मत्ती 25
25
कन्या च्युपान द्रिस्तान्त
1मन्न भेला येसुई हेँ र्वाबो, “स्वर्गन राज्य चन धोमः वैनान्न कन्या च्युपान ल्होई लैम राह्नान ङ्याह्। कन्या जेँ-जेँन लज्युङ वव्वै मापाः धोमः होई।#लुक १२:३५ 2मन च्युपान बर्ग ङापा बुद्धिमानी रे ङापा चन मुर्ख ङ्याह्। 3मुर्खवजै लज्युङ ता वव्वै होई, जेङ्नै घङ छि चन मवप्पो। 4जेङ्नै बुद्धिमानीवजै चन लज्युङ्न ङ्याबो बत्ताः घङ छि यङ वप्पो। 5कुकु छ्युङ्तौ माःपा स्वामः पुल्म राह्राह् ख्यु पुरू ङ्योम्ङ्योम राह्राह् मिवा च्युमः जाःबो।” 6“छान फेःग ख्युई ‘सेह्ना माःपा, नू खेमः च्याँ’ र्वापा ताह्बो।” 7कन्या पुरूव जुरुक्क च्याङच्याङ जेँ-जेँन लज्युङव तयार खेबो। 8मुर्ख कन्यावजै चन बुद्धिमानीकाङ्मोः र्वाबो, “ङेनकोन छि ङी र्वार्वा ङाई क न, ङिन लज्युङव ता सिमै जाःपा ङ्याह्।” 9जेङ्नै बुद्धिमानीवजै झब बिम्बो, “ङेनकाङ्मोः र्वार्वा घङ छि ङिन ङ्याबो मीपा, ङेन पसलग वैवै र्युर्र्युई सह्रा न।” 10“आलै मन मुर्ख कन्याव छि र्युह्म्मः वैतौ माःपा स्वा ताप्पो। तयार राह्राह् छ्युङ्पान बुद्धिमानी कन्या ङापा चन माःपान ङ्याबो भ्यान भत्यार मनाई खेमः झिङ जाःबो रे झला यङ बन रह्बो।” 11“ङाईदिलै मन मुर्ख कन्याव यङ स्वा ताप्पो रे र्वामः जाःबो, ‘हे प्रभु, हे प्रभु, ङिन भिह्तु झला पोवा’!”#लुक १३:२५ 12जेङ्नै माःपाई झब बिमबिम र्वाबो, “तेम्माई, ङा ङेनकाङ्मोः मस्योःनान!” 13झामखेखेई येसुई र्वाबो, ङेन जेर्म राह्राह् छ्योवा तैङर्वाङिन सिमिन ङोह्जो कन्न लाह्ः रे कन भेला स्वानान ङ्याह्, अन ङेनकाङ्मोः क्युई राह्नान मह्या।
राङ्पा सुमपावन द्रिस्तान्त
(लुक १९:११-२७)
14मन्तौ स्वर्गन राज्य झाम राह्नान ङ्याह्, “सिमिन ङोह्जो स्वानान्न भेलाः चन मालिकदी परदेस वैवै यिम होल्नान्न भेलाः रह्पालैम राह्नान ङ्याह्। मन सिमिजै परदेस वैचेन खेरे ङू जेँन राङ्पाकाङ्मोः स्वा र्वार्वा जेँन क्यु जिम्म बिम्बो।#लुक १९:११-२७ 15नुई राङ्पान बुद्धि अन्सार ती हजार ङा, घङग हजार ङेह् रे घङग हजारदी मरन सिक्का जिम्मा बिमबिम पर्देसग होई। 16हजार ङा मरन सिक्का जिम्मा वन्नान राङ्पा चन तुरुन्तै वैवै मन सोह्ङ व्यापारग कह्बो रे नुई मनलै घङ हजार ङा मरन सिक्का कमाई खेबो। 17उजुई खेखे हजार ङेह् सिक्का जिम्मा वन्नान राङ्पाई र्वार्वा घङ हजार ङेह् मरन सिक्का कमाई खेबो। 