Mateo 24
24
Yesu akhopalela khonoonwa khwa Nyoomba ya Matuunda
Maluko 13:1,2; Luka 21:5,6
1Yesu aleapuma kho ibololo la Nyoomba ya Matuunda ili awooke, vahemba vakwe vakamopetela ili vamolagele majeengo ga Nyoomba ga Matuunda venaa gakhonogela. 2Apenee Yesu akavaweela, “Avyenee, seji mokhogawona ega gensi majeengo ga Nyoomba ya Matuunda venaa manogu. Ila nkhovaweela khapanga, khotopo ninga ibwee lemwii lenaa lelasiga pachanya ya leenge, gensi galabomolwa.”
Magayo no ogayi ganaa giijile
Maluko 13:3-13; Luka 21:7-19
3Apenee Yesu akapuma akapeta kho ketonda cha Mizeituni no khwikhala okhoo, vahemba vakwe vamopetela valeemwi no khomowolya, “Khowelee mpola ejoo, jelapumela nale? Khanke, a kento kee kenaa kelalagela wijelo wakhoo no odugo wa liwelelo?”
4Yesu akavaweela, “Mwiyangalelage visoga, muntu yeyensi akhiije avapepele. 5Kho nguno vantu vinki valiija no khotomela lina laane, no khopaala, ‘Onene amwenee Kilisto.’ Vantu ewa valavapepela vantu vinki. 6Kho ituungo eloo molategeela mpola ja wologo palomwi ne mepwepweto ja wologo, ila mokhatungumale kho nguno ega gensi gakhopogiwa khopumeela, ila odugo olaawa okhale okhapikha. 7Nse yemwii elikowa ne nse yeenge, ne vantu va owami womwii olikowa no owami woonge. Palaawa ne njala lofufu palomwi ne malindimya galapumela kho lwande jensi. 8Ega gensi galaawa kete mwandyo wa osaati wa mokhiima yunaa akhopooga khwitungola.
9“Khwi ituungo eloo, vantu vensi va paliwelelo valavasimbela onywenywe, valaawa vakhovagweela, no khovagayanjaa no khovawolaga kho nguno mokhongoomba onene. 10Apenee vantu vinki valalekha khongoomba. Nanevo valaawa vakhwigalokha no khwisimbela venee khwa venee. 11Avivyoo khwi ituungo eloo, valapumela valooti vinki va opepi, nanevo valavapepela vantu vinki. 12Khanke, vantu vinki valalekha khwitogwa kho nguno mabe galaawa gongelekhaga. 13Ila yeyensi yunaa alikhamelelya mpakha kho odugo, amwenee yunaa Matuunda alamopon'ya. 14Apenee, Mpola Nsoga ya owami wa Matuunda elatengwa kho liwelelo lensi, ili vantu va nse jensi vategeele okhombe wa khapanga wa Matuunda. Ne ituungo lenaa vantu vensi valaawa vategelaga mpola yakwe, apenee panaa odugo oliija.
Nsiko ja magayo makolo
Maluko 13:14-23; Luka 21:20-24
15“Epoo pamyakha, Danieli molooti wa Matuunda, aleapalaa geeke, Ituungo eloo panaa molawona kento cha khosimbya ne kenaa kekholeeta onooni kepwale mokhate ya Nyoomba ya Matuunda, no oyoo yunaa akhosoma, amanye. 16Epoo, vantu vensi vanaa valaawa kho Yudea, viije vakembelelage kho vetonda. 17Yeyensi yunaa alaawa pachanya ya nyoomba yakwe, akhatelemoke khosola chechensi mokhate mwakwe, ila akembele. 18Avivyoo, no muntu yunaa alaawa kho mogoonda, akhatuwe khosola ikhoti lakwe, ila akembele. 19Kholavawonela losongo vakhiima vanaa valaawa vatite ndaa ne vanaa valaawa vakhoncha vana kho nsiko ejoo. 20Molombagi Matuunda ili khokembela khwenyu khokhawe ituungo la mpepo nkhakha ao Nsiko ya Khosuupa. 21Kho nsiko ejoo, vantu valapata magayo makolo modugo, ganaa gakhale gapumelage khopuma khowombwaa khwa liwelelo mpakha seji, ninga gechoo, khotopo giije gapumeele khanke magayo kete egoo. 22Ne mbe Matuunda angaaleke khopongolya nsiko ja magayo, khotopo ninga muntu yomwii yunaa angaalapona khofwa. Ila Matuunda alapongolya nsiko ejoo kho nguno ya vantu vanaa aleavasagolaa. 23Kho nsiko ejoo, muntu mbe alavawela, ‘Kunagi, Kilisto apwale epa,’ ao ‘Apwale okhoo’ mokhiije momogombe. 24Kho nguno valiija valooti va opepi ne vantu vanaa valaawa vakhwiyeeta evenee a Kilisto. Nanevo valanoja lomekho nkolo ne matuntumu ganaa galakhowola khovapepela ninga vantu vanaa valevasagolwa no Matuunda. 25Tegelelaji, navawelaga ega gensi panaa gakhale gapumeele.
