मर्क 3
3
ल्हा खार्पा सिमि ताःपा
(मत्ती १२:९-१४; लुक ६:६-११)
1ङाईलै ह्याङ येसु येहूदी आराधनालयग जाःबो। स्याह् ल्हा खार्पा सिमिदी ङ्याह्। 2कार्तौ येसुई नू नाह्न ल्हाः ताःफाङ्ङिम कि र्वार्वा नू दोस बिन्चेन भिह्तु जासुस खेनान्न सिमिव रे स्याह् ङ्याह्। 3तब येसुई ल्हा खार्पा सिमी र्वाबो, “स्यीह् स्वास्वा घूँ च्याँ।” 4येसुई ख्युकाङ्मोः र्वाबो, ल्हूलामन कानुन अन्सार “नाह्न ल्हाः भलो खेचे कि अलः खेचे, परान सोमफान्चे कि सच्चे, कन चन लः ङ्याह्?” जेङ्नै ख्यु तै मर्वारे छ्युङ्बो।#लुक १४:३ 5ख्युन सम क्योङ्मन कारन तूँलाक्या राह्राह् सुतूतू येसुई ख्यु पुरूग सेम्बो आलै मन सिमी र्वाबो, “नान ल्हा क्याँ।” नुई ल्हा क्याङ्बो रे नुन ल्हा ताःबो।
6तब फरिसीव यहूदी आराधनालयलै गेग्गे होई रे तुरुन्तै हेरोद झलीन सिमिवन ङ्याबो दोदो येसू कुजुई सच्चे र्वार्वा नुन बिरोधग सल्ला खेबो।
योह्न नाक्याँ सिमिवन मोह्ङ
7आलै येसु जेँन चेलावन ङ्याबो गालीलन योह्क्याँ होई, सिमिवन मोह्ङ किम नुन ङिक जाःबो। ख्यु गालील रे यहूदिया प्रदेसलै स्वापा ङ्याह्। 8यरूसलेम, इदुमिआ, यर्दन चाङ्पुन धिक्याँ रे तुरोस रे सीदोनन धेँवछोँलै सिमिवन मोह्ङ किम येसुन ताईलुवान धोन्न ल्होन ताह्ताह् नुन ङ्याबो स्वाबो। 9मोह्ङजै नू नचियायो र्वार्वा येसुई जेँन चेलाकाङ्मोः जेँन भिह्तु दोङादी तयार खेफाम्बो। 10येसुई लै सिमि ताःफाम्पा राह्राह् नाह्जा ताह्पा पुरूजै नु ज्यार्चेन भिह्तु फुल्चीफुल्ची खेँ। 11जब मुवजै येसू रँ, तब नुन ङू खल्बु क्यापक्याप झाःम र्वाईर्वाई फाईरा खेँ, “ना परमेस्वरन ङोह्जो जेङ्पा।”
12येसुई मुकाङ्मोः नु सु जेङ्पा र्वार्वा सुई नर्वा र्वार्वा करा आग्या बिम्बो।
येसुई प्रेरित च्योङेपाः दम्पा
(मत्ती १०:१-४; लुक ६:१२-१६)
13आलै येसु धुरग लिप्पो, रे नुई चाहि खेपान सिमी स्वा र्वाबो, रे ख्यु नुन स्याह् स्वाबो। 14नुई च्योङेपाः दम्बो, सुन मिह्न प्रेरित नाह्म्बो, नुई ख्युकाङ्मोः र्वाबो, “ङै ङेनकाङ्मोः ङन ङ्याबो छ्युङ्नान्न भिह्तु दम्पा। ङा ङेनकाङ्मोः ल्होन् लः ताह्फेच्चेन भिह्तु खोलोः फेच्चे। 15रे ख्युकाङ्मोः मुव छ्यूचेन आङ रे बिम्बो।”
16येसुई अजोवी च्योङेपा दम्बो: सिमोन, सू येसुई पत्रुस मिह्न नाह्म्बो, 17जब्दियान ङोह्जो याकूब रे याकूपन भाई यूहन्ना। नुई ख्युकाङ्मोः बोअनर्गेस, आथबा गर्जन्न ङोह्जो र्वानान्न मिह्न नाह्म्बो। 18अन्द्रियास, फिलिप, बारथोलोमाइ, मत्ती, थोमा, अल्फयसन ङोह्जो याकूब, रे थेदियस, सिमोन कनानी, 19रे यहूदा इस्करियोत सुई येसू धोका बिमबिम जुङ्फाम्पा ङ्याह्।
