मर्क 1
1
बप्तिस्मा-बिन्नान यूहन्नान ल्होन
(मत्ती ३:१-१२; लुक ३:१-१८; यूह 1१:१९-२८)
1परमेस्वरन ङोह्जो येसु मसिहन भारेः ल्होन् लः झामखेखे सुरु राँ। 2यसैया भबिस्यबक्तान किताबग सर्पान अन्सार:
परमेस्वरजै र्वाबो, “सेह्ना, ङा ङन दुतग नान ङूह्ङूह् फेच्चे,
सुई नान लम दोङ्नान ङ्याह्।”#मत्ती ११:१०; मला ३:१
3सुनसान ठाउँग फाईरा खेनान्न केह्ः,
“परमप्रभुन लम तयार ख्या,
नुन लम थार्का धोँवा!”#यसै ४०:३
4बप्तिस्मा-बिन्नान यूहन्ना सिमिकाङ्मोः बप्तिस्मा भिनैभिनै सुनसान ठाउँग रङ्बो। नुई सिमिकाङ्मोः झामखेखे ताह्फेप्पो, “ङेनको घ्योप्पा खेखे तीपा खेमः ख्योवा रे बप्तिस्मा होरा आलै परमेस्वरजै ङेनकोन तीपा माफ खेनान ङ्याह्।” 5यहूदियान प्रदेस रे यरूसलेम सहरग छ्युङ्नान सिमि पुरूव बप्तिस्मा बिन्नान यूहन्नान स्याह् स्वाबो। रे ख्युई जे-जेँन तीपा स्वीकारी खेईखेई यूहन्नालम यर्दन चाङ्पू बप्तिस्मा वप्पो। 6बप्तिस्मा बिन्नान यूहन्ना ऊँतन पुलै ब्योःपान घोलाङ गोङ्ङ, रे हाङग फोन्न धब दम्ङ, रे ङ्योप्पा चन नर्सिङ्का रे तप्लन-अकु झाँ।#२ झली १:८; मत्ती ३:४ 7नुई झाःम र्वार्वा सिमिवन घूँ ताह्फेप्पो, “सु ङन ङिक स्वाङ नु ङनखेरे सक्तिसाली ङिह्पा, ङा खल्बु क्यापक्याप नुन पौलान तना फोल्चेन सम स्योरस्योरलैम मीपा। 8ङै ङेनकाङ्मोः त्युई बप्तिस्मा बिम्पा ङिह्पा, जेङ्नै नुई ता ङेनकाङ्मोः पबित्र आत्माई बप्तिस्मा बिन्नान ङ्याह्।”
येसुन बप्तिस्मा रे छोए सेम्पा
(मत्ती ३:१३-१७; ४:११; लुक ३:२१-२२; ४:१-१३)
9बप्तिस्मा बिन्नान यूहन्नाई झामखेखे ताह्फेप्पाई छ्युङ्पान भेला येसु गालीलन नासरत सहरलै स्वाबो, आलै नुई र्वार्वा यूहन्नान ल्हालम यर्दन चाङ्पू बप्तिस्मा वप्पो। 10त्युलै खोलोः गेपलुङ्मीम येसुई स्वर्ग पोङ्पा रे पबित्र आत्मा पुरेन्न रुपग जेँन ल्हाः धुल्यङ खेपा रङ्बो। 11आलै स्वर्गलै झाःम र्वापान केह्ः ताह्बो, “ना ङन स्याङ्पान ङोह्जो जेङ्पा, नान ङ्याबो ङा लै स्याङ्पा ङिह्पा।”
12मन्न छाम्म तुरुन्तै पबित्र आत्माई येसू सुनसान ठाउँग वप्पो। 13स्याह् सैतानलम छोए सेन्चेग थेपथेप नु ङेथलर्यान बेर सुनसान ठाउँग लुईबो, नु तप्लँन भस्तवन ङ्याबो छ्युङ्बो, रे स्वर्गदुतवजै नू सेवा खेबो।
येसुई ङाह् ज्युङ्नान सिमि लिपाः कताङ्पा
(मत्ती ४:१२-२२; लुक ४:१४-१५)