26“Ninga mbe vantu valavawela, ‘Kilisto apwale kho itenengwa,’ mokhiije mogemage khopeta okhoo, ao ninga mbe valavawela ‘Kilisto iswekhagaa mokhate,’ mokhiije mogombage. 27Manyagi kete khwija khwa Mwana wa Muntu, kholaawa khwa khotimpokelya. Kholaawa kete lopwiito venaa lokhomweenkha khwa khotimpokelya khopuma keeya ne apaponye ekhwigela kho meli.
28“Kho nguno pepensi panaa palaawa ne vechi, epoo apenee ne mbesi jelaawa jakonganaga.
Khwija khwa Mwana wa Muntu
Maluko 13:24-27; Luka 21:25-28
29“Magayo gensi panaa galakela, lyonse lelaketelwa kiiti, no mweli golalekha khopumyaa welo khanke, ne njota nanejo jelaagwa panse, no Matuunda aladegandeja kela kento cha khochanya. 30Epoo apenee lomekho ya Mwana wa Muntu eligela khochanya khwa Matuunda. Ne vantu vensi va liwelelo valakota modugo, ne valamowona Mwana wa Muntu ijilee mo maluunde khopuma khochanya khwa Matuunda oko atite ngulu akilageela olaala wakwe. 31Nanoyo alavatoma vatomami vakwe va pachanya, nanevo valakowa mbuuto yenaa ekhokoota vikhamu, ne valavakongan'ya vantu vakwe vanaa aleavasagolaa khopuma kho lwande jensi ja liwelelo.
Kento cha khwiliga khopuma kho ipeke la motini
Maluko 13:28-31; Luka 21:29-33
32“Iligagi mofwano ogo khopuma khwi ipeke la motini. Ituungo lenaa molawona matiti gakwe madagadu no olowa wakwe okhowelekha, manyagi kete ituungo la mbula ja mwandyo, watelelaga. 33Avivyoo, nanyu panaa molawona egoo gakhopumeela, manyagi kete, ituungo la khwija khwa Mwana wa Muntu latelelaga. 34Nkhovaweela khapanga, vantu va keleli eke khotopo vasile panaa mpola ejoo jensi jekhale jepumeele. 35Khochanya khwa Matuunda ne liwelelo velakela, ila mpola jaane khotopo jiije jikele ninga nsiko yemwii.
Khotopo yunaa amanyile nsiko ninga ituungo
Maluko 13:32-37; Luka 17:26-30,34-36
36“Ila khougela nsiko ya khwija khwa Mwana wa Muntu, khotopo yunaa amanyile, ninga vatomami va khochanya khwa Matuunda, ninga Mwana, vensi vakhamanya, ila Daada topo aleemwi amwenee amanyile. 37Kete venaa angile epwale kho ituungo la Nuhu, avyenee venaa elaawa ituungo la Mwana wa Muntu panaa alaawa ijilee. 38Kho nsiko ejoo, panaa mbula nkolo angile ekhale etoonye no khokenkelelya meje minki, vantu angile vakholya no khong'weela, vakhotoola no khotoolwa, mpakha panaa yaleyapikha nsiko yenaa Nuhu aleingelaa mokhate ya ipogo ikolo yenaa ekhwetwa safina. 39Vantu evoo valevakhamanya chanuu kenaa kelapumela, mpakha panaa mbula nkolo modugo yaletoonya, ne meje minki gavawolaga vantu vensi. Gechoo avyenee venaa elaawa ituungo lenaa Mwana wa Muntu alaawa ijilee. 40Khwi ituungo eloo, vantu vawele valaawa khomogoonda. Yomwii alasolwa no yoonge alalekhwa. 41Vakhiima vawele valaawa vakhosha palomwi, yomwii alasolwa no yoonge alalekhwa.
