Málkus 9
9
1Yésuse uwɔnduguɔyidɛn bɔ́ áneé: «Uguá meliŋ, yɔɔ́núɔyɔn buɔ́, bandɔ bómodi bányɛ uguá ɔlɔŋ ɔhuɔ́ ebédienéguénú kandabá áneé bámán Uhaluá gugilebe na buŋaŋa.»
Gubínúgie guá nuɔ́l guá Yésuse
(Mat 17.1-13; Lúk 9.28-36)
2Egélém gá mɔɔ́sɛ mátíndádɔ, Yésuse uwɔgɔ́l Piéle, Sák na Sáŋa. Uwɛɛ́d nɔɔ́nɔb uguá giandá giá ɔŋuɛnyɛ bámuanyɛ na bámuanyɛ. Uwenúgie nuɔ́l nuég ɔgɔ́b gá eŋís, 3bisɔn biég ibíond budányɛ fuúum, bubudányɛ ubuɔ́ ta mɔndɔ omódi eguísi agá udiabá wa guélígie. 4Egélém agányɛ na Elí na Mɔ́sɛsa, abáhámínɛn bɔ́ abán bɔ́ bɔ́ya mayɔ na Yésuse. 5Piéle uwɔyidɛn Yésuse áneé: «Ehuínyihuínyi, búnyɛ beseé áneé dibá agá digíga hɔ́. Ánaá díhág bilál bídádɔ, giáhɔ gímomi, giá Mɔ́sɛsa gímomi, giá Elí gímomi.» 6Umasámúnyan buand ubuɔ́ úmɔya, gá giagiá bámabiá bugádɔ giod. 7Gilɔnd igíónoól, igíéhúgígen bɔ́. Uguá gilɔnd uguɔ́g, ugélu uhúónoólónín guɔ́, húɔya áneé: «Uyɔ unyɛ mbanda yamɛ ya muɔ́n, ɔbɔ́nínɔ́n yɔ́.» 8Hɔ́nɔhɔ́, bebinene abábígagalɛd, kanduguán mɔndɔ omodi, pɛ́ŋ bámuanyɛ na Yésuse.
9Bémeégédúnúgén gɔg ɔŋuɛnyɛ, Yésuse uwegíndídin bɔ́ áneé: «Nudiɔyídɛ́n ta mɔndɔ buand ubuɔ́ númán, gueneg haná Muɔ́n wa mɔndɔ wónólosiondónú uguá nusɔ́da egélém gég gá nigué.» 10Ɔbɔ́b gigodi igigányɛ, gɔgaá bóbíóhon áneé: «Giagɛ igínya andá gɔg áneé guosiond uguá nusɔ́da egélém gá nigué?»
11Egélém obóhún Yésuse áneé: «Giagɛ igiɛ́ belinsibigodi bɔ́yɔnɔ́ áneé Elí wonógoguosiond?» 12Uwondinye bɔ́ áneé: «Ɛɛ́ɛ! Elí wonógoguól gá guaŋanan muand gidigid, gá giagiá Ŋŋɔ́ŋɛ síɔ́guɔya áneé Muɔ́n wa mɔndɔ wɔnɔ́bígɔn giod, bónd básɛ́ŋ yɔ́? 13Ahá! Yɔɔ́núɔyɔn buɔ́, Elí umoól, gúu bámal yɔ́ buá gidigid ubuɔ́ bɔ́mɔya, hana Ŋŋɔ́ŋɛ símɔya gég gá busió.»
