Maliku 6
6
Yesu angukanilwa kula Nazaleti
Matayu 13:53-58; Luka 4:16-30
1Yesu akahuka pala akayenda ukaya ghaki, akikovekelwa na wavulwa ghaki. 2Lichuwa lya kupumulila palihika, akatumbula kuvula ku mulighuta gha kukonganika. Wayahudi wandu watangala wamyughanilile wakakangaswa, wakakonya, “Apatili kugha mighalu hagha? Ni Mawachilo gha mahala ghani hagha apeghilwi? Kangi angughola ghuli makangaso hagha? 3Hayu ng'ogha yula mhongola vindu vya mibiki, mwana wa Maliamu na mlongu ghao akina Yakobu na Yoseana Yudasi na Simoni? Wakakonyana wahacha ghaki ng'ogha wangulikala baha kwa twenga?” Hinu wakasindwa Kumkwinila.
4Yesu akawalongela,“Mlota wa Sapanga angutundamilwa mahala kogha ila angutundamilwa ng'ogha ku mlima ghaki, kwa walongu ghaki na ukaya ghaki”
5Yesu kaghola ng'ogha makangaso pala, ila awavikilile mawoku wavina wamayaghani, akawalamisa. 6Yesu alikangasili nesu kwa ikiva gha ukwinila ng'ogha wa weni.
Yesu anguwahaghula wayitikila ikumi na waivili
Matayu 10:5-15; Luka 9:1-6
hinu Yesu aviyendelelile vimuji vya pala vivile pabehi akiwavula wandu. 7Awakemili wala wayitikila ikumi na waivili, akatumbula kuwayegha wavili wa vili, akawapegha uweso wa kuwavingavinga mahoka, 8Akawalongela, “Mkotoho kutola chochosi pa myenda ila mkongocho hela. Mkotoho kutola libumunda, ng'ogha mhaku, ng'ogha mapesa. 9Mvali makobasi ila mkotoho kutola nguu gha nyongesa.” 10Kangi akawalongela, “Kokosi mtepokelwa mulighuta, mkotoho kuhuka kuyenda ku maghuta ghangi mbaka lipindi lya kuhuka. 11Mahala poposi pavile wandu watewakanila kuwapokela au kuwayughanila, muhuki pala na myapundi malifu mmaghulu gha mwenga handa ulangihi kwa weni.” 12Hinu, wakahuka, wakawatangasila wandu waleki uhakata.
13Wawawingilile mahoka watangala, wakawapakala mahuta gha mizeituni wavina watangala, wakawalamisa.
Kihu kya Yohanambatisa
Matayu 14:1-12; Luka 9:7-9
14Hinu, Mnduna Helode pa ahyoghanila milandu hagha yogha, kwa ikiva ukulu wa Yesu uvile ulandala. Wandu wangi wavile wakilonga, “Yohanambatisa kahinduka kuhuma kwa wahwegha, ndiwa kwa ikiva makakala hagha yangughola lihengu mghati ghaki.”
15Ila ghangi walongili, “Mundu hayu ni Eliya,” wandu ghangi wakalonga, “Ayu ni handa mmonga ghao walota liloto wala wa dahile.” 16Ila Helode pa kayughanila milandu hila, akalonga, “Hayu ni Yohanambatisa! Yula nimdumulile mutu ndiwa kahinduka.”
17Pala dahile Helode mweni avile kalonga Yohanambatisa akolwi na kumuwopa ku lighuta lya wawopwa. Helode agholile nagha kwa ikiva Helode amposile mdala wa Filipo, mlongu ghaki. 18Yohanambatisaji avile kamlongela Helode, “Ng'ogha maha wenga kumtola mdala wa mlongu ghako.” 19Hinu, Helodia akamhyomela nesu Yohana, akapala kumkoma, awesi ng'ogha.
20Helode amtilile Yohanakwa ikiva kamanya yiwa Yohanani mundu wa maha na mkwilikihi, na vila akamgholokela. Helode apalile kumyoghanila Yohana, hata ikiva badili gha kumyoghanila, umtama munu nesu. 21Lichuwa limonga, Helodia akahaka njila, Ivile mhambu wa kuwelekwa kwa Helode, Helode awagholile mhambu wanahota wa njengakaya, wakulu wa watova ngondo na vilongosi wa Galilaya.
