मत्ती 20
20
अङ्गुर भारी धोन खेनान सिमिवन द्रिस्तान्त
1येसुई र्वाईर्वाई होई, “स्वर्गन राज्य अङ्गुर भारिन रेम्पान द्रिस्तान्तन रुह्ङलैम ङ्याह्। नापपर्मै मन रेम्पा जेँन अङ्गुर भारी धोन खेनान्न खेः धोन खेनान्न सिमिकाङ्मोः फाम्म गेप्पो 2आलै दिन्न ज्याला मुलन सिक्कादी बिन्चे, र्वार्वा कान खेः धोन खेनान्न सिमिकाङ्मोः अङ्गुरन भारी धोनग फेप्पो।” 3ङिजेन नौ बजेराः ह्याङ नुई कान सिमिकाङ्मोः धोन मर्हारे भाछ्योवा चोकग च्याङ्च्याङ छ्युङ्पा रङ्बो। 4रे नुई ख्युकाङ्मोः र्वाबो, “ङेनको रे अङ्गुरन भारी वया, रे तै लः ङ्याह् ङा ङेनकाङ्मोः बिन्नान ङ्युँ।” 5ख्यु धोनग होई। मन्न छाम्म नुई ङिजे बाह्र बजेराः रे ह्याङ तीन बजेराः यङ उजुई खेखे घङ सिमिकाङ्मोः धोनग फेप्पो। 6ह्याङ पाँच बजेराः वैतौ यङ नुई कान सिमी धोन मर्हारे भाछ्योँवा बजारग थाङथाङ छ्युङ्पाई रङ्बो। नुई ख्युकाङ्मोः र्वाबो, “ङेन स्यीह् तैङ ङिह्म पुरू धोन मीम थाङथाङ छ्युङ्पा ङिह्पा?” 7ख्युई झब बिम्बो, “ङी सुई धोन मबिम्बो।” तब नुई र्वाबो, “उजु जेङ्न ङेन रे ङन अङ्गुरन भारी धोन खेमः वया।” 8“ङ्याजे रामी अङ्गुरन भारिन ताःपोई जेँन धोन खेनानवन ठेकदारग र्वाबो, ‘खेः धोन खेनान्न सिमिकाङ्मोः स्वा र्वार्वा ख्युई धोन खेपान ज्याला भिना। ज्याला पुरून खेरे ङिक स्वानानवलम सुरु खेखे अन्त्यग पुरून खेरे ङू स्वानानकाङ्मोः भिना।’ 9आलै ठेकदारजै पाँच बजेराः धोन सुरु खेनानकाङ्मोः पहिली स्वा र्वार्वा पुरूग मुलन सिक्का ती ती ज्याला बिम्बो। 10मन्तौ पुरून खेरे ङू धोनग जाःनानवजै चन लैः देत्तरा र्वार्वा नावा खेबो। जेङ्नै ख्युई र्वार्वा मुलन सिक्का ती ती मात्र देप्पो। 11आलै ज्याला देप्मी ख्युई जेँ-जेँन ज्याला वप्पो रे बारीन ताःपोन स्याह् वैवै गनगन खेमः जाःबो। 12ख्युई र्वाबो, ‘सेह्ना, अन ङिक स्वानान्न सिमिवजै ता घन्तादी मात्र धोन खेबो, ङी ता ङिह्म पुरू छाप्पाः धोन खेपा। जेङ्नै नाई ता ख्युकाङ्मोः र्वार्वा ङिन झोरै ज्याला बिम्बो!’ 13जेङ्नै ताःपोई ख्युन बर्ग तीपाः झब भिनैभिनै र्वाबो, ‘सेह्ना ग्याप्पा, ङै नाः अन्याय खेपा मीपा। ना ता मुलन सिक्कादीग ङिह्म्पुरू धोन खेमः मन्जुर रह्पा नङ्पा तै? 14ना जेँन देत्त्वानान्न ज्याला वव्वै यिम वया। ङा अन धोनग ङिक स्वानान्न सिमी र्वार्वा नान झोरै बिनसुम खेनान। 15तै ङाः जेँन सोह्ङ जेँजै बिन्सुम रह्पाकाङ्मोः बिन्चेन आङ मीपा तै? ङन उदारताग ना तैङ थादोवा खेनान?’” 16ल्होई चाराईचाराई येसुई र्वाबो, “झामखेखेई ङीस्योवा ङूस्योवा राह्नान ङ्याह् रे ङूस्योवा चन ङीस्योवा राह्नान ङ्याह्।”#मत्ती १९:३०; मर्क १०:३१; लुक १३:३०
