Matayu 24
24
Yesu angulongela kubomolwa kwa Lighuta lya Sapanga
Maliku 13:1-2; Luka 21:5-6
1Yesu akahuma Kulighuta lya Sapanga na paawelili akiyenda zyaki, wayitikila ghaki wakamyendela, wakamlangiha majengu gha Lighuta lya Sapang. 2Yesu akawalongela, “Ghuli, Mngulola hagha hyogha? Chakaka ninguwalongela, kwahela hata liganga litehighala baha kunani palimonga, kila kindu kitebomolwa.”
Lung'ai na maghaso
Maliku 13:3-13; Luka 21:7-19
3Yesu pawelili katama kunani mwa litumbi lya mizeituni, wavulwa ghaki wakamyendela ili waweli weka yau mahala pala, wakamkonya, “Tulongeli mighalu hai itehumila ligha? Ni kilangihi kyani kitetulangiha kuhika kwa wenga na kilangihi kya mwihu wa mlima wogha ni niki?”
4Yesu akawayanga, “Mlihungi mundu akotoho kuwangonga.” 5Wandu watangala watehumila wakitumila lihina lya nenga na weni watewayaghamisa wandu watangala. 6Mteyughanila mighalu gha ngondo na kulongelwa kuwela kwa ngondo, ila mkotoho kung'ung'ulika, kwaikiva hagha lasima yuhumili, ila mwihu ghaki utewela wambila. 7Wandu wa mlima mmonga watetovana na wandu wa mlima mghangi, na wandu wa unkosi mmonga utetovana na wandu wa unkosi ghangi. Amonga gha mahala kutewela na njala na mihihimilo kumahala wekaweka gha mlima wogha. 8Hagha hyogha ni handa mtumbulo wa utungu wa kuiwopola mwana.
9Hinu Yesu akayendelela kulonga, “Watewahumisa ili mhakilwi na kukomwa. Na milima hyogha itewahyomela kwaikiva gha kunikwinila nenga.” 10Lipindi hali, wandu watangala wateleka kukwinila kwau, na weni watehyukana kila mmonga na myake na kuhyomelana. 11Hinu, watehumila walota watangala wa uhwangi, watewalongela mighalu gha uhwangi wandu watangala. 12Kangi upalo wa wandu watangala utepungula kwaikiva sambi sitewela siyongeseka nesu. 13Ila yula mundu ategangamala mbaka mwihu ndiwa atelokoka. 14Ila, pambila gha mwihu kuhika, hai Habali Maha gha unkosi wa Sapanga itetangaswa kogha ili wandu wogha wapati kuimanya.
Lung'ai likulunga
Maliku 13:14-23; Luka 21:20-24
15“Pamlola mghalu wa kutisa weni kuyegha uyalamiso ugholoka Ukaya kwa Sapanga, handa ailongile Danieli mlota wa Sapanga, yula mweni kusoma anguwesa kumanya mighalu hai.” 16Hinu, wala wawelili Yudasia na watuilili mmitumbi. 17Mweni kuwela kunani gha lipaghala lya lighuta lyaki akotoho kughuluka kutola kindu chochosi kuhuma mulighuta lyaki. 18Na yula mwenikuwela mlitawa akotoho kuhuya ukaya kutola nguu zyaki. 19Watenyokolwa wanyongo wenikuwela na ndumbu na wala wanguyongesa kumachuwa hagha! 20Mluwi ili mkotoho bhutuka lipindi lya lupepu au lichuwa lya kupumulila! 21Kwaikiva lipindi hali kutewela na lung'ai likulunga lipatili ng'ogha kuhumila kuhuma mtumbulo wa mlima wogha mbaka hinaa, na wala itehumila ng'ogha kangi. 22Ila Sapanga kapungula kala machuwa hagha, handa angalipungula ng'ogha machuwa hagha kwahela mundu angalilokoka, ila kukovekelana na wahaghulwa ghaki Sapanga kapungula machuwa hagha.
23“Hinu, kumachuwa hagha handa mundu yeyosi paawalongela hagha, ‘Kilisito kabaha au kakula,’ mkotoho kumyitikila.” 24Kwaikiva watehumila wandu wenikuikema kilisito waghangi na walota wa uhwangi. Wateghola makangaso makulunga na maloloso gha kuwesa kuwayaghamisa paiwesekana hata wahaghulwa wa Sapanga. 25Mlihungi, nenga niwalongela kala pambila gha mighalu hai kuhumila.
26Hinu, Pawawalongela, “Mloli, Kilisito kakuluvagha,” mkotoho kuyenda. Au “Mloli Kilisito kajihigha mghati,” mkotoho kuyitikila. 27Kwaikiva, handa vila lumuli lingulangasa kuhuma kuhumila liujuwa mbaka kuhongela lijuwa, ndiwa kutewela haku kuhika kwa Mwana wa Mundu.