येसु रे बालजिबुल
(मत्ती १२:२२-३२; लुक ११:१४-२३; १२:१०)
20आलै येसु यिम होई। ह्याङ अकेःन मोह्ङ जोम्बो, कि येसु रे नुन चेलावजै ङ्योप्पा झाचेई मदेप्पो। 21जब येसुन पयारजै अन ताह्बो, तब नू वच्चेन भिह्तु ख्यु गेप्पो, तैङर्वाङिन नुन सम मानग मह्या र्वार्वा सिमिव र्वाङ। 22यरूसलेमलै स्वापा कानुन्न कानुन लन्नान्न सिमिवजै र्वाबो, “नुन स्याह् बालजिबुल मु ङ्याह्, रे मुवन मालिकन सक्तिलम नुई मुव छ्यूङ।”
23जेङ्नै येसुई ख्युकाङ्मोः जेँन रह्म्म स्वा र्वार्वा द्रिस्तान्तवग ल्होई र्वाबो, “सैतानजै सैतानग कुजुई छ्यू तैनान? 24यदि कान राज्यन राह्ङराङ्साः बिरोध राङिन अन राज्य थुप मतैनान। 25कान यिमनै राह्ङराङ्साः बिरोध राङिन मन यिम थुप मतैनान। 26यदि सैतानजै सैताननै राज्यन बिरोधग च्याङच्याङ भाचेन ल्होई सङ्ङिन अन थुप मतैनान, जेङ्नै नुन अन्त्य स्वातपा राह्नान।” 27सुई ङार्छेम सिमिन यिम जाःजाः पहिले नू मखीन बेर नुई अन ङार्छेम सिमिन क्यु खु मतैनान। नुई नू खीतामी मात्र नुन यिम खुतैनान।
28तेम्माई, ङा ङेनकाङ्मोः र्वाचे, “सिमिवन तीपा पुरू रे लान ल्हुई झपा माफ खेनान ङ्याह्, 29जेङ्नै पबित्र आत्मान बिरोधग ल्हुई झानान्न सिमी तै खेखेई माफ राह्नान मह्या, जेङ्नै अन मताह्नान्न तीपान दोसी ठहरी राह्नान।” 30नुई अन ल्होई र्वाबो, “तैङर्वाङिन नुन स्याह् मु ङ्याह्” र्वार्वा कान सिमिवजै र्वापा ङ्याह्।
येसुन मा रे थिक्कोव
(मत्ती १२:४६-५०; लुक ८:१९-२१)
31तब येसुन मा रे थिक्कोव स्याह् स्वाबो, रे खोलोःई च्याङच्याङ नू स्वा र्वामः कान तीपा फेप्पो। 32मोह्ङ नुन धेँवछोँ छ्युङ्पा ङ्याह् रे ख्युई येसू र्वाबो, “सेह्ना, ङेन मा रे ङेन जिङ्कोव खोलोः नाः फाङ्ङ।”
33येसुई ख्युकाङ्मोः झब बिमबिम र्वाबो, “ङन मा रे ङन थिक्कोव सु जेङ्पा?” 34आलै जेँन धेँवछोँ लिब्रुङक्याँ सेनसेन नुई र्वाबो, “सेह्ना, अजोव जेङ्पा ङन मा रे ङन थिक्कोव। 35तैङर्वाङिन सुई परमेस्वरन इच्छ्या ङ्यान्नान नुई ङन मा, भाइ रे बहिनी जेङ्पा।”
നിലവിൽ തിരഞ്ഞെടുത്തിരിക്കുന്നു:
मर्क 3: NTKST25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Kaike Language © The Word for the World International and Kaike Translation Project, Nepal, 2025