Yésuse uméhémié muúŋayɔ gilɔg giá gileénde
(Mat 17.14-21; Lúk 9.37-43)
14Bémeémédúnúg ɔŋuɛnyɛ, ebésieg agaá bebinene bómodi bémésíen, abán giíŋ gísegéŋélidie bɔ́, belinsibigodi béségenye nɔɔ́nɔb. 15Bandɔ bámaánaguán Yésuse, ebéséhén, abídan na ɔdɛ́d gá bígélígelie yɔ́. 16Uwoóhún belinsibigodi áneé: «Giagɛ igiɛ́ núségenyeé na bebinene bámɛ?» 17Mɔndɔ omodi uguá giíŋ uwondinye áneé: «Ehuínyihuínyi, nsoguólín na muɔ́n wámɛ, ugódi gilɔg giá gileénde igíényenyeé yɔ́ gugálgal. 18Hɔɔ́m gidigid ɔhɔɔ́ gíségimbin yɔ́, gídiá yɔ́ eguísi, bibuís bíɛ́d gá háman yɔ́ uguá niíd, ubíbanda bigeléd. Nuɔ́l nuég nudúmbie gulalimɛn. Mmóbísógólídíe bebinene báhɔ áneé béhémie gilɔg giá gileénde giáguɔ́ gímágáŋ bɔ́.» 19Uwɔyidɛn bɔ́ áneé: «Banuá, bandɔ bá kanduguágan ɔdɛ́m ɔbɔ, búóguóhon andá binɛŋ bínig biá guandagíga naánanɔ?» Andá bisigɛl bínig ŋŋanúaganinaá a? «Ŋŋólínón na muúŋayɔ ugányɛ aga.» 20Obólín yɔ́ gɔg neéneg. Uyɔɔ́ gilɔg giá gileénde gímán Yésuse, igíéyiŋkidin muúŋayɔ na bugaga, uwagua eguísi, uwebíbúŋúle, uwehémenye bibuís uguá niíd. 21Yésuse uwoóhún gá síe weg áneé: «Bugányɛ mɔɔ́sɛ ménig neéneg?» Síe uwondinye áneé: «Gubulin gá buábuáya weg, 22ginɛŋ gidigid gilɔg giá gileénde igigányɛ gíɔ́nɔhɔn yɔ́ agá yoógi naá uguá mimbi, gíámba guɔ́n yɔ́. Mmába gɔg anyɛ wa gual buand, díán bulɔ́b adíhagɔn!» 23Yésuse gég áneé: «Ɔɔ́dɔguna áneé mmába nnyɛ wa gual buand a? Mɔndɔ uwaáganaá ɔdɛ́m agá Uhaluá unyɛ wa gual buand gidigid.» 24Hɔ́nɔhɔ́, síe wa muúŋayɔ uwedúmbie guhéhídinye áneé: «Yaáguágan ɔdɛ́m, ŋŋígín gɔg ɔmbɔ́g gá giagiá, guág guámɛ guá ɔdɛ́m gúnyɛ meyú!» 25Yésuse umaámáan giod giá bandɔ egég gá buáyɛ uwaánsídɛn gilɔg giá gileénde na ilúnd áneé: «Gilɔg giá gileénde igíényenyeé gugálgal na guɔ́bɔn, yɔ́guɔyɔn buɔ́, hám uguá muúŋayɔ ugányɛ, odiondúguond guɔ́ ta buɔ́sɛ!» 26Gilɔg giá gileénde igíɔ́nsɔ́lɛ́d, igíónd igíéyiŋkidin muúŋayɔ na bugaga, igíáhám, uwɔlɔbɛn agányɛ hana gilɔ́ŋ, giod giá bandɔ igímábá hɔ́ igíɔ́ya áneé: «Umégué.» 27Yésuse uwegimbin yɔ́ gɔg uguá ɔmbɔ́g, uwediginye yɔ́, muúŋayɔ uwedélímin. 28Yésuse umeémégúg agá nihiá, bebinene bég ɔbɔ́gɔ́gɛ́ɛd yɔ́ agá buáyɛ, obóhún yɔ́ gɔg áneé: «Gá giagɛ gilɔg giá gileénde igigányɛ gísádígáŋ basuá guhémie?» 29Uwondinye bɔ́ áneé: «Búnyɛ pɛ́ŋ na mbísógóli bánya béhémenye ninam niá bilɔŋ niá bilɔg biá bileénde inigányɛ.»