28Kwaikiva pala penikuwela lindumbi, ndiwa pala watelikungula wagwasi.
Kuhika kwa Mwana wa Mundu
Maliku 13:24-27; Luka 21:25-28
29Bwitu machuwa hagha gha lung'ahi payayenda, Sapanga ateghalambula lijuwa kuwela lwisa, na mbalamwehi itelangasa ng'ogha na ndondwa ziteguwa kuhuma kunani, hilahila Sapanga atetika makakala gha kundumba. 30Ndiwa, kilangihi kya Mwana wa Mundu kitewoneka kunani, na baha wandu wogha wa mlima wogha watelumbilila. Kwaikiva watemlola Mwana wa Adamu akihika kuhuma kunani gha mahindu gha kundumba na makakala gha ukulu utangala. 31Na mweni atewayegha watumikila ghaki kunu wakikuwa talumbeta, na weni watewakungula wayitikila ghaki kuhuma pandi zyogha njechi zya mlima wogha, kuhuma mwihu mmonga wa kunani mbaka mwihu ghangi.
Mlivuli kuhuma kulibiki lya tini
Maliku 13:28-31; Luka 21:29-33
32“Kupitila libiki lya tini mjivuli mlandano ghaki, bwitu lipindi miputila ghaki paitumbula kuwela pyeeku mahamba ghaki, mngumanya yiwa lipindi lya kutukutula lya pabehi.” 33Hilahila mwenga pamlola mighalu hai hyogha ingugholeka, mmanyi yiwa kapabehi nesu. 34Ninguwalongela chakaka, kiwelekwa haki kiteyenda ng'ogha pambila gha mighalu hai hyogha kuhumila. 35Kundumba na mlima wogha viteyenda, ila milando hai iteyenda ng'ogha.
Kwahela angumanya lichua wala lipindi
Maliku 13:32-37; Luka 17:26-30, 34-36
36“Ila kumanya lichuwa au lipindi hali, kwahela mundu mweni kuwesa kumanya litehika ligha, wala watumikila wa kundumba wa Sapanga wala Mwana, ila Tati weka ghaki ndiwa mweni kumanya lichuwa hali.” 37Kwaikiva handa iwelili lipindi lya Nuhu, ndiwa itewela kuhika kwa mweni Mwana wa Mundu. 38Kwaikiva lipindi lila yambila gha kufula kwa masi, wandu wawelili wakilyegha na kunywegha, wakiposa na kuposwa mbaka lichuwa lila Nuhu paayingilili kulisafina. 39Wamanyili ng'ogha chochosi mbaka pala kufula kwa masi papakungula vyogha. Havi ndiwa itewela lipindi Mwana wa Adamu paatehika. 40Lipindi hali wandu waivili watewela mkitawa, mmonga atetolwa na ghangi atelekwa. 41Wadala waivili watewela wanguhyagha pamonga, mmonga atetolwa na ghangi atelekwa. 42“Hinu, mlihungi, kwaikiva mmanyang'ogha lichuwa atehika Bambu wa mwenga.” 43Ila mmanyi mghalu hau, ikiva mweni lighuta angalimanya lipindi ligha mwihi atehika, angalilindila, angalileka kuwonja akaleka lighuta lyaki libomolwi. 44Kwaikiva gha nagha, na mwenga mliyandali, kwaikiva Mwana wa Adamu atehika lipindi mmanya ng'ogha.
Mlandano wa mtumikila wa chakaka
Luka 12:41-48
45Yesu akayendelela kulonga, “Ni ghani hinu avile mtumikila wa chakaka na mweni mawachilo gha maha, yula Bambu ghaki atemvika agholokeli wandu ghaki, awapeghi mulyo kwa lipindi lyaki?” 46Itewela maha handa bambu hayu paatehika atemlola mtumikila ghaki akighola nagha! 47Chakaka ninguwalongela, atemvika mtumikila hayu agholokeli hindu ghaki hyogha. 48Ila handa mtumikila wa chakaka ng'ogha pakajilongelela mmoyu, “Bambu ghangu atehika ng'ogha kwa kuloposela,” 49Hinu akatumbula kuwatova watumikila wayaki, akatumbula kulyegha na kunywegha pamonga na walowela, 50Bambu ghaki atehika lichuwa limanyika ng'ogha na lipindi alimanya ng'ogha. 51Atemnyokola nesu na kumtaya mlipinga limonga na wandu wambindingu. Haku atelila na kuhyagha malino.
നിലവിൽ തിരഞ്ഞെടുത്തിരിക്കുന്നു:
Matayu 24: NTMbBL2025
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.