मर्क 3
3
ल्हा खार्पा सिमि ताःपा
(मत्ती १२:९-१४; लुक ६:६-११)
1ङाईलै ह्याङ येसु येहूदी आराधनालयग जाःबो। स्याह् ल्हा खार्पा सिमिदी ङ्याह्। 2कार्तौ येसुई नू नाह्न ल्हाः ताःफाङ्ङिम कि र्वार्वा नू दोस बिन्चेन भिह्तु जासुस खेनान्न सिमिव रे स्याह् ङ्याह्। 3तब येसुई ल्हा खार्पा सिमी र्वाबो, “स्यीह् स्वास्वा घूँ च्याँ।” 4येसुई ख्युकाङ्मोः र्वाबो, ल्हूलामन कानुन अन्सार “नाह्न ल्हाः भलो खेचे कि अलः खेचे, परान सोमफान्चे कि सच्चे, कन चन लः ङ्याह्?” जेङ्नै ख्यु तै मर्वारे छ्युङ्बो।#लुक १४:३ 5ख्युन सम क्योङ्मन कारन तूँलाक्या राह्राह् सुतूतू येसुई ख्यु पुरूग सेम्बो आलै मन सिमी र्वाबो, “नान ल्हा क्याँ।” नुई ल्हा क्याङ्बो रे नुन ल्हा ताःबो।
6तब फरिसीव यहूदी आराधनालयलै गेग्गे होई रे तुरुन्तै हेरोद झलीन सिमिवन ङ्याबो दोदो येसू कुजुई सच्चे र्वार्वा नुन बिरोधग सल्ला खेबो।
योह्न नाक्याँ सिमिवन मोह्ङ
7आलै येसु जेँन चेलावन ङ्याबो गालीलन योह्क्याँ होई, सिमिवन मोह्ङ किम नुन ङिक जाःबो। ख्यु गालील रे यहूदिया प्रदेसलै स्वापा ङ्याह्। 8यरूसलेम, इदुमिआ, यर्दन चाङ्पुन धिक्याँ रे तुरोस रे सीदोनन धेँवछोँलै सिमिवन मोह्ङ किम येसुन ताईलुवान धोन्न ल्होन ताह्ताह् नुन ङ्याबो स्वाबो। 9मोह्ङजै नू नचियायो र्वार्वा येसुई जेँन चेलाकाङ्मोः जेँन भिह्तु दोङादी तयार खेफाम्बो। 10येसुई लै सिमि ताःफाम्पा राह्राह् नाह्जा ताह्पा पुरूजै नु ज्यार्चेन भिह्तु फुल्चीफुल्ची खेँ। 11जब मुवजै येसू रँ, तब नुन ङू खल्बु क्यापक्याप झाःम र्वाईर्वाई फाईरा खेँ, “ना परमेस्वरन ङोह्जो जेङ्पा।”
12येसुई मुकाङ्मोः नु सु जेङ्पा र्वार्वा सुई नर्वा र्वार्वा करा आग्या बिम्बो।
येसुई प्रेरित च्योङेपाः दम्पा
(मत्ती १०:१-४; लुक ६:१२-१६)
13आलै येसु धुरग लिप्पो, रे नुई चाहि खेपान सिमी स्वा र्वाबो, रे ख्यु नुन स्याह् स्वाबो। 14नुई च्योङेपाः दम्बो, सुन मिह्न प्रेरित नाह्म्बो, नुई ख्युकाङ्मोः र्वाबो, “ङै ङेनकाङ्मोः ङन ङ्याबो छ्युङ्नान्न भिह्तु दम्पा। ङा ङेनकाङ्मोः ल्होन् लः ताह्फेच्चेन भिह्तु खोलोः फेच्चे। 15रे ख्युकाङ्मोः मुव छ्यूचेन आङ रे बिम्बो।”