18जेङ्नै हजारदी मरन सिक्का जिम्मा वन्नान राङ्पाई चन साः लुह्म ख्वाख्वा मालिकन ग पेरपेर नाह्म्बो।” 19“भेला लैः वैमी मन राङ्पावन मालिक होलहोल स्वाबो रे ख्युलम जेँन हिसाब वप्पो। 20हजार ङा मरन सिक्का देन्नानजै स्वास्वा मालिकग र्वाबो, ‘सेह्ना, नाई ङाः हजार ङा मरन सिक्का बिम्पा ङ्याह्, मनलम ङै घङ हजार ङा बुद्धिजै कमाई खेखे सप्पा ङिह्पा।’” 21मालिकजै र्वाबो, “साबासाबा! ना लः रे र्वापालैम राङ्पा जेअँ। ना ल्होई ङाईग र्वापालैम रह्पान कारन ङा नाः घङ लैः ल्होईन जिम्मा बिन्चे। ना स्वास्वा ङन ङ्याबो स्याँ।” 22मन्न छाम्म हजार ङेह् मरन सिक्का देन्नानजै स्वास्वा र्वाबो, “गुरु, नाई ङाः हजार ङेह् मरन सिक्का बिम्पा ङ्याह्। सेह्ना, ङै घङ हजार ङेह् कमाई खेखे सप्पा ङिह्पा।” 23मालिकजै र्वाबो, “साबासाबा! ना लः रे र्वापालैम राङ्पा जेअँ। ना ल्होई कत्याःमः र्वापालैम ङिह्पान कारन ङा नाः घङ लैः ल्होईन जिम्मा बिन्चे। ना र्वार्वा स्वास्वा ङन ङ्याबोई स्याँ।” 24“मन्न छाम्म हजारदी मरन सिक्का देन्नान सिमिजै स्वास्वा र्वाबो, ‘गुरु, ना क्योङ्जाखाबा ङ्याह्, नाई जेँजै मपाह्पान भालि गम्गम वन्नान रे जेँजै मताम्पा साह्ई यङ रूनान र्वानान्न ल्होई ङाः क्युई ङ्याह्।’ 25अन्नकारन नाः ङिनङिन ङै ता नान सिक्का सान पोँ क्युक्यु नाम्पा। स्यीह् सेह्ना अन नान सिक्का जेङ्पा।” 26तब मालिकजै नू र्वाबो, “ए बदमास रे अल्छी राङ्पा! ङा जेँजै मपाह्पान बालि गम्गम् वन्नान रे जेँजै मताम्पा साह्ई रूनान क्योङ्जाखाबा जेङ्पा र्वानान नाः क्युई ङ्याह् र्वाङिन 27नाई ङन सोह्ङ वव्वै ब्याजग बिन्चे नङ्पाऊ न? आलै ङा होलहोल स्वातौ तये मराह्नै ब्याज देङ्ङ! 28नुनलम अन मरन सिक्का तलतल मनै च्यु थाम मरन सिक्का ङिह्पा सिमी भिना 29तैङर्वाङिन सुन ङ्याबो ङ्याह्, नू हेँ बिन्नान ङ्याह् रे नुन ङ्याबो हेँ हाति र्वार्वा राह्नान ङ्याह्। जेङ्नै सुन ङ्याबो मह्या, नुनलम ङाई ङिह्पा यङ तल्नान ङ्याह्।#मत्ती १३:१२; मर्क ४:२५; लुक ८:१८ 30ता अन फान मीपान राङ्पाः वव्वै खोलोः नाःतुमाः पह्रा। स्याह् अनजै सो चमैचमै दाःचे खेपाई छ्योवायो!”#मत्ती ८:१२; २२:१३; लुक १३:२८
अन्त्यन न्याय