Matayu 24
24
Yesu angulongela kubomolwa kwa Lighuta lya Sapanga
Maliku 13:1-2; Luka 21:5-6
1Yesu akahuma Kulighuta lya Sapanga na paawelili akiyenda zyaki, wayitikila ghaki wakamyendela, wakamlangiha majengu gha Lighuta lya Sapang. 2Yesu akawalongela, “Ghuli, Mngulola hagha hyogha? Chakaka ninguwalongela, kwahela hata liganga litehighala baha kunani palimonga, kila kindu kitebomolwa.”
Lung'ai na maghaso
Maliku 13:3-13; Luka 21:7-19
3Yesu pawelili katama kunani mwa litumbi lya mizeituni, wavulwa ghaki wakamyendela ili waweli weka yau mahala pala, wakamkonya, “Tulongeli mighalu hai itehumila ligha? Ni kilangihi kyani kitetulangiha kuhika kwa wenga na kilangihi kya mwihu wa mlima wogha ni niki?”
4Yesu akawayanga, “Mlihungi mundu akotoho kuwangonga.” 5Wandu watangala watehumila wakitumila lihina lya nenga na weni watewayaghamisa wandu watangala. 6Mteyughanila mighalu gha ngondo na kulongelwa kuwela kwa ngondo, ila mkotoho kung'ung'ulika, kwaikiva hagha lasima yuhumili, ila mwihu ghaki utewela wambila. 7Wandu wa mlima mmonga watetovana na wandu wa mlima mghangi, na wandu wa unkosi mmonga utetovana na wandu wa unkosi ghangi. Amonga gha mahala kutewela na njala na mihihimilo kumahala wekaweka gha mlima wogha. 8Hagha hyogha ni handa mtumbulo wa utungu wa kuiwopola mwana.
9Hinu Yesu akayendelela kulonga, “Watewahumisa ili mhakilwi na kukomwa. Na milima hyogha itewahyomela kwaikiva gha kunikwinila nenga.” 10Lipindi hali, wandu watangala wateleka kukwinila kwau, na weni watehyukana kila mmonga na myake na kuhyomelana. 11Hinu, watehumila walota watangala wa uhwangi, watewalongela mighalu gha uhwangi wandu watangala. 12Kangi upalo wa wandu watangala utepungula kwaikiva sambi sitewela siyongeseka nesu. 13Ila yula mundu ategangamala mbaka mwihu ndiwa atelokoka. 14Ila, pambila gha mwihu kuhika, hai Habali Maha gha unkosi wa Sapanga itetangaswa kogha ili wandu wogha wapati kuimanya.
Lung'ai likulunga
Maliku 13:14-23; Luka 21:20-24
15“Pamlola mghalu wa kutisa weni kuyegha uyalamiso ugholoka Ukaya kwa Sapanga, handa ailongile Danieli mlota wa Sapanga, yula mweni kusoma anguwesa kumanya mighalu hai.” 16Hinu, wala wawelili Yudasia na watuilili mmitumbi. 17Mweni kuwela kunani gha lipaghala lya lighuta lyaki akotoho kughuluka kutola kindu chochosi kuhuma mulighuta lyaki. 18Na yula mwenikuwela mlitawa akotoho kuhuya ukaya kutola nguu zyaki. 19Watenyokolwa wanyongo wenikuwela na ndumbu na wala wanguyongesa kumachuwa hagha! 20Mluwi ili mkotoho bhutuka lipindi lya lupepu au lichuwa lya kupumulila! 21Kwaikiva lipindi hali kutewela na lung'ai likulunga lipatili ng'ogha kuhumila kuhuma mtumbulo wa mlima wogha mbaka hinaa, na wala itehumila ng'ogha kangi. 22Ila Sapanga kapungula kala machuwa hagha, handa angalipungula ng'ogha machuwa hagha kwahela mundu angalilokoka, ila kukovekelana na wahaghulwa ghaki Sapanga kapungula machuwa hagha.
23“Hinu, kumachuwa hagha handa mundu yeyosi paawalongela hagha, ‘Kilisito kabaha au kakula,’ mkotoho kumyitikila.” 24Kwaikiva watehumila wandu wenikuikema kilisito waghangi na walota wa uhwangi. Wateghola makangaso makulunga na maloloso gha kuwesa kuwayaghamisa paiwesekana hata wahaghulwa wa Sapanga. 25Mlihungi, nenga niwalongela kala pambila gha mighalu hai kuhumila.