16येसुई अजोवी च्योङेपा दम्बो: सिमोन, सू येसुई पत्रुस मिह्न नाह्म्बो, 17जब्दियान ङोह्जो याकूब रे याकूपन भाई यूहन्ना। नुई ख्युकाङ्मोः बोअनर्गेस, आथबा गर्जन्न ङोह्जो र्वानान्न मिह्न नाह्म्बो। 18अन्द्रियास, फिलिप, बारथोलोमाइ, मत्ती, थोमा, अल्फयसन ङोह्जो याकूब, रे थेदियस, सिमोन कनानी, 19रे यहूदा इस्करियोत सुई येसू धोका बिमबिम जुङ्फाम्पा ङ्याह्।
येसु रे बालजिबुल
(मत्ती १२:२२-३२; लुक ११:१४-२३; १२:१०)
20आलै येसु यिम होई। ह्याङ अकेःन मोह्ङ जोम्बो, कि येसु रे नुन चेलावजै ङ्योप्पा झाचेई मदेप्पो। 21जब येसुन पयारजै अन ताह्बो, तब नू वच्चेन भिह्तु ख्यु गेप्पो, तैङर्वाङिन नुन सम मानग मह्या र्वार्वा सिमिव र्वाङ। 22यरूसलेमलै स्वापा कानुन्न कानुन लन्नान्न सिमिवजै र्वाबो, “नुन स्याह् बालजिबुल मु ङ्याह्, रे मुवन मालिकन सक्तिलम नुई मुव छ्यूङ।”
23जेङ्नै येसुई ख्युकाङ्मोः जेँन रह्म्म स्वा र्वार्वा द्रिस्तान्तवग ल्होई र्वाबो, “सैतानजै सैतानग कुजुई छ्यू तैनान? 24यदि कान राज्यन राह्ङराङ्साः बिरोध राङिन अन राज्य थुप मतैनान। 25कान यिमनै राह्ङराङ्साः बिरोध राङिन मन यिम थुप मतैनान। 26यदि सैतानजै सैताननै राज्यन बिरोधग च्याङच्याङ भाचेन ल्होई सङ्ङिन अन थुप मतैनान, जेङ्नै नुन अन्त्य स्वातपा राह्नान।” 27सुई ङार्छेम सिमिन यिम जाःजाः पहिले नू मखीन बेर नुई अन ङार्छेम सिमिन क्यु खु मतैनान। नुई नू खीतामी मात्र नुन यिम खुतैनान।
28तेम्माई, ङा ङेनकाङ्मोः र्वाचे, “सिमिवन तीपा पुरू रे लान ल्हुई झपा माफ खेनान ङ्याह्, 29जेङ्नै पबित्र आत्मान बिरोधग ल्हुई झानान्न सिमी तै खेखेई माफ राह्नान मह्या, जेङ्नै अन मताह्नान्न तीपान दोसी ठहरी राह्नान।” 30नुई अन ल्होई र्वाबो, “तैङर्वाङिन नुन स्याह् मु ङ्याह्” र्वार्वा कान सिमिवजै र्वापा ङ्याह्।
येसुन मा रे थिक्कोव
(मत्ती १२:४६-५०; लुक ८:१९-२१)
31तब येसुन मा रे थिक्कोव स्याह् स्वाबो, रे खोलोःई च्याङच्याङ नू स्वा र्वामः कान तीपा फेप्पो। 32मोह्ङ नुन धेँवछोँ छ्युङ्पा ङ्याह् रे ख्युई येसू र्वाबो, “सेह्ना, ङेन मा रे ङेन जिङ्कोव खोलोः नाः फाङ्ङ।”
33येसुई ख्युकाङ्मोः झब बिमबिम र्वाबो, “ङन मा रे ङन थिक्कोव सु जेङ्पा?” 34आलै जेँन धेँवछोँ लिब्रुङक्याँ सेनसेन नुई र्वाबो, “सेह्ना, अजोव जेङ्पा ङन मा रे ङन थिक्कोव। 35तैङर्वाङिन सुई परमेस्वरन इच्छ्या ङ्यान्नान नुई ङन मा, भाइ रे बहिनी जेङ्पा।”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Kaike Language © The Word for the World International and Kaike Translation Project, Nepal, 2025