डेर बाय बा़सुताक्कान? 5लाजाव ओचोपे ला़गित्गेञ रोड़ेदा, चेत् सा़रिगे आपे तालारे आकेलानको दो चेले हों बा़नुक्कोवा ओकोय आपनार बोयहाको तालारेको बिचा़र छिन्डा़उ दाड़ेके? 6मेनखान बोयहागे बोयहाततेत् का़चा़हा़रिरेये ला़लिसाय काना, आर ओना हों बेपा़तिया़उको ठेन?
7आपे तालारे माम्बला मेनाक् दो नित हों आपे ला़गित् लोकसान कान चोङ बिचकोम बेहोक ओचोक्गे बापे साहावा? बिचकोम बापे रेच् ओचोक्आ? 8मेनखान आपेगेपे बेहोहोक काना आरपे रेरेच् काना आर ओना हों आपेरेन बोयहाकोगे। 9से बापे बाडाया बेहोकको दो इसोराक् राज बाको आ़इदा़रि जोङा मेनते? आलोपे बुला़उक्आ, बाङ दो लाटघा़क्टिको, बाङ दो बोङगा सेक्वाको, बाङ दो लाटघाघाटको बाङ दो लाङचा़ङिया़को, बाङ दो जोजोगनाको 10बाङ दो कोकोमबड़ोको, बाङ दो धोन लालोचको, बाङ दो बुलुक्को, बाङ दो चोकाक् बाकलाक् रोरोड़को, बाङ दो लुलुटको ओकोय हों इसोराक् राज बाको आ़इदा़रि जोङा। 11आर ओनकान कोगे आदोम आदोमको दोपे ताहेंकाना मेनखान पे आ़रुप् साफा ओचोयेना आर पे सोनोत ओचोयेना, आर पे सा़रि ओचोयेना प्रोभु जिसु मा़सिह ञुतुमते आर आबोरेन इसोर रेन जिउते।
आपेयाक् होड़मो दो इसोराक् ठोनोक ला़गित् लाड़चाड़ पे
12“जोतोवाक्गे गानोक् तिञा,” मेनखान जोतोवाक् दो बाङ पोरहोवाना, जोतोवाक्गे गानोक् तिञा, मेनखान ओकाटाक्ते हों बा़ञ गोबोल ओचोक्आ। 13“जोमाक् दो लाच् ला़गित्, आर लाच् दो जोमाक् ला़गित्।” मेनखान इसोर दो ओना हों आर नोवा होंए मारावा। आदो होड़मो दो लोटघुटि ला़गित् दो बाङ काना, मेनखान प्रोभु ला़गित्गे। 14आर इसोर दो प्रोभु होंए जिवेत् बेरेत्केदेया आर आबो हों आयाक् दाड़ेतेये जिवेत् बेरेत् रुवा़ड़बोना।
15चेत् बापे बाडाया, आपेयाक् होड़मो दो मा़सियाक् होड़मो हा़टिञको काना मेनते? आदो चेत् इञ दो मा़सियाक् होड़मो हा़टिञकोवानते कुसुमबिवाक् बेसाफा होड़मो हा़टिञिञ बेनावा? तिस हों बाङ। 16से बापे बाडाया, कुसुमबि तुलुच् जोड़ाव आकानिच् दो उनि तुलुच् मित् होड़मोगेयाय मेनते? एनते मेनेदा, “उनकिन दोकिन मित् होड़मोक्आ।” 17मेनखान प्रोभुरे जोड़ाव आकानिच् दो उनि तुलुच् मित् जिउ ए होयोक्आ।
18लोटघुटि खोन ञिरजोङपे। मित्के मित् का़इ ओने होड़को का़मियेत्कान, ओना दो होड़मो खोन बाहरेगेया, लोटघुक्टियिच् दो आपनार होड़मो रेयाक्ए का़येदा। 19से बापे बाडाया आपेयाक् होड़मो दो इसोर खोनपे ञामआकादा आपेरे मेनाय सोनोत जिउ रेयाक् कोयजोङ ओड़ाक्काना मेनते? 20एनते दामतेपे किरिञ छोडाव आकाना, ओनाते होड़मोकोरे इसोर ठोनोकायपे।
നിലവിൽ തിരഞ്ഞെടുത്തിരിക്കുന്നു:
१ कोरि 6: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025