Gidógínye giá gáandɛ giá giɔ́bíga na hám uguá gibɛ́l
(Mat 17.22-23; Lúk 9.43-45)
30Obólígie agányɛ abádúmbanɛn uguá gibéyi giá guísi giá Galilé na bubágál. Yésuse umasúguɔya áneé bálɛns hɔɔ́m ɔhɔɔ́ úmabá, 31gá giagiá umabá uhuínyihuinye bebinene bég. Wɔyɔn bɔ́ áneé: «Bágasílɛ́ɛg Muɔ́n wa mɔndɔ uguá imbɔ́g siá bandɔ bɔ́n yɔ́, buɔ́sɛ buá gádádɔ buég buá nigué, uhám uguá gibɛ́l. Wosiond uguá nusɔ́da.» 32Gɔgaá, bebinene bɔ́mɔsúguɔ́bɔn gɔg ndínyi ya nugálɔ unugányɛ, bédíne guóhún yɔ́ gá gueleé usalunɛn bɔ́.
Ányá unyaá ɔgɔ́n
(Mat 18.1-5; Lúk 9.46-48)
33Ebéneg Kafalnawúm. Bémeémébíŋín uguá giansɛ, Yésuse uwoóhún bebinene bég áneé: «Bumayɔ bulum ubuɔ́ núságuɛ́d nuɔya uguá ŋŋil?» 34Abáhádan, gá giagiá bámabá bɛ́d béségényé buónyi buá lɛns mɔndɔ unyaá ɔgɔ́n uguɔ́b guá ɔlɔŋ. 35Yésuse uwedugumin gɔg, uwɔdɔ́ŋɛ́ɛn bebinene bá báad na báandɛ úmuanyɛ gɔ́b áneé: «Mmába mɔndɔ waáguamba gubá wa busió uguánɔ guá ɔlɔŋ, ugódie áneé ubá wa nsúgúdinye gá bandɔ gidigid, wond ubá edúmébi wa bandɔ gidigid.» 36Egélém uwɔgɔ́l muúŋayɔ uwedélíminye yɔ́ ɔgɔ́b gá busió, uwɔbígɔ́gídɛn yɔ́ úmuanyɛ gɔ́b gɔg áneé: 37«Ugíndíganaá muúŋayɔ hana uyɔ gámɛ gá busió, tábɔ́ áneé umáŋíndígɛn yaŋuá mbánan, súsɔ́n usáŋíndígɛn, búdibá pɛ́ŋ yaŋuá úmágíndígɛ́n, umágíndígɛ́n súsɔ́n mɔndɔ umaándɔ́m.»
Mɔndɔ udiádíbɛ́n unyɛ naánasɔ
(Lúk 9.49-50)
38Sáŋa uwɔyidɛn Yésuse áneé: «Ehuínyihuínyi, dián mɔndɔ uhémenye bilɔg biá bileénde na ɔhɛ́n huáhɔ, gúu diámbá guenye yɔ́, gá giagiá udibá naánasɔ.» 39Uwondinye yɔ́ áneé: «Nudienyé yɔ́, gá giagiá mɔndɔ udibá wa gual giseyi na ɔhɛ́n huámɛ, hɔ́nɔhɔ́ wanduguɛ́d gá ŋŋálgalɛn. 40Gá giagiá, udiádíbɛ́n unyɛ naánasɔ. 41Mɔndɔ uwanánúhuánɔ́ nnyéli ya mimbi má bíhuá gá giagiá nuɔ́guɔ́bɔnɛn na Klístus, uguá meliŋ, yɔɔ́núɔyɔn buɔ́, ugányɛ wanádáŋáab binam biég.»