येसुई सुमरेप जेँ सिह्नान्न भारेः चर्चा खेपा
(मर्क १०:३२-३४; लुक १८:३१-३४)
17यरूसलेमक्याँ वैतौ येसुई जेँन चेला च्योङेपाः तीक्याँ स्वा र्वार्वा र्वाबो, 18“सेह्ना, ङि यरूसलेम वैयङ ङिह्पा। स्याह् सिमिन ङोह्जोः ङोत्वा पुजारीव रे कानुन लन्नान्न सिमिवन लाह्ग थोन्नान ङ्याह्। ख्युई नू सन्नान्न धल बिन्नान ङ्याह् 19आलै यहूदीन खोलोःन सिमिवन लाह्ग थोन्नान ङ्याह्। ख्युई नू खिसि खेनान ङ्याह्, चेरन ताल्च्याई फ्याङ्नान ङ्याह् आलै क्रुसग चुनचुन सन्नान ङ्याह्। जेङ्नै सुमङीग नु ह्याङ सिह्पालै सम्पु ग्युर्नान ङ्याह्।”
ती मान छ्याफुल
(मर्क १०:३५-४५; लुक २२:२४-२७)
20मन्न छाम्म जब्दियान ङोह्जो ङेह् जेँन मान ङ्याबो येसुन रह्म्म होई। ख्युन माई येसुन लेह् ध्वाध्वा छ्याःफुल्बो, “ङाः दया ख्या।” 21येसुई नू लोप्पो, “नाः तै त्वाबो, ङाः र्वा?” नुई मर्वाबो, “लेह् ध्वा, ना झली रातौ ङन अन ङोह्जो ङेह् नान याईपा रे योम्मक्याँ छ्युङ्चे धेराःयो।” 22येसुई ख्युकाङ्मोः झब बिम्बो, “ङेनजै तै तोल्ङ, अन ङेनकाङ्मोः क्युई मह्या। तै ङै थुङत्वानान्न तूरिन खोरे ङेन रे थुङ तैनौ?” ख्युई तैनान र्वार्वा झब बिम्बो। 23तब येसुई र्वाबो, “तेम्मा, ङै थुङ्नान्न खोरे ङेन रे थुङ्नान ङ्याह्। जेङ्नै ङन याईपा रे योम्मक्याँ छ्युङ्नान चन ङै बिन्नान्न ल्होई नङ्पा। अन ठाउँव ता ङन पाई सुन भिह्तु तयार खेपा ङ्याह्, नू बिन्नान ङ्याह्।” 24अन ल्होई ताह्ताह् घङ चेला च्युपाव चन मन ङेह्न ङ्याबो सुतूबो 25आलै येसुई ख्यु पुरूग जेँन रह्म्म स्वा र्वार्वा र्वाबो, “ङेनकाङ्मोः क्युई ङ्याह्, यहूदीन खोलोःन सिमिवन झलीव ख्युन ङ्याः प्रभुत्व खेँ आलै हाकिमजै घङवन ङ्या आङ खेँ। 26जेङ्नै ङेनकाङ्मोः चन झाःम राचे नङ्पा। ङेनकाङ्मोः ता किम राचे फान्नानजै पुरून सेवक रात्वानान। 27सुस्याङ ङेनकोन बर्ग पुरून खेरे ङू रासुम खेँ नु ङेनकोन राङ्पा रात्वानान। 28उजुखेखेई ङा सिमिन ङोह्जो यङ घङ्लम सेवा देप्मः नङ्पा, जेङ्नै घङ्न सुचा खेमः रे लैःनै छुतकरा भिह्तु मोलस्वरुप जिन्दगी बिम्मः जेँनै परान पह्म्मः स्वापा जेङ्पा।”
येसुई काना ङेह्पाः ताःफाम्पा
(मर्क १०:४६-५२; लुक १८:३५-४३)
29आलै येसु रे नुन चेलाव यरीहो सहरलै वैतौ सिमिवन मोङ किम येसुन ङिह्ङिह् जाःबो। 30लम्न नाः काना ङेह्पाव छ्युङ्पा ङ्याह्। येसु मनै लम राह्राह् वैयङ खेपा क्युई राह्राह् ख्युई फाईरा खेईखेई र्वाबो, “हे दाऊदन ङोह्जो, हे प्रभु, ङिन ङ्या दया ख्या!”