31“सिमिन ङोह्जो महिमा किमः स्वर्गदुतवन ङ्याबो स्वास्वा जेँन महिमामय सिङ्हासनग छ्युङ्नान ङ्याह्।#मत्ती १६:२७; १९:२८ 32मन्न भेला पिर्थीबिन सिमि पुरूव नुन ङू च्याङ्नान ङ्याह् आलै ग्वाल्याई राह् रे लूपावग फापालैम नुई मन सिमिकाङ्मोः र्वार्वा फानान ङ्याह्। 33नुई लूपावग जेँन ल्हा याईपाक्याँ रे राह्वग जेँन ल्हा योम्मक्याँ फाफा नान्नान ङ्याह्। 34झलीजै जेँन याईपा ल्हाक्याँन सिमिकाङ्मोः र्वानान ङ्याह्, ‘ए ङन पा परमेस्वरलम असिका देप्पान सिमिव हो! स्वास्वा सन्सारन स्रिस्तिलै ङेनकोन भिह्तु तयार दोङदोङ नाम्पान राज्यग छ्योवा 35तैङर्वाङिन ङा गुसितौ ङेनजै ङाः ख्वाबो, त्यु बुल्तौ त्यु बिम्बो रे ङा परदेसी रातौ यङ नान यिम ङाः छ्युङ्फाम्बो। 36ङा चत्यापा रातौ घोलाङ थम्बो, खङ्तौ सेन्चे खेबो, झ्यालखानाः थेप्तौ ङाः धोमः स्वाबो।’” 37“अन ताह्ताह् परमेस्वरन र्वापा ङ्यानैङ्यानै स्वापान धार्मिक सिमिवजै नू लोन्नान ङ्याह्, ‘प्रभु, ङी नाः हातौ गुसिपा रङ्पा रे ख्वापा? हातौ त्यु बुल्पा रङ्पा रे त्यु बिम्पा? 38हातौ ना परदेसी रातौ ङिन यिम नाः छ्युङ्फाम्पा? हातौ नाः चत्यापा रङ्पा रे घोलाङ थम्पा? 39हातौ नाः खङ्पा रङ्पा रे सेन्चे खेपा? आलै हातौ झ्यालखानाः थेप्पो रे ङि धोमः स्वापा?’” 40तब झलीजै झब बिमबिम र्वानान ङ्याह्, “तेम्माई ङा ङेनकाङ्मोः र्वाचे, ङन भाइवन बर्ग पुरून खेरे छ्युमः ङेनजै तै खेपा, अन ङाः र्वार्वा खेपा जेङ्पा।” 41मन्न छाम्म नुई जेँन लाह् याईपाक्याँ रह्पाकाङ्मोः र्वानान ङ्याह्, “ए परमेस्वरन सरापित सिमिव हो, स्यीह्लै वया! दियाबलस रे नुन स्वर्गदुतकाङ्मोः तयार खेखे नाम्पा हातौयै मसिह्नान्न मेह्ग वया! 42तैङर्वाङिन ङा गुसितौ ङेनजै ङाः मख्वाबो, त्यु बुल्तौ त्यु मबिम्बो। 43ङा परदेसी राह्राह् स्वातौ ङेनजै ङाः जेँन यिम छ्युङ मफाम्बो, चत्यापा रातौ घोलाङ मथम्बो। ङा खङ्तौ रे झ्यालखानाः थेप्तौ ङेन ङाः धोमः मस्वाबो।” 44“आलै ख्युई लोन्नान ङ्याह्, ‘प्रभु, हातौ ङी नाः गुसिपा, त्यु बुल्पा, परदेसी रह्पा, चत्यापा रह्पा, खङ्पा आलै झ्यालखानाः थेप्पा रङरङ यङ नान सेवा मखेपा?’ 45मन्न भेला झलीजै ख्युकाङ्मोः र्वानान ङ्याह्, ‘तेम्माई ङा ङेनकाङ्मोः र्वाचे, ङन भाइवन बर्ग पुरून खेरे छ्युमः फुरी मखेपाई ङाः मखेपा जेङ्पा।’ 46आलै ख्युई चन हातौयै मताह्नान्न धल देन्नान ङ्याह्, जेङ्नै धार्मिक सिमिवजै चन हातौयै मताह्नान्न झुनि देन्नान ङ्याह्।”#दान १२:२
നിലവിൽ തിരഞ്ഞെടുത്തിരിക്കുന്നു:
मत्ती 25: NTKST25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Kaike Language © The Word for the World International and Kaike Translation Project, Nepal, 2025