26Hinu, Pawawalongela, “Mloli, Kilisito kakuluvagha,” mkotoho kuyenda. Au “Mloli Kilisito kajihigha mghati,” mkotoho kuyitikila. 27Kwaikiva, handa vila lumuli lingulangasa kuhuma kuhumila liujuwa mbaka kuhongela lijuwa, ndiwa kutewela haku kuhika kwa Mwana wa Mundu.
28Kwaikiva pala penikuwela lindumbi, ndiwa pala watelikungula wagwasi.
Kuhika kwa Mwana wa Mundu
Maliku 13:24-27; Luka 21:25-28
29Bwitu machuwa hagha gha lung'ahi payayenda, Sapanga ateghalambula lijuwa kuwela lwisa, na mbalamwehi itelangasa ng'ogha na ndondwa ziteguwa kuhuma kunani, hilahila Sapanga atetika makakala gha kundumba. 30Ndiwa, kilangihi kya Mwana wa Mundu kitewoneka kunani, na baha wandu wogha wa mlima wogha watelumbilila. Kwaikiva watemlola Mwana wa Adamu akihika kuhuma kunani gha mahindu gha kundumba na makakala gha ukulu utangala. 31Na mweni atewayegha watumikila ghaki kunu wakikuwa talumbeta, na weni watewakungula wayitikila ghaki kuhuma pandi zyogha njechi zya mlima wogha, kuhuma mwihu mmonga wa kunani mbaka mwihu ghangi.
Mlivuli kuhuma kulibiki lya tini
Maliku 13:28-31; Luka 21:29-33
32“Kupitila libiki lya tini mjivuli mlandano ghaki, bwitu lipindi miputila ghaki paitumbula kuwela pyeeku mahamba ghaki, mngumanya yiwa lipindi lya kutukutula lya pabehi.” 33Hilahila mwenga pamlola mighalu hai hyogha ingugholeka, mmanyi yiwa kapabehi nesu. 34Ninguwalongela chakaka, kiwelekwa haki kiteyenda ng'ogha pambila gha mighalu hai hyogha kuhumila. 35Kundumba na mlima wogha viteyenda, ila milando hai iteyenda ng'ogha.
Kwahela angumanya lichua wala lipindi
Maliku 13:32-37; Luka 17:26-30, 34-36
36“Ila kumanya lichuwa au lipindi hali, kwahela mundu mweni kuwesa kumanya litehika ligha, wala watumikila wa kundumba wa Sapanga wala Mwana, ila Tati weka ghaki ndiwa mweni kumanya lichuwa hali.” 37Kwaikiva handa iwelili lipindi lya Nuhu, ndiwa itewela kuhika kwa mweni Mwana wa Mundu. 38Kwaikiva lipindi lila yambila gha kufula kwa masi, wandu wawelili wakilyegha na kunywegha, wakiposa na kuposwa mbaka lichuwa lila Nuhu paayingilili kulisafina. 39Wamanyili ng'ogha chochosi mbaka pala kufula kwa masi papakungula vyogha. Havi ndiwa itewela lipindi Mwana wa Adamu paatehika. 40Lipindi hali wandu waivili watewela mkitawa, mmonga atetolwa na ghangi atelekwa. 41Wadala waivili watewela wanguhyagha pamonga, mmonga atetolwa na ghangi atelekwa. 42“Hinu, mlihungi, kwaikiva mmanyang'ogha lichuwa atehika Bambu wa mwenga.” 43Ila mmanyi mghalu hau, ikiva mweni lighuta angalimanya lipindi ligha mwihi atehika, angalilindila, angalileka kuwonja akaleka lighuta lyaki libomolwi. 44Kwaikiva gha nagha, na mwenga mliyandali, kwaikiva Mwana wa Adamu atehika lipindi mmanya ng'ogha.
Mlandano wa mtumikila wa chakaka
Luka 12:41-48
45Yesu akayendelela kulonga, “Ni ghani hinu avile mtumikila wa chakaka na mweni mawachilo gha maha, yula Bambu ghaki atemvika agholokeli wandu ghaki, awapeghi mulyo kwa lipindi lyaki?” 46Itewela maha handa bambu hayu paatehika atemlola mtumikila ghaki akighola nagha! 47Chakaka ninguwalongela, atemvika mtumikila hayu agholokeli hindu ghaki hyogha. 48Ila handa mtumikila wa chakaka ng'ogha pakajilongelela mmoyu, “Bambu ghangu atehika ng'ogha kwa kuloposela,” 49Hinu akatumbula kuwatova watumikila wayaki, akatumbula kulyegha na kunywegha pamonga na walowela, 50Bambu ghaki atehika lichuwa limanyika ng'ogha na lipindi alimanya ng'ogha. 51Atemnyokola nesu na kumtaya mlipinga limonga na wandu wambindingu. Haku atelila na kuhyagha malino.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.