१ कोरि 4
4
मा़सिरेन आपोसतोलको
1आम दो आले नोनका लेकाको बुजहा़उले मा, मा़सिरेन गुतिको आर इसोराक् ओकोवाक्कोरेन लोनबोनकोगे। 2मा़सिरेन साप् दाप्को दो आकोरेन प्रोभु ला़गित् जेमोन पा़तिया़रको ताहेन। 3आपे आर मानवाकोवाक् का़चा़हा़रि ओकोय हों बाको बिचा़र दाड़ेयाक्। इञ आपनारते दो बा़ञ बिचा़रोक् काना। 4हें इञाक् ओनतोररे जाहान बा़ड़िच् दो बा़ञ आटकार ञामेदा; एनहों नोवारे बा़ञ बुजहा़उक् काना, इञ दो बिन दोसगेञ टारहाव आकाना मेनते; इञ बिचा़रिच् दोए प्रोभु काना। 5ओना इया़ते ओकते आ़उरिरे चेत् हों आलोपे बिचा़रा, प्रोभु आ़उरिये हिजुक् हा़बिच्, ओने उनि ञुत रेयाक् ओकोवाक्को हों मारसालतेये आ़गुय, आर ओनतोरको रेयाक् मोनेजोङाक् होंए सोदोर, आर उनरे मिमित् होड़ इसोर ठेन खोन सारहावको ञामा।
6आदो ए बोयहा, आपेयाक् लाब ला़गित्गे ना़मुना लेकाते जेमोन नोवा मेन रेयाक् माने पे बाडाय आर नियोम पे पाँजा दोहोय नोवाको दो इञ आर आपोलोस रेञ खाटाव ओचोवाकादा आपे खा़तिरते जेमोन ओल आकानाक्को आलो पारोमा मेनते आ़लिञरेपे चेत्जोङ; जेमोन आपेको मोदरे ओकोय हों मित् होड़ ञुतुमते आलोपे सारहावक् एटा़गिच् बिरुदरे। 7एनते आम दो ओकोये बेगारेत्मेया? आर चेत् मेनाक्तामा, ओकाटाक् बाम ञामआकात्? आरेम ञामआकात् खान चेदाक्एम सारहावक् काना? बाम ञामआकात् लेका,
8जा़रुड़ाक् जोतोमापे ञामआकात् चोङ? आपेपे किसा़ँड़आकना? आले बेगोरतेपे राजआकाना? हें बाड़ेपे राजकोक्, जेमोन आले हों आपे साँवतेले राजकोक् दो नापाय होयकोक्आ। 9एनते इञ बुजहा़उरे इसोर दो आले आपोसतोलको सेस उता़रको मेनकातेये उदुक्आकात्लेया, गोच् ओचोक् ला़गित् टारहाव आकानको लेकागे, एनते आले दो धा़रति ला़गित् तामासाले होय आकाना दुतको सामाङरे हों आर होड़को सामाङरे हों 10आले दो मा़सि खा़तिरते लेलहाको मेनखान आपे दो मा़सिरे बुदानकोगे, मेनखान आले दो निजोरको, मेनखान आपे दो जोरानकोगे, आपे दो साबासियानको, मेनखान आले दो बेमानकोगे। 11निया़ घा़ड़ि हा़बिच् रेङगेच् तेताङरे मेनाक्लेया, आरले लाङगाट आकाना, दाल ओचोक् कानाले, आरले गा़युरटा़पुरोक् काना। 12निजे तितेले का़मियेत्ते चोकाक् बाकलाक् ओचोक् कानरेले भोराको काना, खेद ओचोक् कानरेले साहावेत् काना, 13बोदनाम ओचोक्कानरे हों दुला़ड़ सालाक्ले रोड़ रुवा़ड़ाको काना। नित हा़बिच् आले दो धा़रति रेयाक् मा़इला़ लेका, हें सानामको रेयाक् जोबरागेले होय आकाना।
14लाजाव ओचोपे ला़गित् नोवाको दो बा़ञ ओलेत् काना, मेनखान इञरेन दुला़ड़िया़ गिदरा़को मेनकाते सिखा़उ पाड़हावपे ला़गित्गे। 15एनते मा़सिरे गेल हाजार गुरुको ताहेंलेनतापेरे हों आयमा बाबा दो बा़नुक्कोतापेया चेदाक् जे मा़सि जिसुरे भागे सोमबात होतेते इञगे आपेरेन बाबाञ होय आकाना। 16ओनातेञ नेहोंरापेकान इञ लेकाको होयोक्पे। 17ओना इया़तेगे तिमोथि आपे ठेनिञ कोलकेदेया, ओने उनि दो प्रोभुरे इञरेन दुला़ड़िया़ आर पा़तिया़र गिदरा़ काने, उनिगे जिसु मा़सिरे इञाक् चाल चोलोन रेयाङे दिसा़ ओचोपेया, चेत् लेका सानाम टा़नडि मिमित् मान्डेर रेञ ला़इ चेचेत्कान।
18आपे ठेन बा़ञ चालाक्आ मेनते, आदोम आदोमको दोको फुला़उ आकाना। 19मेनखान उसा़रागेञ चालाक्आ आपे ठेन, प्रोभुइ मेन लेखान, आर ओनको फुला़उ आकानकोवाक् काथा दो बाङ, मेनखान दाड़ेतेत् इञ बाडाय ञाम ताकोवा। 20एनते इसोराक् राज दो काथा तेयाक् दो बाङ काना, मेनखान दाड़े तेयाक्गे। 21चेत्पे ञाम काना? ठेङगावानते आपे ठेनिञ चालाक्आ से दुला़ड़ आर मा़ँहिंर जिवानतेगे?
നിലവിൽ തിരഞ്ഞെടുത്തിരിക്കുന്നു:
१ कोरि 4: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025