14यूहन्ना ज्यालग थेप्मी परमेस्वरन ल्होन् लः ताह्फेरैफेरै येसु गालीलग स्वाबो। 15नुई र्वाबो, “ता भेला पुरा रह्पा ङ्याह्, रे परमेस्वरन राज्य ङेह्मः स्वातपा ङ्याह्। घ्योप्पा खेखे तीपा खेमः ख्योवा, रे ल्होन् लःग बिस्वास ख्या।”
16गालील योह्न नाः तूतौ येसुई सिमोन रे नुन भाइ अन्द्रियासग योह्ग जाल कायङ खेपा रङ्बो। तैङर्वाङिन ख्यु ङाह् जुङ्नान्न सिमि ङ्याह्। 17आलै येसुई ख्युकाङ्मोः र्वाबो, “ङन ङिक जाः, रे ङा ङेनकाङ्मोः सिमिकाङ्मोः परमेस्वरन राज्यग कुजुई सत्त्वानान र्वार्वा लन्च्योवा।” 18अन ताह्लुङ्मीम ख्युई जेँन जालिव ख्योवाख्योवा येसुन ङिक जाःबो। 19आलै ङाई धेरा वैमी नुई जब्दियान ङोह्जो ङेह् याकूब रे नुन भाइ यूहन्नाः दोङा जालि दोङ्पाई छ्युङ्पा रङ्बो। 20येसुई ख्युकाङ्मोः र्वार्वा तुरुन्तै कताङ्बो, रे ख्युई जेँन पा जब्दियाग धोन खेनान सिमिवन ङ्याबो दोङाः ख्योवाख्योवा येसुन ङिक जाःबो।
येसुई मुई सेम्पा सिमिदीग ताःफाम्पा
(लुक ४:३१-३७)
21येसु मन चेलावन ङ्याबो कफर्नहुम सहरग स्वाबो, आलै नाह्न ल्हाः यहूदीन आराधनालयग जाःजाः नुई लह्म्मः जाःबो। 22नुई लम्पा ताह्ताह् सिमिव हालाईबो तैङर्वाङिन नुई ख्युकाङ्मोः घङ कानुन लन्नान्न सिमिवजै लैम नङ्पा, जेङ्नै आङ किम खेखे लह्म्बो।
23मन्नै भेला यहूदीन आराधनालयन झिङ मुई सेम्पा सिमिदी स्वास्वा फाईरा खेबो, 24“हे नासरतन येसु, नाई ङी तै खेमः जाःपा? तै ना ङी मीपा दोङ्मः स्वापा जेङ्पौ? ना सु जेङ्पा र्वार्वा ङा स्योःनान, ना परमेस्वरन पबित्र सिमि जेङ्पा।”#भजन १६:१०; यसै ४१:१४; प्रे ३:१४
25जेङ्नै येसुई मन आत्मा अलःग झाःम र्वार्वा ङार्बो, “तै मर्वारे छ्योवा, रे अन सिमिलम गेग्गे वया।” 26अन र्वालुङ्मीम मुई मन सिमी काङ्क्याल सुमक्याल धेफानैफानै केह्ः किमई फाईरा खेखे नुनलम गेग्गे होई।
27अन रङ्नान सिमि पुरूव हालाईलाई र्वामः जाःबो, “मोँह् अन तै जेअँ? अन ता सार्बा छोए जेअँ। अन सिमिजै ता आङ खेखे मुवगै कोँह्, रे ख्यु नुई कोह्पा ङ्याम्मन।” 28आलै खम्मै येसुन ल्होई गालील प्रदेसन धेँवछोँ लिब्रुङक्याँ फेल्बो।
येसुई लै सिमिकाङ्मोः ताःफाम्पा
(मत्ती ८:१४-१७; लुक ४:३८-४१)