22Hinu, biti ghaki Helodia akayingila, na kukina, akawahekelesa nesu Helode na wahenja ghaki. Nduna akamlongela hayu mhinja, “Uluwi chochosi ukipaliti na nenga nitekupegha.” 23Kangi kamlapila, “Chochosi uteniluwa, nitekupegha, hata nusu gha unduna ghangu,” 24Pala yula mhinja akahuka, akamkonya nyongo ghaki, “Niluwi kyani?” Na mweni akamyanga, “Mutu wa Yohana Mbatisa.”
25Mhinja akamuhuyila Nduna mbilo akamlongela, “Ningupala unipeghi hinaa baha, mutu wa Yohana Mbatisa ku luselo.”
26Nduna atamilile moyu nesu, ila kwa ikiva gha kilapu kyake, na kwa wala wahenja ghaki mmuhambu, kawesa ng'ogha kumkanila.
27Hinu, Nduna akamlongela mtova ngondo kuyegha mutu wa Yohana Mbatisa. Mtova ngondo akayenda, kumdumula Yohanamutu mula mlighuta gha wawopwa. 28Akayegha mutu muluselo, akampegha mhinja na mweni mhinja akampegha nyongo ghaki. 29Wayitikila wa Yohanapa wayoghanila lilando hali, wakayenda wakautola higha ghaki, wakasika.
Yesu anguwapegha mulyo wandu ielufu itano
Matayu 14:13-21; Luka 9:10-17; Yohana 6:1-14
30Wala wandumindumi wakahuya, wakalikungula kuulongolu gha Yesu, wakamlongela yogha wayaghola na kuvula. 31Yesu akawalongela, “Tuyendi weka yetu mbaka pahala kwa kujihigha mkapumulili mayaghani.” Alongilile nagha kwa ikiva kuvile na wandu watangala nesu wavile wanguhika baha na kuhuka hata Yesu na wayitikila ghaki mbaka wapatile ng'ogha njila gha kulyegha mulyo. 32Hinu, wakahuka wakayenda weka ghao kwa whatu, wakayenda mahala pa kuhigha. 33Ila wandu watangala wawalolile wakiyenda, na weni wakawamanya. Hinu wamonga wahukili kwa maghulu ku kila mmbwani, wakalongola kuhika.
34Lipindi Yesu pa aghuluka mghati gha whatu, Yesu akalola lipinga likulu nga lya wandu, akawawonela luhungu, kwa ikiva wavile handa kondolu wavile ng'ogha na mhungaji. Akatumbula kuwavula mihalu itangala. 35Lipindi lya pamihi lipela kala. Hinu, wayitikila wakamyendela Yesu, wakamlongela, “Mahala baha ni pamwitu, na lijuwa linguhonga. 36Mbaha uwatauli wandu wayendi mumatawa na vimuji vya pabehi, wakahemeli mulyo.” 37Ila Yesu akawalongela,“Muwapeghi mwenga mulyo.” Na weni wakamkonya, “Ghuli uloli ng'ogha itedahilwa tuvile na mapesa ngenju ili tuhemeli mibumunda, na kuwapegha mulyo?”
38Yesu akawakonya, “Mvile na mibumunda mininga? Myendi mkaloli.” pa walolile kala, wakamlongela, “Kuvile mibumunda itano na homba wavili hela”
39Hinu, Yesu akawalaghila wayitikila wawatamisi wandu wogha lipinga lipinga kumanyahi.