31सिमिवजै ख्युकाङ्मोः “तै मर्वारेः छ्योवा” र्वार्वा ङार्बो। जेङ्नै ख्युई झन फाईरा खेखे र्वाबो, “हे दाऊदन ङोह्जो, हे प्रभु, ङिन ङ्या दया ख्या!” 32लेन्तौलेन्तौ येसु खल्बो आलै ख्युकाङ्मोः स्वा र्वार्वा लोप्पो, “ङेनकोन भिह्तु ङै तै खेत्वाबो?” 33ख्युई छ्याःफुल्फुल र्वाबो, “प्रभु, ङी मी रङ्चे धेराःयो!” 34येसुई दिसाबो रे नुई ख्युन मी ज्यार्बो। मन्नै भेला ख्यु मी रङ्नान रह्पा आलै येसुन ङिक जाःबो।
നിലവിൽ തിരഞ്ഞെടുത്തിരിക്കുന്നു:
मत्ती 20: NTKST25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Kaike Language © The Word for the World International and Kaike Translation Project, Nepal, 2025
मत्ती 20
20
अङ्गुर भारी धोन खेनान सिमिवन द्रिस्तान्त
1येसुई र्वाईर्वाई होई, “स्वर्गन राज्य अङ्गुर भारिन रेम्पान द्रिस्तान्तन रुह्ङलैम ङ्याह्। नापपर्मै मन रेम्पा जेँन अङ्गुर भारी धोन खेनान्न खेः धोन खेनान्न सिमिकाङ्मोः फाम्म गेप्पो 2आलै दिन्न ज्याला मुलन सिक्कादी बिन्चे, र्वार्वा कान खेः धोन खेनान्न सिमिकाङ्मोः अङ्गुरन भारी धोनग फेप्पो।” 3ङिजेन नौ बजेराः ह्याङ नुई कान सिमिकाङ्मोः धोन मर्हारे भाछ्योवा चोकग च्याङ्च्याङ छ्युङ्पा रङ्बो। 4रे नुई ख्युकाङ्मोः र्वाबो, “ङेनको रे अङ्गुरन भारी वया, रे तै लः ङ्याह् ङा ङेनकाङ्मोः बिन्नान ङ्युँ।” 5ख्यु धोनग होई। मन्न छाम्म नुई ङिजे बाह्र बजेराः रे ह्याङ तीन बजेराः यङ उजुई खेखे घङ सिमिकाङ्मोः धोनग फेप्पो। 6ह्याङ पाँच बजेराः वैतौ यङ नुई कान सिमी धोन मर्हारे भाछ्योँवा बजारग थाङथाङ छ्युङ्पाई रङ्बो। नुई ख्युकाङ्मोः र्वाबो, “ङेन स्यीह् तैङ ङिह्म पुरू धोन मीम थाङथाङ छ्युङ्पा ङिह्पा?” 7ख्युई झब बिम्बो, “ङी सुई धोन मबिम्बो।” तब नुई र्वाबो, “उजु जेङ्न ङेन रे ङन अङ्गुरन भारी धोन खेमः वया।” 8“ङ्याजे रामी अङ्गुरन भारिन ताःपोई जेँन धोन खेनानवन ठेकदारग र्वाबो, ‘खेः धोन खेनान्न सिमिकाङ्मोः स्वा र्वार्वा ख्युई धोन खेपान ज्याला भिना। ज्याला पुरून खेरे ङिक स्वानानवलम सुरु खेखे अन्त्यग पुरून खेरे ङू स्वानानकाङ्मोः भिना।’ 