Matayu Ulongulelu wa Matayu
Ulongulelu wa Matayu
Habali Maha handa iyandikilwi na Matayu ni imonga gha vihitabu vinjechi kulilaghano lihyonu vyeni kulongelela ngalilu gha Yesu Kilisito. Kila kihitabu kimonga kingukemwa Injili ingumaanisa Habali Maha. Vihitabu havi viyandikilwi kuulongolo gha kihu kya Yesu Kilisito na weni kuyandika ni Matayu na Maliku na Lukasi na Yohana. Na wasoma wangumanya ng'ogha yiwa ni ligha nesu Matayu ayandikile Habali Maha hai. Ila inguwesekana kiyandikilwi paghati gha machuva gha isitini kuulongolo gha kihu kya Kilisito. Hila hila ingumanyika ng'ogha yiwa kugha kiyandikilwi, ila watangala wangukisila kiyandikilwi ku Palesitina na inguwesa kuwela kummbwani wa Yelusalemu.
Myandika wa Habali Maha hai ni Matayu yula mweni kuwela mkungukula usulu pambila gha Yesu kumkema aweli mvulwa ghaki. Hilahila awelili akimanyikana kwa lihina lya Lawi. Matayu awelili mmonga wa wandumindumi ikumi na ivili na awayandikilili Habali hai wasoma wa Kiyahudi. Hai inguhighilisa lipala vila katumila mtindu wa kuhuyila huyila vifungu kupiti isitini kuhuma ku Lilaghano lya dahile. lukani lwa hai liwelili kulangiha yiwa Yesu ni masiha na hayu ni Kilisito, Mkombola ahaghulililwi na Sapanga, mweni kulongelelwa habali zyaki. Matayu hilahila ayandikili mighalu matangala gha Unkosi wa Sapanga. Wayahudi waliwachilili masiya atewela nkosi wa unkosi wa siasa. Matayu angungingama kwa umaha mawachilo hagha kwa kulongelela Unkosi wa Kimpumulo wa Sapanga.
Habali Maha handa iyandikwa na Matayu ni kihitabu maheli kutumbula kulilaghano hyonu kwaikiva gha kutumila vifungu kuhuma kulilaghanu lya dahile. Kihitabu haki kingukonganisa malaghanu maivili. Wasomi wanguwachila yiwa Matayu ayesili kukovekela mtindu wa vihitabu vya Musa, vila vihitabu vimhano vya mtumbulo kulilaghano lya dahile. Matangaso gha Yesu kulitumbi (Matayu 5-7) yanguwesa kulandaniswa na lipindi pala Sapanga ampeghili Musa malaghililo (Ngumbungumbu 19:3-23:33).
Gha mghati:
Matayu angutumbula Habali Maha kwa kulongela kuwelekwa kwa yesu Kilisito na vila Yesu katumbula lihengu lyaki kuwusu 1-4
Hinu angulongela lihengu lya Yesu na mavulo ghaki matangala avulile kuwusu 5-25
Matayu anguyomola kwa kulongelela Habali ngulu nesu gha utumikila wa Yesu kuhuma kukihu kyaki mbaka uhinduko ghaki hai inguwoneka kuwusu 26-28.
നിലവിൽ തിരഞ്ഞെടുത്തിരിക്കുന്നു:
Matayu Ulongulelu wa Matayu: NTMbBL2025
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.