42“Gechoo, keyolagi patopo khokhatala, kho nguno mokhamanya nsiko ninga ituungo lenaa Mwene wenyu alatuwa. 43Momanyile visoga kete mokhalakhaye angakhamanya ituungo lenaa mwiwi alaija khwiwa, angakhakeyola ili mwiwi akhabomole nyoomba yakwe. 44Avivyoo, ninga nanyu keyolagi, kho nguno Mwana wa Muntu aliija ituungo lenaa mokhalemanya.
Motomami mkhapanga no motomami yunaa nkha mkhapanga
Luka 12:41-48
45“Yesu akavawolya vahemba vakwe, akipaala, Ananuu yunaa a motomami mkhapanga no owa masala? A oyoo yunaa mwene wakwe amotolagaa avimelele vatomami vayakwe khokhayakwe, ili awee akhovapeela endya khwi ituungo la khapanga. 46Afunyelagwaa motomami oyoo, kete meyaa wakwe panaa alatuwa, alamopikha akhotomama gechoo. 47Nkhovaweela khapanga, meyaa wakwe alamotola awee mwimeleli wa nsao jakwe jensi. 48Ila motomami mobe, alipalela mwenee kete, meyaa wakwe alatin'ya khotuuwa, 49nanoyo andya khovakowa vatomami vayakwe, nanayo andya kholya modugo no khong'weela modugo palomwi ne vakholwe. 50Apenee meyaa wakwe alatuwa nsiko yenaa motomami akhayewela ne ituungo lenaa akhalemanya. 51Meyaa wakwe alamokowa vikhamu no khomosoomba khonaa vapwale vanaa vakhwinoja vasoga. Okhoo valakota no kholoman'ya mino khwa osaati.
നിലവിൽ തിരഞ്ഞെടുത്തിരിക്കുന്നു:
Mateo 24: NTKIBL2025
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Kimbu @The Word for The World International and Kimbu Language translation, 2025. All rights reserved.
Mateo 24
24
Yesu akhopalela khonoonwa khwa Nyoomba ya Matuunda
Maluko 13:1,2; Luka 21:5,6
1Yesu aleapuma kho ibololo la Nyoomba ya Matuunda ili awooke, vahemba vakwe vakamopetela ili vamolagele majeengo ga Nyoomba ga Matuunda venaa gakhonogela. 2Apenee Yesu akavaweela, “Avyenee, seji mokhogawona ega gensi majeengo ga Nyoomba ya Matuunda venaa manogu. Ila nkhovaweela khapanga, khotopo ninga ibwee lemwii lenaa lelasiga pachanya ya leenge, gensi galabomolwa.”
Magayo no ogayi ganaa giijile
Maluko 13:3-13; Luka 21:7-19
3Apenee Yesu akapuma akapeta kho ketonda cha Mizeituni no khwikhala okhoo, vahemba vakwe vamopetela valeemwi no khomowolya, “Khowelee mpola ejoo, jelapumela nale? Khanke, a kento kee kenaa kelalagela wijelo wakhoo no odugo wa liwelelo?”
4Yesu akavaweela, “Mwiyangalelage visoga, muntu yeyensi akhiije avapepele. 5Kho nguno vantu vinki valiija no khotomela lina laane, no khopaala, ‘Onene amwenee Kilisto.’ Vantu ewa valavapepela vantu vinki. 6Kho ituungo eloo molategeela mpola ja wologo palomwi ne mepwepweto ja wologo, ila mokhatungumale kho nguno ega gensi gakhopogiwa khopumeela, ila odugo olaawa okhale okhapikha. 7Nse yemwii elikowa ne nse yeenge, ne vantu va owami womwii olikowa no owami woonge. Palaawa ne njala lofufu palomwi ne malindimya galapumela kho lwande jensi. 8Ega gensi galaawa kete mwandyo wa osaati wa mokhiima yunaa akhopooga khwitungola.