29यहूदीन आराधनालयलै तुरुन्तै गेग्गे येसु याकूब रे यूहन्नान ङ्याबो सिमोन रे अन्द्रियासन यिम जाःबो। 30मन्न ल्हा सिमोन्न मेह् छायोई मिह्दा खङखङ आःपा ङ्याह्, रे येसु स्वा ताप्लुङ्मीम यिमन सिमिवजै अन ल्होई नू स्याप्पो। 31येसुई रह्म्मै वैवै नुन ल्हा जुङजुङ सोल्बो, रे छायोई नू फेप्पो। आलै नुई ख्युन सेवा खेमः जाःबो।
32मन्न ल्हा ङ्याजे ङिह्मा स्याःमी सिमिवजै नाह्प्पोवा, खङ्नान रे मुई सेम्पा पुरू सिमिकाङ्मोः येसुन स्याह् सप्पो। 33रे सहरभरिन सिमिव यिमन झलाः जोम्बो। 34येसुई लैः राँसाराँसान नाह्जाई तेह्पफाम्पा लैः खङ्नानकाङ्मोः ताःफाम्बो, रे लैः मुव छ्यूबो, मुवजै नू स्योःपा ङ्याह्, जेङ्नै नुई ख्युकाङ्मोः ल्होई र्वा मफाम्बो।
गालीलग येसुई ताह्फेप्पा
(लुक ४:४२-४४)
35नाह्प नम नाङ्चेन खेरे लैः ङू येसु च्याङच्याङ यिम ख्योवाख्योवा तीपू होई, रे स्याह् सोअताप्पो। 36सिमोन रे नुन फुरीव नू फाम्म खोलोः गेप्पो। 37नू धोमी ख्युई र्वाबो, “पुरूजै नाः फाप्पाई छ्युङ्पा ङ्याह्।”
38आलै येसुई ख्युकाङ्मोः र्वाबो, “स्वा, ङि ङेह्मन घङ नामग भै, रे स्याह् रे ङै ताह्फेच्चे धेराःयो, तैङर्वाङिन ङा अनै धोन्न भिह्तु स्वापा जेङ्पा।” 39आलै पुरू गालीलग ख्युन यहूदी आराधनालयग ल्होन् लः ताह्फेरैफेरै रे मुकाङ्मोः छ्यूईछ्यूई ल्हेम्बो।#मत्ती ४:२३; ९:३५
येसुई कोरन नाह्जा ताह्पा सिमिदीग ताःफाप्पा
(मत्ती ८:१-४; लुक ४:१२-१६)
40आलै कोरन नाह्जा ताह्पान सिमिदी येसुन स्याह् स्वास्वा पोह् जुईजुई झाःम र्वार्वा छ्याःफुल्बो, “नाई चाहि खेङिन ङाः ताःफान तैनान।”
41तब दिसासा येसुई जेँन ल्हा क्याङक्याङ नू ज्यार्बो रे र्वाबो, “ङा चाहि खेनान, ना ताः।” 42आलै नुन कोरन नाह्जा नुनलम होई, रे नु ताःबो। 43आलै येसुई नू करा आग्या बिमबिम झाःम र्वार्वा तुरुन्तै फेप्पो, 44“सेह्ना, नाई अन ल्होई सुई नर्वा, जेङ्नै वैवै ना जेँगै पुजारीन स्याह् थना रे ना ताःपा सिमिवन साँचिन भिह्तु मोसान आग्या अन्सार भोका फुला।”#लेवी १४:२-३२ 45जेङ्नै अन गेग्गे होई, आलै अन्न भिह्तु खास्या पुरू ताह्फेम्मः जाःबो, रे येसु ह्याङ सहरग हाकाहाकि जाःमतैबो, रे तीपू छ्युङ्बो। जेङ्नै सिमिव लिब्रुङक्याँलै नुन रह्म्म स्वाबो।
നിലവിൽ തിരഞ്ഞെടുത്തിരിക്കുന്നു:
मर्क 1: NTKST25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Kaike Language © The Word for the World International and Kaike Translation Project, Nepal, 2025