Gisilidine
(Mat 18.6-9; Lúk 17.1-2)
42«Unyaá wa gusinye maná muúŋayɔ omodi uguá gilɔga, uguá ɔlɔŋ huá biáyɔ ibiɛ, ibíágánaá ɔdɛ́m agámɛ, búnyɛ beseé áneé, bádɔ́ŋ yɔ́ giandá giá nidányɛ agá ugélu bɔ́nɔnɔh yɔ́ uguá máŋ. 43Mmába búnyɛ ɔmbɔ́g huáhɔ húhúdúmanaá uguá bilɔga, sɔ́mb huɔ́, búnyɛ beseé áneé enebíŋín uguá nusɔ́da nuá ságásagá na ɔmbɔ́g húmomi, gudɔ́mb áneé abia imbɔ́g siáhɔ iŋim gá guɛ́d naá siɛ́ agá yoógi hiá ságásagá ihídiéhuén ta buɔ́sɛ. 44[Agányɛ hɔ́ ŋŋih isídɔ́gílɔnɔ́ nuɔ́l sídieguén. Yoógi súsɔ́n hídiéhuén hɔ́ ta buɔ́sɛ.]#9.44 Mubu múmodi mudígódi ɔlɔŋ uhuɔ. 45Mmába búnyɛ nugɔ́nd núnúdúmanáa uguá bilɔga, sɔ́mb nuɔ́, búnyɛ gáhɔ beseé áneé, enebíŋín uguá nusɔ́da nuá ságásagá na nugɔ́nd númomi gudɔ́mb áneé abia dugɔ́nd dum, bɔ́nɔnɔh agá yoógi hiá ságásagá. 46[Agányɛ hɔ́ ŋŋih isídɔ́gílɔnɔ́ nuɔ́l sídieguén. Yoógi súsɔ́n hídiéhuén hɔ́ ta buɔ́sɛ.]#9.46 Mubu múmodi mudígódi ɔlɔŋ uhuɔ. 47Mmába búnyɛ niís niáhɔ nínídúmanaá uguá bilɔga, sɔ́gɔ́n niɛ́, búnyɛ beseé áneé enebíŋín uguá Niguili niá Uhaluá na niís nímomi gudɔ́mb áneé egimbe eŋís yahɔ eŋim, bɔ́nɔnɔh agá yoógi hiá ságásagá. 48Agaá ŋŋih isídɔ́gílɔnɔ́ nuɔ́l sídieguén naá agá yoógi ihídiéhuén ta buɔ́sɛ. 49Yoógi híónóndie mɔndɔ gidigid gusam haná nigɔ́b níóndonyeé mebuŋ. 50Nigɔ́b nínyɛ ginɔ́g giá buand, gɔgaá nigɔ́b nímánídiandábia gusam guég, naánanyá ányá wa gondúguondie niɛ́ gusam? Ánaá núbianan nigɔ́b uguánɔ guá duɔ́l, nuond nusɔ́dɔn uguá bumbénu banuá na banuá.»
നിലവിൽ തിരഞ്ഞെടുത്തിരിക്കുന്നു:
Málkus 9: EKM
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Málkus 9
9
1Yésuse uwɔnduguɔyidɛn bɔ́ áneé: «Uguá meliŋ, yɔɔ́núɔyɔn buɔ́, bandɔ bómodi bányɛ uguá ɔlɔŋ ɔhuɔ́ ebédienéguénú kandabá áneé bámán Uhaluá gugilebe na buŋaŋa.»
Gubínúgie guá nuɔ́l guá Yésuse
(Mat 17.1-13; Lúk 9.28-36)
2Egélém gá mɔɔ́sɛ mátíndádɔ, Yésuse uwɔgɔ́l Piéle, Sák na Sáŋa. Uwɛɛ́d nɔɔ́nɔb uguá giandá giá ɔŋuɛnyɛ bámuanyɛ na bámuanyɛ. Uwenúgie nuɔ́l nuég ɔgɔ́b gá eŋís, 3bisɔn biég ibíond budányɛ fuúum, bubudányɛ ubuɔ́ ta mɔndɔ omódi eguísi agá udiabá wa guélígie. 4Egélém agányɛ na Elí na Mɔ́sɛsa, abáhámínɛn bɔ́ abán bɔ́ bɔ́ya mayɔ na Yésuse. 5Piéle uwɔyidɛn Yésuse áneé: «Ehuínyihuínyi, búnyɛ beseé áneé dibá agá digíga hɔ́. Ánaá díhág bilál bídádɔ, giáhɔ gímomi, giá Mɔ́sɛsa gímomi, giá Elí gímomi.» 6Umasámúnyan buand ubuɔ́ úmɔya, gá giagiá bámabiá bugádɔ giod. 7Gilɔnd igíónoól, igíéhúgígen bɔ́. Uguá gilɔnd uguɔ́g, ugélu uhúónoólónín guɔ́, húɔya áneé: «Uyɔ unyɛ mbanda yamɛ ya muɔ́n, ɔbɔ́nínɔ́n yɔ́.» 8Hɔ́nɔhɔ́, bebinene abábígagalɛd, kanduguán mɔndɔ omodi, pɛ́ŋ bámuanyɛ na Yésuse.