40Na weni wakatama mapinga mapinga gha wandu imia na gha wandu ikumi itano. 41Hinu, Yesu akaitola hila mibumunda itano na wala homba wavili, akalola kunani kundumba, akavihighila, akaimetula mibumunda, akawapegha wayitikila ghaki na wayitikila ghaki wakawapegha wandu. Na wala homba waivili vila vila wakawapegha wogha. 42Wandu wogha wakalyegha, wakayukuta. 43Wakalokota vipandi vighighalile vya mibumunda na homba, wakamemesa vibeja ikumi na ivili. 44Na weni walyeghili yila mibumunda wavile walumi ielufu itano,
Yesu angutyanga kunani gha masi
Matayu 14:22-33; Yohana 6:15-21
45Palapala Yesu akawalongela wayitikila ghaki wakweli muwhatu, wakalongolile kuyenda Betisaida kumwambu gha lihiwa Galilaya, lipindi mweni angulitahula lipinga lya wandu. p 46Badili gha kuwatahula wandu akayenda kulitumbi kumyupa Sapanga. 47Pa ihika lumihi, whatu ivile paghati gha lihiwa, na mweni avile weka ghaki ku mlima myumu. 48Awalolile wayitikila ghaki wakighasika kutova pondu kwa makakala mu whatu kwa ikiva liyegha livile linguwaghuyisa kuhyetu, hinu pa ivile pabehi na kuchiya, Yesu akawahikila akityanga kunani gha masi, akighola handa anguwaleka. 49Ila pa wamwonile akityanga kunani gha masi, waliwachila ni upumuli wa wagogolo, wakatova lilowi. 50Kwa ikiva wogha pa wamlolile wakatila nesu. Lipindi lilalila Yesu akalonga na weni, “Mtami nuu, ni nenga! Mkotoho kutila!” 51Hinu, akakwela muwhatu kuwavile, na liyegha likauleka. Weni wakalikangasa nesu, 52Kwa ikiva wamanyili ng'ogha niki hula mkangaso wa kuwalyeghesa mibumunda wandu ielufu itano, kwa ikiva mahala ghao yavile yamanyili ng'ogha.
Yesu anguwalamisa wavina kula Genesaleti
Matayu 14:34-36
53Wahubukili lihiwa, wakahika mlima wa Genisaleti, wakasaghamisa whatu mmbali wakiwopa lughoi. 54Pa waghululile mu whatu wandu wakammanya yiwa ni Yesu. 55Hinu, kwa kuloposela wakatindila ku mlima hula wogha, wakatumbula kuwatola wavina wawonjili kunani gha mmihinda ghao, wakawayegha kila mahala pa wayughanila Yesu kabaha. 56Kila mahala Yesu ayendile, kimbwani na kumbwani, au mmitawa, wandu wawavikile wavina mahala pa lipala, wakamluwa nesu wakoli hata luviniku lya nguu ghaki. Na wala wogha wamkoliti wakalama.
നിലവിൽ തിരഞ്ഞെടുത്തിരിക്കുന്നു:
Maliku 6: NTMbBL2025
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.
Maliku 6
6
Yesu angukanilwa kula Nazaleti
Matayu 13:53-58; Luka 4:16-30
1Yesu akahuka pala akayenda ukaya ghaki, akikovekelwa na wavulwa ghaki. 2Lichuwa lya kupumulila palihika, akatumbula kuvula ku mulighuta gha kukonganika. Wayahudi wandu watangala wamyughanilile wakakangaswa, wakakonya, “Apatili kugha mighalu hagha? Ni Mawachilo gha mahala ghani hagha apeghilwi? Kangi angughola ghuli makangaso hagha? 3Hayu ng'ogha yula mhongola vindu vya mibiki, mwana wa Maliamu na mlongu ghao akina Yakobu na Yoseana Yudasi na Simoni? Wakakonyana wahacha ghaki ng'ogha wangulikala baha kwa twenga?” Hinu wakasindwa Kumkwinila.
4Yesu akawalongela,“Mlota wa Sapanga angutundamilwa mahala kogha ila angutundamilwa ng'ogha ku mlima ghaki, kwa walongu ghaki na ukaya ghaki”
5Yesu kaghola ng'ogha makangaso pala, ila awavikilile mawoku wavina wamayaghani, akawalamisa. 6Yesu alikangasili nesu kwa ikiva gha ukwinila ng'ogha wa weni.
Yesu anguwahaghula wayitikila ikumi na waivili
Matayu 10:5-15; Luka 9:1-6
hinu Yesu aviyendelelile vimuji vya pala vivile pabehi akiwavula wandu. 7Awakemili wala wayitikila ikumi na waivili, akatumbula kuwayegha wavili wa vili, akawapegha uweso wa kuwavingavinga mahoka, 8Akawalongela, “Mkotoho kutola chochosi pa myenda ila mkongocho hela. Mkotoho kutola libumunda, ng'ogha mhaku, ng'ogha mapesa. 9Mvali makobasi ila mkotoho kutola nguu gha nyongesa.” 10Kangi akawalongela, “Kokosi mtepokelwa mulighuta, mkotoho kuhuka kuyenda ku maghuta ghangi mbaka lipindi lya kuhuka. 11Mahala poposi pavile wandu watewakanila kuwapokela au kuwayughanila, muhuki pala na myapundi malifu mmaghulu gha mwenga handa ulangihi kwa weni.” 12Hinu, wakahuka, wakawatangasila wandu waleki uhakata.