मर्क 1
1
बप्तिस्मा-बिन्नान यूहन्नान ल्होन
(मत्ती ३:१-१२; लुक ३:१-१८; यूह 1१:१९-२८)
1परमेस्वरन ङोह्जो येसु मसिहन भारेः ल्होन् लः झामखेखे सुरु राँ। 2यसैया भबिस्यबक्तान किताबग सर्पान अन्सार:
परमेस्वरजै र्वाबो, “सेह्ना, ङा ङन दुतग नान ङूह्ङूह् फेच्चे,
सुई नान लम दोङ्नान ङ्याह्।”#मत्ती ११:१०; मला ३:१
3सुनसान ठाउँग फाईरा खेनान्न केह्ः,
“परमप्रभुन लम तयार ख्या,
नुन लम थार्का धोँवा!”#यसै ४०:३
4बप्तिस्मा-बिन्नान यूहन्ना सिमिकाङ्मोः बप्तिस्मा भिनैभिनै सुनसान ठाउँग रङ्बो। नुई सिमिकाङ्मोः झामखेखे ताह्फेप्पो, “ङेनको घ्योप्पा खेखे तीपा खेमः ख्योवा रे बप्तिस्मा होरा आलै परमेस्वरजै ङेनकोन तीपा माफ खेनान ङ्याह्।” 5यहूदियान प्रदेस रे यरूसलेम सहरग छ्युङ्नान सिमि पुरूव बप्तिस्मा बिन्नान यूहन्नान स्याह् स्वाबो। रे ख्युई जे-जेँन तीपा स्वीकारी खेईखेई यूहन्नालम यर्दन चाङ्पू बप्तिस्मा वप्पो। 6बप्तिस्मा बिन्नान यूहन्ना ऊँतन पुलै ब्योःपान घोलाङ गोङ्ङ, रे हाङग फोन्न धब दम्ङ, रे ङ्योप्पा चन नर्सिङ्का रे तप्लन-अकु झाँ।#२ झली १:८; मत्ती ३:४ 7नुई झाःम र्वार्वा सिमिवन घूँ ताह्फेप्पो, “सु ङन ङिक स्वाङ नु ङनखेरे सक्तिसाली ङिह्पा, ङा खल्बु क्यापक्याप नुन पौलान तना फोल्चेन सम स्योरस्योरलैम मीपा। 8ङै ङेनकाङ्मोः त्युई बप्तिस्मा बिम्पा ङिह्पा, जेङ्नै नुई ता ङेनकाङ्मोः पबित्र आत्माई बप्तिस्मा बिन्नान ङ्याह्।”
येसुन बप्तिस्मा रे छोए सेम्पा
(मत्ती ३:१३-१७; ४:११; लुक ३:२१-२२; ४:१-१३)
9बप्तिस्मा बिन्नान यूहन्नाई झामखेखे ताह्फेप्पाई छ्युङ्पान भेला येसु गालीलन नासरत सहरलै स्वाबो, आलै नुई र्वार्वा यूहन्नान ल्हालम यर्दन चाङ्पू बप्तिस्मा वप्पो। 10त्युलै खोलोः गेपलुङ्मीम येसुई स्वर्ग पोङ्पा रे पबित्र आत्मा पुरेन्न रुपग जेँन ल्हाः धुल्यङ खेपा रङ्बो। 11आलै स्वर्गलै झाःम र्वापान केह्ः ताह्बो, “ना ङन स्याङ्पान ङोह्जो जेङ्पा, नान ङ्याबो ङा लै स्याङ्पा ङिह्पा।”
12मन्न छाम्म तुरुन्तै पबित्र आत्माई येसू सुनसान ठाउँग वप्पो। 13स्याह् सैतानलम छोए सेन्चेग थेपथेप नु ङेथलर्यान बेर सुनसान ठाउँग लुईबो, नु तप्लँन भस्तवन ङ्याबो छ्युङ्बो, रे स्वर्गदुतवजै नू सेवा खेबो।
येसुई ङाह् ज्युङ्नान सिमि लिपाः कताङ्पा