9Bémeégédúnúgén gɔg ɔŋuɛnyɛ, Yésuse uwegíndídin bɔ́ áneé: «Nudiɔyídɛ́n ta mɔndɔ buand ubuɔ́ númán, gueneg haná Muɔ́n wa mɔndɔ wónólosiondónú uguá nusɔ́da egélém gég gá nigué.» 10Ɔbɔ́b gigodi igigányɛ, gɔgaá bóbíóhon áneé: «Giagɛ igínya andá gɔg áneé guosiond uguá nusɔ́da egélém gá nigué?»
11Egélém obóhún Yésuse áneé: «Giagɛ igiɛ́ belinsibigodi bɔ́yɔnɔ́ áneé Elí wonógoguosiond?» 12Uwondinye bɔ́ áneé: «Ɛɛ́ɛ! Elí wonógoguól gá guaŋanan muand gidigid, gá giagiá Ŋŋɔ́ŋɛ síɔ́guɔya áneé Muɔ́n wa mɔndɔ wɔnɔ́bígɔn giod, bónd básɛ́ŋ yɔ́? 13Ahá! Yɔɔ́núɔyɔn buɔ́, Elí umoól, gúu bámal yɔ́ buá gidigid ubuɔ́ bɔ́mɔya, hana Ŋŋɔ́ŋɛ símɔya gég gá busió.»
Yésuse uméhémié muúŋayɔ gilɔg giá gileénde
(Mat 17.14-21; Lúk 9.37-43)
14Bémeémédúnúg ɔŋuɛnyɛ, ebésieg agaá bebinene bómodi bémésíen, abán giíŋ gísegéŋélidie bɔ́, belinsibigodi béségenye nɔɔ́nɔb. 15Bandɔ bámaánaguán Yésuse, ebéséhén, abídan na ɔdɛ́d gá bígélígelie yɔ́. 16Uwoóhún belinsibigodi áneé: «Giagɛ igiɛ́ núségenyeé na bebinene bámɛ?» 17Mɔndɔ omodi uguá giíŋ uwondinye áneé: «Ehuínyihuínyi, nsoguólín na muɔ́n wámɛ, ugódi gilɔg giá gileénde igíényenyeé yɔ́ gugálgal. 18Hɔɔ́m gidigid ɔhɔɔ́ gíségimbin yɔ́, gídiá yɔ́ eguísi, bibuís bíɛ́d gá háman yɔ́ uguá niíd, ubíbanda bigeléd. Nuɔ́l nuég nudúmbie gulalimɛn. Mmóbísógólídíe bebinene báhɔ áneé béhémie gilɔg giá gileénde giáguɔ́ gímágáŋ bɔ́.» 19Uwɔyidɛn bɔ́ áneé: «Banuá, bandɔ bá kanduguágan ɔdɛ́m ɔbɔ, búóguóhon andá binɛŋ bínig biá guandagíga naánanɔ?» Andá bisigɛl bínig ŋŋanúaganinaá a? «Ŋŋólínón na muúŋayɔ ugányɛ aga.» 20Obólín yɔ́ gɔg neéneg. Uyɔɔ́ gilɔg giá gileénde gímán Yésuse, igíéyiŋkidin muúŋayɔ na bugaga, uwagua eguísi, uwebíbúŋúle, uwehémenye bibuís uguá niíd. 21Yésuse uwoóhún gá síe weg áneé: «Bugányɛ mɔɔ́sɛ ménig neéneg?» Síe uwondinye áneé: «Gubulin gá buábuáya weg, 22ginɛŋ gidigid gilɔg giá gileénde igigányɛ gíɔ́nɔhɔn yɔ́ agá yoógi naá uguá mimbi, gíámba guɔ́n yɔ́. Mmába gɔg anyɛ wa gual buand, díán bulɔ́b adíhagɔn!» 23Yésuse gég áneé: «Ɔɔ́dɔguna áneé mmába nnyɛ wa gual buand a? Mɔndɔ uwaáganaá ɔdɛ́m agá Uhaluá unyɛ wa gual buand gidigid.» 