9“Khwi ituungo eloo, vantu vensi va paliwelelo valavasimbela onywenywe, valaawa vakhovagweela, no khovagayanjaa no khovawolaga kho nguno mokhongoomba onene. 10Apenee vantu vinki valalekha khongoomba. Nanevo valaawa vakhwigalokha no khwisimbela venee khwa venee. 11Avivyoo khwi ituungo eloo, valapumela valooti vinki va opepi, nanevo valavapepela vantu vinki. 12Khanke, vantu vinki valalekha khwitogwa kho nguno mabe galaawa gongelekhaga. 13Ila yeyensi yunaa alikhamelelya mpakha kho odugo, amwenee yunaa Matuunda alamopon'ya. 14Apenee, Mpola Nsoga ya owami wa Matuunda elatengwa kho liwelelo lensi, ili vantu va nse jensi vategeele okhombe wa khapanga wa Matuunda. Ne ituungo lenaa vantu vensi valaawa vategelaga mpola yakwe, apenee panaa odugo oliija.
Nsiko ja magayo makolo
Maluko 13:14-23; Luka 21:20-24
15“Epoo pamyakha, Danieli molooti wa Matuunda, aleapalaa geeke, Ituungo eloo panaa molawona kento cha khosimbya ne kenaa kekholeeta onooni kepwale mokhate ya Nyoomba ya Matuunda, no oyoo yunaa akhosoma, amanye. 16Epoo, vantu vensi vanaa valaawa kho Yudea, viije vakembelelage kho vetonda. 17Yeyensi yunaa alaawa pachanya ya nyoomba yakwe, akhatelemoke khosola chechensi mokhate mwakwe, ila akembele. 18Avivyoo, no muntu yunaa alaawa kho mogoonda, akhatuwe khosola ikhoti lakwe, ila akembele. 19Kholavawonela losongo vakhiima vanaa valaawa vatite ndaa ne vanaa valaawa vakhoncha vana kho nsiko ejoo. 20Molombagi Matuunda ili khokembela khwenyu khokhawe ituungo la mpepo nkhakha ao Nsiko ya Khosuupa. 21Kho nsiko ejoo, vantu valapata magayo makolo modugo, ganaa gakhale gapumelage khopuma khowombwaa khwa liwelelo mpakha seji, ninga gechoo, khotopo giije gapumeele khanke magayo kete egoo. 22Ne mbe Matuunda angaaleke khopongolya nsiko ja magayo, khotopo ninga muntu yomwii yunaa angaalapona khofwa. Ila Matuunda alapongolya nsiko ejoo kho nguno ya vantu vanaa aleavasagolaa. 23Kho nsiko ejoo, muntu mbe alavawela, ‘Kunagi, Kilisto apwale epa,’ ao ‘Apwale okhoo’ mokhiije momogombe. 24Kho nguno valiija valooti va opepi ne vantu vanaa valaawa vakhwiyeeta evenee a Kilisto. Nanevo valanoja lomekho nkolo ne matuntumu ganaa galakhowola khovapepela ninga vantu vanaa valevasagolwa no Matuunda. 25Tegelelaji, navawelaga ega gensi panaa gakhale gapumeele.
26“Ninga mbe vantu valavawela, ‘Kilisto apwale kho itenengwa,’ mokhiije mogemage khopeta okhoo, ao ninga mbe valavawela ‘Kilisto iswekhagaa mokhate,’ mokhiije mogombage. 27Manyagi kete khwija khwa Mwana wa Muntu, kholaawa khwa khotimpokelya. Kholaawa kete lopwiito venaa lokhomweenkha khwa khotimpokelya khopuma keeya ne apaponye ekhwigela kho meli.
28“Kho nguno pepensi panaa palaawa ne vechi, epoo apenee ne mbesi jelaawa jakonganaga.
Khwija khwa Mwana wa Muntu
Maluko 13:24-27; Luka 21:25-28
29“Magayo gensi panaa galakela, lyonse lelaketelwa kiiti, no mweli golalekha khopumyaa welo khanke, ne njota nanejo jelaagwa panse, no Matuunda aladegandeja kela kento cha khochanya. 30Epoo apenee lomekho ya Mwana wa Muntu eligela khochanya khwa Matuunda. Ne vantu vensi va liwelelo valakota modugo, ne valamowona Mwana wa Muntu ijilee mo maluunde khopuma khochanya khwa Matuunda oko atite ngulu akilageela olaala wakwe. 31Nanoyo alavatoma vatomami vakwe va pachanya, nanevo valakowa mbuuto yenaa ekhokoota vikhamu, ne valavakongan'ya vantu vakwe vanaa aleavasagolaa khopuma kho lwande jensi ja liwelelo.