मत्ती 25
25
कन्या च्युपान द्रिस्तान्त
1मन्न भेला येसुई हेँ र्वाबो, “स्वर्गन राज्य चन धोमः वैनान्न कन्या च्युपान ल्होई लैम राह्नान ङ्याह्। कन्या जेँ-जेँन लज्युङ वव्वै मापाः धोमः होई।#लुक १२:३५ 2मन च्युपान बर्ग ङापा बुद्धिमानी रे ङापा चन मुर्ख ङ्याह्। 3मुर्खवजै लज्युङ ता वव्वै होई, जेङ्नै घङ छि चन मवप्पो। 4जेङ्नै बुद्धिमानीवजै चन लज्युङ्न ङ्याबो बत्ताः घङ छि यङ वप्पो। 5कुकु छ्युङ्तौ माःपा स्वामः पुल्म राह्राह् ख्यु पुरू ङ्योम्ङ्योम राह्राह् मिवा च्युमः जाःबो।” 6“छान फेःग ख्युई ‘सेह्ना माःपा, नू खेमः च्याँ’ र्वापा ताह्बो।” 7कन्या पुरूव जुरुक्क च्याङच्याङ जेँ-जेँन लज्युङव तयार खेबो। 8मुर्ख कन्यावजै चन बुद्धिमानीकाङ्मोः र्वाबो, “ङेनकोन छि ङी र्वार्वा ङाई क न, ङिन लज्युङव ता सिमै जाःपा ङ्याह्।” 9जेङ्नै बुद्धिमानीवजै झब बिम्बो, “ङेनकाङ्मोः र्वार्वा घङ छि ङिन ङ्याबो मीपा, ङेन पसलग वैवै र्युर्र्युई सह्रा न।” 10“आलै मन मुर्ख कन्याव छि र्युह्म्मः वैतौ माःपा स्वा ताप्पो। तयार राह्राह् छ्युङ्पान बुद्धिमानी कन्या ङापा चन माःपान ङ्याबो भ्यान भत्यार मनाई खेमः झिङ जाःबो रे झला यङ बन रह्बो।” 11“ङाईदिलै मन मुर्ख कन्याव यङ स्वा ताप्पो रे र्वामः जाःबो, ‘हे प्रभु, हे प्रभु, ङिन भिह्तु झला पोवा’!”#लुक १३:२५ 12जेङ्नै माःपाई झब बिमबिम र्वाबो, “तेम्माई, ङा ङेनकाङ्मोः मस्योःनान!” 13झामखेखेई येसुई र्वाबो, ङेन जेर्म राह्राह् छ्योवा तैङर्वाङिन सिमिन ङोह्जो कन्न लाह्ः रे कन भेला स्वानान ङ्याह्, अन ङेनकाङ्मोः क्युई राह्नान मह्या।
राङ्पा सुमपावन द्रिस्तान्त
(लुक १९:११-२७)
14मन्तौ स्वर्गन राज्य झाम राह्नान ङ्याह्, “सिमिन ङोह्जो स्वानान्न भेलाः चन मालिकदी परदेस वैवै यिम होल्नान्न भेलाः रह्पालैम राह्नान ङ्याह्। मन सिमिजै परदेस वैचेन खेरे ङू जेँन राङ्पाकाङ्मोः स्वा र्वार्वा जेँन क्यु जिम्म बिम्बो।#लुक १९:११-२७ 15नुई राङ्पान बुद्धि अन्सार ती हजार ङा, घङग हजार ङेह् रे घङग हजारदी मरन सिक्का जिम्मा बिमबिम पर्देसग होई। 16हजार ङा मरन सिक्का जिम्मा वन्नान राङ्पा चन तुरुन्तै वैवै मन सोह्ङ व्यापारग कह्बो रे नुई मनलै घङ हजार ङा मरन सिक्का कमाई खेबो। 17उजुई खेखे हजार ङेह् सिक्का जिम्मा वन्नान राङ्पाई र्वार्वा घङ हजार ङेह् मरन सिक्का कमाई खेबो। 