(मत्ती ४:१२-२२; लुक ४:१४-१५)
14यूहन्ना ज्यालग थेप्मी परमेस्वरन ल्होन् लः ताह्फेरैफेरै येसु गालीलग स्वाबो। 15नुई र्वाबो, “ता भेला पुरा रह्पा ङ्याह्, रे परमेस्वरन राज्य ङेह्मः स्वातपा ङ्याह्। घ्योप्पा खेखे तीपा खेमः ख्योवा, रे ल्होन् लःग बिस्वास ख्या।”
16गालील योह्न नाः तूतौ येसुई सिमोन रे नुन भाइ अन्द्रियासग योह्ग जाल कायङ खेपा रङ्बो। तैङर्वाङिन ख्यु ङाह् जुङ्नान्न सिमि ङ्याह्। 17आलै येसुई ख्युकाङ्मोः र्वाबो, “ङन ङिक जाः, रे ङा ङेनकाङ्मोः सिमिकाङ्मोः परमेस्वरन राज्यग कुजुई सत्त्वानान र्वार्वा लन्च्योवा।” 18अन ताह्लुङ्मीम ख्युई जेँन जालिव ख्योवाख्योवा येसुन ङिक जाःबो। 19आलै ङाई धेरा वैमी नुई जब्दियान ङोह्जो ङेह् याकूब रे नुन भाइ यूहन्नाः दोङा जालि दोङ्पाई छ्युङ्पा रङ्बो। 20येसुई ख्युकाङ्मोः र्वार्वा तुरुन्तै कताङ्बो, रे ख्युई जेँन पा जब्दियाग धोन खेनान सिमिवन ङ्याबो दोङाः ख्योवाख्योवा येसुन ङिक जाःबो।
येसुई मुई सेम्पा सिमिदीग ताःफाम्पा
(लुक ४:३१-३७)
21येसु मन चेलावन ङ्याबो कफर्नहुम सहरग स्वाबो, आलै नाह्न ल्हाः यहूदीन आराधनालयग जाःजाः नुई लह्म्मः जाःबो। 22नुई लम्पा ताह्ताह् सिमिव हालाईबो तैङर्वाङिन नुई ख्युकाङ्मोः घङ कानुन लन्नान्न सिमिवजै लैम नङ्पा, जेङ्नै आङ किम खेखे लह्म्बो।
23मन्नै भेला यहूदीन आराधनालयन झिङ मुई सेम्पा सिमिदी स्वास्वा फाईरा खेबो, 24“हे नासरतन येसु, नाई ङी तै खेमः जाःपा? तै ना ङी मीपा दोङ्मः स्वापा जेङ्पौ? ना सु जेङ्पा र्वार्वा ङा स्योःनान, ना परमेस्वरन पबित्र सिमि जेङ्पा।”#भजन १६:१०; यसै ४१:१४; प्रे ३:१४
25जेङ्नै येसुई मन आत्मा अलःग झाःम र्वार्वा ङार्बो, “तै मर्वारे छ्योवा, रे अन सिमिलम गेग्गे वया।” 26अन र्वालुङ्मीम मुई मन सिमी काङ्क्याल सुमक्याल धेफानैफानै केह्ः किमई फाईरा खेखे नुनलम गेग्गे होई।
27अन रङ्नान सिमि पुरूव हालाईलाई र्वामः जाःबो, “मोँह् अन तै जेअँ? अन ता सार्बा छोए जेअँ। अन सिमिजै ता आङ खेखे मुवगै कोँह्, रे ख्यु नुई कोह्पा ङ्याम्मन।” 28आलै खम्मै येसुन ल्होई गालील प्रदेसन धेँवछोँ लिब्रुङक्याँ फेल्बो।
येसुई लै सिमिकाङ्मोः ताःफाम्पा
(मत्ती ८:१४-१७; लुक ४:३८-४१)