13Wawawingilile mahoka watangala, wakawapakala mahuta gha mizeituni wavina watangala, wakawalamisa.
Kihu kya Yohanambatisa
Matayu 14:1-12; Luka 9:7-9
14Hinu, Mnduna Helode pa ahyoghanila milandu hagha yogha, kwa ikiva ukulu wa Yesu uvile ulandala. Wandu wangi wavile wakilonga, “Yohanambatisa kahinduka kuhuma kwa wahwegha, ndiwa kwa ikiva makakala hagha yangughola lihengu mghati ghaki.”
15Ila ghangi walongili, “Mundu hayu ni Eliya,” wandu ghangi wakalonga, “Ayu ni handa mmonga ghao walota liloto wala wa dahile.” 16Ila Helode pa kayughanila milandu hila, akalonga, “Hayu ni Yohanambatisa! Yula nimdumulile mutu ndiwa kahinduka.”
17Pala dahile Helode mweni avile kalonga Yohanambatisa akolwi na kumuwopa ku lighuta lya wawopwa. Helode agholile nagha kwa ikiva Helode amposile mdala wa Filipo, mlongu ghaki. 18Yohanambatisaji avile kamlongela Helode, “Ng'ogha maha wenga kumtola mdala wa mlongu ghako.” 19Hinu, Helodia akamhyomela nesu Yohana, akapala kumkoma, awesi ng'ogha.
20Helode amtilile Yohanakwa ikiva kamanya yiwa Yohanani mundu wa maha na mkwilikihi, na vila akamgholokela. Helode apalile kumyoghanila Yohana, hata ikiva badili gha kumyoghanila, umtama munu nesu. 21Lichuwa limonga, Helodia akahaka njila, Ivile mhambu wa kuwelekwa kwa Helode, Helode awagholile mhambu wanahota wa njengakaya, wakulu wa watova ngondo na vilongosi wa Galilaya.
22Hinu, biti ghaki Helodia akayingila, na kukina, akawahekelesa nesu Helode na wahenja ghaki. Nduna akamlongela hayu mhinja, “Uluwi chochosi ukipaliti na nenga nitekupegha.” 23Kangi kamlapila, “Chochosi uteniluwa, nitekupegha, hata nusu gha unduna ghangu,” 24Pala yula mhinja akahuka, akamkonya nyongo ghaki, “Niluwi kyani?” Na mweni akamyanga, “Mutu wa Yohana Mbatisa.”
25Mhinja akamuhuyila Nduna mbilo akamlongela, “Ningupala unipeghi hinaa baha, mutu wa Yohana Mbatisa ku luselo.”
26Nduna atamilile moyu nesu, ila kwa ikiva gha kilapu kyake, na kwa wala wahenja ghaki mmuhambu, kawesa ng'ogha kumkanila.
27Hinu, Nduna akamlongela mtova ngondo kuyegha mutu wa Yohana Mbatisa. Mtova ngondo akayenda, kumdumula Yohanamutu mula mlighuta gha wawopwa. 28Akayegha mutu muluselo, akampegha mhinja na mweni mhinja akampegha nyongo ghaki. 29Wayitikila wa Yohanapa wayoghanila lilando hali, wakayenda wakautola higha ghaki, wakasika.
Yesu anguwapegha mulyo wandu ielufu itano
Matayu 14:13-21; Luka 9:10-17; Yohana 6:1-14
30Wala wandumindumi wakahuya, wakalikungula kuulongolu gha Yesu, wakamlongela yogha wayaghola na kuvula. 31Yesu akawalongela, “Tuyendi weka yetu mbaka pahala kwa kujihigha mkapumulili mayaghani.” Alongilile nagha kwa ikiva kuvile na wandu watangala nesu wavile wanguhika baha na kuhuka hata Yesu na wayitikila ghaki mbaka wapatile ng'ogha njila gha kulyegha mulyo. 32Hinu, wakahuka wakayenda weka ghao kwa whatu, wakayenda mahala pa kuhigha. 33Ila wandu watangala wawalolile wakiyenda, na weni wakawamanya. Hinu wamonga wahukili kwa maghulu ku kila mmbwani, wakalongola kuhika.