9आलै ठेकदारजै पाँच बजेराः धोन सुरु खेनानकाङ्मोः पहिली स्वा र्वार्वा पुरूग मुलन सिक्का ती ती ज्याला बिम्बो। 10मन्तौ पुरून खेरे ङू धोनग जाःनानवजै चन लैः देत्तरा र्वार्वा नावा खेबो। जेङ्नै ख्युई र्वार्वा मुलन सिक्का ती ती मात्र देप्पो। 11आलै ज्याला देप्मी ख्युई जेँ-जेँन ज्याला वप्पो रे बारीन ताःपोन स्याह् वैवै गनगन खेमः जाःबो। 12ख्युई र्वाबो, ‘सेह्ना, अन ङिक स्वानान्न सिमिवजै ता घन्तादी मात्र धोन खेबो, ङी ता ङिह्म पुरू छाप्पाः धोन खेपा। जेङ्नै नाई ता ख्युकाङ्मोः र्वार्वा ङिन झोरै ज्याला बिम्बो!’ 13जेङ्नै ताःपोई ख्युन बर्ग तीपाः झब भिनैभिनै र्वाबो, ‘सेह्ना ग्याप्पा, ङै नाः अन्याय खेपा मीपा। ना ता मुलन सिक्कादीग ङिह्म्पुरू धोन खेमः मन्जुर रह्पा नङ्पा तै? 14ना जेँन देत्त्वानान्न ज्याला वव्वै यिम वया। ङा अन धोनग ङिक स्वानान्न सिमी र्वार्वा नान झोरै बिनसुम खेनान। 15तै ङाः जेँन सोह्ङ जेँजै बिन्सुम रह्पाकाङ्मोः बिन्चेन आङ मीपा तै? ङन उदारताग ना तैङ थादोवा खेनान?’” 16ल्होई चाराईचाराई येसुई र्वाबो, “झामखेखेई ङीस्योवा ङूस्योवा राह्नान ङ्याह् रे ङूस्योवा चन ङीस्योवा राह्नान ङ्याह्।”#मत्ती १९:३०; मर्क १०:३१; लुक १३:३०
येसुई सुमरेप जेँ सिह्नान्न भारेः चर्चा खेपा
(मर्क १०:३२-३४; लुक १८:३१-३४)
17यरूसलेमक्याँ वैतौ येसुई जेँन चेला च्योङेपाः तीक्याँ स्वा र्वार्वा र्वाबो, 18“सेह्ना, ङि यरूसलेम वैयङ ङिह्पा। स्याह् सिमिन ङोह्जोः ङोत्वा पुजारीव रे कानुन लन्नान्न सिमिवन लाह्ग थोन्नान ङ्याह्। ख्युई नू सन्नान्न धल बिन्नान ङ्याह् 19आलै यहूदीन खोलोःन सिमिवन लाह्ग थोन्नान ङ्याह्। ख्युई नू खिसि खेनान ङ्याह्, चेरन ताल्च्याई फ्याङ्नान ङ्याह् आलै क्रुसग चुनचुन सन्नान ङ्याह्। जेङ्नै सुमङीग नु ह्याङ सिह्पालै सम्पु ग्युर्नान ङ्याह्।”
ती मान छ्याफुल
(मर्क १०:३५-४५; लुक २२:२४-२७)