29यहूदीन आराधनालयलै तुरुन्तै गेग्गे येसु याकूब रे यूहन्नान ङ्याबो सिमोन रे अन्द्रियासन यिम जाःबो। 30मन्न ल्हा सिमोन्न मेह् छायोई मिह्दा खङखङ आःपा ङ्याह्, रे येसु स्वा ताप्लुङ्मीम यिमन सिमिवजै अन ल्होई नू स्याप्पो। 31येसुई रह्म्मै वैवै नुन ल्हा जुङजुङ सोल्बो, रे छायोई नू फेप्पो। आलै नुई ख्युन सेवा खेमः जाःबो।
32मन्न ल्हा ङ्याजे ङिह्मा स्याःमी सिमिवजै नाह्प्पोवा, खङ्नान रे मुई सेम्पा पुरू सिमिकाङ्मोः येसुन स्याह् सप्पो। 33रे सहरभरिन सिमिव यिमन झलाः जोम्बो। 34येसुई लैः राँसाराँसान नाह्जाई तेह्पफाम्पा लैः खङ्नानकाङ्मोः ताःफाम्बो, रे लैः मुव छ्यूबो, मुवजै नू स्योःपा ङ्याह्, जेङ्नै नुई ख्युकाङ्मोः ल्होई र्वा मफाम्बो।
गालीलग येसुई ताह्फेप्पा
(लुक ४:४२-४४)
35नाह्प नम नाङ्चेन खेरे लैः ङू येसु च्याङच्याङ यिम ख्योवाख्योवा तीपू होई, रे स्याह् सोअताप्पो। 36सिमोन रे नुन फुरीव नू फाम्म खोलोः गेप्पो। 37नू धोमी ख्युई र्वाबो, “पुरूजै नाः फाप्पाई छ्युङ्पा ङ्याह्।”
38आलै येसुई ख्युकाङ्मोः र्वाबो, “स्वा, ङि ङेह्मन घङ नामग भै, रे स्याह् रे ङै ताह्फेच्चे धेराःयो, तैङर्वाङिन ङा अनै धोन्न भिह्तु स्वापा जेङ्पा।” 39आलै पुरू गालीलग ख्युन यहूदी आराधनालयग ल्होन् लः ताह्फेरैफेरै रे मुकाङ्मोः छ्यूईछ्यूई ल्हेम्बो।#मत्ती ४:२३; ९:३५
येसुई कोरन नाह्जा ताह्पा सिमिदीग ताःफाप्पा
(मत्ती ८:१-४; लुक ४:१२-१६)
40आलै कोरन नाह्जा ताह्पान सिमिदी येसुन स्याह् स्वास्वा पोह् जुईजुई झाःम र्वार्वा छ्याःफुल्बो, “नाई चाहि खेङिन ङाः ताःफान तैनान।”
41तब दिसासा येसुई जेँन ल्हा क्याङक्याङ नू ज्यार्बो रे र्वाबो, “ङा चाहि खेनान, ना ताः।” 42आलै नुन कोरन नाह्जा नुनलम होई, रे नु ताःबो। 43आलै येसुई नू करा आग्या बिमबिम झाःम र्वार्वा तुरुन्तै फेप्पो, 44“सेह्ना, नाई अन ल्होई सुई नर्वा, जेङ्नै वैवै ना जेँगै पुजारीन स्याह् थना रे ना ताःपा सिमिवन साँचिन भिह्तु मोसान आग्या अन्सार भोका फुला।”#लेवी १४:२-३२ 45जेङ्नै अन गेग्गे होई, आलै अन्न भिह्तु खास्या पुरू ताह्फेम्मः जाःबो, रे येसु ह्याङ सहरग हाकाहाकि जाःमतैबो, रे तीपू छ्युङ्बो। जेङ्नै सिमिव लिब्रुङक्याँलै नुन रह्म्म स्वाबो।
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Kaike Language © The Word for the World International and Kaike Translation Project, Nepal, 2025