34Lipindi Yesu pa aghuluka mghati gha whatu, Yesu akalola lipinga likulu nga lya wandu, akawawonela luhungu, kwa ikiva wavile handa kondolu wavile ng'ogha na mhungaji. Akatumbula kuwavula mihalu itangala. 35Lipindi lya pamihi lipela kala. Hinu, wayitikila wakamyendela Yesu, wakamlongela, “Mahala baha ni pamwitu, na lijuwa linguhonga. 36Mbaha uwatauli wandu wayendi mumatawa na vimuji vya pabehi, wakahemeli mulyo.” 37Ila Yesu akawalongela,“Muwapeghi mwenga mulyo.” Na weni wakamkonya, “Ghuli uloli ng'ogha itedahilwa tuvile na mapesa ngenju ili tuhemeli mibumunda, na kuwapegha mulyo?”
38Yesu akawakonya, “Mvile na mibumunda mininga? Myendi mkaloli.” pa walolile kala, wakamlongela, “Kuvile mibumunda itano na homba wavili hela”
39Hinu, Yesu akawalaghila wayitikila wawatamisi wandu wogha lipinga lipinga kumanyahi.
40Na weni wakatama mapinga mapinga gha wandu imia na gha wandu ikumi itano. 41Hinu, Yesu akaitola hila mibumunda itano na wala homba wavili, akalola kunani kundumba, akavihighila, akaimetula mibumunda, akawapegha wayitikila ghaki na wayitikila ghaki wakawapegha wandu. Na wala homba waivili vila vila wakawapegha wogha. 42Wandu wogha wakalyegha, wakayukuta. 43Wakalokota vipandi vighighalile vya mibumunda na homba, wakamemesa vibeja ikumi na ivili. 44Na weni walyeghili yila mibumunda wavile walumi ielufu itano,
Yesu angutyanga kunani gha masi
Matayu 14:22-33; Yohana 6:15-21
45Palapala Yesu akawalongela wayitikila ghaki wakweli muwhatu, wakalongolile kuyenda Betisaida kumwambu gha lihiwa Galilaya, lipindi mweni angulitahula lipinga lya wandu. p 46Badili gha kuwatahula wandu akayenda kulitumbi kumyupa Sapanga. 47Pa ihika lumihi, whatu ivile paghati gha lihiwa, na mweni avile weka ghaki ku mlima myumu. 48Awalolile wayitikila ghaki wakighasika kutova pondu kwa makakala mu whatu kwa ikiva liyegha livile linguwaghuyisa kuhyetu, hinu pa ivile pabehi na kuchiya, Yesu akawahikila akityanga kunani gha masi, akighola handa anguwaleka. 49Ila pa wamwonile akityanga kunani gha masi, waliwachila ni upumuli wa wagogolo, wakatova lilowi. 50Kwa ikiva wogha pa wamlolile wakatila nesu. Lipindi lilalila Yesu akalonga na weni, “Mtami nuu, ni nenga! Mkotoho kutila!” 51Hinu, akakwela muwhatu kuwavile, na liyegha likauleka. Weni wakalikangasa nesu, 52Kwa ikiva wamanyili ng'ogha niki hula mkangaso wa kuwalyeghesa mibumunda wandu ielufu itano, kwa ikiva mahala ghao yavile yamanyili ng'ogha.
Yesu anguwalamisa wavina kula Genesaleti
Matayu 14:34-36
53Wahubukili lihiwa, wakahika mlima wa Genisaleti, wakasaghamisa whatu mmbali wakiwopa lughoi. 54Pa waghululile mu whatu wandu wakammanya yiwa ni Yesu. 55Hinu, kwa kuloposela wakatindila ku mlima hula wogha, wakatumbula kuwatola wavina wawonjili kunani gha mmihinda ghao, wakawayegha kila mahala pa wayughanila Yesu kabaha. 56Kila mahala Yesu ayendile, kimbwani na kumbwani, au mmitawa, wandu wawavikile wavina mahala pa lipala, wakamluwa nesu wakoli hata luviniku lya nguu ghaki. Na wala wogha wamkoliti wakalama.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.