18जेङ्नै हजारदी मरन सिक्का जिम्मा वन्नान राङ्पाई चन साः लुह्म ख्वाख्वा मालिकन ग पेरपेर नाह्म्बो।” 19“भेला लैः वैमी मन राङ्पावन मालिक होलहोल स्वाबो रे ख्युलम जेँन हिसाब वप्पो। 20हजार ङा मरन सिक्का देन्नानजै स्वास्वा मालिकग र्वाबो, ‘सेह्ना, नाई ङाः हजार ङा मरन सिक्का बिम्पा ङ्याह्, मनलम ङै घङ हजार ङा बुद्धिजै कमाई खेखे सप्पा ङिह्पा।’” 21मालिकजै र्वाबो, “साबासाबा! ना लः रे र्वापालैम राङ्पा जेअँ। ना ल्होई ङाईग र्वापालैम रह्पान कारन ङा नाः घङ लैः ल्होईन जिम्मा बिन्चे। ना स्वास्वा ङन ङ्याबो स्याँ।” 22मन्न छाम्म हजार ङेह् मरन सिक्का देन्नानजै स्वास्वा र्वाबो, “गुरु, नाई ङाः हजार ङेह् मरन सिक्का बिम्पा ङ्याह्। सेह्ना, ङै घङ हजार ङेह् कमाई खेखे सप्पा ङिह्पा।” 23मालिकजै र्वाबो, “साबासाबा! ना लः रे र्वापालैम राङ्पा जेअँ। ना ल्होई कत्याःमः र्वापालैम ङिह्पान कारन ङा नाः घङ लैः ल्होईन जिम्मा बिन्चे। ना र्वार्वा स्वास्वा ङन ङ्याबोई स्याँ।” 24“मन्न छाम्म हजारदी मरन सिक्का देन्नान सिमिजै स्वास्वा र्वाबो, ‘गुरु, ना क्योङ्जाखाबा ङ्याह्, नाई जेँजै मपाह्पान भालि गम्गम वन्नान रे जेँजै मताम्पा साह्ई यङ रूनान र्वानान्न ल्होई ङाः क्युई ङ्याह्।’ 25अन्नकारन नाः ङिनङिन ङै ता नान सिक्का सान पोँ क्युक्यु नाम्पा। स्यीह् सेह्ना अन नान सिक्का जेङ्पा।” 26तब मालिकजै नू र्वाबो, “ए बदमास रे अल्छी राङ्पा! ङा जेँजै मपाह्पान बालि गम्गम् वन्नान रे जेँजै मताम्पा साह्ई रूनान क्योङ्जाखाबा जेङ्पा र्वानान नाः क्युई ङ्याह् र्वाङिन 27नाई ङन सोह्ङ वव्वै ब्याजग बिन्चे नङ्पाऊ न? आलै ङा होलहोल स्वातौ तये मराह्नै ब्याज देङ्ङ! 28नुनलम अन मरन सिक्का तलतल मनै च्यु थाम मरन सिक्का ङिह्पा सिमी भिना 29तैङर्वाङिन सुन ङ्याबो ङ्याह्, नू हेँ बिन्नान ङ्याह् रे नुन ङ्याबो हेँ हाति र्वार्वा राह्नान ङ्याह्। जेङ्नै सुन ङ्याबो मह्या, नुनलम ङाई ङिह्पा यङ तल्नान ङ्याह्।#मत्ती १३:१२; मर्क ४:२५; लुक ८:१८ 30ता अन फान मीपान राङ्पाः वव्वै खोलोः नाःतुमाः पह्रा। स्याह् अनजै सो चमैचमै दाःचे खेपाई छ्योवायो!”#मत्ती ८:१२; २२:१३; लुक १३:२८
अन्त्यन न्याय