20मन्न छाम्म जब्दियान ङोह्जो ङेह् जेँन मान ङ्याबो येसुन रह्म्म होई। ख्युन माई येसुन लेह् ध्वाध्वा छ्याःफुल्बो, “ङाः दया ख्या।” 21येसुई नू लोप्पो, “नाः तै त्वाबो, ङाः र्वा?” नुई मर्वाबो, “लेह् ध्वा, ना झली रातौ ङन अन ङोह्जो ङेह् नान याईपा रे योम्मक्याँ छ्युङ्चे धेराःयो।” 22येसुई ख्युकाङ्मोः झब बिम्बो, “ङेनजै तै तोल्ङ, अन ङेनकाङ्मोः क्युई मह्या। तै ङै थुङत्वानान्न तूरिन खोरे ङेन रे थुङ तैनौ?” ख्युई तैनान र्वार्वा झब बिम्बो। 23तब येसुई र्वाबो, “तेम्मा, ङै थुङ्नान्न खोरे ङेन रे थुङ्नान ङ्याह्। जेङ्नै ङन याईपा रे योम्मक्याँ छ्युङ्नान चन ङै बिन्नान्न ल्होई नङ्पा। अन ठाउँव ता ङन पाई सुन भिह्तु तयार खेपा ङ्याह्, नू बिन्नान ङ्याह्।” 24अन ल्होई ताह्ताह् घङ चेला च्युपाव चन मन ङेह्न ङ्याबो सुतूबो 25आलै येसुई ख्यु पुरूग जेँन रह्म्म स्वा र्वार्वा र्वाबो, “ङेनकाङ्मोः क्युई ङ्याह्, यहूदीन खोलोःन सिमिवन झलीव ख्युन ङ्याः प्रभुत्व खेँ आलै हाकिमजै घङवन ङ्या आङ खेँ। 26जेङ्नै ङेनकाङ्मोः चन झाःम राचे नङ्पा। ङेनकाङ्मोः ता किम राचे फान्नानजै पुरून सेवक रात्वानान। 27सुस्याङ ङेनकोन बर्ग पुरून खेरे ङू रासुम खेँ नु ङेनकोन राङ्पा रात्वानान। 28उजुखेखेई ङा सिमिन ङोह्जो यङ घङ्लम सेवा देप्मः नङ्पा, जेङ्नै घङ्न सुचा खेमः रे लैःनै छुतकरा भिह्तु मोलस्वरुप जिन्दगी बिम्मः जेँनै परान पह्म्मः स्वापा जेङ्पा।”
येसुई काना ङेह्पाः ताःफाम्पा
(मर्क १०:४६-५२; लुक १८:३५-४३)
29आलै येसु रे नुन चेलाव यरीहो सहरलै वैतौ सिमिवन मोङ किम येसुन ङिह्ङिह् जाःबो। 30लम्न नाः काना ङेह्पाव छ्युङ्पा ङ्याह्। येसु मनै लम राह्राह् वैयङ खेपा क्युई राह्राह् ख्युई फाईरा खेईखेई र्वाबो, “हे दाऊदन ङोह्जो, हे प्रभु, ङिन ङ्या दया ख्या!”
31सिमिवजै ख्युकाङ्मोः “तै मर्वारेः छ्योवा” र्वार्वा ङार्बो। जेङ्नै ख्युई झन फाईरा खेखे र्वाबो, “हे दाऊदन ङोह्जो, हे प्रभु, ङिन ङ्या दया ख्या!” 32लेन्तौलेन्तौ येसु खल्बो आलै ख्युकाङ्मोः स्वा र्वार्वा लोप्पो, “ङेनकोन भिह्तु ङै तै खेत्वाबो?” 33ख्युई छ्याःफुल्फुल र्वाबो, “प्रभु, ङी मी रङ्चे धेराःयो!” 34येसुई दिसाबो रे नुई ख्युन मी ज्यार्बो। मन्नै भेला ख्यु मी रङ्नान रह्पा आलै येसुन ङिक जाःबो।
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Kaike Language © The Word for the World International and Kaike Translation Project, Nepal, 2025