24Hɔ́nɔhɔ́, síe wa muúŋayɔ uwedúmbie guhéhídinye áneé: «Yaáguágan ɔdɛ́m, ŋŋígín gɔg ɔmbɔ́g gá giagiá, guág guámɛ guá ɔdɛ́m gúnyɛ meyú!» 25Yésuse umaámáan giod giá bandɔ egég gá buáyɛ uwaánsídɛn gilɔg giá gileénde na ilúnd áneé: «Gilɔg giá gileénde igíényenyeé gugálgal na guɔ́bɔn, yɔ́guɔyɔn buɔ́, hám uguá muúŋayɔ ugányɛ, odiondúguond guɔ́ ta buɔ́sɛ!» 26Gilɔg giá gileénde igíɔ́nsɔ́lɛ́d, igíónd igíéyiŋkidin muúŋayɔ na bugaga, igíáhám, uwɔlɔbɛn agányɛ hana gilɔ́ŋ, giod giá bandɔ igímábá hɔ́ igíɔ́ya áneé: «Umégué.» 27Yésuse uwegimbin yɔ́ gɔg uguá ɔmbɔ́g, uwediginye yɔ́, muúŋayɔ uwedélímin. 28Yésuse umeémégúg agá nihiá, bebinene bég ɔbɔ́gɔ́gɛ́ɛd yɔ́ agá buáyɛ, obóhún yɔ́ gɔg áneé: «Gá giagɛ gilɔg giá gileénde igigányɛ gísádígáŋ basuá guhémie?» 29Uwondinye bɔ́ áneé: «Búnyɛ pɛ́ŋ na mbísógóli bánya béhémenye ninam niá bilɔŋ niá bilɔg biá bileénde inigányɛ.»
Gidógínye giá gáandɛ giá giɔ́bíga na hám uguá gibɛ́l
(Mat 17.22-23; Lúk 9.43-45)
30Obólígie agányɛ abádúmbanɛn uguá gibéyi giá guísi giá Galilé na bubágál. Yésuse umasúguɔya áneé bálɛns hɔɔ́m ɔhɔɔ́ úmabá, 31gá giagiá umabá uhuínyihuinye bebinene bég. Wɔyɔn bɔ́ áneé: «Bágasílɛ́ɛg Muɔ́n wa mɔndɔ uguá imbɔ́g siá bandɔ bɔ́n yɔ́, buɔ́sɛ buá gádádɔ buég buá nigué, uhám uguá gibɛ́l. Wosiond uguá nusɔ́da.» 32Gɔgaá, bebinene bɔ́mɔsúguɔ́bɔn gɔg ndínyi ya nugálɔ unugányɛ, bédíne guóhún yɔ́ gá gueleé usalunɛn bɔ́.
Ányá unyaá ɔgɔ́n
(Mat 18.1-5; Lúk 9.46-48)
33Ebéneg Kafalnawúm. Bémeémébíŋín uguá giansɛ, Yésuse uwoóhún bebinene bég áneé: «Bumayɔ bulum ubuɔ́ núságuɛ́d nuɔya uguá ŋŋil?» 34Abáhádan, gá giagiá bámabá bɛ́d béségényé buónyi buá lɛns mɔndɔ unyaá ɔgɔ́n uguɔ́b guá ɔlɔŋ. 35Yésuse uwedugumin gɔg, uwɔdɔ́ŋɛ́ɛn bebinene bá báad na báandɛ úmuanyɛ gɔ́b áneé: «Mmába mɔndɔ waáguamba gubá wa busió uguánɔ guá ɔlɔŋ, ugódie áneé ubá wa nsúgúdinye gá bandɔ gidigid, wond ubá edúmébi wa bandɔ gidigid.» 36Egélém uwɔgɔ́l muúŋayɔ uwedélíminye yɔ́ ɔgɔ́b gá busió, uwɔbígɔ́gídɛn yɔ́ úmuanyɛ gɔ́b gɔg áneé: 37«Ugíndíganaá muúŋayɔ hana uyɔ gámɛ gá busió, tábɔ́ áneé umáŋíndígɛn yaŋuá mbánan, súsɔ́n usáŋíndígɛn, búdibá pɛ́ŋ yaŋuá úmágíndígɛ́n, umágíndígɛ́n súsɔ́n mɔndɔ umaándɔ́m.»