Kento cha khwiliga khopuma kho ipeke la motini
Maluko 13:28-31; Luka 21:29-33
32“Iligagi mofwano ogo khopuma khwi ipeke la motini. Ituungo lenaa molawona matiti gakwe madagadu no olowa wakwe okhowelekha, manyagi kete ituungo la mbula ja mwandyo, watelelaga. 33Avivyoo, nanyu panaa molawona egoo gakhopumeela, manyagi kete, ituungo la khwija khwa Mwana wa Muntu latelelaga. 34Nkhovaweela khapanga, vantu va keleli eke khotopo vasile panaa mpola ejoo jensi jekhale jepumeele. 35Khochanya khwa Matuunda ne liwelelo velakela, ila mpola jaane khotopo jiije jikele ninga nsiko yemwii.
Khotopo yunaa amanyile nsiko ninga ituungo
Maluko 13:32-37; Luka 17:26-30,34-36
36“Ila khougela nsiko ya khwija khwa Mwana wa Muntu, khotopo yunaa amanyile, ninga vatomami va khochanya khwa Matuunda, ninga Mwana, vensi vakhamanya, ila Daada topo aleemwi amwenee amanyile. 37Kete venaa angile epwale kho ituungo la Nuhu, avyenee venaa elaawa ituungo la Mwana wa Muntu panaa alaawa ijilee. 38Kho nsiko ejoo, panaa mbula nkolo angile ekhale etoonye no khokenkelelya meje minki, vantu angile vakholya no khong'weela, vakhotoola no khotoolwa, mpakha panaa yaleyapikha nsiko yenaa Nuhu aleingelaa mokhate ya ipogo ikolo yenaa ekhwetwa safina. 39Vantu evoo valevakhamanya chanuu kenaa kelapumela, mpakha panaa mbula nkolo modugo yaletoonya, ne meje minki gavawolaga vantu vensi. Gechoo avyenee venaa elaawa ituungo lenaa Mwana wa Muntu alaawa ijilee. 40Khwi ituungo eloo, vantu vawele valaawa khomogoonda. Yomwii alasolwa no yoonge alalekhwa. 41Vakhiima vawele valaawa vakhosha palomwi, yomwii alasolwa no yoonge alalekhwa.
42“Gechoo, keyolagi patopo khokhatala, kho nguno mokhamanya nsiko ninga ituungo lenaa Mwene wenyu alatuwa. 43Momanyile visoga kete mokhalakhaye angakhamanya ituungo lenaa mwiwi alaija khwiwa, angakhakeyola ili mwiwi akhabomole nyoomba yakwe. 44Avivyoo, ninga nanyu keyolagi, kho nguno Mwana wa Muntu aliija ituungo lenaa mokhalemanya.
Motomami mkhapanga no motomami yunaa nkha mkhapanga
Luka 12:41-48
45“Yesu akavawolya vahemba vakwe, akipaala, Ananuu yunaa a motomami mkhapanga no owa masala? A oyoo yunaa mwene wakwe amotolagaa avimelele vatomami vayakwe khokhayakwe, ili awee akhovapeela endya khwi ituungo la khapanga. 46Afunyelagwaa motomami oyoo, kete meyaa wakwe panaa alatuwa, alamopikha akhotomama gechoo. 47Nkhovaweela khapanga, meyaa wakwe alamotola awee mwimeleli wa nsao jakwe jensi. 48Ila motomami mobe, alipalela mwenee kete, meyaa wakwe alatin'ya khotuuwa, 49nanoyo andya khovakowa vatomami vayakwe, nanayo andya kholya modugo no khong'weela modugo palomwi ne vakholwe. 50Apenee meyaa wakwe alatuwa nsiko yenaa motomami akhayewela ne ituungo lenaa akhalemanya. 51Meyaa wakwe alamokowa vikhamu no khomosoomba khonaa vapwale vanaa vakhwinoja vasoga. Okhoo valakota no kholoman'ya mino khwa osaati.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Kimbu @The Word for The World International and Kimbu Language translation, 2025. All rights reserved.