31“सिमिन ङोह्जो महिमा किमः स्वर्गदुतवन ङ्याबो स्वास्वा जेँन महिमामय सिङ्हासनग छ्युङ्नान ङ्याह्।#मत्ती १६:२७; १९:२८ 32मन्न भेला पिर्थीबिन सिमि पुरूव नुन ङू च्याङ्नान ङ्याह् आलै ग्वाल्याई राह् रे लूपावग फापालैम नुई मन सिमिकाङ्मोः र्वार्वा फानान ङ्याह्। 33नुई लूपावग जेँन ल्हा याईपाक्याँ रे राह्वग जेँन ल्हा योम्मक्याँ फाफा नान्नान ङ्याह्। 34झलीजै जेँन याईपा ल्हाक्याँन सिमिकाङ्मोः र्वानान ङ्याह्, ‘ए ङन पा परमेस्वरलम असिका देप्पान सिमिव हो! स्वास्वा सन्सारन स्रिस्तिलै ङेनकोन भिह्तु तयार दोङदोङ नाम्पान राज्यग छ्योवा 35तैङर्वाङिन ङा गुसितौ ङेनजै ङाः ख्वाबो, त्यु बुल्तौ त्यु बिम्बो रे ङा परदेसी रातौ यङ नान यिम ङाः छ्युङ्फाम्बो। 36ङा चत्यापा रातौ घोलाङ थम्बो, खङ्तौ सेन्चे खेबो, झ्यालखानाः थेप्तौ ङाः धोमः स्वाबो।’” 37“अन ताह्ताह् परमेस्वरन र्वापा ङ्यानैङ्यानै स्वापान धार्मिक सिमिवजै नू लोन्नान ङ्याह्, ‘प्रभु, ङी नाः हातौ गुसिपा रङ्पा रे ख्वापा? हातौ त्यु बुल्पा रङ्पा रे त्यु बिम्पा? 38हातौ ना परदेसी रातौ ङिन यिम नाः छ्युङ्फाम्पा? हातौ नाः चत्यापा रङ्पा रे घोलाङ थम्पा? 39हातौ नाः खङ्पा रङ्पा रे सेन्चे खेपा? आलै हातौ झ्यालखानाः थेप्पो रे ङि धोमः स्वापा?’” 40तब झलीजै झब बिमबिम र्वानान ङ्याह्, “तेम्माई ङा ङेनकाङ्मोः र्वाचे, ङन भाइवन बर्ग पुरून खेरे छ्युमः ङेनजै तै खेपा, अन ङाः र्वार्वा खेपा जेङ्पा।” 41मन्न छाम्म नुई जेँन लाह् याईपाक्याँ रह्पाकाङ्मोः र्वानान ङ्याह्, “ए परमेस्वरन सरापित सिमिव हो, स्यीह्लै वया! दियाबलस रे नुन स्वर्गदुतकाङ्मोः तयार खेखे नाम्पा हातौयै मसिह्नान्न मेह्ग वया! 42तैङर्वाङिन ङा गुसितौ ङेनजै ङाः मख्वाबो, त्यु बुल्तौ त्यु मबिम्बो। 43ङा परदेसी राह्राह् स्वातौ ङेनजै ङाः जेँन यिम छ्युङ मफाम्बो, चत्यापा रातौ घोलाङ मथम्बो। ङा खङ्तौ रे झ्यालखानाः थेप्तौ ङेन ङाः धोमः मस्वाबो।” 44“आलै ख्युई लोन्नान ङ्याह्, ‘प्रभु, हातौ ङी नाः गुसिपा, त्यु बुल्पा, परदेसी रह्पा, चत्यापा रह्पा, खङ्पा आलै झ्यालखानाः थेप्पा रङरङ यङ नान सेवा मखेपा?’ 45मन्न भेला झलीजै ख्युकाङ्मोः र्वानान ङ्याह्, ‘तेम्माई ङा ङेनकाङ्मोः र्वाचे, ङन भाइवन बर्ग पुरून खेरे छ्युमः फुरी मखेपाई ङाः मखेपा जेङ्पा।’ 46आलै ख्युई चन हातौयै मताह्नान्न धल देन्नान ङ्याह्, जेङ्नै धार्मिक सिमिवजै चन हातौयै मताह्नान्न झुनि देन्नान ङ्याह्।”#दान १२:२
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Kaike Language © The Word for the World International and Kaike Translation Project, Nepal, 2025