Mɔndɔ udiádíbɛ́n unyɛ naánasɔ
(Lúk 9.49-50)
38Sáŋa uwɔyidɛn Yésuse áneé: «Ehuínyihuínyi, dián mɔndɔ uhémenye bilɔg biá bileénde na ɔhɛ́n huáhɔ, gúu diámbá guenye yɔ́, gá giagiá udibá naánasɔ.» 39Uwondinye yɔ́ áneé: «Nudienyé yɔ́, gá giagiá mɔndɔ udibá wa gual giseyi na ɔhɛ́n huámɛ, hɔ́nɔhɔ́ wanduguɛ́d gá ŋŋálgalɛn. 40Gá giagiá, udiádíbɛ́n unyɛ naánasɔ. 41Mɔndɔ uwanánúhuánɔ́ nnyéli ya mimbi má bíhuá gá giagiá nuɔ́guɔ́bɔnɛn na Klístus, uguá meliŋ, yɔɔ́núɔyɔn buɔ́, ugányɛ wanádáŋáab binam biég.»
Gisilidine
(Mat 18.6-9; Lúk 17.1-2)
42«Unyaá wa gusinye maná muúŋayɔ omodi uguá gilɔga, uguá ɔlɔŋ huá biáyɔ ibiɛ, ibíágánaá ɔdɛ́m agámɛ, búnyɛ beseé áneé, bádɔ́ŋ yɔ́ giandá giá nidányɛ agá ugélu bɔ́nɔnɔh yɔ́ uguá máŋ. 43Mmába búnyɛ ɔmbɔ́g huáhɔ húhúdúmanaá uguá bilɔga, sɔ́mb huɔ́, búnyɛ beseé áneé enebíŋín uguá nusɔ́da nuá ságásagá na ɔmbɔ́g húmomi, gudɔ́mb áneé abia imbɔ́g siáhɔ iŋim gá guɛ́d naá siɛ́ agá yoógi hiá ságásagá ihídiéhuén ta buɔ́sɛ. 44[Agányɛ hɔ́ ŋŋih isídɔ́gílɔnɔ́ nuɔ́l sídieguén. Yoógi súsɔ́n hídiéhuén hɔ́ ta buɔ́sɛ.]#9.44 Mubu múmodi mudígódi ɔlɔŋ uhuɔ. 45Mmába búnyɛ nugɔ́nd núnúdúmanáa uguá bilɔga, sɔ́mb nuɔ́, búnyɛ gáhɔ beseé áneé, enebíŋín uguá nusɔ́da nuá ságásagá na nugɔ́nd númomi gudɔ́mb áneé abia dugɔ́nd dum, bɔ́nɔnɔh agá yoógi hiá ságásagá. 46[Agányɛ hɔ́ ŋŋih isídɔ́gílɔnɔ́ nuɔ́l sídieguén. Yoógi súsɔ́n hídiéhuén hɔ́ ta buɔ́sɛ.]#9.46 Mubu múmodi mudígódi ɔlɔŋ uhuɔ. 47Mmába búnyɛ niís niáhɔ nínídúmanaá uguá bilɔga, sɔ́gɔ́n niɛ́, búnyɛ beseé áneé enebíŋín uguá Niguili niá Uhaluá na niís nímomi gudɔ́mb áneé egimbe eŋís yahɔ eŋim, bɔ́nɔnɔh agá yoógi hiá ságásagá. 48Agaá ŋŋih isídɔ́gílɔnɔ́ nuɔ́l sídieguén naá agá yoógi ihídiéhuén ta buɔ́sɛ. 49Yoógi híónóndie mɔndɔ gidigid gusam haná nigɔ́b níóndonyeé mebuŋ. 50Nigɔ́b nínyɛ ginɔ́g giá buand, gɔgaá nigɔ́b nímánídiandábia gusam guég, naánanyá ányá wa gondúguondie niɛ́ gusam? Ánaá núbianan nigɔ́b uguánɔ guá duɔ́l, nuond nusɔ́dɔn uguá bumbénu banuá na banuá.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക